Ye bas zara si safaii ka bayaa he mera

Ye bas zara si safaii ka bayaa he mera
Dekh lo har din kesa imtehaa he mera
Main subha se sham tak nahaya karta ho
Sarf istemaal karta ho khob jhag banaya karta ho
Din raat me apni safaii me guzarta ho
Mel bhi saf karta ho or khal bhi owtarta ho
Wo or log hai jo jumme ke jumme nahate hai
Ye ham hi hai jo khud ko rooz rooz chamkate hai
Magar kia karo phir bhi dil ki bekarari nahi jati
Sar bhi bhari rheta he bezari nahi jati
Ab me kia bayaa karo ke asal haqiqat kia he
Dara sal mere sath kharish ka masla he
Ab is masle ko kis tarha hal karo kuch samaj nahi ata
As liye rooz rooz ho me is qadar nahata

Is Dil Ko Teri Yaad Buhat Aaye

Is Dil Ko Teri Yaad Buhat Aaye
Phoot Ker Roe,Aur Neend Buhat Aaye

Aankho Ki Ras Ko Qaid Kya Muthi Me
Moti Dekha, Khushi Raas Buhat Aaye

Chand Ki Kirno Mein, Fairshta aya
Janat dekhe,Chehre Pe Ronak Buhat Aaye

Phoolo Ki Kangan Se,Sajayi jo kaalai
Mehki khusbo,khud se Sharm buhat aaye

Har Chera Me Tera Chera Nazar Aaya
Jo Na Tha,Us Pe Be-Dard Barish Buhat Aaye

Thikaanaa khoya, Thokar Buhat Khai
Kabhi Taqdeer Pe Roe,Kabhi Hanse Buhat Aaye

Apni Tamana apne dil me he rah gai
Par us ko Apne Maa ki Duaine yaad Buhat aye

Rah ho gai he gum rasta nazar nahi ata

Rah ho gai he gum rasta nazar nahi ata
Kia howa he waha pe kuch khabar nahi pata
Koi waha se batai ke kio ye rasta band howa hai
Koi kaam kia unko na pasnd howa hai
Kahi gunha gaar ki saza ka iyrada to nahi
Kahi mera koi gunha itna ziada to nahi
Kahi meri deri pe wo naraz to nahi
Kahi mere likhe pe unko eteraz to nahi
Bas jo bhi ho to aap ana to batana
Haqiqat kia hai us se parda zara hatana

Tumne kya socha thaa ki Tum har manzil ko paaoge Sitaare tod laaoge

Tumne kya socha thaa ki
Tum har manzil ko paaoge
Sitaare tod laaoge
Qadmo pe zamee hogi
Aur labo pe hansi
Tumhe kuchh maaloom na thaa
Zindagi ke bazaaar me
Khwaab beche khareede jaate hain
In saudo ki haqeeqat kuchh nahi hoti
Sachhe khwaabo ki keemat kuchh nahi hoti

Ae khwaabo ko dekhne waale
Khwaabo ki taabeer ko samajhte
Use afsaanwi rang to na dehte
Khwaabo ki taareeki me na duub kar
Unko zindagi ki roshni me laate

AasmaaN ke hisaar se Aur zameeN ki pukaar se Duur Majbuur

AasmaaN ke hisaar se
Aur zameeN ki pukaar se
Duur
Majbuur
JahaN jannat aur jahannam ka silsila hai
JahaN shar-o-baatil shikast-o-past haiN
Sadaa-e-haq ki guuNj jahaN fizaaoN me hai
JahaN duaayeN kabhi be jawaab nahi haiN

WahiN ek laachaar cheeNkh
Un-suni ho rahi hai
WahiN madad ko tarasti aaNkh
Laa-manzar ho rahi hai
WahiN wafaaoN ka baadal
Paani ko taras raha hai
WahiN ummeedoN ka dhuaaN
Bikhar raha hai, TuuT raha hai

Hum nai kya manga zindagi se

Hum nai kya manga zindagi se
Khushi, pyar aur sukoon
Mila aab-e-chaahm annkho ko
Khoya apna Ehsas
Aas ko lagai aag
Toot gaya jazba

Baaqee raha apna khali makbara
Jurm tha, mujrim the, jigar kata
Bezari hoe khud se
Rooh nai jism choda
Tan bhi sukh gay
Jazba chane Ka
Kabhi kaam na hoa

Dosto ki mehfil mein aaj phir se aaj hai sabkaa milnaa

Dosto ki mehfil mein aaj phir se aaj hai sabkaa milnaa...
Bahuut dino baad hai ek dusrai se apnaa dukhh dard baantnaa
Laayai hain aaj hum dosto ke liyai khushiyon ki saugaat
Sab pran karengai jeevan bhar denai ka ek dusre ka saath
Laayai hain ek dusre ke liyai pyaar bharaa paigaam
Naa tootegaa ye saath humaara khushi ho ya gumm
Hotaa hai do dilo do aatmaon ka maill.......
Kho jaatein hain ek dusro mein essa jazbaato ka khel
Kehtai hain dosti zaroori hai zindagi ke liyai
Tabhi to aaj bhi zindaa hai aap jaise dosto ke liye

