Dewana banaana hai to dewana bana day
Warna kahin taqdeer tamasha na bana day
Aye dekhnay waalon mujhy hans k na dekho
Tum ko bhi mohabbat kahin mujh sa na bana day
Main dhond raha hun meri wo shama kahan hai
Jo bazm ki her cheez ko parwana bana day
Aakhir koi soorat bhi to ho Khana_e_dil ki
Kaaba nahe banta hai to but_Khaana bana day
Behzad her ek jaam pe ek sajda_e_masti
Her zar'ray ko sang_e_dar_e_jaana'n na bana day
No comments:
Post a Comment