Shaam ke ujalo par

Shaam ke ujalo par,
Apny narm hatho sy,
Koe baat achi si,
Koe khawab sacha sa,
Koi bolti kushbu,
Koi Sochta lamha,
Jab bhi likhna chaho gy,
Soch ker daricho sy,
Yaad k hawalo sy,
Mere naam chup chup kar,
Tum ko yaad aay ga,
Hath kaanp jain gy,
Shaam teher jay gi,
Meri Yaad aay gi,
MERI YAAD AAY GI,

Milay kaisay sadiyoon ki pyas aur pani

Milay kaisay sadiyoon ki pyas aur pani, zara phir say kehna
bari dilruba hai yeh sari kahani, zara phir say kehna

kahan say chala tha judai ka saya, nahi daikh paya
kay rastay main thee anso'oon ki rawai, zara phir say kehna

hawa yeh khabar, sunati rahay aur main sunta rahoon
badalnay ko hai ab yeh mausam khazani, zara phir say kehna

mukar janay wala kabhi zindagi main, khushi phir na paiy!
yunhi khatum kar lain, chalo yeh kahani, zara phir say kehna

samay kay samandur, kaha tu na jo bhi, suna, par na samjhay
jawani ki nad'di, main tha taiz pani, zara phir say kehna

yun abhii rahaguzar me.n hai qaid-e-makaam se guzar

yun abhii rahaguzar me.n hai qaid-e-makaam se guzar
misr-o-hijaaz se guzar, paares-o-shaam se guzar



jis kaa amaal hai be-garaz, us kii jazaa kuchh aur hai
huur-o-Khayaam se guzar, baadaa-o-jaam se guzar


garche hai dil_kushaa bahot husn-e-firang kii bahaar
taayarek bula.nd baal daanaa-o-daam se guzar


koh shiGaaf terii zarab tujhase kushaad sharq-o-Garab
teze-hilaahal kii tarah aish-o-nayaam se guzar


teraa imaam be-huzuur, terii namaaz be-suruur
aisii namaz se guzar, aise imaam se guzar

Har taraf hai bikhari hui, Ranginiyaan

Har taraf hai bikhari hui, Ranginiyaan, raanaiyaan
Har qadam par isharaten leti hui angraiyaan
Barh rahi hai god phailai hue ruswaian
Ai gham-e-dil kya karoon, ai wahshat-e-dil kya karoon
Raste mein ruk ke dam le loon meri aadat nahin
Laut kar vaapas chala jaaoon, meri fitrat nahin
Aur koi hamnawa mil jai yeh qismat nahin
Ai gham-e-dil kya karoon, ai wahshat-e-dil kya karoon
Ik mahal ki aarh se nikala woh peela mahtaab
Jaise mulla ka amama jaise baniye ki kitab
Jaise muflis ki jawani jaise bewah ka shabaab
Ai gham-e-dil kya karoon, ai wahshat-e-dil kya karoon

Tum ko chahtey hoey bhi bhool jana acha laga

Tum ko chahtey hoey bhi bhool jana acha laga
Ansoon ko chupa kar muskurana acha laga....

Tum ajnabi they meray liey mager apna jaan kar acha laga
Pehchan to ik pal ki thi,mager sadiyon se jaan kar acha laga

Khaboon main yadoon main tum thay mager tum ko bhulana acha laga
Meri rooh ka ik hissa thay mager khud se juda karna acha laga

Meri zindagi ka sarmaya thay mager tum ko lutana acha laga
Meray armanon ka sawan thay mager tum ko barsana acha laga

Meri khushiyon ka jahan thay mager tum ko mitana acha laga
Khud ko bhool jana aur tum ko yaad karna acha laga

Sab khahishon ko mitana sirf tumhin pana acha laga
Logon k kehney main aana aur sab kuch bhulana bolo kissey acha laga
Yehi to rasm-e-duniya hai isay nibhana acha laga

Woh Kitney Haseen Lamhey They

Woh Kitney Haseen Lamhey They...
Woh Kitney Haseen Lamhey They...
jab hum tum saath hotey they,
woh geelay neem k neechay,
geelee ghaas pe baitha,
chandnee raat main,
main tumharee zulfain gina kerta tha,
aur tum madhosh see masoom se ,
meree soorat taktee theen,
Woh Kitney Haseen Lamhey They...
jab tum merey pehlo main baithee,
un udaas palon ko yaad kia kartee theen,
jab tum mujh se rootha kertee theen,
kuch naraaz naraaz see tumharee soorat,
mujh main khalish see paida kertee thee,
jaisey pooree dunya mujh se rooth gayee ho,
Woh Kitney Haseen Lamhey They...
jab main tumharey kandhey pe ser rakh k,
roya kerta tha,
aur dua kerta tha,
k hum kabhee juda na hon,
tum bhee kia khoob larkee theen,
tum bhee ro dya kertee theen,
phir hum donon,
ek doosrey k,
ansoo poncha kertey they,
aur phir achanak khilkhila k,
hansney lagtey they,
Woh Kitney Haseen Lamhey They...
jab tum ek phool k saath,
mujh se milney aya kertee theen,
aur phir kuch hee dair main,
janey kee zid kia kertee theen,
aur main tumhain,
rokta rehta tha,
woh ek ek lamha gina kerta tha,
aur phir achanak tum,
pyar se khuda hafiz kehteen,
aur,
sangeet kee dhunon kee tarha,
hawa main gum ho jaya kertee theen,
Woh Kitney Haseen Lamhey They...
jab tumharey diyey hoey woh phool,
gin gin ker main rakhta tha,
jin kee khushboo se ,
meree almaree mehek see jatee thee,
aur phir us khushbo main main,
aisa samo sa jata tha,
jaisey merey jeewan main udasee,
Woh Kitney Haseen Lamhey They...
jab tum barkha rut main akeilee,
chhat pe aya kertee theen,
apney sundar haton se,
kaprey phailaya kertee theen,
main ghar kee mundair pe charha,
tumhain hath hilaya kerta tha,
aur rum anjaan se ban k,
neechay bhag jayaa kertee theen,
Woh Kitney Haseen Lamhey They...