Tanhai me aansu gir kar fanaa ho gaye

Tanhai me aansu gir kar fanaa ho gaye,,,
Pal do pal me gulshan sehra ho gaye,,,
Wo aaye hamari zindagi me kuch aise
Koi kagaz kalam bayaan na kar sake jaise,,
Saath guzaara har lamha, awaaz deta hai,
Reh reh kar gurbat me muskurane ki aas deta hai,,
Wo muskurahat, jise dekhkar hum jee uthte,,,
Patjhar me jaise phool khil uthe,,,
Har lamha intezaar rehta tha,,,
Tere kadmon ki aahat ke liye dil bekarar rehta tha,,
Moti bane aanso unke hamari yaad me,,
Par wo izhaar na kar sake apni fariyaad me,,
Wo chehra dekh, tashn lab kuch bayan na kar sake
Darte the shayad naqab posh me ruswa na kar de
Na jaane kam zarf ho gaye hamare apne,,
Aur bad-bakht bane kaamil sapne,,
Dil-e-jigar dard-e-nasoor ban gaye,,
Apni hi parchayi kafan bana kar so gaye,,
Tadap rahi hai jaan,kuch aur pal jeene ko
Ki maut kehti hai,,koi ba'ab nahi rukhsat ko,,

Zabt ki kon si manzil thi,kis muqam pe a k haare hein

Zabt ki kon si manzil thi,kis muqam pe a k haare hein
itna to tumhen malum he hai,tere nam pe a k haare hein,

Kbhi khud pe jabr kia hum ne,kbi khud ko yun be-mol kia,
hum subhon k lotne wale they,ik shaam pe a k haare hein,

Ik dard musalsal hota hai,ik baarish ander hoti hai,
k heeron jese log yahan ilzam pe a k haare hein....

Kb jeet ka dawa hum ne kia,ye azal abd ka qissa hai,
hum bekhabri k aalam mei Anjam pe a k haare hein....!

Tum ne baarishon ko mehz barste dekha hai

Tum ne baarishon ko mehz barste dekha hai
main ne aksar barishon ko kuch kehte suntey dekha hai,

Tum dekhte ho barishon ki jal thal her saal,
mene barsat ko barhaa palkon pe machalte dekha hai,

Kese mangun barstaa saawan apne RABB se??
in ankhon ne bastion ko saawan mei ujarte dekha hai,

Seekh gay hum barishon ko apne undar utarne ka fun,
or phir sab ne hamen har pal hr dum hanste dekha hai...!

Suna hy aaj kal woo preshan rehti hai

Suna hy aaj kal woo preshan rehti hai
Usse kehna be-fikar main b nahi hoon

Suna hay wo gumsum rehti hai
Usse kehna hazir zehan main b nahi hoon

Suna hay wo raaton ko jaga karti hai
Usse kehna sota main b nahi hoon

Suna hay wo chup chup k roti hai
Usse kehna hansta main b nahi hoon

Suna hai wo mujhe yaad buhat karti hai
Usse kehna bhoola main b nahi hoon

Suna hy usne wafa ka daawa kia hai
Usse kehna bewafa main b nahi hoon

Dil ko dil ki khaber zarori hai

Dil ko dil ki khaber zarori hai,
Ab dua mein asar zarori hai ,

Loat aana hai jane walon ne,
Ik diya baam pe zarori hai ,

Umer ki iss karri musafat mein,
Rastay mein shajar zarori hai ,

Manzil-e-ishq ke liye jag mein ,
Husan ki rah guzar zarori hai ,

Koi awaz khenchti hai Naveed,
Ab tou koi safar zarori hai

tamam shab yunhi dekhaingi soo e dar ankhain

tamam shab yunhi dekhaingi soo e dar ankhain
tuje ganva k na soyengi umr bhar ankhain

tulo e subah se pehley hi bujh na jayen kahin !
yeh dasht e shab mein sitaron ki humsafar ankhain

sitam yeh kam to nahi dil giraftagi k liye !
main shehar bhar mein akaila, idher udher ankhain

shumar uski sakhafat ka kia karain k vo shakhs
chiraag baant'ta phirta hai cheen kar ankhain

voh paas tha to zamaney ko dekhti hi na thein
bicher geya to huyen phir se darbadar ankhain

abi kahan tuje pehchan'ney ki zid kijey
abi to khud se b thehri hain beykhaber ankhain

main apney ashak bacha luunga kis tarha Mohsin ?
zamana sang bakaf hai to sheeshagar ankhain

kabi jo ahd e wafa meri jaan terey merey darmyaan tootey

kabi jo ahd e wafa meri jaan terey merey darmyaan tootey
main chahta hon k is se pehley zameen pe yeh asmaan tootey

teri judayee mein hoslon ki shikast dil pe azaab thehri
k jesey munh zor zalzalon ki dhamak se koi chattaan tootey

usey yaqiin tha k us ko merna hai phir b khuwahish thi usk dil mein
k tez chalney se paishtar dast e dushmanaan mein kamaan tootey

sab daleelain sanbhal kar b merey vakeelo yeh soch lena
vahin pe meri shikast hogi jahan b mera byaan tootey

fana k teeley pe khaima e jaan hava k jhonkey se yun gira hai
k jesey badqismati se buzdil shikaryun ki machaan tootey

voh sang hai to girey b dil par voh aina hai to chubh hi jaiega
kahin to mera yaqiin bikhrey kahin to mera gumaan tootey

ujarr ban ki udas rut mein gazal to Mohsin ne chairr di hai
kisey khaber hai k kis k masoom dil pe ab k yeh taan tootey ?

