Tuesday, July 16, 2013

rah-e-wafa mein jalaa aashtaan hi dekh ayein

رِہِ وفا میں جلا آستاں ہی دیکھ آئیں
حمیّتوں کا یہ روشن نشاں ہی دیکھ آئیں  

بدل لیا در و دیوار نے بھی رنگ اپنا
نکل کے گھر سے ذرا آسماں ہی دیکھ آئیں  

یہ نقش ہائے شہیداں فلک کی آنکھ میں ہیں
 زمین پر یہ پڑی کہکشاں ہی دیکھ آئیں

ہے کس میں حوصلہ دیکھے جلے ہوئے بچے
 نہیں سکت کہ جلی تختیاں ہی دیکھ آئیں

تڑپتے لاشوں پہ ہائے وہ وِکٹری کے نشاں
 چلو کہ ماؤں کو ماتم کناں ہی دیکھ آئیں

خزاں بہار کے سارے نشاں مٹا دے گی
’’چلو کہ بکھری ہوئی پتیاں ہی دیکھ آئیں،،
٭٭٭

No comments:

Popular Posts