Chhoota Jo Tera Haath Tou Hum Toot Ke Roye

Chhoota Jo Tera Haath Tou Hum Toot Ke Roye
Tum Jo Na Rahay Saath Tou Hum Toot Ke Roye

Chaahat Ki Taman'na Thi Aur Zakhm Diye Tum Ne
Paayi Jo Yeh Saughaat Tou Hum Toot Ke Roye

Imkaan Na Tha Duur Talak Tajdeed-e-Ta'alluq Ka
Dekhay Jo Yeh Haalaat Tou Hum Toot Ke Roye

Anjaan Thay Hum Ab Tak Dard Ki Soorat Se
Hui Jo Mulaaqaat Tou Hum Toot Ke Roye

Jeeti Thi Sadaa Hum Ne HAr Baazi Teray Saath
Tanha Jo Sahi Maat Tou Hum Toot Ke Roye

Logo'n Ne Bahut Poochha Sabab Veraani-e-Dil Ka
Jab Ho Na Saki Baat Tou Hum Toot Ke Roye

Thi Dhoop Bahut Taiz Har Simt Judaayi Ki
Barsi Jo Na Barsaat Tou Hum Toot Ke Roye

Zad Mein Tha Khizaao'n Ki Ab Ke Dil-e-Barbaad
Bichhrray Jo Shajar-Paat Tou Hum Toot Ke Roye

Din Bhar Tou Rahay Chup Keh Duniya Ki Nazar Thi
Bheegi Jo Siaah Raat Tou Hum Toot Ke Roye

Samjha Tha Sadaa Tujh Ko Apna He Koi Hissa
Tukrro'n Mein Bati Zaat Tou Hum Toot Ke Roye

Hum Kartay Rahay Aaj Talak 'Uss Chaand' Ki Khwahish
Yaad Aayi Jo Auqaat Tou Hum Toot Ke Roye

Hatt gaya ankhon se parda woh haseen khawab ka

Hatt gaya ankhon se parda woh haseen khawab ka
aur khul gaya mere liye har ik darr azab ka

Na mujh ko hanse de,aur na hi dey roone
Mere Malik!kiya keron main is dil e betab ka

Jis ki chandni pe haq hi nahin koi mera
Kioun main ihsaa'n lon aise mehtaab ka

woh jis k yaad ate hi tum haath dil pe rekhte ho
Dua kero k ho bhala,us khana kharab ka

insaaan hon khwahishon ki farawaani nahin jaati

insaaan hon khwahishon ki farawaani nahin jaati
nalaaan hon meri baat kiyon maani nahin jaati

wafa key ghar banatey hen kabhi ye sahil e dil pe
muhabbat kerney waaloon ki naadaani nahin jaati

yun saazishon k jaal se RABB ne bacha liya
khud meray dushmanon ki heraani nahin jaati

tanha tha izrtaab men bola ye ik zae'ef
ae kaash ! meri shookh jawaani nahin jaati?

sun ley meri maasoom sadaaon k hareeef
biphri huwi moojon ki rawaani nahin jaati

kal aayeney men dekh ker aisa laga mujhey
mere chehrey se maazi ki kahaani nahin jaati

dhundla diye hen waqt ne chehron k yun naqoosh
"bohat jaani huwi soorat bhi pehchaani nahin jaati"

na hota zindgi pey ger azal se moot ka pehra
kabhi khud lote k dunya ki deewaani nahin jaati

jhalakta hey, mehakta hey paseena baaghbanon ka
chaman men raayegaan hergiz qurbaani nahin jaati

Qasmein khate the kabhi saath mein chalne ke liye

Qasmein khate the kabhi saath mein chalne ke liye
Ab haiN beechen alag rah nikalne ke liye

Wo to nazuk hai ke chandni meiN jhulse hai
MeiN musafir hooN kaDi dhoop meiN chalne ke liye

PalkeN bichhaye teri raah meiN din guzra
Ab to aaja ke chali sham bhi Dhalne ke liye

Ek arse se hooN shamma bujhaye huye
Dil ko chhoDa hai teri yaad meiN jalne ke liye

Teemardari to mulahja ho qadar danooN ki
Teyyar rakha hai namak zakhmoN pe malne ke liye

Ab chaman ko khizaoN ki zaroorat kya hai
Khud baghbaaN nikla hai kaliyoN ko kuchalne ke liye

Gulab samjha tha meiN nishani-e-muhabbat
Woy eh samjhe ke diya phool masalne ke liye

Dil-o-JaaN main tujhay rakha hay wafa main tujhay rakha

Dil-o-JaaN main tujhay rakha hay, wafa main tujhay rakha
Wo jo guzrey, unhi lamhoN ki Ada main tujhay rakha

Lab-e-khandaN ko siya tu nay kisi dar say magar sun!
Hay taqaazaay-e-muhabbat k Nawa main tujhay rakha

Tray Nazuk say Q'ua main mri quwat ka khazeena
Jabhi Sar-sar main raha khud tu Saba main tujhay rakha

Dam-e-rukhsat ye nida aayi k pehchan khudi ko
Dil-e-sad-ranj say phir baang-e-daraa main tujhay rakha

Jo murattab hay ye dagtar mray a'amal ka ahsan
Za gariftaar-e-saza hoN k jazaa main tujhay rakha

Mray rabb nay mujhay rakha hay laho ki jo tapish main
Ho haseeN hast zi-bas rang-e-hina main tujhay rakha

Dil-e-deewana o mastana talab-gaar hua jab
Tu JunoN khaiz har ik lamha Dua main tujhay rakha

Gham-o-andoH o khushi k, tray hi naqsh har ik ja
Jo fana main tujhay rakha tu baqaa main tujhay rakha

Main jaanti hoon

Main jaanti hooN
Barhaa youn bhe hota hai
ke qalm jab harf ugalti hai
in meiN chhupe anmol jazbe
apni beqadri se preshaN
shakasta haal se lagte haiN
to kitne bemol ho jate haiN
aur mujhe maaloom hai
ke aisa bhe hota hai
ke dewaar e khayal se
ser paTkhte ser Tukrate
ye shor machate baghi lafz
jab rah e farar pate haiN
nok e qalm se phisal ker
safha e kitaab pe aate haiN
to kitne seham se jate haiN

Mohabbaton Mein Gar Koi Jaadugari Nahin Hoti

Mohabbaton Mein Gar Koi Jaadugari Nahin Hoti
Chakori Chaand Ke Liye Yun Baa'nwari Nahin Hoti

Dil Ki Aahatain Dil Khud BaKhud He Suntaa Hai
Dil Ke Muaamlaat Mein Mukhbari Nahin Hoti

Ik Nigaah Mein He Log Rooh Tak Utartay Hain
Nazar Koi Bhi Pyar Mein Sarsari Nahin Hoti

See'nchtaa Hoon Raat Din Aab-e-Chashm Se Magar
Phir Bhi Shaakh-e-Jaa'n Mri Kyun Hari Nahin Hoti

Le Jaa Khud Samait Kar Jo Bhi Meray Paas Hai
Ab Mujh Se Teri Yaado'n Ki Dilbari Nahin Hoti

Tu Ne jo Bhula Diya Tou Kyun Karoon Shikayatain?
Khudaa Ke Kis Kaam Mein Behtari Nahin Hoti?

Ik Chiraagh Se Yaha'n Sau Chiraagh Jaltay Hain
Mohabbat Koi Jahaan Mein Aakhri Nahin Hoti

Haan Bhatak He Jaana Tha Teerah Raah Mein Mujhay
Kisi Ke Naqsh-e-Paa Se Jo Raahbari Nahin Hoti

Teray Baad Bhi Khwaab Dekhta Hai, Per
Ab Kisi Bhi Khwaab Mein Koi Pari Nahin Hoti

Teri Furqat Mein Jo Guzaari Thi

Teri Furqat Mein Jo Guzaari Thi
Zindagi Se Woh Raat Bhaari Thi

Ashkon Ki Taar Sab Jissay Samjhay
Zakhm-e-Dil Ki Woh Aabeyaari Thi

Khoo'n Mein Ab Tak Rawaa'n Azziyat Hai
Tum Ne Rug Rug Mein Jo Utaari Thi

Sab Teray Zikr Se Gurezaan Thay
Kitni Rasmi Si GhamGusaari Thi

Mausam Tha SangDil Murre Ka Bhi
Girti Thi Burf Keh SangBaari Thi

Hum Teray Hijr Mein Jiye, Kam Hai?
Dil Tha Nazuk Yeh Chot Kaari Thi

Raah Mein Tum Mil Gaye Achanak, Jab
Ek RahZan Ki Talaash Jaari Thi

Kuch Tou Mujh Ko Sila Milay Yaaro
Main Ne Har SaanS Tum Peh Waari Thi

Har Shab Si Raat Thi Kal Bhi
Hum Thay Aur Akhtar Shumaari Thi

aansuon ka hisaab rakhta hai

aansuon ka hisaab rakhta hai
dil mein kitne azaab rakhta hai.

jane kiski hai qabr wo jis par
roz taazaa gulaab rakhta hai.

jaag kar kat_ta hai shab aksar
phir bhi palkoN pe khwaab rakhta hai.

uljhaneN haiN sabhi ke seene meiN
kaun ab inqlaab rakhta hai.

wo jo aaye to noor-sa bikhre
aaNkh meiN aaftaab rakhta hai.

aaiina bhi bahut pareeshaN hai
rukh pe hardam naqaab rakhta hai.

yaad kii dhoop jab sataati hai
sar pe meri kitaab rakhta hai.


wo jo chahe to kya nahiN hoga
yuN hi khana-kharaab rakhta hai.

gungunata hai chhip ke meri ghazal
shauq to lajawaab rakhta hai.

shekhji us se door hi rehna
wo purani sharaab rakhta hai.

maa k anchel nay mushkilun say buchaya muj ko

maa k anchel nay mushkilun say buchaya muj ko
gir gir key chalna humasha sikhaya mujh ko



fitna_e_dunya sey buchna sikhaya mujh ko
her dum naya supna banana sikhaya mujh ko


dukh ki leher nay jub mujhey tor diya
apney pechey chupa ker buchaya mujh ko


khof sey ub main bachon kis terha
andhera chor ujala kerna bataya mujh ko


aiy maan ub jeena hey muhal
dunya sey lurna kub sikhaya mujh ko


zukhmon sey ub khun risney laga hey
apnon sey door na jana,kun sumjhaya mujh ko

Mere Liye To Dil Taira Shayad Bekarar Nahi Hota

Mere Liye To Dil Taira Shayad Bekarar Nahi Hota
Aaja K Ab Mujh Say Aur Intizar Nahi Hota

Subha Ka Wada Tha Ab Sham Bhi Dhalne Lagi
Phir Daiti Ho Ilzam K Tumhein Aitbar Nahi Hota

Ab Tairy Zulfo Kay Saiy Mein Sona Hai Mujhe
Tum Kahti Thi Bohat Kay Tum Say Inkar Nahi Hota

Lay Jata Kahin Door Tumhin Main Iss Dunyan Say
Roze Mahshar Mein Agar Ye Jurm Shumar Nahi Hota


Kon Kahta Hai Kay Mujhe Piyar Nahi Tum Say
Piyar To Itna Hai Mujhe Kay Shumar Nahi Hota

Itne Diye Zakham Mujhe Shahid Iss Dunyan Nein
K Ab Jo Bhi Lage Chot Ye Dil Sogwar Nahi Hota

Mere ishaq ko kuch aur hawa di thi

Mere ishaq ko kuch aur hawa di thi
Ik samundar ne sehra ko sada di thi

uss ka dhuwan ab bhi dil se utth,ta hay
tune basti mere khawabon ki jo jala di thi

chand ne phir yaad dila di mujh ko
wohi surat jo maine bhula di thi

Aj dekha usay tu phir se jal uthi
wasal ki jo aag maine bujha di thi

Daag dil k jale tu khud se sawal kiya
kis shakhs ko tu ne apni wafa di thi?

