Meri soch main,mere haal maiN bara farq hai
Mere ehd mere khyaal maiN baRa farq hai
Tah-e-maslehat,mera gham nihaaN tera gham ayaaN
Mere karb tairay malaal maiN baRa farq hai
Mere hamnasheeN , mera hamsafar na tu ban saka
Meri lay maiN aur teri taal maiN baRa farq hai
Abhi saaz-e-Gham nahiN laaya aalam-e-haal-o-qaal
abhi jism-o-jaaN ki dhamaal maiN baRa farq hai
Tera husn zaaheri ishq-e-WARD hay bateni
Tere husn is kay jamaal maiN baRa farq hai
No comments:
Post a Comment