Friday, August 20, 2010

Jo khayal they na qayas they wahi log mujh sey bichar gay



Jo khayal they na qayas they wahi log mujh sey bichar gay
Jo muhabatoon ki asaas they wahi log mujh se bichar gay

Jinhein manta hi nahi ye dil wahi log mere hain hamsafar
Jo har tarha se mujhe raas they wahi log mujh se bichar gay

Mujhe lamha bhar ki rafaqtoon kay sarab bohat sataein gay
Meri umar bhar ki jo payas they wahi log mujh se bichar gay

Ye jaal sarey hain aarzi, ye gulaab sarey hain kaghzi
Gul-e-arzoo ki jo baas they wahi log mujh se bichar gay

Jinhein kar saka na qabool main wahi shareek-e-raahe safar huye
Jinhe meri talab meri aass thi wohi log mujh se bichar gay

Meri dharkanon kay karib they meri chah they mera khuwab they
Wo jo roz--o- shab mere paas they wahi log mujh se bichar gay

No comments:

Popular Posts