Us k daman mein wasal ki sadiyan then
tu ne jo shaam zid mein ganwa di thi

Hairat se uasay dekhti rahi bujhti ankhain
us ne muhabat ki buhhat khob saza di thi

Jab woh louta tu buhhat dekh k roya sehar
Hijar ne mitti mein,mitti mila di thi

Sara qasoor mera nahi

Sara qasoor mera nahi
jo abr e mohabat bersa nahi
maiN ne jazboN ko
aanch to di the
tabkheer bhe saari
ho gai the
BoondaiN samaitney meiN
hawa ne dair laga di

chehrey per kai chehrey saja ker miltay hain log

chehrey per kai chehrey saja ker miltay hain log
phir dunya ki bheer main kho jatey hain log


na karna yaqeen ainda kisi dil walay ka
asani sey berbad ker key nilal jatey hain log


mohubut to hey ik khubsurut dhoka
mohubut ka dhoka asani sey dey jatey hain log



dil bujh ker bhi pather nahen hota
dil ko durd sey ashna ker key chalay jatey hain log

Chaandni raat main kirano ka nazaara karna

Chaandni raat main kirano ka nazaara karna
Chaand dil karna tau jazboN ko sitaara karna

Raat bhar khwab maiN neend aati nahi hay mujh ko
Khwab maiN aana muhabat ka ishaara karna

chale aao tumheN pakloN pe bithayeN ham bhi
Saari dunia se bas us pal ko kinaara karna

raat tanhaai ke aalm main to yaad aata hay
chaand ko daikh kay kab tak hay guzaara karna

Aarzu hay meri jab marte huway girne lagooN
us ghaRi bahoN ka ik baar tum sahaara karna

yaad aaye jo meri bhool kay zulmi saajan
pyar se gaoN kay rastoN pe pukaara karna

A sarmayaa daaro kitne fikr ki ye baat hai

A sarmayaa daro kitne fikr ki ye baat hai
Her taraf hai roshni tum par andhairi raat hai

Ehle sarwat ho magar kum bhiik mangoun sai nahein
Do takke dai kar kisi ko kehte ho khairaat hai

Kya kabhi logoun sai bhi poochhaa hai yaa phir khud younhi
wa wa kar ke dil behlaate ho apnaa, kya baat hai

Tum nazar aate kahaan ho hokmaraanoon ko bhlaa
Daikhne wali tumhaein tou ik Khudaa ki zaat hai

Door jaane ki zaroorat kyoun bhlaa hogi tumhaein
Noch khaate ho usi ko jo milaata haat hai

Dil takabbur sai bhre haein niyatoun main khoT par
DamRiyoun sai kum tumhare ke soun ki aoqaat hai

Hum ghariboun ka ye jinaa moot sai bad tar hai par
Tum amiroun ke liye tou zindagi soghaat hai

Hai agarche dhan o dolat ab tumhare paas par
Fikr hum ko bhi nahein Moulaa hamare saath hai

Agar karni hoon to phir Aa,karain hum piyaar ki baatein

Agar karnii hoon to phir Aa,karain hum piyaar ki baatein
wagarna choR dai baaqii hain sub baikaar ki baatein

buraa ho ya bhla koii kisi se kya gharaz hum ko
kya apnoon ki kamii he jo karein aghyaar ki baatein

lagaayaa dil agar hum ne,zamaana kya kahaiga phir
ye sub hain baad ki ab to na kar baikaar ki baatein

yahaan par to sunaa he ke hote hain kaaN diwaaroun ke
kisi ke saamne kaise karein asraar ki baatein

ye qol o fail main janaan he kuon itnaa tazaad aakhir
kisi se pyaar karta he kisi se pyaar ki baatein

teri nazroun main jab se pyaar ki daikhi jhalak hum ne
burii lagtii nahein hain ab hamain baikaar ki baatein

Hamain malum tha ye bi hamain wapas palatna hai

Hamain malum tha ye bi
hamain wapas palatna hai
junun ki akhri had se
sakun ki jang larne tak
khirchyun main bikhrne tak
na koi sath de ga
na koi hath de ga
shanasha har shakhs hamara
hamain chor jaye ga
sapne bunte khilin thi jo
wo kaliyan tor jaye ga..
Hamain malum tha koi gosha nai ho ga
jahan pe panah payain gay
mgr phr bi
jub tum ne sath manga tu
bina soche
bina samjhe
rida.e.muhbt orhe
zad.e.rah lye bina
tere qadmun k peche hi
nikl pare hum is safr main
hamain roka bi tha dil ne
wahsat k safar main jub
tum sakun pa lo gay
be.maya kr k zat ko meri
kisi k sath tum agay nikalte jao gay
hamain malum tha ye sub
safr se le kr tere bichre ki azeyat tak
main sub janti thi

Is qaamat-e-mahdood se baahar bhi kahin hoon

Is qaamat-e-mahdood se baahar bhi kahin hoon
MaiN lamha-e-mojood se baahar bhi kahiN hooN

SajdoN ka hay ik sail-e-rawaan meri jubeeN se
Or saajid-o -masjood se baahar bhi kahiN hooN

Maujood hooN maiN mandir-o-masjid maiN basad shauq
Or aabid-o-maebood se baahar bhi kahiN hooN

Sirf aah bujhaana hi mera fan tau nahiN hay 

Main qisaa-e-namrood se baahar bhi kahiN hooN

Ye zeest tau ik kaawish-e-be sood hay
Is kaawish-e-be sood sebaahar bhi kahiN hooN

kyon hai khaamosh samandar tumhein maaluum hai kyaa

kyon hai khaamosh samandar tumhein maaluum hai kyaa
Kitne tuufaan hai.n bhiitar tumhei.n maaluum hai kyaa

Usse milne kii tamanna hai agar mil jaye
Kaun likhta hai muqaddar tumhei.n maaluum hai kyaa

eik jumala wo jo kal tumne kaha tha ,usne
khuun se ra.Ng diye khanjar tumhei.n maaluum hai kyaa

dard kitnaa bhi do aa.Nsuu nahii.n aane waale
dil meraa ho gaya patthar tumhei.n maaluum hai kyaa

Duub jaata hai un aa.Nkho.n mei.n utarne waala
uskii aa.Nkhei.n hai.n samandar tumhei.n maaluum hai kyaa

ham dikhaave kii mohabbat nahii.n karte tumse
jaan kar deinge niChaavar tumhei.n maaluum hai kyaa

kaun rahta tha khayalo.n mei.n tumhare pahle
kaun phir ho gaya beghar tumhei.n maa'luum hai kyaa

Tujh par koi ilzaam jo dhartay bhi to kaisay

Tujh par koi ilzaam jo dhartay bhi to kaisay
Ham ehd-e-muhabbat se mukartay bhi to kaisay

Wo shakhs to yaklakht hi haT jata tha peechHay
Ham TooT ke qadmoN maiN bikhartay bhi to kaisay

Ilzaam ye aata ke tujhay bhool gaye thay
Aye dost! tujhay yaad jo kartay bhi to kaisay

Kia khaak muqaddar se koyee ham ko gila ho
BigRoN ke muqaddar thay, saNwartay bhi to kaisay

Mehroom hi rehtay jo tere radd-e-amal say
Aye jaan! tere pyaar maiN martay bhi to kaisay

Jeevan hi guzara tha thapaiRoN maiN jo ham nay
Ham ab kisi toofaan se Dartay bhi to kaisay

Ek paaki-e-damaaN pe sada naaz raha tha
Darya-e-muhabbat maiN utartay bhi to kaisay

Har roz ki zillat bhi gawara to nahiN thi
Us raah se ham roz guzartay bhi to kaisay

Jeenay ki saza daiti hay, jeenay nahiN daiti
Dunya! tera tawaan jo bhartay bhi to kaisay

Bach kar na nikal paaye Saraab ishq se un kay
Dooba tha samandar maiN, ubhartay bhi to kaisay.

aye zindage muje say roth na jana faqat tab tak

aye zindage muje say roth na jana
faqat tab tak
sanson say wada nibha karo
jab manzil mai puch kar
apni ankhon ko es
kay charay say sirab na kar lo
tab tak
aye zindage muj sey wafa krana
aye zindage muj se roth na jana

na baat ka qaidi hoon na raat ka qaidi hoon

na baat ka qaidi hoon na raat ka qaidi hoon
main to gardish_e_halat ka qaidi hoon

jab se muhabbat huwi hai mujhe
main bus lamhat ka qaidi hoon

maine hamesha hi azaadi chahi
per main apni hi zaat ka qaidi hoon

jab mujhe mila tha wo tab se
main us mulaqat ka qaidi hoon

wo mujhe is liye chor giya shayad
ke main to us ki yaad ka qaidi hoon

Mere ghummon ka madaawa Sharaab hai Saaqi

Mere ghummon ka madaawa Sharaab hai Saaqi
No rok haath ke ghum be-hisaab hai Saaqi

Shau'ur zehen ko dasta hai naaginoN ki tarah
Pila! ke hosh mein rehna azaab hai Saaqi

SukuN hayat ka chota sa baab hai piyaare
SukuN ke baab mein poori kitaab hai Saaqi

Gham-o-Alam ka, musarrat ka, shaadmani ka
Har ik sawaal ka bus ik jawaab hai, Saaqi

Mubaada kaan dharuN naasihoN ki baatoN par
Behak na jaaoN, zamana kharaab hai Saaqi

Wo qisa e gham sunata raha

Wo qisa e gham sunata raha
mera zabt aazmaata raha
aaj ser e bazam wo apne
dil ke daagh dikhata raha
Noha e dil e barbaad koi
akheer e shab ko gata raha
Kisi ke haath meiN teer the
koi zakhm sehlaata raha
wo sakoon ka matlashi tha
aur mujhe dard bhata raha
us ki tanhaai ka khayaal
mujhe her pal satata raha
kya hai hijr o wasal aakhir
waqt mujhe samjhata raha
bulaney se wo nahi bhoola
reh reh ker yaad aata raha
raqabat ki inteha dekho
sooraj diya bujhata raha
khak hoi maiN jal jal ker
zamana raakh uRata raha
us ki aankh ka pani
mujhe shab bher rulata raha