Jaein gay door tak jo khiyalon ke silselay

Jaein gay door tak jo khiyalon ke silselay ,
Khud un se aa milein gay ujalon ke silselay,

Kuch iss liye bhi ho gaye gosha nasheen hum,
Had se hi barr chalay thay sawalon ke silselay,

Fursat nahin ke pursish-e-ehwal ker sakein,
Hum jantein hain bhoolney walon ke silselay,

Rah-e-wafa kathan hai sambhal ke chalo yahan,
Lamhon mein toot jatey hain saalon ke silselay,

Muddat ke baad aayein hain ghar ko jo loat ke,
Paayein hain muntazir wohi jaalon ke silselay ,

Taey jab talak na ho yeh biyabaan-e-zindagi,
Pairon ke sath sath hain chaalon ke silselay

Teer tou gheir ki kaman ke thay

Teer tou gheir ki kaman ke thay,
Hath per aik meherban ke thay,

Iss ke lehjay mein sach tou tha lekin,
Rang gheray mere guman ke thay,

Main jab aai tou wo safar mein tha,
Aur iraday bhi aasman ke thay ,

Main teherti ya wo teher jata,
Saaye bas aik sayeban ke thay,

Na ussey na mujhe hi raas aaye,
Rastay ye jo dermiyan ke thay,

Jab hawa tham gai tabhi jana,
Tuar kuch aur baadban ke thay

Tum saath ho to mujhe andheron ki parwaah nahi

Tum saath ho to mujhe andheron ki parwaah nahi
tum manzil ho meri mujhe mushkilon ki parwaah nahi

baadlon mein chupa chaand phir dekho muskurata hai
yeh waqt do ghadi ka hai mujhe gardishon ki parwaah nahi

raah-e-zindagi mein waqt kaise kaise imtehaan leta hai
tum hamsafar ho jab mujhe natijon ki parwaah nahi

Dhoop ke safar mein aik din chain bhi Aaye ga
hausla tum ne diya hai to mujhe faaslon ki parwaah nahi

gham ke samandar se Umeedon ka kenara ab dur nahi
tum kaashti ho meri mujhe Tufaanon ki parwaah nahi

majboor e ana ho kar, paband e wafa ho kar

majboor e ana ho kar, paband e wafa ho kar
hum baith gai akhir razi ba-raza ho kr.

jis rut men woh bichra tha us rut k ta,qub men
dil hy k bhatakta hy rahon ki hawa ho kr.

is jism k zindaan men ek umr se qaidi hain.
urr jain ge hum akhir ik roz reha ho kr.

ab tak mere angan men phoolon ka basera hy.
guzry the mere ghar se woh bad-e-saba ho kr.

is darja hawadis se khaif hy meri hasti...
har lafz nikalta hy honton se dua ho kar

Ek Shaks Pas Reh Ke Samjha Nahi Mujhe

Ek Shaks Pas Reh Ke Samjha Nahi Mujhe
Is Baat Ka Malal Hai Shikwa Nahi Mujhe

Main Us Ko Bewafai Ka Ilzam Kaisay Dou
Us Ne To Ibteda Se Hi Chaha Nahi Mujhe

Pathar Samajh Kar Paon? Se Thokr Laga Dia
Afsos Teri Aankh Ne Parkha Nahi Mujhe

Kya Umedein Baandh Kar Aaya Tha Samnay
Us Ne To Aankh Bahr Ke Dekha nahi mujhe

Aaj dulhan k laal joray main Usay uski sahelyon nay sajaya hoga

Aaj dulhan k laal joray main, Usay uski sahelyon nay sajaya hoga
Meri jaan K goray hathon per mehndi ko lgaya hoga.

Bohot gehra charhega mehndi ka rung
Or mehndi main mera naam chupaya hoga.

Lag rahi hogi bohot pyari, hoor hai woh
Aaj chand bhi usko dekh kr sharmaya hoga.

Reh reh kr ro pari hogi
Jab jab usko mera khayal aaya hoga.

Aaj meri jaan nay, Apnay maa baap ke izzat ko bachaya hoga
Usnay Bety Honay Ka Haq Nibhaya Hoga.

Hogaey hongay laal mehndi walay hath
Jab kanch k tukro ko usnay uthaya hoga.

Bhooki hogi woh janta hoon main
Kuch na us pagli nay meray baghair khaya hoga.

Kesay sambhala hoga khud Ko usnay
Jab rukhsati ka waqt aaya hoga.

Kanpta hoga jism uska
jab uska hath logo nay dulhay ko thamaya hoga.

Ro ro k hogya hoga bura haal uska
Jab rukhsat usko kiya ja raha hoga.