Maan lay ab bhi meri jan-e-ada ,Dard na chun

Maan lay ab bhi meri jan-e-ada ,Dard na chun
Kam aati nahi phir koi DUA, Dard na chun...

Aur kuch der main mujh ko chalay jana hoga
Aur kuch der mujhay khuwab dikha ,Dard na chun...

Aik bhi dard na kam hoga kai sadiyon main
Ab bhi kehta hoon tujhay waqt bacha,Dard na chun...

Woh jo likha hai kisi tor nahi tal sakta
Aa meray dil main koi deep jala,Dard na chun....

Main teray lams say mehroom reh na jaon kahin
Aakhri bar mujhay khud say laga,Dard na chun...

Ab to yeh reshmi poorain bhi chidi jati hain
Khud ko ab bakhsh day,Zulam na dha,Dard na chun...

Yeh nahi hoon gay to khali nahi ho jaon ga main
Meray zakhmon say koi geet bana ,Dard na chun...

Kuch na day ga yeh masail say ulajhtay rehna
Chor sab kuch meri bahoon main sama ,Drad na chun...

ek nazam kho gai hai dunya ki wusatoon main

ek nazam kho gai hai
dunya ki wusatoon main
kuch lafz is k gum hain
neelay samandaroon main
kuch harf mit gaey hain
mousam ki barishon main
is ka koi kinara
badal ne le lia
hansoon ki dhaj main is ka
ahang kho gaya hai
unwan-e-raftagan k
khuwaboon main jagta hai
uljhi hui hai hain rahain
main jin pe chal raha hoon
bikhray huay hain manzar
main jin main ghir gaya hoon

is muntashir jahan main
ek nazam dhondta hoon..........

Patta patta, boota boota, haal hamaaraa jaane hai

Patta patta, boota boota, haal hamaaraa jaane hai,
Jaane na jaane gul hi na jaane, baagh to saaraa jaane hai.

Aage us mutkabbar ke ham Khuda Khuda kiya karte hain,
Kab maujud Khuda ko woh maghrur khud-aara jaane hai.

Aashiq saa to saada koi aur na hoga dunya mein,
Ji ke zian ko ishq mein uske apna waara jaane hai.

Chaaraa gari beemari-e-dil ki rasm-e-shahr-e-husn nahin,
Warna dilbar-e-naadaan bhi is dard kaa chaara jaane hai.

Mehr-o-wafa-o-lutaf-o-inait, ek se waqif in mein nahin,
Aur to sab kuchh tanz-o-kanaya, ramz-o-ishara jaane hai.

Aashiq to murdah hai hamesha ji uthta hai dekhe use,
Yaar ke aa jaane ko yakaayak umr do baara jaane hai.

Tashna-e-khun hai apna kitna, Mir bhi naadaan, talkhi-kash,
Damdaar aab-e-tegh ko uske aab-e-gawara jaane hai.

aksar khud se tanha mulakaaton mein

aksar khud se tanha mulakaaton mein
anjaane lamho ki anchhui saugaton me
shafaq me surkh shabnam ki boondon me
uneendi saher aur jaagi-si raaton me
tumhara ehsaas hai,
tumhara ehsaas hai...

meri khushiyon me meri umango me
man me lehrati saari tarango me
tez hawaon se sarsarate patton me
baarish ke baad chhitke satrango me
tumhara ehsaas hai,
tumhara ehsaas hai....

meri yaadon ki galiyon chaubaron me
aaine ke aage khamosh ishaaron me
pehli baarish ki saundhi khushboo me
mere geeton me, mere ashaaron me
tumhara ehsaas hai,
tumhara hi to ehsaas hai...

aaj ke Shab to kisi tor guzar jaigi

aaj ke Shab to kisi tor guzar jaigi!!
raat gehri hai mager Chand chamakta hai abhi!
mere mathay pe tera PYAR damakta hai abhi
mere sansoo main tera lams mehakta hai abhi
mere sapne main tera naam dharakta hai abhi!
zest kerne ko mere pass bohut kuch hai abhi!
teri awaz ka jadu hai abhi mere ley
tere malbose ke khusbo hai abhi mere ley
teri banhen tera pehlo hai abhi mere ley
sub se berh ker meri JAN!!tu haia bhi mere ley
zest kerne ko mere pass bohut kuch hai abhi
aaj ke shab to kisi tor guzar jaige
aaj k bad mager rang e wafa kiya hoga!
Ihsq heran hai sare shehr e saba kiya hoga
mere qatil tera andaze jafa kia hoga!
aaj ke shab to bohut kuch hai mager kal k ley
ek andesha benaam hai aur kuch bhi nahi
dekhna yeh hai k kal tujh se mulaqat k bad
rang e umeed khelay ga k bkher jaiga?
waqt perwaz karay ga k tehar jaiga
jeet ho jaige ya kheel beger jaiga?
khuwab ka shehar rahay ga k ujar jaiga?

bazahir kitna aasan hai

bazahir kitna aasan hai
kisi say baat kar laina
kisi ki baat sun laina
inhi batoon k dhagoon say
rida-y- khawab bun laina
mugar tujh ko khabar kia hai
is kaar -e- kharabi main
muhabbat ka asur kia hai
buhat si qeemty cheezain
yahan par toot jaty hain
humary khwahishain hum par
pas-e-lub muskuraty hain
humara khoon julta hai
humara dum nikulta hai
humara dil machulta hai
hur ik shay k hotay bhi
hur ik munzar badulta hai
kisi say baat mut karna
kisi ki baat mut sunna
kisi ki baat mut sunna

zindagi ke kisi mor per jab kabhi tanha hona

zindagi ke kisi mor per jab kabhi tanha hona
dil se pukar lena or hamein sath pana

kabhi bojhal kadmon se meri dehliz pe ana
nazrein utha lena or hamein sath pana

sach kehte the log koi rehta nahi sath ta umar magar
jab bhi ankhein band kerna hamein sath pana

hum tumhare muntazir rahein ge umar bhar
ana hamare sheher mein to hamein sath pana

hum tumhare the tumhare hein tumhare rahein ge
bus eik sada dena or humein sath pana

tumhari her khushi mein meri khushi hai pinhan
jab bhi muskurana hamein sath pana