Nazar shanaas yeh saara jahaan ho ke na ho

Nazar shanaas yeh saara jahaan ho ke na ho
Tumhein bhi hum pe wafa ka gumaan ho ke na ho

Humein gharaz hai tu bus teri chashm-e-naaz se hai
Bala se saara jahaaN mehrbaan ho ke na ho

Jo dil ka haal hai kaisay bataein hum tum ko
Jo dil ka haal hai, hum se bayaan ho ke na ho

Wafa ki raah pe chalna hai hoslay ka kamal
Kissay khabar ke kahiN saeybaan ho ke na ho

Iss aik khauf ne mujh ko safar se rok dia
Palat ke aaoN tu jaane makaan ho ke na ho

Tumhein ghumaaN tu hai zinda ho tum abhi
Kisi ko aisa bhi shaid gumaan ho ke na ho

Nafrat bhi dilnasheeN hay jo ulfat kamaal hai

Nafrat bhi dilnasheeN hay jo ulfat kamaal hai
Us shakhs ki Saraab! rafaaqat kamaal hai

Wo keh rahay haiN ham say "muhabbat hay aap say"
Ham sochtay haiN unki murawwat kamaal hai

Zillat uThaayee, zulm sahay, phir bhi khush rahay
Har cheez bhool janay ki aadat kamaal hai

Maqtool se gila hay ke wo qatl kyoN hua?
Qatil! ye tera tarz-e-shikayat kamaal hai

HaiN mustaqil nashay maiN, hamaiN maye se kia gharaz
Aye dost! tairay dard ki lazzat kamaal hai

Daikha kuch is nazar se ke pathHra gaye qadam
Ye saath chHoRnay ki ijazat kamaal hai

Har roz apni zaat ke TukRay kiay Saraab!
Ham ne jo un se ki hay muhabbat, kamaal hai

Buland kirdar si aankhian wo khush guftaar si aankhain

Buland kirdar si aankhian
wo khush guftaar si aankhain

mohabbat ki negehbaaN hain
dar o dewaar si aankhain

nameeda sabnami gulpoosh
gul o gulzar si aankhain

dehekti dhoop main thandak
ghany ashjar si aankhain

khazina hian wo yadoon ka
haseen pandar si aankhain

hikayat hain khmoshi ki
wohi iqrar si aankhain

ghata palkoon pe rakhti hain
abad imtar si aankhain

kamal e husn o raanai
sukhan, ashaar si aankhain

kitab e drd k oraq
haziN afgar si aankhain

khamooshi khush kalami si
saba izhar si aankhin

hain Aashi hast ka sehra
meri sansar si aankhain

Chalo ik bar phr dar.o.bam sajaya jaye

Chalo ik bar phr dar.o.bam sajaya jaye
geet ulfat ka koi sar.e.sham bajaya jaye

Toot'ti jati hai umeed ki har kali
apne hathon se beej nya ugaya jaye

Humko malum hai milain gay dhoke bht
apni ankhun ko is bar zara sulaya jaye

Hathun ki lakerain hui jati hain madhum
dil ko kisi khush.fehmi se behlaya jaye

Ab k maujain ajab sar-kashi pe utri hain
iski zidd ko pyar se sehlaya jaye

Jo hai chahta wohi nikle zuban se
munsif ko barwaqt ye sandesa kahlaya jaye

Utar rhe hain nit nye azab hasti pe
rahn rakh kar khuwab,nendon ko jalaya jaye

Qaafile waqt k hathun hain lut'te jate
naam rahzan k nighebani ko lagaya jaye ..

Ab is se ziyadah aur sitam, ye dard ke maaray kia sehtay

Ab is se ziyadah aur sitam, ye dard ke maaray kia sehtay
Khud zakhm silay ristay ristay, khud ashk thamay behtay behtay

Dunya ke musaafir khanay maiN, kia haal kisi ko batlatay
Jab jaan bhi baygaani Thehri, aye jaan! kisay apna kehtay

Is dil ke dar-o-deewaar pe ab, ek rang naya karwa Daalo!
Wo tang na ajaayeN warna, is ghar maiN kaheeN rehtay rehtay

Go rah-e-wafa to khatm hui, lamhoN ki musafat maiN yaaro!
Ek umr guzaari hay laikin, anjaam-e-wafa sehtay sehtay

Ham apnay dil-e-mayoos ki ek, tehreer-e-mujassam ban baiThay
Khud lauh-e-jahaaN par kanda haiN, ab shaire bhala ham kia kehtay

khayaal o khawaab ki duniya thi tum thay

khayaal o khawaab ki duniya thi tum thay
kissi maahtaab ki duniyaa thi tum thay

talaash-e-yaar main niklay thay hum to
magar ahbaab ki duniya thi tum thay

Nashay main jhoomta qaatil saraapa
kissi shur aab ki duniya thi tum thay

sitaron say sajji duniya hamari
zarr-e-nayaab ki duniya thi tum thay

agar dushman laggata gham na hota
magar azraab ki duniya thi tum thay

kaheen zar to jawaher hain kaheen per
kissi nawaab ki duniyaa thi tum thay

zammana to badal jata hai
magar adaab ki duniya thi tum thay

Apnay khaNjar ko jaisay chahay aazmaa lay

Apnay khaNjar ko jaisay chahay aazmaa lay
Ki teri hasrat bhi na rehay baaki
Jab talak chaahay latka lay mujhay
TanhaaioN ki saleeb
Jab talak chaahay aasraa na day
Meray thakay muqaddar ko
Tujhsay nighaiN milaanay ka jurm kiya
Jaantaa hooN
Magar us jurm pay fakhar hai mujhko
Naaz hai mujh ko
Zabt kar tu apni yeh badghumaan haNsi
Ki main ab bhi tujh say reham ka talabgaar nahi
Aayaa hooN jo laykar apna lahuluhaan wajood
To sirf itna bataanay
“K tu bara lay tareeqiaN kitni bhi magar
Ahad meray kay kadam na dagmagaiNagay
Jab talak raushan haiN meray khwaaboN kay chiraagh
Tu kuch bhi nahiN
Kuch bhi nahiN”

Koi nukta aham din ki wasiyat sey nikaley ga

Koi nukta aham din ki wasiyat sey nikaley ga
Mira mehr-e-yaqeeN shab ko aziyat sey nikaley ga

Tiri janib safar karta koi tafheem ka lamha
mirey wijdan ko be-ma'nwiyat sey nikaley ga

Tasali rakh sar-e-mizgaN chamakta be-hunar tara
Tirey gham ko ghamoN ki aksariyat sey nikaley ga

Kisi ehsaas meiN dooba howa uss lams ka jhoNka
Mujhey choo kar badan ki ajnabiyat sey nikaley ga

Tiri dehleez sey uthta howa ik abr ka tukRa
Mirey sab mausamooN ko barbariyat sey nikaley ga

Mein kab sey munatzir hoon aik aisey raNg ka
Jo merey phool ko khushboo ki niyat sey nikaley ga

Main Apne Aap Ko Teri Zaat Ke Hawale Ker Doon

Main Apne Aap Ko Teri Zaat Ke Hawale Ker Doon
Tere Her Rang Mein Her Ung Mein Khushian Bhar Doon

Mujhe Khabar Hai Tera Qarz Abhi Chukana Hai
Jo Mere Bus Mein Hai Us Se To Ziyada Ker Doon

Tu Agar Mera Humsafar Mera Humnasheen Bun Jaye
Pyar WohTujh Ko Main Doon Tujhe Pagal Ker Doon

Apni Aghosh Mein Tujh Ko Main Chhupa Loon Aise
Ke Teri Zaat Ko Duniya Se Main Ojhal Ker Doon

Faramosh Kar Hein Baithay Gayee Azmatoon kay Qissay

Faramosh Kar Hein Baithay Gayee Azmatoon kay Qissay
Kiyon Likhay Na Waqat In Ko Aab Zilatoon Kay Qissay

Hay Haal In Ka Aysay Jaysay Khizaan Ki Rutt Hai

Hay Haal In Ka Aysay Jaysay Khizaan Ki Rutt Hai
Sanam Tarash Aysay, Har Shair In Kaa Butt Hai

Yeah Shayeroon Ki Mehfil, Mere Qoum Kay Likhari

Yeah Shayeroon Ki Mehfil, Mere Qoum Kay Likhari
Janaan Janaan Likh Keh Azmat Jinhoon Nay Haari

Faqat Apna Haal Likha Ya Hasab e Haal Likha

Faqat Apna Haal Likha Ya Hasab e Haal Likha
Bas Hijar o Visaal Likha Tu Kaya Kamaal Likha

Shayer Tu Ban Gai Hoo, Yeah Shayeri Hoo Kartay

Shayer Tu Ban Gai Hoo, Yeah Shayeri Hoo Kartay
Lafzoon Say Khayel Kar Bas, Saahari Hoo Kartay

ghar ghar charcha aam karo ho

ghar ghar charcha aam karo ho
muft humain badnaam karo ho

chahat ka kab ye hai matlub?
chahat ko bad'naam karo ho

baghal main khanjar ko daabe ho
munh dekhey pe "raam" karo ho

nazroo.n ki shokhi se apni
paani ko bhi jaam karo ho

us k naam ki mala jhapte
subha se mushkil shaam karo ho

mulk ki izzat ko zar'daroo
ruswa har har gaam karo ho

nafs ki lazat ki khatir tum
kiya kiya ultey kaam karo ho

khamushi jurm hai bolna jurm hai

khamushi jurm hai, bolna jurm hai
aajkal shehr meiN har adaa jurm hai.

bas bhatkate raho is gali us gali
ab kisii se pataa poochhna jurm hai.

bewafaa kaun hai, kaun hai bawafaa
is zamiN pe ye sab sochnaa jurm hai.

chal rahe haiN sabhi mujrimoN kii tarah
kya pataa kya khataa aur kya jurm hai.

kis qadar bemazaa ho gaye raat din
aarzoo se udhar dekhna jurm hai.

dil diya shauk se jurm pehla hua
wo na haasil hua doosraa jurm hai.


laut kar aayega wo kabhi na kabhi
dil meiN is qism ka hauslaa jurm hai.

haat lagne lagii hai ye duniya mujhe
muflisi in dinoN ik baRaa jurm hai.

soorateN sab chhipii hoN jahaaN sharm se
us jagah aaiine bechnaa jurm hai.

kis zamaane ke ho kuchh pataa hai tumheN
ye sadaaqat, ye neki, wafaa jurm hai.

Na fasaanon mein mili hai na kisi tafseer mein

Na fasaanon mein mili hai na kisi tafseer mein
Wo jo ik dilchasp rangat thi teri tasveer meiN.

Mere chehre par hawaayeN likh gayiN maazi mera
Laakh chehre paaoge tum ik adad tehreer meiN.

Ho gayaa haasil magar din-raat ka hai faaslaa
Khwaab meiN kuchh aur tha, kuchh aur hai taabeer meiN.