Bray pyar say meri jaan ko
us k maa baap nay doli main bithaya hoga

Majboor to main bhi tha
Usko us k maa baap say manga bhi bohot tha

Manga to Rab say bhi bohot tha
per usko bhi yeh manzoor na tha

Rehna paey ge woh mujhse juda ho kr, Janta hun main
Dar hai mujhe, K chup k say usnay bhi zeher khaya hoga

Apni Zindagi ki her Shaam Tere Naam kardoon

Apni Zindagi ki her Shaam Tere Naam kardoon,
Teri hi Aankhon ka Jaam Tere Naam kardoon,

Main Doob jaoon Teri in Jheel si Gehri Aankhon mai,
Phir apni Barbadi ka ilzam Tere Naam kardoon,

Mai apni Rooh ko Tere Wajood mai bhardoon,
Phir apni Zaat apna her Payam Tere Naam kardoon,

Tu mujhe mohabbat ka aghaaz de sanam,,
Mai Apne Pyaar ka Anjaam Tere Naam kardoon,

Mohabbaton ke Qaseeday likhoon Teri Sanaa mai,
Hazaron Pyaar ke Peghaam Tere Naam kardoon,

Ho jiska Zikar Mohabbat ki her kahani mai,
Ek aisa Pyaar ka Peghaam Tere Naam kardoon…….?

Kiya ishq tha jo baa-issay ruswaii ban gaya

Kiya ishq tha jo baa-issay ruswaii ban gaya
Yaaro tamam shehr tamashai ban gaya

Bin mangay mill gai meri aankhon ko rat jaggay
Main jab say aik chand ka shaydaii ban gaya

Dekha jo uska dast-e-hinai qareeb se
Ahsas goonjti hoowi shehnaii ban gaya

Barham hoowa tha meri kisi baat par koee
Wo haadsa hi wajh-e-shanasaii ban gaya

Karta raha jo roz mujhay uss say bad gumaan
Wo shakhs bhi ab usska tamannai ban gaya

Wo tayri bhi to pehli muhabbat na thi Qateel
phir kiya hoowa agar koi harjaaii ban gaya

Teray ishq nay bakhshi hai yeh soghat musalsal

Teray ishq nay bakhshi hai yeh soghat musalsal
Tera ziker hamesha teri baat musalsal

Ek muddat howi tere baam o darr se niklay
Rehti hai phir bhi tujh se mulaqat musalsal

Dil laggi dil ki laggi ban jati hai
Jab tasawar mein guzarti hai raat musalsal

Jab se dekha zulf e pareshan ka aalam
Uljhey howe rehte hain mere din raat muslasal

Mein mohabbat mein is muqam pe pauncha hon jahan
Meri zaat mein rehtiii hai teri zaat musalsal ...!

Zamanay kay andaaz badlay gaey

Zamanay kay andaaz badlay gaey
Naya raag hai saaz badlay gaey

Khirad ko ghulami say aazad kar
Jawanon ko peeron ka ustad kar

Zamanay kay andaaz badlay gaey
Naya raag hai saaz badlay gaey

Jigar say wohi teer phir par kar
Tamanna ko seenon main bedar kar

Jawanon ko sozi jigar bakhsh de
Mera ishq meri nazar bakhsh de

Zamanay kay andaaz badlay gaey
Naya raag hai saaz badlay gaey

Khirad ko ghulami say aazad kar
Jawanon ko peeron ka ustad kar

Zamanay kay andaaz badlay gaey
Naya raag hai saaz badlay gaey

Pila de mujhe woh may pardah soz
Keh aati nahin fasl-e-gul roz roz

Woh may jis say roshan hai zameer-i-hayaat
Woh may jis say hai mastee-e-kainaat
mastee-e-kainaat

Zamanay kay andaaz badlay gaey
Naya raag hai saaz badlay gaey

Khirad ko ghulami say aazad kar
Jawanon ko peeron ka ustad kar

Zamanay kay andaaz badlay gaey
Naya raag hai saaz badlay gaey

Alāma Moḥammad Iqbāl 

Zara Si Dair Ko Sab Kuchh Bhula K Dekh Lete Hain

Zara Si Dair Ko Sab Kuchh Bhula K Dekh Lete Hain
Tujhe Hum Samny Apny Bitha K Dekh Lete Hain,

Suna Hai Madh Bhari Nazrain Teri Peeny Nahi Deti`n
Ijazat Ho To Hum Nazrain Mila K Dekh Lete Hain,

Wo Chehry Kese Hoty Hain Keh " Jin Se Chand Sharmaye
Tere Rukh Se Siyah Zulfain Hata k Dekh Lety Hain,

Shama K Paas Ja Kar Kis Tarah Jalty Hain Parwany
Zara Hum Bhi Tere Nazdeeq Aa K Dekh Lety Hain,

Kahin Be-Tab Dil Ko Es Tarah Se Chain Aa Jaye
Teri Tasweer Ko Dil Se Laga K Dekh Lety Hain,