Hazaron Khawab Ankhon Mein Saja Kar Kuch Nahi Milta

Hazaron Khawab Koi ik Aadh Sapna Ho Tu Phir Acha Bhi Lagta hai
Hazaron Khawab Ankhon Mein Saja Kar Kuch Nahi Milta

Usey Kehna Ke Palkon Per Na Tanky Khawab Ke Jahlar
Samandar Ki Kinary Ghar Bana Kar Kuch Nahi Milta

Ye Acha Hai ke Aapis Ke Bharam Na Totney Payeen
Kabhi Bhi Doston Ko Aazma Kar Kuch Nahi Milta

Faqat Tum Sey Hi Karta Hoon Men Sary Raz Ke Baten
Har Ik Ko Dastan-E-Dil Suna Kar Kuch Nahi Milta

Amal Ki Sokhty Rag Men Zara Sa Khon Shamil Kar
Mery Ham Dam Faqat Bateen Bana Kar Kuch Nahi Milta

Galiyoun se meri tum ne guzar ker nahin dekha

Galiyoun se meri tum ne guzar ker nahin dekha
Gham yeh hai k khoushioun ne mera ghar nahin dekha

Mehroom hai woh pyar ki dolat se abhi tak
Dil jis ne kahin apna laga ker nahin dekha

Gumnaam hai woh phool gulistaan-e-jahan main
Khushboo ki tarah jis ne bikher ker nahin dekha

Aaiine faqat us ki tasalli k liye ha
Dulhan ki tarah jis ne sanwar ker nahin dekha

Yeh sach hai mera qatl sar-e-aam hai
Kis ka tha mere peat main khanjer nahin dekha

Dil cheer ker nikle hain yeh ashaar mere
Afsous inhein aap ne pharh ker nahin dekha

yeh baatain jhooti baatain hain

yeh baatain jhooti baatain hain
Yeh batain jhooti batain hain, yeh logoon nay phailai hain
tum Insha ji ka naam na lo, kia Insha ji saudai hain?

Hain laakhoon roog zamanay main, kiun ishq hai ruswa baichara
hain aur bhi wajhain wehshat ki, insan ko rakhtein dukhyara
haan baykal baykal rehta hai, ho peet main jis nay dil hara
par shaam say lay kar subha talak youn kaun phiray ga aawara?
yeh batain jhooti batain hain, yeh logoon nay phailai hain
tum Insha ji ka naam na lo, kia Insha ji saudai hain?

Yeh baat ajeeb sunatay ho, wo duniya say bay-aas howay
ik naam suna aur ghush khaya, ik zikar pay aap udas howay
wo ilm main aflatoon sunay, wo shair main tulsidaas howay
wo tees baras kay hotay hain, wo BA MA pass howay
yeh batain jhooti batain hain, yeh logoon nay phailai hain
tum Insha ji ka naam na lo, kia Insha ji saudai hain?

woh phool si muskurahat merey liye hoti

woh phool si muskurahat merey liye hoti
woh masoom shararat merey liye hoti

main us zulf ki chaaon main soo jaata
woh kaali raat merey liye hoti

raat bhar woh ghomaati apna kangan
woh bechayni woh betaabi merey liye hoti

woh ek taara tha khuley aasmaan main
aey kaash woh roshni merey liye hoti

merey wujood main bhi zindagi ka suraagh milta
jo woh munawar nazar merey liye hoti

rishtaa kuch to ban jaata apna bhi
mohabbat nahi na sahi,nafrat merey liye hoti

Kabhi waqt mile to aajao

Kabhi waqt mile to aajao
Ham jheel kinare ja baithen
Tum apne sukh ki baat karo
Hum apne dukh ki baat karain
Aur un lamhoon ki baat karain
Jo sung tumhare beet gaye
Aur ehd-e-khizan ki nazar howy
In sabz ruton k daman mai
Hum pyar ki khushbo mehkain
In bikhray sabz nazaron ko
Ham aankhon men tasveeer karain
Phir apne pyar k jado se
Hum lamhoon ko jageer karain
Kabhi waqt milaye to ajao
Hum jheel kinare ja baithen

Kitab-e-dil pe likhay thay kitnay he afsanay

Kitab-e-dil pe likhay thay kitnay he afsanay
kuch qisse naye thay aur kuch berson puranay
Kuch un ka zikr jo kabhi rug-e-jaan se they qareeb
kuch wo jo aaj bhi lagtay hain begaanay
Kaash aisi koi rut koi moosam aaye
khushiyon bhare geet hum lagein gungunanay
Aaj bhi dil mera is aas pe zinda hia
aik roz to aayein ** wo hum ko mananay
Safha-e-dil ko koi humare perh ker dekhay
khoon-e-jiger se likhay hain sab afsaanay
Guzra howa zamana bhula do zehen se apnay
aatay nahi loat k beetay howe zamanay

Aankhon ka rang, baat ka lehja badal gaya

Aankhon ka rang, baat ka lehja badal gaya
woh shakhs aik shaam main kitna badal gaya 

kuch din to mera aks raha ayeena naqsh
phir yoon huwa k khud mera chehra badal gaya 

jab apnay apnay haal pay ham tum na reh sakay
to kiya huwaa jo ham say zamana badal gaya 

kadmon talay jo ret bichi thi woh chal pari
us nay churaaya haath to sehra badal gaya 

koi bhi cheez apni jageh par nahin rahi
jaatay hi aik shakhs kay kiya kiya badal gaya 

ik sarkhoshi ki moj nay kaisay kiya kamal
wo be niaaz saara ka saara badal gaya 

uth kar chala gaya koi wakfay kay darmiaan
parda utha to saara tamaasha badal gaya 

hairat say saaray lafz usay dekhtay rahay
baaton main apni baat ko kaisay badal gaya 

kehnay ko ik sehan main deewar hi bani
ghar ki fiza makaan ka naqsha hi badal gaya 

shaayad wafa kay khel main uktaa gaya tha woh
manzil kay paas aakay jo rasta hi badal gaya 

qayem kisi bhi haal pay dunyaa nahin rahi
tabeer kho gayee kabhi sapna badal gaya 

manzar ka rang asal main saaya tha rang ka
jis nay usay jidhar say bhi dekha badal gaya 

andar kay mosaamon ki khabar us ko ho gayee
us no bahaar naaz ka chehra badal gaya 

aankhon main jitnay ashaq thay jugnoo say ban gaye
woh muskuraaya aur meri dunyaa badal gayee 

apni gali main apna hi ghar dhoondtay hain log
hanzala yeh kon shehar ka naqsha badal gaya