Is qadar seedha lagaa ki dil ka aangan hil gayaa
Kiske haathoN ke nishaaN haiN dekhna is teer meiN.

Jab sunahri dhoop ka aanchal kafas tak aa gayaa
Ik ghazal-si baj uthi hai paaNv kii zanjeer meiN.

Is zamiN is aasmaaN ke rang hote aur hii
Likhne wala gar tujhe likhta meri taqdeer meiN.

ik faqt gunah_e_muhubat kia main ney

ik faqt gunah_e_muhubat kia main ney
budley us key zindagi sey kia paya main ney


wo is terha rehta tha sath sath
jeet ker bhi haar key siwa kia paya main ney


us ko dur tha zamaney ki ruswayun ka
zindagi ko apni ujaar key kia paaya main ney


dusht_e_tunhai main chor dia mujh ko
ulfaat ka sila judai key siwa kia paaya main ney


zukhum_e_judai day gaya mujhey wo
zindagi us key naam ker key kia paaya main ney


ashkon ki bursat ub thumti naheen
buzm_e_dil saja ker us sey,kia paaya main ney

raah chaltay mila tha, judda sa lagga

raah chaltay mila tha, judda sa lagga
shaks woh ajnabi tha, bhalla sa lagga

main to shaidaa naheen tha kabhi husn ka
usko dekha to woh, khush adda sa lagga

woh mera kuch naheen tha, to tum hi kaho
kiss liay mujh ko apna bana sa lagga

main to naraz tha sirf ehbaab say
sari duniya hi say woh khaffa sa lagga

main to apnay dukhon say pareshaan tha
mujhko woh bhi magar dil jalaa sa lagga

jissko dekho paristaar azhar jabhee
usko jaana to jaisay piyaa sa lagga

yaad-e-mehboob-e-maazi jagaanay chalay

yaad-e-mehboob-e-maazi jagaanay chalay
Khud ko phir aaj hum aazmaanay chalay

kar gayii ham ko diiwaana fan ki lagan
uqta kay dost bhii sabh puraanae chalay

dard pii kar chale ham to kuu-e-ghazal
phir se ham rasm-e-ulfat nibhaane chalay


bin tere baaqii ummeed kii lau nahiiN
zindagi "saagar" ab kis bahaane chalay

Mishalein derd ki seenon meiN jalaaey Rakhna

Mishalein derd ki seenon meiN jalaaey Rakhna
Apney KaandhoN pe saleeboN ko uthaaey rakhna

Khak jalwoN sey na ho jaaey kaheeN toor-e Khayal
Bazm-e jaanaN meiN nazar apni Jhukaaey rakhna

Jaaney phir saqi-o mey khana mileN ya na MileN
Apni saansoN mein mehek mey ki basaaey rakhna

Rehzan-e waqt kaheeN ye bhi mataa'a loot na ley
Apney seeney meiN mera derd chupaaey rakhna

Jaaney kab lot ke aa jaaey wo bhatka raahi
Raat bher shama dareechey meiN jalaaey rakhna

Jab talak ho na tulu seena-e zulmat sey Qamar
apni palkowN pe sitaarowN ko sajaaey rakhna

Chahat Unki Hum Dil Main Chupaye Phirtey Hain

Chahat Unki Hum Dil Main Chupaye Phirtey Hain
Aik Khushboo Si Sanson Main Basaye Phirtey Hain

Dil main Paida ho Deed Ki Khawshish Kionkar
Aks unn ka jo Ankhon Main Sajaye Phirtey Hain

Kisi ke qadmon ki chaap sunayee deti hey
rastey peh iss liye kaan lagaye Phirtey Hain

Kal tak jo martey tey pattar Mujh ko
Wahee Haat janaza mera Uthaye Phirtey Hain

Adawaton ke iss sheher main har soo andhera hai
Chalo yaro ulfaton k diye jalaye Phirtey hain

Unn ko be shayaid tum peh ait-e-bar nahin
Tum unn ko, Wo tum ko aazmaye Phirtey Hain

kia zaroori hai mohabbat ko ayaan bhi kar doon

kia zaroori hai mohabbat ko ayaan bhi kar doon
kuch to asraar bhi rakhoon, kay nehaan bhi kar doon

us nay inkaar kia , main nay bhi subki jaani
kyun na ab apnay khayalon ko zubaan bhi kar doon

jee yeh karta hai kay sailaab, bahaa doon ro kar
main to barbaad hua saara jahaan bhi kar doon

sochtaa hun kay rag-e-jaan main basaa loon shoalay
aag nus nus main jalay aisaa samaan bhi kar doon

jo nehaan khanay main dil kay hai chuppai hum nay
hai koi qissa , kahaani, kay bayaan bhi kar doon

kitna acha ho sulagtaa rahoon har dam
shamm-e-mehfil sa jaloon, khud ko dhunwan bhi kar doon

Dil Ki Dunia Ko Uski Yaadon Say Sajayein`Gay Hum

Dil Ki Dunia Ko Uski Yaadon Say Sajayein`Gay Hum
Har Haseen Yaad Dil Me Uski Basayein`Gay Hum

Bewafai Ka Gilah Tak Nahi Karein`Gay Kabhi
Raah Me Mil Bhi Gaya To Anjaan Ban Jayein`Gay Hum

Jab Kabhi Jo Dil Taraph Ke Pukarey Ga Usay
Aik Naya Zakham Dil Par Apney Lagayein`Gay Hum

Uski Khuwaish Hai Bhool Jao Vaad-e-Qasmein Sabhi
Koshish Karein`Gay Huqum Uska Ye Nibhayein`Gay Hum

Dil Ki Jagha Wo Dharakta Hai Seenay Me Mere Aayan
Dharkan Ko Rok Kar Usay Bhool Dikhayein`Gay Hum

Phir Na Hoga Zamaney Me Ruswa Kabhi Pyar
Jism Ki Khaak Ko Ab Khaak Me Hi Milayen`Gay Hum

Bhaija hey uss ney salam-e-muhabbat

Bhaija hey uss ney salam-e-muhabbat
Karein gey ab ham kalam-e-muhabbat

Mubarak ho ishq ki manzil uaey
Aankhon se daiengey pyam-e-muhabbat

Gham-e-rozzgar agar na ho saqi
Hey zindagi ki zaroorat jam-e- muhabbat

Aahoon mein jinkee asar hota hey
Paa lety hein wo sham-e- muhabbat

Qaiss ko kehtey hein deewana sabb
Dewano ko milta hey dawam-e-muhabbat

Boo-e-gul per fida ho gaee bullbull
Chaman ko dey gaee pegham-e-muhabbat

Bahar aaney pey sajey ga chhaman
Khushbo se mehkey gee sham-e-muhabat

Muhabbat ko roog matt kahoo
Liya karoo izzat se naam-e-muhabbat

sub balain taal saktee hain duain , kar duaa

sub balain taal saktee hain duain , kar duaa
haath phailaa dastaras main hain fizain kar duaa

hud say apni barh gaya aur ki sitam ki intehaa
dekh ab us ki karamat aur atain kar duaa

dil dukhaya kis qader ho ga khalaq ka yaad kar
bud duaa ki bhi palat-tee hain sadain kar duaa

waqt ab bhi pas hai , taib hi ho lay kuj adaa
rub jo chahay khatm kar day sub sazain kar duaa

ghair kay agay sadaa kartaa raha ab rub say kar
girgirra to bakhsh day ga sub khatain kar duaa

dekh azhar teree janib chal parain gi khud bakhud
rab karam kar day mukhalif sub hawain kar duaa

Waqt ki aankh se dekho to yeh bahut puraanii lagti hai

Waqt ki aankh se dekho to yeh bahut puraanii lagti hai
Teray meray ishq ki baat ab faqt kahani lagti hai

Ban ke lahu takhleeq mirii kii ragh ragh men woh behti hai
Larki jo naadaan kabhii ,kabhii bahut siyaanii lagti hai

Ek ahad par maiN ne guzaarii tanha apnii umr tamaam
Aaj koyii soche to shaayad bahut hairaanii lagti hai

Kehnay ko gar kuchh na ho to bas pachheedah kar daalo
Baat samajh aaye na yahaan woh hii ruuhaanii lagti hai

Aur haseeN hoNgay dunyaa men us se bhii baR kar lekin
Achi itni phir kyuN mujhko woh mar-jaani lagti hai

yeh silsaly azaab kay, yeh fasilay, yeh qurbaten

yeh silsaly azaab kay, yeh fasilay, yeh qurbaten
Ajeeb see yeh rahten, yeh chahten, mohabten
Ik lagan ki aag see, yeh tarap kasak hay kaya
Moal lain azaab aur muft baanten nafraten
Kisi kay haath main qalam, kisi kay haath main alam
Kisi ka haath taighzan, kisi ka tann hay aag main
Kisi kay sar pay taaj hay, kisi ka sar hay daar pay
Ajeeb sa hay khauf sa, yeh wehshten, yeh dehshten
Bhagtay hain mard-o-zann, yeh bachay boorhay kis taraf
Na koi inka rehnuma, na rastay, na manzalen
Aye waqt tuo zara thehar, zara tau thamm ke saans lain
Yeh khasta haal aadmi, yeh neem jaan aurten

Mera chahnaa haqeeqat par mubeen hota gayaa ho ga

Mera chahnaa haqeeqat par mubeen hota gayaa ho ga
Yeqeen ko khud mohabbat per yaqeen hota gayaa ho ga

Mere nazron ki garmi say pighal kar chandni main yun
Haseen kuch aur meraa dilnasheen hota gayaa ho ga

Amaanet jaan kar chahet teri hum nay chuppai thi
Issay jis jis nay jaana hai amen hota gaya ho ga

Pata sub ko laga kaisay , zammana kis qadder guzraa
Zammanay ko na janain hum, kaheen hotta gaya ho ga

Baray hi sidq say dil kay wafaa hum nay nibhai thi
Bharosa phir sadaqat ko waheen hota gaya ho ga

Tujhay Azhar nay chaha hai janoon ki akhri hud tuk
Teray dil kay gharonday ka makeen hota gaya ho ga

Yahan kal talak thay jo raastay, woh lahuu ki naddiyon mein dhal gaye

Yahan kal talak thay jo raastay, woh lahuu ki naddiyon mein dhal gaye
Meray shehr aaj yeh kia hoaa, teray khadd-o-khaal badal gaye

Humein roshni ki talab tu thi, na thi besh-o-kam ki hawas magar
Humein aaftaab na mil saka tu chiraagh-e-shab se behal gaye

Yeh andher nagri hai dosto, kahan jaaye apna yeh kaarwaN
Jinhein hum ne maana tha raahbar, kisi aur raah nikal gaye

Yeh hawas yeh bhook ajeeb hai, jo mitaaye mitaTi nahi kabhi
Jinhein ghar ke hone se sab mila, wohi aaj ghar ko nigal gaye


Gham-e-zindgaani ke silsilay thay bohat ajeeb-o-ghareeb se
Jinhein saayebaaN ki talash thi, woh samay ki dhoop mein jal gaye

