Saturday, July 3, 2010

woh mere dil mein rehti hai main uske dil mein


woh mere dil mein rehti hai
main uske dil mein rehta hoon
woh aankh churaa kar takti hai
main nazar churaa kar hansta hoon

jaanay na jaanay koyi na jaanay
ye chaand sitaaray jaantay hain
woh mujh peh jaan chirakti hai
main uske dam se jeeta hoon

kitnee hee dilkash tehreerain
kitnay hee pyaaray afsaanay
woh mere dil peh likhti hai
main uskee aankh mein parhta hoon

meri uski raaz ki baatainn
khushboo ki tarah ur jati hain
sau pehray lagaa k hothon par
jab nazmon mein likh deta hoon

No comments:

Popular Posts