Jab Tumhein ye Yaqeen ho jaye

Jab Tumhein ye Yaqeen ho jaye
Ke Mai Tumhein kitna Chahthi hu
Tumse kitni Mohabbat karthi hu
Toh ussi Din Tum Laut aana Sanam
Tum mujhe apna paao ge
Jab Tumhain aisa lage ke
Koyi Tumhare sang nahi hai
Koyi Tumhara Hamdam nahi hai
Toh usee Din Tum Laut aana Sanam
Tum Mujhe apna paao ge

Jab Tumhain Zindagi Dushwar lage
Jab koyi Umeed na koyi Aas ho
Koi bhi na Tumhare Paas ho
Toh usee Din Tum Laut aana Sanam
Tum Mujhe apna paao ge

Agar kabhi Yaadein bohat Dukh de
Tanhai ka Ehsaas bohat Sataye
Toh usee Din Tum Laut aana Sanam
Tum Mujhe apna paao ge

Jab yu lage Tumhain ke
Tum ab ek Qadam bhi nahi chal sakte
Mazeed is Aag mai nahi Jal sakte
Toh usee Din Tum Laut aana Sanam
Tum Mujhe apna paao ge

Jab her Saans bhoj lagne lage
Tum andar hi andar Tootne lage
Toh usee Din Tum Laut aana Sanam
Tum Mujhe apna paao ge

Na mile Panah kisi ki Bhahon mai
Aur Shiddat se kisi ki Zaroorat ho
Toh usee Din Tum Laut aana Sanam
Tum Mujhe apna paao ge

Jab Yeh Ehsaas Tumhain Tardpane lage
Ke Tum Ne kabhi Thukraya Tha Kisi ko
Ya Phir koyi Tumhain Thukra de
Toh usee Din Tum Laut aana Sanam
Tum Mujhe apna paao ge

Aankhon mai ajaye agar Ashk Tumhari
Aur koyi Shakhs ponchne wala na ho
Koyi Gham baant-ne wala na ho
Toh usee Din Tum Laut aana Sanam
Tum Mujhe apna paao ge

Koyi Torr de agar Dil Tumhara
Ho agar na koi Muqabil Tumhara
Tanhai ka Ehsaas boht Sataye
To usi Din Tum Laut aana Sanam
Tum Mujhe apna paao ge

Yeh toh Dukh deti hain sada
Tumhain bhi Yaadein Sataye jab
Mehfil mai bhi khud ko Tanha paoo
Toh usee Din Tum Laut aana Sanam
Tum Mujhe apna paao ge

Yeh Mera Wada raha Tum se
Jo kuch bhi maine kaha Tum se
Yeh Sab Na Bhool Paaoge
Tum Mujhe sada, Apna Paaoge Sanam
Mai Teri Hu Aur Teri Hii Rahungi
Her Janam main Sanam

Meri muhabbat per atibaar to kya hota

Meri muhabbat per atibaar to kya hota
Kesi aur ki honey se pehla mera intizar to kya hota 

Ulfat bhari nazron se ek bar dheka to hota
Mere zakhmoh per kabhi ek bar marham to lagaya hota 

Bewafa humhey kahney se pehle
Ek bar azma-e-wafa to kya hota 

Sab kuch bhool kar har rista tor kar
Ek bar tah-e-dil se mere dil per hath to rakha hota 

Bewafa kahney se pehle
Aahed-e-wafa to kya hota 

Dil-e-nash-e-mann mein jo aag lagaye thi tum na
Ek bar usey bhojaya to hota

Bana Gulaab Tou Gulshan Bana Gya Ik Shakhs

Bana Gulaab Tou Gulshan Bana Gya Ik Shakhs!
Hua Charaagh Tou Gher He Jala Gya Ik Shakhs!

Tmaam Rung Mere Aur Saaray Khawaab Mere,,,
Fasaana Thay K Afsaana Bana Gya Ik Shakhs,,,!

Palat Sakoon, Na Main Aagay He Berh Sakoon,,,
Ye Kesay Rastay Pe Mujhay Laga Gya Ik Shakhs!

Mohabtain B Ajeeb Jiski, Nafratain B Kamaal,,,,,,,
Meri He Tarah Ka Mujh Me Sama Gya Ik Shakhs!

Khula Ye Raaz K Aayina-Khaana Hai Duniya,,,,,,,,
Aur Mujhko Iss Me Tamaasha Bana Gya Ik Shakhs!

Tumhain chaha hai shidat se magar tum se kehna paaye

Tumhain chaha hai shidat se magar tum se kehna paaye...
Base hain Dil main mudat se magar tum se kehna paaye...

Tumhari aankhon ne jo chahre pe likha hua dekha hai
Woh kehna tha tum se fursat se magar tum se kehna paaye...

Yeh Dil dete hue hum ko tumhain taqeed karni thi
Is Dil ko rakhna hifazat se magar tum se kehna paaye...