Koi Duniya Aur Basata Hai

Koi Duniya Aur Basata Hai
Koi duniya Choar'h ke Jaata Hai
Yeh Duniya Bhi Kiya Duniya Hai
Ik Pal Mai'n Sab Kho Jata Hai

Koi Yaad Karay Koi yaad Aaey
Par Kab Tak Dil Ko Behla'aey
Jo Saath Na Apnay Chal Paa'ey
Dil Kiyoo'n Unn Ko Pachta'ta Hai
Ik Pal Mai'n Sab Kho Jata Hai

Hum Kiyoo'n Kar Phir Say Piyaar Karai'n
Hum Tanha Hai'n Baikaar Nahi'n
Ik Umr Ganwai Hay Hum Nay
Ab Or Waqt Darkaar Nahi'n
Yeh Doar Humai'n Sikhlaata Hai
Ik Pal Mai'n Sab Kho Jata Hai

sitara raah_e_gardish main jab bhi hota hai mera

sitara raah_e_gardish main jab bhi hota hai mera
tu main aksar apni maa ke paoun choom leta hoon

suno aye dost muhabbat tum ne karni hai?

suno aye dost

muhabbat tum ne karni hai?

tu phir be aas ho jana

dil ko sakht kar lena

mathe pe shikan na ho

honton pe hasi na ho

chehray pe sukoon na ho

haan muhabbat aisa karti hai

bahut be dard hoti hai

dil ko dard deti hai

chehray ko zard karti hai

aankhoon ko sard karti hai

bahut hi dard deti hai

muhabbat tum ne karni hai?

to phir be ass ho jana

ye udaasi to dekho ye chehray to dekho

ye udaasi to dekho ye chehray to dekho
mujhe keh rahe hain muhabbat na karna

milain ge tumhain log her mor per
magar tum kisi se bhi chahat na karna

ye main keh raha hun samajh lo to behtar
kisi se bhi aisi adawat na karna

yahan log daste hain sanpoon ke jaise
kabhi aastinoo ki hajat na karna

kitabain hain parhni to aik baat sun lo
gulaboon ki in main hifazat na karna


pyar hai qudrat ki bakhshi amanat
bhool kar bhi is main khianat na karna

muhabbat main tum se hi karta hoon
tum is main kabhi bhi tijarat na karna

Faasla donoN mein yun tu kam se kam ho jaaye ga

Faasla donoN mein yun tu kam se kam ho jaaye ga
Aaag, paani ka guzaara kia ba'ham ho jaaye ga!

Jab meri koshish se koi farq hi parta nahi
Jo bhi hona hai, mujhay kion ker ho ghum, ho jaaye ga

Aik jaanib raah-e-haq hai, aur tanha hai safar
Doosri janib Zamana hum qadam ho jaaye ga!

AasmaaN se ik mashihaa aaye ga imdaad ko
Had se barh kar jab ghareeboN pe sitam ho jaaye ga

Ashk barsaao, ghatta barsay na barsay, kia khabar
Dosto aaN'gan nahi, daaman tu num ho jaaye ga!

Jab nazar aata hai na-mumkin unhein koi bhi kaam
Kha ke kehtay hain Mere sar ki qasam, ho jaaye ga!

Main tu daanis'taa bhatak'taa hi raha yeh soch kar
Manzil'ein pa'a kar safar ka Shauq kam ho jaaye ga

Go, karam meray tu aye iss qaabil nahein
Hai yaqeeN, mujh pe meray Rab ka karam ho jaaye ga!

jab yaad ata hai naam tera toh ankhain num si ho jain

jab yaad ata hai naam tera
toh ankhain num si ho jain
mere reste sare bhattke se
or rahain gum si ho jain
meri ratain andheri banjer si
per jab thamo tum hath mera
toh bagh-e-iram si ho jain
kabhi ak janam mai serab na hon
kabhi saat janam si ho jain
ruh bhi ghayal ghayal si
or dil bhi toota toota sa
phir saaz bana ye tootna sa
or ankhain rim jhim si ho jain
inn yadon ko dafnana hai
jin yadon se mai khoon ro-oon
per mujh se kaise hoga ye
jab ye tum he tum si ho jain...

Mana keh mera tu bhi tarafdar nahin hai

Mana keh mera tu bhi tarafdar nahin hai
Per teri mohabbat se to inkar nahin hai

Kyun log uthate hain meri laash yahan se
Ye teri havaili ki to dewar nahin hai

Daikha hai keh taishe se bhi kut jate hain kohsar
Ho ishq to manzal koi dushwar nahin hai

Hai baat koi aur keh marta hon main is per
Majnoo'n hon main laila se mujhe payar nahin hai

Us hath se chin jati hai sari hi kamai
Is waqt k jis hath mein talwar nahin hai

Chewnti ko liey phirta hai behta howa tinka
Duniya mein koi cheez bhi baikar nahin hai

Kaya chand ka pani mein hasee'n uks utara
Ay raat koi tujh sa bhi funkar nahin hai

Kis naz se behthi hai kari dhoop mein
Ye phool to titli ka talabgar nahin hai.

Woh kesy log hoty hain

Woh kesy log hoty hain
keh
jin ki aankh nam na ho
jin ko koi gham na ho,
naan hee rog hoty hain,
wah kesy log hoty hain
woh kesy log hoty hain,

teri yaad ka mousam gaaya nahi abhi

teri yaad ka mousam gaaya nahi abhi
yeh dil puri terha roya naheen abhi


tasawur main tujhey dekhtey hain apney kareeb
suhaney supnon ka mosum gaya naheen abhi


meri matai_e_ zindagi ik wo hi to hain
apni jaan sumujhney ka mosum gaya naheen abhi


gull to sirf mehektey hain chaman main
kanton sey ulujhney ka mosum gaya naheen abbhi


husrut hey pyaar key do boul kahain wo
pugdundun pey chulney mosum gaya naheen abhi

kisi soorat bhi mairi khoo-e-armaani nahi jaati

kisi soorat bhi mairi khoo-e-armaani nahi jaati
maiN har khwahish pe marti hooN ye naadaani nahiN jaati


muqadar ki lakiroN maiN sajaaya jab tujhe maiN ne
to jewen say mere pher keyoon yeh veeraani nahiN jaati

jisey socha usey poja jisey chaha usey paya
takhayul se sukhanwar phir bhi hairaani nahiN jaati


talatum khaiz mojaiN narm lehja le kay aayi haiN
ajab sa khauf hay dil main, preshaani nahiN jaati


guzartey waqet ney dhulaa deye ketney haseen chehray
"bohat jaani huwi soorat bhi pechaani nahiN jaati

amarat zarf ho jin ka sakhawat jin ki fitrat ho
tahi daman bhi ho jaayeN tau sultaani nahiN jaati



darkhtoon ney hare patoon ki chader ourh li jab sey..
chaman ki our tab se eek dewani nei jati


patang apni muhabat ki bulandi per kati lekin
mere hathoon sey raana peyar ki tani nehi jati

kyun na ajj un ko pukara jaye

kyun na ajj un ko pukara jaye
phir se dil_veeran ko staya jaye

ajj phir un ka kaha maan kar
zakhm_e_jigar ko nikhara jaye

shayad is tarah wo maan jaye
uski zulfoon main phool sajaya jaye

muhabat ho to aisi ho
phir kisi tour na dil ko sanbhala jaye

peyar aankhoon se ayaan hota hai
phir keyun her shakhs ko batya jaye

muhabat ahsas hai koi baat nahi
phir tumhain kaise yaqeen dilaya jaye

muhabat maine bhi ki thi kisi ko dil se chaha tha

muhabat maine bhi ki thi

kisi ko dil se chaha tha

nahi ab pas wo mere

magar ye log kehte hain

wo dekho zard chehra hai

nighain sard hain iski

honton se hasi gayab

mathe pe shikan zahir

muhabat is ne ki ho gi

han..........

muhabat maine bhi ki thi

nahi ab pass wo mere......!

ye muhabat hai koi qaid nahi jab wo chahe reha ho jaye

ye muhabat hai koi qaid nahi
jab wo chahe reha ho jaye

baat karte bhi dar lagta hai
wo mujhe se khafa na ho jaye

yade_e_mazi ko khurido na
zakhm phir se hara na ho jaye

ab ke wo mila to sochain ge
keyun na phir ishq jawan ho jaye

wo na mile to youn lagta hai
jiase koi farz qaza ho jaye....!

Us kay chehray pe jab naqaab raha Aik girhan maiN aftaab raha

Us kay chehray pe jab naqaab raha
Aik girhan maiN aftaab raha

Haal apna sada kharaab raha
Phir bhi ye zarf lajawaab raha

Umr bhar narasaayee saath rahi
Haath se door maahtaab raha

Tangdasti zameeN pe lay aayee
AsmaaN per hamara khwaab raha

Tab-e-deedaar ham ko ho na saki
Wo bohot dair be-hijaab raha

Aik lamhay ki dil-lagi ke tufail
Umr bhar dil maiN izteraab raha

Band hoti kitab-e-hasti ka
An-khula haaye aik baab raha

Lazzat-e-dard kab uTha paatay
Roz ham par naya azaab raha

Khud ko darya to ye bhi samjha tha
Apnay dhokay maiN khud Saraab raha

ye zard chehray ye sard ankhain mohabbaton ki nishanian hain

ye zard chehray ye sard ankhain
mohabbaton ki nishanian hain

main jis taraf bhi dekhta hoon
mere char soo tanhaian hain

use mujh se jo hain shikayatain
mere undar ki khamian hain

udass rastoon pe chalna hai to
mujh main sari udasian hain

ishq_o_muhabat, peyar_o_wafa
gaye dino ki khanain hain

sar_e_sham mujhe ye khabar mili mujhe us ne dil se bhula dia

sar_e_sham mujhe ye khabar mili
mujhe us ne dil se bhula dia

mujhe kia khabar ye keyun huwa
mujhe khak kar ke ura dia

han meri be rukhi thi be waja
mere salook ka hi sila dia


main to tha tere qareeb tar
mujhe ajnabi keyun bana dia

Khaama ko bhigoti rahi ehsaas ki baarish

Khaama ko bhigoti rahi ehsaas ki baarish
Qirtaas pe hoti huwi akkaas ki baarish

BooNdooN ko tarasti rahi is shehr ki matti
Rukne pe nahiN aayi wo ban baas ki baarish

Hairat k falak par rahe afkaar kay badal
Izhaar k hoNtoN pe rahi pyaas ki baarish

Kuch bhaap uthi yaas kay dariyaa se achaanak
KhwaaboN ki hawaaoN se huwi aas ki baarish

Mahdood rahi un ki zameeN apni Gharaz tak
hoti rahi in aaNkhoN se iKhlaas ki baarish