Khiyalon Mein Tarasha Hai Tera Pekar Bhi Ay Jana`n
Kabhi Khuwabon Mein" Tujh Ko Bhi Basa k Dekh Lety Hain

hum dono jo harf hain hum ek roz mile

hum dono jo harf hain
hum ek roz mile
ek lafz bana
aur humne ek maani paaye
phir jaane kya hum per guzri aur
ab yun hai
tum ek harf ho ek khaane mein
main ek harf hoon ek khaane mein
beech mein kitne lamhoN ke khaane khaali hain
phir se koi lafz bane
aur hum dono ek maane paayeiN
aesa, ho sakta hai
lekin sochnaa hogaa
in khaali khaanoN Mein humeiN bharnaa kya hai............

sham samay aaik oonchi seehriyon walay ghar kay angan mein

sham samay aaik oonchi seehriyon walay ghar kay angan mein
chand ko utaray daikha hum nay, chand bhi kaysa ? poora chand

insha jee in chahnay wali, daikhnay wali ankhoon nay
mulkoon mulkon, shehroon shehroon, kaisa kaisa daikha chand

har aik chand ke apni dhuj thi, har aik chand ka apna roop
laykin aisa roshan roshan, hansta battain karta chaand ?

dard ke tees tu uth'ti thee, par itni bhi , bharpor kabhi ?
aaj say pehlay kab utra tha dil mein itna gehra chaand !

hum nay tu kismat kay dar say jab paye andhayaray paye
yeah bhi chand ka sapna ho ga, kaisa chand, kahaan ka chand ?

insha jee duniya waloon mein bay sathi bay doost rahay
jaisay taroon kay jhurmat mein tunha chand, akayla chand

in ka daman iss doulat say khali ka khaali hee raha
warna tha duniya mein kitnay chandi chand aur soona chand

jug kay charoon koot mein ghooma seelani hayraan howa
iss basti kay iss koochay kay iss angan mein aisa chand ?

ankhoon mein bhi chitwan mein bhi chand he chand jhalaktay hain
chand hee teeka, chand hee jhoomar, chehra chand aur matha chand

aik yeh chand nagar ka baasi jiss say door raha sunjoog
warna iss duniya mein sab nay chaha chand aur paya chand


anbar nay dharti par phaikee noor ke cheent udaas udaas
aaj ke shab tu andhi shab th, aaj kidhar say nikla chand ?

insha je yeh aur nagar hai, iss basti ke reet yeahi hai
sab ke apni apni ankhain, sab ka apna apna chand

apnay seenay kay mat'la par jo chamka woh chaand howa
jis nay man kay andhyaaray mein aan kiya uj'yaara, chaand

chanchal muskaati muskaati goori ka mukhra mehtaab
bath jhar kay pairoon mein at'ka peela sa ik patta chand

dukh ka darya skh ka sagar iss kay dam say daikh liyeah
hum ko apnay saath he lay kar dooba aur ubhra chaand

jhuki jhuki palkoon kay neechay numnaaki ka naam na tha!
yeah kanta jo humain chubha hai kaash tujhay bhi chubhta chand

roshniyoon ke peeli kirchain, poorab pacham phail gaieen
tu nay kis shay kay dhookay mein pathar pay day tapka chand

hum nay tu dono ko daikha, dono he bay dard khathoor
dharti walla, anbar walla, pehla chand aur dooja chand

chand kissi ka ho nahi sakta, chand kissi ka hota hai ?
chand ke khatir zind nahi kartay, aye mairay achay insha chand

Rooh ko serd likhtay raho Shaa'iron dard likhtay raho

Rooh ko serd likhtay raho
Shaa'iron dard likhtay raho

Aansu'on ko sitara likho
Khawaab ko ik ishara likho
Ishq main sab gawara likho
Dil ki qismat khasara likho
Rat Jagay Ista'ara likho
Waqt kaisay guzara likho
Raat ko bay-sahara likho
Kis ne kis ko pukara likho
Chaand hai zard likhtay raho
Shaa'iron dard likhtay raho

Soch ko shabnami likh diya
Dhoop ko chandni likh diya
Aah ko shaairi likh diya
Saans ko zindagi likh diya
Zabt ko bay-bassi likh diya
Rabt ko ajnabi likh diya
Piyaar ko dosti likh diya
Baat ko ser-seri likh diya
Dil pe hai gerd likhtay raho
Shaa'iron dard likhtay raho

Tum likho jeenay waloon ka gham
Zakhm-e-dil seenay waloon ka gham
Ya ke ghamm peenay waloon ka gham
Ya likho jalnay waloon ka gham
Aag per chalnay waloon ka gham
Shaam ko dhalnay waloon ka gham
Bay wajah ronay waloon ka gham
Khwahishain bonay waloon ka gham

Haath hain sard likhtay raho
Rang hai zard likhtay raho
Baal hain gard likhtay raho
Shaa'iron dard likhtay raho

Wo shaks kabhi dasht se guzrey to usey kehna

Wo shaks kabhi dasht se guzrey to usey kehna
Ek pal mere ghar mein bhi thehrey usey kehna



Kehna ke samundar ke kinarey pe na jaye
Kuch log samandar se bhi hai gehrey usey kehna



Zarkhaiz zameenein kabhi banjar nahi hoti
Darya he badal lete hain raasta usey kehna



Kuch log safar ke liye mozu nahi hote
Kuch rastey kat'tey nahi tanha usey kehna



Iss shehar mein such keh ke gunehgaar na hona
Ke basti ke sabhi log hain behrey usey kehna