Tumhain kehna tha yeh humne Mohabbat cheez hai aisi
Nahi milti hai jo daulat se magar tum se kehna paaye....

nasha guzrey ga hadh sey aapni

nasha guzrey ga hadh sey aapni
kaif ka saaz toot jahey ga
phair loo aapni madh bari aankhien
aaj sey jaam chooot jahey ga
mahool ku rangeen hum aik rooz bana dien gey
hum khud na peehein gey likan saqi ku pila dein gey
agar jaam raha khali khamosh na baithein gey
saqi teri mehfil main tufan utha dein gey
biqra hua duniya main mil jahey agar koi
mehkhaney main ley aaho insan bana dien gey
eeman ka dar na kar thoori si tu peee shahjee
wada raha KHUDA sey hum mafi dila dien gey

sukoot-e-jaan ka matlab batado phir chale jana

sukoot-e-jaan ka matlab batado phir chale jana ...
ya phir sargoshian dil ki suna do phir chale jana ...

jo mera or tumhara waqt guzra hansne rone me
use poori tarah se tum bhulado phir chale jana ...

ye sare perh podhe tum bin ek rut jage hue
tum aake ek baar inko sulado phir chale jana ...

kisi ko chahne ka aur kisi se chahe jane ka
jo hai ehsaas tum usko bhulado phir chale jana ...

bus ek hansi se apne ashkon ko chupane ka
jo fun aata hai tum ko, wo shikhado phir chale jana ...

wo jo ek lafz-e-ulfat hai, juda hai apne maane se
bus in alfaz-o-maane ko mitado phir chale jana ...

jo kehte kehte ruk gaye, un sari batoon ki
sama`at ko talab hai wo suna do phir chale jana...

na jane kyun hai, lekin dekhne ki tum ko aadat hai
meri ye be-wajah aadat churha do phir chale jana ...

mere in roz-o-shab ka ek fakat unwaan bas tum ho
mujhe tum doosra unwaan laado phir chale jana...

Tu Aaina Hai Mujhko Tera Khayal Rakhna Hai

Tu Aaina Hai Mujhko Tera Khayal Rakhna Hai
Kahin Tu Toot Na Jaiy Tujhay Sambhal Rakhna Hai

Harr Ek Masley Ka Teray; Hal Nikaal Rakhna Hai
Zahanat Se Apni Tujhay Hairat Main Daal Rakhna Hai

Gar Jo Kabhi Tu Tark-e-Talluq Ki Baat Karay
Rok Kar Tujhay Kal Pe Taal Rakhna Hai

Teray Dard Ko Chun Lena Hai Palkon Se Apni
Teray Waastey Khud Ko Nidhaal Rakhna Hai

Nahi Doobnay Dena Tujhay Dukh Ke Darya Main
Teray Wajood Ki Naaow Ko Uchaal Rakhna Hai

Balaaon Ko Teri Duaaon Se Rook Loon Apni
Teray Chaar Soo Apnay Hathon Ki Dhaal Rakhna Hai

Sunaoon Aisi Dhunn Kay Na Ho Tujhko Kabhi Talab
Apni Hansi Mein Woh Munfarid Kamaal Rakhna Hai

Na Ho Jaye Kabhi Tujhko Meray Ro Baru Nadamat
Teray Samnay Hamesha Aasan Sawal Rakhna Hai

Bichar Ke Mujhse Na Jaye Tu Dunya Ki Thokaron Main.
Tujhko Apnay Paas Rakh Kar Lazawaal Rakhna Hai

Kho Na Jaye Tu Zindagi Ke Andhairon Main Kahin
Teray Waastay Ujaaloon Ko Ghulam Rakhna Hai

Raha Muntazir Uska Tu Dhoop Main “Ahl-e-WAFA”
Woh Jab Lautay Tou Chaoon Ko Nikaal Rakhna Ha

tu Ne Jo Chonk Kar Her Simth Nigah Ki Hogi

tu Ne Jo Chonk Kar Her Simth Nigah Ki Hogi
Mere Hi Dard-e-Mohabbat Ne Sada Di Hogi

Ye Jo Moti Baraste Hey, Teri Yaad Mein Aksser
Badloon Ne Meri Aankhon Ko Dua Di Hogi

Jhilmillati Hooye Ek Baat Jo Sochi Mene
MeMoN Ne Jaake Ussay Zaroor Bata Di Hogi

Ziker Aaya Jo Kabhi Mera Uss Ki Mehfil Mein
Khefiyet Mittane Ko Uss Ne Baat Ghhuma Di Hogi

Wo Rah Se Guzrey Bhi Plutt Ker Bhi Na Dekhe
Aakhiri Ummed Mareez-e-Ishq ki Bujha Di Hogi

Dill Saada Tu Barra Khush Fehum Hey Lekin MeMoN
Uss Ne Soorat Bhi Teri Kab Ki Bhulla Di Hogi

Naam Koi Bhi Na Le Meri ZINDAGI ka Yahaan
Shehar Mein Uss ne, Yeh MaNaDi karwa Di Hogi

Tanhaiyaan bhi naa mayassar ki hum jee bhar k role

Tanhaiyaan bhi naa mayassar ki hum jee bhar k role,
Manale gham thora sa, k ansuoN ko bhar bhar ke role,
Ansoon jo bahe sare rah, kaise hum unhe chippayen..
Naraaz hai tanhaiyaan ki kaise hum ansuoN ko manaye ..
Beh jo gaye toh mushkil hoga duniya ko samjhana,
Mil jo jaye hume tanhai phir tuh ae ansooN zaroor aana ..
Lekin hai pabandi in ansuoN pe ki aise hi naa chale aana
Zarra tadapane dena humare jazbo ko tab tum aana !!
ChaloIkshayarab nikle hum dhoondne tanhai k ab role..
Manale gham thora sa, k ansuoN ko bhar bhar ke role...

Mere dukh ki koi dawa na karo

Mere dukh ki koi dawa na karo
mujhko mujhse juda na karo

Na khuda ko khudai ka gam hai to phir
doob jao khuda khuda na karo

Yeh sikhaya hai dosti ne hume
dost ban kar kabhi wafa na karo

Ishq ahi ishq yeh mazak nahin
chnd lamhon mein faisla na karo

Mujhe is zindagi se qabal hi nashaad ker detey

Mujhe is zindagi se qabal hi nashaad ker detey
Abhi tanha kiya hai to tabhi berbaad ker detey...

kabhi terey dayaar-e-ishq mai abaad na hota
Dil-e-mehtaab ko aisa dil-e-berbaad ker detey ...

Her ek rabt khatam aur saari aas bhi tooti
Adhoorey khawab se ankhon ko bhi Azaad ker detey...