AaNkhoN maiN utar jaaye hay! saaNsoN maiN basay hay!
Komal hay bohat WARD hasiN baas ki baarish

insaan nahi hain ye pathar ke putle hain

insaan nahi hain ye

pathar ke putle hain

be zarf bande hain

kia ye andhe hain

jo

kisi ki jaan lete hain

nahi maloom ye inko

kisi ki jaan lene se

koi janat nahi milti

ye jis ki jaan lete hain

unhi ke ghar ujarte hain

wohi barbaad hote hain

kisi ke bahi hote hain

kisi ke baap hote hain

magar ye na samjh bande

na jane kis tarah se ye

kisi ki jaan lete hain

Kuch nahin likhna hy ab to khali mairi bayaaz rehti hai

Kuch nahin likhna hy ab to khali mairi bayaaz rehti hai
Jee ko behlanay ke liye ab sath mairi hamsaaz rehti hai

Dil ki baat kehnay se dil ko aaram to mil hi jata hai
Per dekhna hy kab tak voh pas uskay raaz rehti hai

Ham kahan rehtay hain ye guman ham ko bhi rehta hai
Kiya bataaian ham ke aaj kal tabiyat bhi nasaaz rehti hai


Gardish e doran se dil ki dhadkanon se bhi dar lagta hai
Ham to chahtay hain aatay rahain per voh naraz rehti hai

Ab to khayal e husan ko bhi rok daiti hain hoorain
Youn bhi dunya ki runginion se tabiyat baaz rehti hai

Samad tu ne daikhay hain zindagi me badltay lamhaat
Ke kaanon mein aaj bhi voh goonjti aawaaz rehti hai

Meri aankhon ki nami kon chura sakta hai

Meri aankhon ki nami kon chura sakta hai
Yeh wo gohar hai jisay hum nay chupa rakha hai

Ye kesi rit hai Rahi K jis main dard aisa hai

Ye kesi rit hai Rahi
K jis main dard aisa hai
K jab mehsoos hota hai
Koi humdard nahi hota
Ye kesa khail dunya ka
K jis main jit bhi jaao
Safar Aakhir nahi hota
Sama chaahay badal jaaye
Faza zarroon main dhal jaaye
Nishaan Ki maut hay naa-paid
Fazaa-ay Soog hay barpa
Khushi zindan main hay qaid

Hawaayen Saath main apnay
Hazaaron tir laati hain
Tabassum nooch leti hay
Khushi ki chooti chooti Mootiyon ko
Janay kesay khooj leti hain
haseen-o-dilnasheen pooday
Khizan K Waar sehtay hain
Sisaktay Hain, Bilaktay hain
Magar chup chaap rehtay hain
Darakhton per Udaasion ki
Jesay BAIL hay chaayi
YE KESA KHAIL HAY RAHI

Har ik chehray pe
teh dar teh
Kayi parday
Zubaan khamoosh hay sab ki
Koi aa ker dua ker day
Koi tu is sukoot-e-raftagan Ko
Toor k jaaye
Koi tu aaaye
Jo toota howa pull joor k jaye


Jidhar dekho hay maayosi
Jidhar jaao hay tanhaai
Na hi mausam suhaana hay
Na hi kalyoon main barnaai
Na hi afkaar tabinda
Na hi soochon main Raanai

Mazaar-e-Dil howa Khasta
Hay har ik nafs lab-basta
Bari mushkil main hain Maula
Tera Hi aasra hay ab
Tujhi sey maangtay hain Rab
Jahan dekhain wo daldal hay
Jahan Jaayen wahin Khaayi
YE KAISI RIT HAI RAHI

Gham e duniya se dil bharte nahi hain

Gham e duniya se dil bharte nahi hain.
GareebaN chaak ham phirte nahiN haiN.

YahaN Thokar to lagti hai sabhi ko,
Magar ahl e hunar girte nahiN haiN.

Kabhi bhi ahl e Haq baatil ke aage,
sar e tasleem kham karte nahiN haiN.

Khuda ka khauf ho jinke diloN meN,
Wo duniya se kabhi Darte nahiN haiN.

NaSeeHat waai'zoN ki kaon maane,
Wo jo kehte haiN khud karte nahiN haiN.

Fanaa ho jaayegi har cheez
Jo ahl e i'lm haiN marte nahiN haiN.

duaaein radd nahi hotiein

suno logo
gunaah saarey zameeN se aasmaaN tak
phail jaaiN or
falak ko daiN azaabooN ki agar dahwat
to aese me ndaamat ka koi qatraa
azaaboN k waseeh daryaa k rukh ko
morh deta hay, junooN ko torh detaa hay
agar ye haath uth jaeiN duhaa ko to
gunaahooN k pahaarhooN ko mitaa daalaiN
zameen-o-aasmaaN ko yeh hilaa daalaiN
chalo ham tum duhaa kar laiN
Khudaa se iltijaa kar laiN
khaloos-e-dil se maangaiN to
wafaaeN radd nahi hotiiN
duaaein radd nahi hotiein

wo roshni kyun bikher gaye

wo roshni kyun bikher gaye
wo andhiain keyun ujar gaye

mujhe hai pata ye keyun huwa
hain judain bhi to bharr gaye

wo jo chandni hai wisaal ki
wo hijr hi main hain mar gaye

mujhe chahton se hai gila
meri rahatain hain kidher gaye

ye ishq hai ya mera junoon
mujhe tu mila main jidher gaye

pyaari hai humko kis liye furkat na poochho

pyaari hai humko kis liye furkat na poochho
baad-e-judaai vasl ki lazzat na poochho

patthar pighhalne mein guzar jaati hai sadiyaan
hai butparasti kis kadar aafat na poochho

kuchh husn unka, kuchh jawani ka takaaza
kaise lagi deedaar ki ye lat na poochho

aashiqmijaazi ne kiya hai naam roshan
kaisi sharifon se mili izzat na poochho

thumri, gazal, mujre hazaaron sun chuke hain
besaaz lori ki magar rangat na poochho

Apna mat'lab sab ki Haajat par muqaddam ho gaya

Apna mat'lab sab ki Haajat par muqaddam ho gaya
Khud gharaz is daur meN har ibn e aadam ho gaya


Nafsa nafsi har taraf hai kaam aaye kis ke kaon,
Har bashar ko apna dam or apna hi gham ho gaya.


Bughz ka, keene ka, nafrat ka diloN par zang hai
Rang ulfat ka, wafaa ka pyaar ka kam ho gaya.


Kar liya sajdah khuda ko bhi jo dil meN aa gayi,
But jahaN aayaa nazar sar khud ba khud kham ho gaya.


Zakhm e dil ke dard ka iHsaas hota tha kabhi,
Dard e dil ab khud hi zakhm e dil ka marham ho gaya.


Aaj dil meN yaar ke kya Husn aaraayi ki thi,
Tha ghazab haTna nigaahoN ka wo barham ho gaya.


Girya e aHbaab meN ham hi na ho paaye shareek,
Tab huyi ham ko khabar jab ham pe maatam ho gsaya.


ChhoR do khuda ke waaste ye shae'ri,
Bas tumhaari shae'ri se naak meN dam ho gaya

hawa duniya ki aisi hai nahi tum se gila koi

hawa duniya ki aisi hai nahi tum se gila koi
riwaaj bhool jane ki yahan adat sabhi ki hai

Hum ko manzil ka kuch pata bhi nahi Laut jaane ka raasta bhi nahi

Hum ko manzil ka kuch pata bhi nahi
Laut jaane ka raasta bhi nahi

Hum faqeeroN ke paas dil ke siwa
Pesh karne ko kuch bacha bhi nahi

Phir se dasht-e-junuN pukaare hai
Chaak-e-daaman abhi sila bhi nahi


Kuch tu milta humein zamanay se
Kia yehaN piyar ka sila bhi nahi?

Us ka milna tha khawaab ke maani'Nd
Jo ke mil bhi gaya, mila bhi nahi

Bin kahe baat ban nahi sakti
Aur kehne ka hosla bhi nahi

Milna chaho tu dau gharoN ke beech
Hai, magar itna faasla bhi nahi

bijlee si lapaktee ho, taktay yeh samaan hum hon

bijlee si lapaktee ho, taktay yeh samaan hum hon
palkon ki ridaa uthay, aur sirf wahaan hum hon

woh aankh uthaa dekhain, hum doob kay phir ubhrain
manzil ka nishaan gum ho , ik aisay jahaan hum hon

palkon say nazar tuk ka , lamhon main saffar tay ho
sahil say samunder ko, pal bhar main rawaan hum hon

woh sub ko bhulaa dalain. bus zikr karain meraa
lub jub bhi khulain un kay, aiy kaash bayaan hum hon

andaaz anokha hai , magroor nazar un ki
taskheer unhain kar lain, woh bankay jawaan hum hon

azhar ji chalo khud ko chahet say sajjatay hain
woh shaad rahain jis main, ik aisaa makaan hum hon

Khuli aankhoon se soney ki aziyaat maar deti hai

Khuli aankhoon se soney ki aziyaat maar deti hai
Hamain tu neeNd ki be-manwiyat maar deti hai

Samar ki kokh mein ik zaiqa mehfooz honey tak
Shajar ko mosamooN ki barbariyat maar deti hai

Saharey k liye mazboot bunyadain hi kafi hain
Magar deewar ko pani ki niyat maar deti hai

KaheiN varsey mein aNdhi khawhishain parwan chaRti hain
Kahein zindooN ko murdooN ki wasiyat maar deti hai

Kisi ko umr bhar ki aashnaai kuch naheiN deti
Kisi sey lamha bhar ki ajnabiyat maar deti hai

Ana par boojh hooti hain kaheiN be-shakl awazain
Kahein khamoshiyooN ki aksariyat maar deti hai

mohabbat cheez kya hai tum kabhi mujh ko jo batlao

mohabbat cheez kya hai tum kabhi mujh ko jo batlao
meri her soch kis liye bas tum se he mansoob rehti hai?
batao kis liye jana?
na meri soch sathi si,
na mera pyar sathi sa,
na mai pagal sa majnu hun,na mai kasa liye gada
toh phir mai kiun aseer-e-dard hun?
batao kis liye jana?
kabhi jab shaakh se ik phool juda ho,
kabhi jab shaam ko suraj dheere se tuloo ho,
kabhi jab ankh se be-kal sa aansoo tapak jaye,
kabhi barish ki rim jhim mai achanak dhoop a jaye
toh tum kiun bin bulaye mehmaan ban k chale ate ho?
batao kis liye jana?
muhabbat cheez kya hai tum kabhi mujh ko jo batlao
keh mai anjaan hun iss dard ki pur-kaif lazat se
hosake toh itna kaam ker dena
mujhe qaidi parindon ko abhi azad kerna hai...

