Tuesday, January 4, 2011

Aao tu zara socho Koi taghayyur ho


Aao tu zara socho
Koi taghayyur ho
HaaN kuch tu naya socho


Kehnay ko kahoN Zinda
Sard hay wo shu'la
Dil jis say hay taabinda


Mehroom e hunar kab tak
Phirtay raheingay yooN
Hum khaak basar kab tak


Afsoos tu hota hay
Log jo be-his hoN
Dil dard say rota hay


Dil ghamzada , afsurda
Shu'la nihaN is main
Samjho na isay murda

No comments:

Popular Posts