Guzer rahe hain jo mujh per azaab uss k hain
Ke meri chasm-e-tamana main khawab uss k hain
Main zakham zakham hon,mera naseeb hain kaante
Wo rung rung hai,saare gulaab uss k hain
Kitaab meri,qalam mera,soch bi meri,mager
Jo likhe hain main ne wo baab uss k hain
Nahi hai mere muqaddar ka ek bi taara
Ye kehakshan,ye maah'taab uss k hain
Wisal-o-hijer ka mosam ussi ka mosam hai
Sawal mere hain shayed,jawab uss k hain
Woh meri zaat ka ik mustanad hawala hai
Kitaab-e-ishq k saare nisaab uss k hain
Main hairton k samandar main gharq hon
Tamam aks sir-e-sat'h-e-aab uss k hain
No comments:
Post a Comment