Tum Ko Aata Hee Nahi Shikwa Shikayat Karna

Tum Ko Aata Hee Nahi Shikwa Shikayat Karna
Meri Maano, Tum Kissi Se Na Mohabbat Karna

Ab Kay Bikhra To Mushkil Se Samaito Gay Mujhay
Phir Na Aisi Kabhi Mujh Se Tum Shararat Karna

Zulm Sehnay Se Halat Na Badlein Gay Kabhi
Ab Zaroori Hai Ameer-e-Shehr Se Baghawat Karna

Zubaan Jo Kholi To Uljhein Gay Zamanay Walay
Chup Rehna, Iz'haar Ki Na Himmat Karna

Tum Ne Dekha Hai Meray Ghar Ki Udasi Ko Kabhi?
Ho Sakay To Kissi Shaam Zara Zehmat Karna

Mohabbat Khud Batati Hai

Mohabbat Khud Batati Hai....
Kahan Kiss Ka Thikana Hai...

Kissay Aankhon Mein Rakhna Hai....
Kissay Dil Mein Bassana Hai...

Ri'ha Karna Hai Kiss Kiss Ko...
Kissay Zanjeer Karna Hai....

Mittana Hai Kissay Dil Se.....
Kissay Tehreer karna Hai....

Gharoonda Kub Girana Hai...
Kahan Tameer karna Hai....

Mohabbat Khud Batati Hai...
Kahan Kiss Ka Thikana Hai...

Kar Kay Waada Woh Nibhana Bhool Jata Hai

Kar Kay Waada Woh Nibhana Bhool Jata Hai..
Khafa Kar kay Mujhay Woh Manana Bhol Jata Hai..

Yun To Mujh Se Woh Kya Kya Nahi Kehta..
Zarori Ho Jo Bat Woh Batana Bhool Jata hai..

Kiss Qadar Tang Woh Mujhay Kia Karta Hai...
Khud Ho Pareshan To Satana Bhool Jata Hai..

Hamesha Se Yun Hi Rahi Hai Aadat Uski..
Sun Kar Mere Dukh Apnay Sunana Bhool Jata Hai..

lipti rahi wajood sy khushbo tamam raat

lipti rahi wajood sy khushbo tamam raat
ata raha he yaad mujhe wo tamam raat,

usny baray khaloss sy mangi thi roshni
girty rahy makan pe jugnu tamam raat,

rota raha wo app hi apny naseeb per
apny galy mein dal kar bazu tamam raat,

fursat na thi tabeeb ko apny hi kaam sy
pety rahy marez bhi ansu tamam raat.

Koi dost hai na raqeeb hai

Koi dost hai na raqeeb hai................
Tera shehar bhi kitna ajeeb hai.............

Wo jo ishq tha wo janon tha............
Yeh jo hijar hai yeh naseeb hai...........

Yahan kis ka chehra paraha karon...........
Merey kon itna qareeb hai............

Main kisey kahon mere sath chal.............
Yahan sab ki soch ajeeb hai.............

Gila karein tou kis se karein.................
Ke jo ho gaya wo naseeb hai.........
Tera shehar kitna ajeeb hai...................

Ho Gaee Rukhsat Ghata Barish Kay Baad

Ho Gaee Rukhsat Ghata Barish Kay Baad
ek Deya Jalta Raha Barish Kay Baad

Meray Behtay Aansoon Ko Dekh Ker
Ro Paree Thandi Hawwa Barish Kay Baad

Meri Tanhai Ka Daman Thaam Ker
Kuch Uddasi Nay Kaha Barish Kay Baad

Yaad Teri Orhd Ker Main So Gaya
Khawab Ka Der Khul Gaya Barish Kay Baad

Chaand Dekh Ker Badlon Ki Qaid Main
ek Sitara Ro Deya Barish Kay Baad

Apnay Kachay Ghar Ki Her deewar Per
Naam Tera Likh Deya Barish Kay Baad

us habs e be-khalal ki ada par na jaeyo

us habs e be-khalal ki ada par na jaeyo !
ab ghar k bam o dar b sanbhal k sajaeyo !

tu hairaton ki zad mein ghirri moj e kam nishaan
main seel e be kinaar , merey munh na aeyo !!

ankhon mein aik ashk hai baqi hava e shaam
yeh akhiri dia hai , isey mat bujhaeyo !

hona hain asmaan se "shahabon" ki barishain
gar hosakey to ghar ka andhera bachaeyo !

ya aam kijiyeo na junoon ki hikaayatain !
yeh shehar chor dijiyeo , sehra basayeo !

har shakhas kab sanbhaal sakeyga mataa e dard ?
har shakhas ko na apni kahani sunayeo !

