Thursday, March 12, 2009

chhatrii lagaa ke ghar se nikalne lage haiN ham

chhatrii lagaa ke ghar se nikalne lage haiN hamab kitnii ehtiyaat se chalne lage haiN ham
is darje hoshiyaar to pahle kabhii na theab kyuuN qadam qadam pe sambhalne lage haiN ham
ho jaate haiN udaas ke jab do-pahar ke baadsuuraj pukaartaa hai ke Dhalne lage haiN ham
aisaa nahiiN ke barf kii maanand hoN magarlagtaa hai yuuN ke jaise pighalne lage haiN ham
aaiinaa dekhne kii zaruurat na thii ko’iiKhud jaante the ham ke badalne lage haiN ham
is kaa yaqiiN aaj bhalaa kis ko aayegaaek dhiimii dhiimii aaNch meN jalne lage haiN ham

No comments:

Popular Posts