Dard Be-Karaa'n Hai Dil Mein Jo Rawa'n Hai

Dard Be-Karaa'n Hai
Dil Mein Jo Rawa'n Hai
Jaanta Hai Woh Magar
Usko Yeh Gumaa'n Hai

Baarishon Ke Aane Tak
Zabt Ker Hee Jaoonga
Jis Tarah Bhi Ban Paraa
Hansoonga, Muskuraoonga

Mujh Pe Hai Bahut Yaqee'n
Usko Yeh Khabar Nahin
Ashk Tou Aazad Hain
Dil Pe Tou Jabr Nahin

Baarishon Ke Aanay Tak
Ashk Ruk Na Paayen Ge
Jaanta Hoon Zabt Ke
Bandd Toot Jaayen Ge

Phir Bhi Yeh Khayal Hai
Uska Maan Rakhna Hai
Ashk Na Woh Dekh Lay


Yeh Dhayan Rakhna Hai

Surkh, Namm Aankhain Liye
Dekhta Hoon Aasman
Aur Sawaal Karta Hoon
Ae Khaaliq-E-Do-Jahan
.
.
Baarishain Kab Aayengi?
.
Baarishain Kab Aayengi?

Na Roye Ab Kyun Keh Meray Dil Ko Teri Wafaa Per Yaqee'n Bahut Tha

Na Roye Ab Kyun Keh Meray Dil Ko Teri Wafaa Per Yaqee'n Bahut Tha
Bikhar Gaya Jis Ke Haatho'n, Guul Ko Ussi Hawaa Per Yaqee'n Bahut Tha

Yeh Kya Keh Darr Ke Bhan'war Se Ab Tum Talaash Mein Na-Khuda Ki Guum Ho
Chalay Thay Saahil Se Yaaro Jab Tum, Tumhain Khudaa Per Yaqee'n Bahut Tha

Woh Kehh Raha Tha Keh TU Dua Kar, "Kabhi Milain Na Bichharr Ke Ab Hum"
Woh Jaanta Tha Qubool HoGi, Meri Duaa Per Yaqee'n Bahut Tha

Hai Ab Yaqee'n Keh Sadaayen Dil Ki Kisi Ke Dil Tak Nahin Pohanchtie'n
Ussay Pukaara Nahin Tha Jab Tak, Har Ik Sadaa Per Yaqee'n Bahut Tha

Bahut Barasnay Ki Iss Baras Bhi, Hamaari Aankho'n Ne Baazi Jeeti
Hamain Yaqee'n Tha Inn Aansoo'o'n Per, Ussay Ghataa Per Yaqee'n Bahut Tha

Jo Baat Nikli Thi Teri Chuup Se, Shehr Ke Har Aik Ghar Mein Goonji
Hamain To Hona Tha Yun Bhi Ruswaa, Har Aashna Per Yaqee'n Bahut Tha


Payaam Koi Na Pohanchaa Uss Tak, Magar Gilaa Ab Karain Bhi Kis Se
Na Likhay Do Lafz Uss Ko Hum Ne, Hamain Sabaa Per Yaqee'n Bahut Tha

Wafaa Ki Aadat Bahut Pasand Thi, Wafaa Ki Aadat Ne Jaan Le Li
Dil-e-Hazee'n Ab Zara Bataa Tu, Kya Iss Adaa Per Yaqee'n Bahut Tha

Ussay Bhi Rasto'n Ne Poochha HoGa, "Kaha'n Pe Chhorr Aaye HamSafar Ko?"
Hamain Bhi Poochha Kaha'n Hai Woh Dil, Jissay RAZA Per Yaqee'n Bahut Tha

Saans ban jao or bus jao mairy saanson mein

Saans ban jao or bus jao mairy saanson mein
Bov laingay baramasi ko dil ke makinon mein

Insaan ki fitrat me hy kabhi badal jana
doston ko chod detay hain baton baton mein

Jahan se na kehtay phira karo ke dua karna
Kitnay aisay bhi hain achcha nahin hota duaon mein

Aankh tak hi ki bat hoti to rastah kar laitay
Ootar gayi hy bat jo seel gayi hy sinon mein

Faqat dikhavay per hi haq ko na pehchanay koi
Bahot insann badal jatay hain raton raton mein

Piyas meri na bujhi mooft me bhigna parah
Dost istrah ke bhi miltay hain barstay badlon mein

To phir kisnay khushbu ki phelai hogi jal?
Ham to aksar raha karay kagaz ke phoolon mein

Is se barh kar bhi hain andhairay dil ke under bhi
Nh matam karain koi yahan vahan, andheron mein

Doston ke chakkar me phansnay ki khair ho
Kashti phans ke bhanvar se nh nikli kinaron mein

Bhap ban kar samandar se barsay badal, banay jharnay
Kar sakta hy insan sairab, shireen zubanon mein

Khiltay rahay phool khizan ke aanay tak
Rung va bu chorh jatay hain fizaon mein

Sans ban kar rahay mehboob cha- hay chahnay wala
Taza dam rahay har pal voh dil ke makinon mein

Ab nh khat koi phool khushbu or giton me milaiga
Pahocha karega pegham mera garm garm sanson mein

Dubta suraj or dhundla sa milnay ka sama
Voh khushnuma manzar bhejunga apnee yadon mein

Samad na tamam hy ghazal tamam ho kar bhi
Bahot si un kahee rah gayee baton baton mein

main uski zaat tak hi mahdood raha

main uski zaat tak hi mahdood raha
mujhe wo yaad bicherne ke baad raha

khana badoshi ki adat nahi hai mujh ko
main jis jaga bhi ruka wohain abaad raha

mere malik teri rehmat ki bohtaat bahut hai
jise ho gya yaqeen wo hamesha shaad raha

mere fun ka ura mazak to koi baat nahi
wo bhi jahan giya barbaad raha

uski mehfil main suniye jo ghazal
deta her shahks mujhe daad raha

Hawaa se phir koi khushbu nayi kasheed karain

Hawaa se phir koi khushbu nayi kasheed karain
Nayi rutoN kay liye taazgi kasheed karaiN

Umid ki koi koNpal kabhi na murjhaaye
KhizaaN raseeda shajar se nami kasheed karaiN

Tamaam aablay kaaNtoN se chhaid hi daalaiN
Par aik lamha ko aasoodgi kasheed karaiN

Wo sab hawaalay jo dil maiN mere dhaRkte haiN
Ab un se kaisay hawaalaa koi kasheed karaiN

Kabhi tau jugnu ki soorat andhairi raatoN maiN
Safar ko khwab karaiN roshni kasheed karaiN

Kanaar-e-bahr-e-khyaal-e-hajoom-e-mauj-e-rawaaN
Sha'oor-e-raig se kuch aagahi kasheed karaiN

NikhaaraiN WARD kay pehlu maiN mosim-e-dil ko
Mahak churaayeN tau raNgat kabhi kasheed karaiN

Harf-e-tauba hamaiN sikha phir se

Harf-e-tauba hamaiN sikha phir se
HamaiN dikhla rah-e-hudaa phir se

Lay kar apni panaah maiN yaa rab
HamaiN shaitaan se bachaa phir se

Phir sunaa de hamaiN naveed-e-bahisht
Naar-e-dozaKh se bhi draa phir se

Ham bhataknay lage haiN dikhla day
Ae khuda seedha raasta phir se

Apnay Ghaiz-o-Ghazab se kar mahroom
HamaiN inaam ho ataa phir se

Jaisay ki thi mere bazurgoN ki
Kar qabool aise hi dua phir se

Shaamil-e-haal ho agar mehnat
NaKhl-e-ummid ho haraa phir se

Ae khuda kar koi sabab aisa
Jal uThay deep aas ka phir se

Fikr taaza ho jis ki Khushbu se
WARD gulshan maiN wo khila phir se

Aalmi bank kay mulaazim ko phir wazaarat mili khazaanay ki

Aalmi bank kay mulaazim ko phir wazaarat mili khazaanay ki
Door se hukmraaniyaaN haoN gi, kya zaroorat hay un ko aanay ki

Tail ki qeemataiN baRhaayeN ge, sharh-e-afraat-e-zar baRhay tau baRhay
Oxygen pe tax lag jaaye hay zaroorat unhaiN bahaanay ki

Laug soye haiN Khwaab-e-Ghaflat maiN, Din dehaaRay yahaaN paraiN shab KhooN
Koi uftaad bhaij de maula, hay zaroorat inhaiN jagaanay gi

Qaum ki ijtimaai kotaahi waqt karta nahiN moaaf kabhi
Sar jhukaaya hay kiyuN jawaaN mardo ye ghaRi tau hay sar uthaanay ki


Ban kay hamdard paas baiThay haiN,meer jaefar bhi meer saadiq bhi
DushmanoN ne hisaar khaincha hay,Khair ho WARD aashiyaanay ki

Chobaara daikhne ki aarzu hai Dil aara daikhne ki aarzu hai

Chobaara daikhne ki aarzu hai
Dil aara daikhne ki aarzu hai

Shab-e-zulmat chunida maiN sapida
Ishara daikhne ki aarzu hai

Samundar phailta hi jaa rha hai
kinaara daikhne ki aarzu hai

Sar-e-raahay jise ik baar daikhaa
Doobaara daikhne ki aarzu hai

HamaiN ehsaas ki taarikiyoN maiN
Sitaara daikhne ki aarzu hai

Tere dil ki har ik dhaRkan pe apna
Ijaara daikhne ki aarzu hai

Muhabat ki talab hay phir se, jaise
Khasaara daikhne ki aarzu hai

JahaaN se ishq raanjhay ka uTha tha
hazaara daikhne ki aarzu hai

bachaa le doobte ko jo bil aakhir
sahaara daikhne ki aarzu hai

Huway haiN khwaab saare raakh laikin
Sharaara daikhne ki aarzu hai

KaraiN shabnam kay qatray WARD bosi
nazaara daikhne ki aarzu hai

Nigaah-e-naaz ka gar intiKhaab ho jaaon

Nigaah-e-naaz ka gar intiKhaab ho jaaoN
syaah zulf maiN saj kar gulaab ho jaaoN

Ho is tarah se bhi chashm-e-tamaash beeN hairaaN
Tu aik chehra bane main naqaab ho jaaoN

MaiN lams-e-dast-e-haseeN har ghaRi karooN mahsoos
Jo tairay haath rahay wo kitaab ho jaaoN

Tu misl-e-noor jo ho jaaye mun'akis mujh par
Shab-e-Chahaar daham maahtaab ho jaaoN

Mera khuloos tere dil pe mukashif ho jaaye
Har ik sawaal-e-Khafi ka jwaab ho jaaoN

DiloN maiN raah bnaata hay aarzu ka safar
MaiN is safar maiN tere ham raqaab ho jaaoN!