Mujhe tum kuch bhi kertey mujh se faqat pyar na kertey
Jala ker raakh kertey zindagi berbaad ker detey...

Kiye wadey nibhatey aur mujhe abaad ker detey
Sabhi wadey jo torey mujh ko bhi berbaad ker detey...

Hamein maloom ager hota ke hona wasta gham se
To hum is dil ki nermiyon ko bhi folaad ker detey...

Ager sab kuch mere naseeb ka likha nahi hota
To hum duniya ko bhi dil ki tarah berbaad ker detey...

Maine poocha chand se ke dekha hai kahin

Maine poocha chand se
ke dekha hai kahin
mera yaar sa haseen
Chand ne kaha
Chandni ki kasam, nahi nahi nahi
Maine poocha chand se...

Maine yeh hi jaab tera dhoondha
har jageh shabab tera dhoondha
kaliyon se misaal teri poochi
phoolon ne jawaab tera dhoondha

maine poocha baag se
falak ho ya zameen
aisa phool hai kahin
baag ne kaha har kali ki kasam

Maine poocha chand se...

Ho, Chaal hai ke mauj ki ravaani
Zulf hai ke raat ki kahani
Hont hain ke aaine kawal ke
aankh hai ke mahkadon ki rani

maine poocha jaam se
falak ho ya zameen
aisi meh bhi hai kahin
jaam ne kaha mehkashi ki kasam

Maine Poocha Chand se...

Khoobsurati jo tune paayi
lut gayi khuda ki bas khudaayi
meer ke gazal kahun tujhe main
ya kahun khaiyyaam ki rubaayi

main jo poochun shayaron se
aisa dil nashi
koyi sher hai kahin
shayar kahen shayari ki kasam

Maine poocha chand se ...

shehr e Muhabbat,hijer ka mosaam,ahd e wafa aur mai

shehr e Muhabbat,hijer ka mosaam,ahd e wafa aur mai
tu to is basti se khush khush chala gaya,aur mai?

tu jo na ho to jaisay sub ko chup lug jatti hai
aapas mai kia bateen krtay raat diya,aur mai!!

ser e chaman aadat thi pehlay abb majbori hai
teri talaash mai chal pertay hain bad e SABA aur mai

jisko dekho teri hawa mai pagal phirta hai
werna hum mashreb to nahi thay khalq e KHUDA aur mai

aik to woh hum raaz mera hai phr tera madhaa
bss tera he zkr kia krtay hain ZIYA aur mai

aik zamane bad Faraz ye shair kahay hain maine
aik muddat se milay nahi hain yaar mera aur mai!!!

Phir teri kahani yaad aye

Phir teri kahani yaad aye
Phir tera fasana yaad aya
Phir aaj humari ankho ko
Aik khawab purana yaad aya
Jaltay hen chiraghon ki surat
Har sham teri hum yaadon men
Jab subhu ko shabnam roti hay
Kho jatay hen hum faryadon men
Jab dil ne koi awaz suni
Tera hi tarana yaad aya
Shayad kabhi milna ho jaye
Baithay hen isi arman men hum
Tu nay to kinara pa hi liya
Uljhay hen magar toofan men hum
A jaan e wafa phir aaj humen
Pichla wo zamana yaad aya

Kisi nazar ko tera intezar aaj bhi hay

Kisi nazar ko tera intezar aaj bhi hay
Kahan ho tum k ye dil beqarar aaj bhi hay

Wo vaadiyan, wo fizaaein k hum milay thay jahaan
Meri wafa ka wahiin par mazaar aaj bhi hay

Kisi nazar ko tera intezar aaj bhi hay
Najanay dekh k kyun un ko ye huwa ahsaas

K meray dil pay, unhay ikhtiar aaj bhi hay
Kisi nazar ko tera intezar aaj bhi hay

Wo payar jis k liye hum nay chor di duniya
Wafa ki raagh main ghaayal wo payar aaj bhi hay

Yaqeen nahi hay magar aaj bhi ye lagta hay
Meri talaash may shayad baahaar aaj bhi hay

Kisi nazar ko tera intezar aaj bhi hay
Na pooch kitnay muhabbat k zakhm khaaey hain

K jin ko soch k dil suugawar aaj bhi hay
Wo payar jis k liye hum nay chor di duniya

Wafa ki raagh may ghayal wo payar aaj bhi hay
Kisi nazar ko tera intezar aaj bhi hay

Kahan ho tum k ye dil beqarar aaj bhi hay?

dasht-e-wafa mai pyaas ka alam ajeeb tha

dasht-e-wafa mai pyaas ka alam ajeeb tha
dekha to ek dard ka dariya kareeb tha

guzray jidhar jidhar say tamana kay qafilay
har har ek qadam mai nishaa’n saleeb tha 

kuch asi mehraba’n to na thi hum pay zindagi
kyu har koi jaha’n mai hamra raqeeb tha

kya kya laho say apnay kya hum nay surkhroo
is daur kay nagar ko jo dil say kareeb tha

apna pata to is nay diya tha mujhay karam
mai khud hi khogya to ye mera naseeb tha

mansoob thay jo log meri zindagi k sath

mansoob thay jo log meri zindagi k sath
aksar wohi milay hain bari bay rukhi k sath

majboriyoon ki baat chali hai to mai kahan
hum nay piya hai zaher aksar khushi k sath

chahray badal badal k mujhay mil rahay hain log
itna bura sulook meri sadgi k sath

gar karam ki lai bhi ho , jis main khuloos bhi
mujh ko gazab ka pyar hai us dushmani k sath.