Mohsin diyaar e hijar mein lazim hai ahtiyat
rassta kathan sahi , kahin thokar na khayeo !

haseen lagta tha hum ne jin dino mein usko dekha tha

haseen lagta tha hum ne jin dino mein usko dekha tha
basanti mosamon , bheegi ruton mein usko dekha tha

usi k akas ne ankhain khumaar e khuvaab se bhar dain
chamaktey chand jesey aaiino mein usko dekha tha

jisey ab rait k kachey gharondon se mohabbat hai
sumander k sunehrey paniyun mein usko dekha tha

jo tanhayee ki chadar orh kar sota hai rasston mein
kabi is shehar ki sab mehfilon mein usko dekha tha

bagolon ko pehan kar ab jo sehra mein bhatakta hai
gulab o yasman k junglon mein usko dekha tha

jo apney qarya e dil ki udasi se behalta hai
ghataon mein ghirri gum bastiyun mein usko dekha tha

zaroorat hai jisey ab dhoop ka ujla kafan Mohsin
badan par baraf orhey parbaton mein usko dekha tha

Hijar k Mousam mein ya Barish ka barsna kesa?

Hijar k Mousam mein ya Barish ka barsna kesa?
Ek sehra se samandar ka guzarna kesa?

Aey! mere DiL na pareshan ho tanha ho kar,
Wo tere sath chala kab tha' Bicharna kesa?

Log kehte hain Gulshan ki tabahi dekho,
Main to viran sa jangal tha' Ujarna kesa?

Dekhne mein to koi dard nahi' Dukh bhi nahi,
Phir ye Ankhon mein Yun Ashkon ka Ubharna kesa?

Bewafa Kehne ki Jurrat bhi na karna usko,
Us ne iqrar kiya kab tha' mukarna kaisa?

Dewana banaana hai to dewana bana day

Dewana banaana hai to dewana bana day
Warna kahin taqdeer tamasha na bana day

Aye dekhnay waalon mujhy hans k na dekho
Tum ko bhi mohabbat kahin mujh sa na bana day

Main dhond raha hun meri wo shama kahan hai
Jo bazm ki her cheez ko parwana bana day

Aakhir koi soorat bhi to ho Khana_e_dil ki
Kaaba nahe banta hai to but_Khaana bana day

Behzad her ek jaam pe ek sajda_e_masti
Her zar'ray ko sang_e_dar_e_jaana'n na bana day

Kabhi Teri Rafaqat Se Nikalna Hee Nahi Mumkin

Kabhi Teri Rafaqat Se Nikalna Hee Nahi Mumkin
Kabhi Damman Churra Lena Bohat Aasan Lagta Hai

Kabhi Tum roth'tay Ho To Ajjab Mushkil Si Parti Hai
Kabhi Tum Ko Manna Lena Bohat Aasan Lagta Hai

Kabhi Samjha Karo Kuch faislay Haalat Kartay Hein
Kabhi Waaday Nibha Lena Bohat Aasan Lagta Hai

Kabhi Kuch Din Tumharay Bin Guzartay Hee Nahi Lekin
Kabhi Muddat Bitta Lena Bohat Aasan Lagta Hai

Gham-e-firaaq se pehlay,shab-e-visaal ke baad

Gham-e-firaaq se pehlay,shab-e-visaal ke baad,
Hai aur kya jisse dekhein tere jamal ke baad....

Tamaam umer kati intezar mein apni........
Koi bhi dukh na mila phir, tere malal ke baad....

Jawab mil gaya mujh ko teri khamoshi ka...,
Tumharey lafz jo khoye ,mere sawal ke baad...

Tumaray meray ta'aluq pe yun khizan chahi ,
Koi urooj nahi hai jaisey ,iss zawal ke baad....

Main teri yaad ke chehray ko dhaanp doon lekin,
Bachay ga kya meri jholi mein,iss kamal ke baad...

woh ab ki bar mila iss qader takaluf say...,
K kuch na poch saka uss se,us ke haal ke baad

zakhm jo dil pe laga hai ke dikhai na bane

zakhm jo dil pe laga hai ke dikhai na bane
Aur Chahe ke chupale to chupai na bane.

Hai bechargiye-ishq ki us mehfil main
Sir jhukai na bane aankh uthai na bane.

Ye samajh lo k ghum-e- ishq ki taqmeel hui
Hosh main aake bhi jeb hosh main aaye na bane.

Kis kader husna bhi majboore-kashakesh hai, k aah
Muh chupai na bane saamne aaye na bane.

Hai wo aalame-purshok k jis waqt Jiger
Uski tasveer bhi seena se lagai na bane.

Bewafa koi sitamger bhi to ho sakta hay

Bewafa koi sitamger bhi to ho sakta hay
Mera qatil mera rehber bhi to ho sakta hay

Ek mudat say tujay wird main rekha jis ney
Wo mohbat main qalandar bhi to ho sakta hay


Teray kochay main jo aya ha ghulamon ke terha
Apni basti ka sikandar bhi to ho sakta hay


Silslawar agr ashak giraey jaen
Yeh jo sehra hay samandar bhi to ho sakta hay


Kab talak tray khyalon k saharay jieye jaen Mohsin
Dil tri yad say munkar b to ho sakta hay

Humain koi gum nahin tha gumain aashiqi se pehle

Humain koi gum nahin tha gumain aashiqi se pehle
Na thi dusmani kisi se teri dosti se pahle

Ye thi meri badnasibi teera kya kasoor isme,
tere gum ne maar dala mujhe zindgi se pahle.

