Hawaa se phir koi khushbu nayi kasheed karain
Nayi rutoN kay liye taazgi kasheed karaiN
Umid ki koi koNpal kabhi na murjhaaye
KhizaaN raseeda shajar se nami kasheed karaiN
Tamaam aablay kaaNtoN se chhaid hi daalaiN
Par aik lamha ko aasoodgi kasheed karaiN
Wo sab hawaalay jo dil maiN mere dhaRkte haiN
Ab un se kaisay hawaalaa koi kasheed karaiN
Kabhi tau jugnu ki soorat andhairi raatoN maiN
Safar ko khwab karaiN roshni kasheed karaiN
Kanaar-e-bahr-e-khyaal-e-hajoom-e-mauj-e-rawaaN
Sha'oor-e-raig se kuch aagahi kasheed karaiN
NikhaaraiN WARD kay pehlu maiN mosim-e-dil ko
Mahak churaayeN tau raNgat kabhi kasheed karaiN
No comments:
Post a Comment