Aarzoo thi humein itna zahe kismat mil jaaye

Aarzoo thi humein itna zahe kismat mil
jaaye
Saari duniya mein kissi se toh mohabbat
Mil jaye
Jeete ji paaya na kuch humne zamaane
Walon
Ab janaaze ko toh rukhsat mil
Jaaye…

Pooch rahe hain, poochne wale
Pooch rahe hain, poochne wale
Lekin hum batlaaye kya
Lekin hum batlaaye kya
Daag is dil ne paaye hain kaise
Daag is dil ne paaye hain kaise
Unko hum samjhaaye kya
Unko hum samjhaaye kya
Pooch rahe hai poochne wale

Kitne daag hain is daaman mein
Kitne daag hain is maathe par
Ho… kitne daag hain is damaan mein
Kitne daag hain maathe par
Jo umko aapna sakte the
Sach hai humein aapnaye kya…
Daag ye dil ne paaye hai kaise
Unko hum samjhaaye kya
Pooch rahe hai poochne wale…

Jo apnon ki basti thi ab
Nagri hai begaanon ki
Jo apnon ki basti thi ab
Nagri hai begaanon ki
Kaun yahaan hai sunnewala
Dil ki baat sunaaye kya
Daag yeh dil ne paaye hai kaise
Unko hum samjhaaye kya
Pooch rahe hai poochne wale…

Pathar ab kya phekh rahe ho
Hum pehle se zakhmi hai
Haan…pathar ab kya phekh rahe ho
Hum pehle se zakhmi hai
Dil par kitne zakhm lage hai
Chodo tumhe ginwaaye kya
Daag ye dil ne paaye hai kaise
Unko hum samjhaaye kya
Pooch rahe hai poochne wale....

tanhay sang dil tanhay

tanhay sang dil tanhay
sang lay..... yaad teri sang lay
baar baar woh bahaar phir se yaad ay
sooni sooni rah dil ki jisne thi sajay

Tanha dil...roya re....dil roya re.....

har taraf bikhre hain teri yaad ke hi nishan
meri har ek cheez mein hain teri hi parchaiian
tu hi hota hai tu hi rehta hai mujhe mein har dam sada...
pass bhi tu hai door bhi tu hi hai....hai yeh kaisi khala...
Yaad ban ke ashq teri aakhon mein samay..
yaad ban ke ek hasi honton pe to ay....

tanha dil....roya re....dil roya re.....
roya re..dil roya re........


chaand sooraj bhi wahin hain
hai wahin aasaman
zindagi bhi chal rahi hai chal raha hai jahan....
mein hi tehra hoon
khud mein simta hoon
dil hai ghum se bhara....
bin tere kaise jiun mein
kuch to de mashwara
zindagani aisi reh guzer pe mujh ko lay
say se bhi ab tere ho gay juday...


tanha dil ...roya re...dil roya re....
roya re....dil roya re.........

Apnay haathon sai yun chehray ko chhupaate kyon ho

Apnay haathon sai yun chehray ko chhupaate kyon ho
Mujh se sharmaate ho to saamane aate kyon ho 

Tum kabhi meri tarah kar bhi lo iqaraar-e-vafaa
Pyaar kartay ho to phir pyaar chhupaate kyon ho 

Ashk aankhon me meri dekh ke rotay kyon ho
Dil bhar ataa hai to phir dil ko dukhaate kyon ho 

In se vaabastaa hai jab mera muqaddar phir tum
Mere shaanon se ye zulf hataatay kyon ho 

Roz mar mar ke mujhe jeenay ko kehtay kyon ho
Milnay aatay ho to phir laut ke jaatay kyon ho...............

apni tanhaiyon main

apni tanhaiyon main
koi saya bhi nahi
apni tanhaiyon main
koi saya bhi nahi
koi apna bhi nahi
koi paraya bhi nahi

kise awaz doon
kise awaz doon
kise awaz doon
kise awaz doon

sari jhotee batein hain
din apnay na ratein hain
sari jhotee batein hain
din apnay na ratein hain
pal pal ek kahani hai
jo jeewan bhar dohrani hai

kise awaz doon
kise awaz doon
kise awaz doon
kise awaz doon

chehray kya tasveerein hain
na khwab hai na tabeerein hain
chehray kya tasveerein hain
na khwab hai na tabeerein hain
aas hai jo keh jeevan bhar
uljha uljha bhandan... hai

kise awaz doon
kise awaz doon
kise awaz doon
kise awaz doon

apni tanhaiyon main
koi saya bhi nahi
apni tanhaiyon main
koi saya bhi nahi
koi apna bhi nahi
koi paraya bhi nahi

kise awaz doon
kise awaz doon
kise awaz doon
kise awaz doon

YaQeen Kar Lo Sar Se Paaon Tak Zameen Se Neele Aasman Tak

Yaqeen Kar Lo Sar Se Paaon Tak Zameen Se Neele Aasman Tak,
Teri Tamanna Mein Jee Rahe Hai Judayi Ka Zeher Pee Rahe Hai,
Na Tairgi Ka Mizaj Dekha Na Roshni Ka Khiraj Dekha,
Chale Hai Teri Nagar Ke Jaanib Ruke Hai Teri Nazar Ki Jaanib,
YaQeen Kar Lo Ke Aasman Bhi Tumhare Dil Ka Ye Aashiyan Bhi,
Meri Wafa Ka Ameen Hoga Aise Bhi Mujh Par YaQeen Hoga,
Haan Dooriyon Ka Sabab Batao Ye Kaisa Khud Par Gazab Batao,
Batao Wo Dilki Pyaari Baatein Na Keh Sake Jo Wo Pyari Baatein,
Batao Khuf-O-Hiras Kyon Hai Tumhare Andar Ye Pyaas Kyon Hai,
Kyon Mere Nazdeek Aate Aate Jhijhak Ke Kyon Ho Palat Jaate,
Tum Aao Mujh Par YaQeen Kar Lo Mujhe Bhi Dilka Makeen Kar Lo,
Hamein Tumhari Hi Aarzu Hai Hamein Tumhari Hi Justuju Hai...

