Friday, August 20, 2010

Yeh ronaqaein Yeh Loog Yeh Ghar chor Jaon Ga


Yeh ronaqaein Yeh Loog Yeh Ghar chor Jaon Ga
Ik din Mein roshni ka Nagar chor jaon Ga

Marnay Say Bayshtar Mer'i Awaz Mut Chura
Mein Apni Jaidaad Idhar Chor Jaon Ga

Qatil Mer'a Nishaan Mitaanay pay Hay Baazidd....
Mein Bhi Sinaa'n Ki Nooq Pay Sir Chor Jaoon Ga

Tu Nay Mujhay Chiragh Samajh kar Bujha __ diya
Laykin Ter'y Liyay Mein Sehar Chor Jaoon Ga

Aa'inda Nasal Mujh Ko Parhay gi Ghazal Ghazal
Mein Harf Harf Apna Hunar Chor Jaoon Ga..

Tum Apnay A'abloo'n Ko Bachatay Ho Kis LIyay ?
Mein Safar Mein Rakht-e-Safar Chor Jaoon Ga

Mein Apnay Doobnay Ki Alaamat Kay toor par!
Darya Mein Aik Aadh Bhanwar Chor Jaoon Ga

Lashkar Karain Gay Meri Dalayri Pay Tabsaray
Mar Kar Bhi Zindagi Ki Khabar Chor Jaoon Ga

Mohsin Mein Us Kay Zakhm Khareedoon Ga Aik Din
Aor Us K Paas La'al-o-Gohar Chor Jaoon Ga

No comments:

Popular Posts