Main kabhi na muskarata jo mujhe ye Ilm hota,
Ki hazaar gum milenge mujhe ek hansi ke badle.

Ye Ajeeb Imtahan hai ki tujhi ko bhool na hai,
Mile kab is tarah hum, tujhe dekhne se pahle.

Humain koi gum nahin tha gume Aashiqui se pahle.

Kabhi aankhon mai kabhi dil mai basanay wala

Kabhi aankhon mai kabhi dil mai basanay wala,
Kya yeh andaz bhi hai mujhko bhulanay wala,

Is tawaqqo per dil ko khula rakha hai,
Laut aye ga kabhi rooth ker janay wala,

Ab to woh pehle se din hain na raatain meri,
Ab kahan koi mere naaz uthanay wala,

Yeh woh misra hai jo her daur mai sach hai yaaron,
Dost hota nahi her koi haath milanay wala.

Kahan ho tum chalay Aao mohabbat ka taqaza hai

Kahan ho tum chalay Aao mohabbat ka taqaza hai

Gham-e-duniya say ghabra kar tumhain dil nay pukara hai

Kahan ho tum

Tumhari bay rukhi ik din hamari jaan lay lay gee

Qasam tum ko zara socho, keh dastoor-e-wafa kya hai

Kahan ho tum

Na hai faryaad hoantoan per na Aankhoan mein koye Aansu

Zamanay say mila jo gham usay geetoan mein dhala hai

Kahan ho tum chalay Aao mohabbat ka taqaza hai

Gham-e-duniya say ghabra kar tumhain dil nay pukara hai

Kahan ho tum

Ek Vehem Tha Dil Mein Shayad Kabhi Milo Tum

Ek Vehem Tha Dil Mein Shayad Kabhi Milo Tum
Kuch Deer Rukh Ke Pochoo Betay Dinoo Ka Mosam

Awaz Mein Ho Larzish Aankhoon Mein Ek Tajassus
Mazi Ka Koi Lamha Shayad Aatak Gaya Ho

Sab Bhool Ker Bhi Shayad Kuch Yaad Aagaya Ho
Phir Mein Tumhain Bataoon Apni Khushi Ki Bateen

Har Dukh Chupa Ke Dil Mein Aasudgi Ki Bateen
Wo Chand Choudwiin Ka Taroon Bhari Wo Rateen

Pyaar Ka Tassauwur Aur Bandagi Ki Bateen
Woh Roz Roz Marna Aur Zindagi Ki Bateen

Tum Dukh Se Muskuraoo Aur Dheray Se Paas Aao
Sir Ko Jhuka Ke Apne Chup Chap Lout Jaoo

Phir Mein Bhi Muskuraoo Aur Dil Ke Diyee Bhujaon
Lehraoon Apnay Je Main Ek Talk Si Haqeqat

Ek Khuwab Zindagi Ka Haan Omer Bhar Jo Dekha
Kabhi Hosaka Na Pora Yun Hi Reh Gaya Aadhora

Tum Tu Bus Ek Hi Dukh Pochte Ho

Tum Tu Bus Ek Hi Dukh Pochte Ho

KaUn se dukh ki kareen baat zara yah to bata

Mosmoon , serd hawaoon ki masihai ka dukh

Rah ki dhuul main bikhri hui benaai ka dukh

Sang k shaher main khud se shanasai ka dukh

Ya bhagi bersaat main tanhai ka dukh

Koan se dukh ki kareen baat kah dil ka derya

Itni tughyaani ki zaad per hai kah kuch yaad nahin

Kab hamain bhuul gia koan se herjai ka dukh

Tum to bas aik hi dukh puchty hoo

Us ka tu her andaaz nirala sa lagay hai

Us ka tu her andaaz nirala sa lagay hai
Qatil hai mera aur masiha sa lagay hai

Wo jis se koi khas taaruf bhi nahi hai
jub bhi nazer aajaye hai apna sa lagay hai

hum us ke bina jaise mukammal hee nahi ?
jo kaam bhi kertay hain adhura sa lagay hai

mein us ki her aik baat ko kis terha na manoo
wo jhoot bhi bolay hai tow sachcha sa lagay hai

aik umr hui tootay huay dil ko hamare
ye zakhm mager aaj bhi kal ka sa lagay hai

itni si khata per keh tera naam liya tha
her shaks mere khoon ka piyasa sa lagay hai

chalo ub faisla karlo ke apni jo muhabbat thi

chalo ub faisla karlo
ke apni jo muhabbat thi
nasha tha woh jawani ka
khumar utra to jana
muhabbat yoon nahi hoti
jo main ne khawab daikhe the
ub un ki kirchiyaan hain
aur zakhmi paoon hain maire
tumhara humqadam rehna
mujhe mumkin nahi lagta
tumhare aur maire darmiaan
dewar hai shayad jo
hurgiz gir nahi sakti
tumhain woh loog pyare hain
jo mujh ko zehar lagte hain
mujhe tum ub bhi pyare ho
magar ub morr aisa hai
jahan itnay mukhalif hain
tumhain yeh to pata hoga
mukhalif simt chalnay se
kabhi manzil nahi milti
to phir kion waqt khote ho
chalo ub faisla karlo.