 

Mohabbat ki asiri say rehai mangtay rehna

Mohabbat ki asiri say rehai mangtay rehna
Bohat aasan nahi hota judai mangtay rehna

Zara sa ishq kar lena,zara si aankh bhar lena
Awiz is kay magar sari khudai mangtay rehna 

Kabhi mehroom honton par dua ka hurf rakh dena
Kabhi wehshat min us ki narsai mangtay rehna 

Wafaon kay tasalsul se mohabbat rooth jati hai
Kahani main zara si bewafai mangtay rehna 

Ajab hai wehshat-e-jaan bhi kh ibadat ho gai
dil ki Sukooot-e-sham-e-gham se humnumai mangtay rehna

Kabhi bachay ka nannhay hath par titli k par rakhna
Kabhi phir us kay rangon se rehai mangtay rehna

kahin aah banke lab pe tera naam aa na jaaye

kahin aah banke lab pe tera naam aa na jaaye
tujhe bewafa kahun main woh maqaam aa na jaaye

zara khud ko sambhalo mera dil dhadak raha hai
koi aur tair-e-dil tah-e-daaman aa na jaaye

jise soonke toot jaaye mera aarzoo bhara dil
teri anjuman se mujhko woh payaam aa na jaaye

woh ke manzilon pe lakar kisi humsafar ko lootein
inhi rehzahon mein tera kahin naam aa na jaaye

yeh mah-o-najoom hans lein mere aansuon pe
mera mehtaab jab tak lab-e-baam aa na jaaye...

badnaam mere pyaar kaa afsaanaa huaa hai

badnaam mere pyaar kaa afsaanaa huaa hai
diiwaane bhii kahate hain kii diiwaanaa huaa hai

rishtaa thaa tabhii to kisii bedard ne todaa
apanaa thaa tabhii to koii begaanaa huaa hai

baadal kii tarah aa ke baras jaaiye ik din
dil aap ke hote hue viiraana huaa hai

bajate hain Khayaalon mein terii yaad ke ghungaruu
kuchh din se meraa ghar bhii pari Khaanaa huaa hai

mausam ne banaayaa hai nigaahon ko sharaabii
jis phuul ko dekhuun wahii paimaanaa huaa hai

Mila Wo b nahi karte, Mila Hum b nahi karte

Mila Wo b nahi karte, Mila Hum b nahi karte
Wafa Wo b nahi karte, Wafa Hum b nahi karte

Unhein Ruswai ka Dukh, Hamein Tanhai ka Darr
Gila Wo b nahi karte, Shikwa Hum b nahi karte

Kisi Morr per Takrao ho jata hai aksar
Ruka Wo b nahi karte, Thera Hum b nahi karte

Jab b dekhte hain Unhein, Sochte hain kuch kahein unse
Suna Wo b nahi karte, Kaha Hum b nahi karte

Lekin! ye b Sach hai k Mohabbat Unhain b hai
Izhaar Wo b nahi karte, Kaha Hum b nahi karte

koi aa kar mera haath thaam lay

koi aa kar mera haath thaam lay'mujhe tanhayon se dar lagta hai,
koi apna keh kar mera naam to le'mujhe har jayo se dar lagta hai,

sama jaye mere wajood main'mujhe judayon se dar lagta hai,
milne ko aajao ik roz mujhe'mujhe ruswayon se dar lagta hai,

dil to chahay apnalon tujhe'mujhe gumrahyo se dar lagta hai,
pinay ko piyo gee bhar kar'mujhe burayo se dar lagta hai,

ishq main doob jaon main bhi'mujhe gehrayon se dar lagta hai,
karlo barbad zindagi apni'mujhe tabahayo se dar lagta hai,
kisay karon pyar ay diwane'mujhe bewafaon se dar lagta hai.....!!!!

Chupke chupke raat din aansoon bahaana yaad hai

Chupke chupke raat din aansoon bahaana yaad hai
Hum ko ab tak aashiqui ka woh zamaana yaad hai

Tujh se milte hi woh kuchh bebaak ho jaana mera
Aur tera daanton mein woh ungali dabaana yaad hai

Chori chori hum se tum aa kar mile the jis jagaah
Muddatein guzareen par ab tak wo thikaana yaad hai

Khench lenaa wo mera parde ka konaa daffatan
Aur dupatte mein tera woh munh chhupaana yaad hai

Tujh ko jab tanhaa kabhii paana to az raah-e-lihaaz
Haal-e-dil baaton hi baaton mein jataanaa yaad hai

Aa gaya gar vasl ki shab bhi kahin zikr-e-firaaq
Woh tera ro-ro ke bhi mujhko rulaana yaad hai

Dopahar ki dhoop mein mere bulane ke liye
Woh tera kothe pe nangey paaon aana yaad hai

chale wo kadam kadam jo saath mere

chale wo kadam kadam jo saath mere..
to uske saath se pyaar ho jaye..

thamay jo pyaar se haath mera..
to apne haath se pyaar ho jaye..

jis raat aaye khawabon main wo..
us suhani raat se pyaar ho jaye..

jis baat main aaye zikar uska..
to ussi baat se pyaar ho jaye..

jab pukaray pyaar se naam mera..
to apnay he naam se pyaar ho jaye..

hota hai itna khoobsurat ye pyaar agar..
to kaash ussey bhi mere pyaar se pyaar ho jaye...

Wo kehta ha usay muj say payar nahi ha

Wo kehta ha usay muj say payar nahi ha

Wo go her pal mery intazare ma rehta ha

Wo go her pal mery sath rehta ha

Wo go apnay hatao per mery naam ke mehndi legata ha

Wo go mery liay sanwarta ha khud ko

Wo gis nay mery sath k liay sub ka sath choor dya

Wo gis ke sansan mery liay chalti ha

Wo go mujay khud say zayada cahta ha

Wo go khud say zayada mera khayal rakhta ha

Wo gis ke nazar her pal mujay talash kerti ha

Wo gis ke sansan yah soch ker ruknay lagti ha k main kehi jaa raha hoon

Wo gis ke ankhon ma sirf mery hi tasveer ha

Wo gis ke ankhon ma sirf mera hi sapna ha

Wo gis k labo pa sirf mera hi naam ha

Wo go khud ko mujay sonpna cahta ha

Wo go kehta ha mery Akhri sans bhi tumhary liay ha

Wo go yah chata ha hamsha mery banho ma reahy

Wo go mery kushi ko apni kushi ganta ha

Wo go mery dukh ko apna dukh manta ha

Ma to ganta hu usay muj say payar ha

Mughr wo phir bhi yahi kehta ha

Usay muj say payar nahi ha

Na janay wo kyun kehta ha

Usay muj say payar nahi ha