MaiN WARD-e-ehd-e-khizaaN, or tu shabnam-e-taaza
Jo mujh pe barso tau rashk-e-shabaab ho jaaoN

Aao tu zara socho Koi taghayyur ho

Aao tu zara socho
Koi taghayyur ho
HaaN kuch tu naya socho


Kehnay ko kahoN Zinda
Sard hay wo shu'la
Dil jis say hay taabinda


Mehroom e hunar kab tak
Phirtay raheingay yooN
Hum khaak basar kab tak


Afsoos tu hota hay
Log jo be-his hoN
Dil dard say rota hay


Dil ghamzada , afsurda
Shu'la nihaN is main
Samjho na isay murda

Meri soch main,mere haal maiN bara farq hai

Meri soch main,mere haal maiN bara farq hai
Mere ehd mere khyaal maiN baRa farq hai

Tah-e-maslehat,mera gham nihaaN tera gham ayaaN
Mere karb tairay malaal maiN baRa farq hai

Mere hamnasheeN , mera hamsafar na tu ban saka
Meri lay maiN aur teri taal maiN baRa farq hai


Abhi saaz-e-Gham nahiN laaya aalam-e-haal-o-qaal
abhi jism-o-jaaN ki dhamaal maiN baRa farq hai

Tera husn zaaheri ishq-e-WARD hay bateni
Tere husn is kay jamaal maiN baRa farq hai

Aanchal se mera khoon utarta bhi tau kaisay

Aanchal se mera khoon utarta bhi tau kaisay
Wo kar kay mujhay qatl mukarta bhi tau kaisay

YaadoN ki hawaa aankh se takra kay jo guzri
Baadal ne barasna tha thahartaa bhi tau kaisay

Jo waqt kay saath aur bhi ho jaata hay Gehra
Wo zakhm-e-nehaaN waqt se bharta bhi tau kaisay

ShaakhoN maiN meri Ashk bahaaroN ne piroye
Phir aisi bahaaroN pe maiN marta bhi tau kaisay

Ambar bhi bhula daita hay TooTay huway taaray
MaiN kya hooN mujhay yaad wo karta bhi tau kaisay

NaadaaN thay hameeN sar pe kafan baandh kay aaye
Fahmida tha wo jaaN se guzarta bhi tau kaisay

Jo WARD rha fasl-e-khizaaN maiN bhi shagufta
wo baad-e-bahaari se bikharta bhi tau kaisay

be chiragh aankhain hain kyun udass aankhain hain

be chiragh aankhain hain

kyun udass aankhain hain

dil nawaz aankhain hain

be hijaab aankhain hain

be khumaar aankhain hain

pur khiyaal aankhain hain

be khuwab aankhain hain

be qaraar aankhain hain

pur sawaal aankhain hain

keyun meri aankhoon main

ajj

us ki aankhain hain......!

Khulli aankhon se jub daikha to ta had-e-nazer aaya

Khulli aankhon se jub daikha to ta had-e-nazer aaya
Jo aankhain moond lee'n to phir nazer her khusk-o-ter aaya

Howa kaya jo gharay per aik dariya par ker dala
Main ik khaghaz ki kashti mein samundar par ker aaya

Hawaain khailti rehti hain akser ub bhi tinkon se
Parindah laut ker laikun na phir us shakh per aaya

Khudaya yeh bata keh kaya kami thi teri jannat mein
Keh aadam tuj ke jannat ko zamee'n per hi utter aaya

Yeh hain batain mohabbat ki wahee'n ja oontni behthi
Galli mein jis jagah per aik deewanay ka gher aaya


Najanay ye khathun itna safar kyun hai fazaoun ka
Parindah jo urra wo laut ker baibal-o-per aaya

Chalo Afzal paharon mein kahin roo posh ho jaain
Keh lashker us ki yadon ka hai dariya se guzer aaya.

Ro raha hoon or na muskura raha hoon main

Ro raha hoon or na muskura raha hoon main
SaaNs laina rasm hay nibha rha hooN maiN

Munhadim huwi hay masjid aetibaar ki
Phir bhi ye jubeeN hay jo jhukaa rha hooN maiN

Dard ho rha hay be shaoor bhi nahiN
Chaut gaam gaam phir bhi kha rha hooN maiN

Sirf kaandha wo de jo wafa sarisht ho
Apne kaandhay apni laash utha rha hooN maiN

Kho gyi hay shehr ki samaaetoN ki hiss
Phir bhi apni raagni suna rha hooN maiN

Jis nagar maiN daikh hi na paaye koi bhi
Us nagar maiN aainay bna rha hooN maiN

Koi bhi na aaye jaanib-e-wafa nadeem
Zor-o-shor se magar bula rha hooN maiN

Jis diyaar maiN wo mairay saath saath thi
Us diyaar se akailay jaa rha hooN maiN

yaad-e-be wafaa ne khaimay gaaRay har taraf
Shehr ki hadood ko baRha rha hooN maiN

Shaayed is jahaaN ki tiragi maiN ho kami
Apna khoon apna dil jalaa rha hooN maiN

Us ne raastay badal liye tamaam tar
WARD raastoN maiN kiyuN bicha rha hooN maiN

Yun khara tha ser jhokaay mere gher jane ke baad

Yun khara tha ser jhokaay mere gher jane ke baad
Laut ker mein aa gaya tha jaise mer jane

Teri zulfain bhi khulain gi daikh le gi kainaat
Zindgani ka mirra sooraj utter jane ke baad

Mere rone ka sabab poocha ye us ne soch ker
Rukh badal jaay kahin dariya na bher jane ke baad

Hasrat-e-dedar kehte hain kissi ko daikhna
Ik nazer aane se pehle ik nazer jane ke baad

Pal mein sara hi to aangun jugnoowo'n se bher gaya
Teri zulfain tere shano'n per bikher jane ke baad


Ja rahe ho ub kahan mujh ko utha ker dosto
Zindgani qaid khane mein guzzer jane ke baad

Paniyun mein kho diya hai tum ne Afzal jane kaya
Phir palat aate ho dariya par ker jane ke baad

Adawat Ko Sinoo'n Mai'n Bowe'y Huway

Adawat Ko Sinoo'n Mai'n Bowe'y Huway
Tamad'dun Mai'n Gairoo'n Kay Khow'ey Huway

Taqad'dus Ki Toheen Hoati Rahi
Magar Ehal-E-Mehfil Thy Sowe'y Huway

Muqad'dar Kw Sahil Pe Matam Zad'da
Khar'ay Hai'n Safinay Dabowe'y Huway

Khuddi Aur Khuddai Say Koasoo'n Paray
Sitam Apni Janoo'n pe Dhowe'y Huway

Baghawat Karai'n Bhi to Kiss Say Karai'n
Hai'n Sab ik Lar'Hi Mai'n Pirowe'y Huway

Illahi Khar'ay Hai'n Tairray Ru-Ba-Ru
Nidamat Say Palkai'n Bhigowe'y Huway

kia khabar muhabat ne kia haal karna hai

kia khabar muhabat ne kia haal karna hai
chahane walon ko hi la zawal karna hai

khushi ke lamhon main sogwar rehna hai
isi tarah se khud ko ba kamal karna hai

jo ache guzre un dino ki haseen yadain
unhe bhi aise bhula kar kamal karna hai

na tha waqif main muhabat ke asoloon se
khudi ko mar kar phir khud hi malal karna hai

mujhe hoti jo khabar uski adat ki imran
main na sochta ke rabt phir se bahal karna hai

mujhe chahaton se hai gila inhi chahaton se jana

mujhe chahaton se hai gila

inhi chahaton se jana

meri rahatain ujar gaen

meri arzoaen bikher gaen

meri khuwahishain kidher gaen

mere marz ki koi dawa nahi

mere zakhm ko hawa hai di

meri talkhioun ko bhara dia

mujhe hijr main hai jala dia

mujhe khak kar ke ura dia

meri zaat ko hai mita dia

mujhe chahaton se hai gila

inhi chahaton se jana

meri rahatain hain ujar gaen

Musafir na ghabra maze le safar ke

Musafir na ghabra , maze le safar ke
zara haath mal le keh kuchh barf pighle

jo thahra raha to ye imkaan hai ke
koi tujh ko harf e ghalat sa mita de

na bandho safar men ye kam khaab o atlas
hain kaafi safar ke liye zarf kachche

ye manzil nahin hai, jo ahsaas hota
to hum waqt ko apne zaya na karte

karam tujh pe azhar jo rab ka na hota
to hote na tujh men kai wasf aise

mujhe talash hai chahatoon ki

mujhe talash hai chahatoon ki
mujhe gham se keyun mila dia

meri khata hai kia, qasoor kia
mujhe hijr main keyun jala dia

tujhe chahna meri bhool thi
mujhe bhool ka hai sila dia

wo meri dil lagi wo meri aashqi
usy kaise to ne hai bhula dia

mujhe to ishq tha teri zaat se
meri zaat ko keyun mita dia

Ek weham sa bankar reh gaya hai dard

Ek weham sa bankar, reh gaya hai dard
Dard mano sara, seh gaya hai dard

Charagar mere, karu tera shukriyaa.N
Zakhm bhar gaye, reh gaya hai dard

Poonji yahi kamaiee, sauda_e_mohabbat me
Meri hasi ke badle, koi de gaya hai dard

Kash tum na roti, yeh hadsa na hota
Sath aasuo ke mere, beh gaya hai dard

Na aah na shikwa, khamoshiyo ke avez
Sabr tera azeem Ghayel, keh gaya hai dard

purane bamo-dar saare, har ik kamraa purana hai

purane bamo-dar saare, har ik kamraa purana hai
humara ghar bujurgoN ke samay jaisa purana hai.

dareechoN se sadaa aaye, sehan meiN khushbooeN bikhreN
guzishtaa mausmoN ka mujh pe ye qarzaa purana hai.

naye bhi haiN purane bhi, kai qismeN haiN seene meiN
ziyada lutf hai usmeiN jo gham jitna purana hai.

khare hothoN kii manzil aaj bhi daaro-rasan hii hai
sadi badlii magar sach ke liye imzaa purana hai.

kabhi tum jaR pakaRte ho kabhi shakhoN ko ginte ho
hawaa chhookar bataa degi shajar kitna purana hai.

maraasim vaise hii qaayam haiN apne thokroN se bhi
mera rastaa, mera chalnaa, mera girnaa purana hai.

samay thehraa hua-sa hai humaare gaaoN meiN ab tak
wahi paayal, wahi chham-chham, wahi dariya purana hai.

bahut dhooNdha magar mujhko mila na phir mera bachpan
faqat ab maaN kii aaNkhoN meiN mera qashkaa purana hai.

zamaane ne adaavat ke saleeqe tak nahiN badle
wahi tera, wahi mera, wahi jhagRaa purana hai.

sanam se guftgU to aaj bhi hoti hii rehti hai
magar aksar ye lagtaa hai ki har iimaa purana hai.

kahaaN mansoob rehta hai kisi se umr bhar koii
bichhaRne waloN ka aaNkhoN meiN bas khaaqa purana hai.

lahoo meiN roshni ban kar utar jaye to kya kehne
kalaame-meer meiN shaamil jo deewaana purana hai.

Chand kabhi aata hy nazar kabhi chup jata hai

Chand kabhi aata hy nazar kabhi chup jata hai
Apni marzi se nikalta hy aur phir chup jata hai


Oon ke andaz ne kuch mosamon ki ada sikha hai
Varna vo to roz kuch naya andaz le kar aata hai


Kiya ham ne koi baat chedi khud ko sanvar jane ki
Waqt e aakhirat me her shakhs khud ko badlta hai


Na hy ab apna raah gir koi jo ham ko raah sahi batlayae
Der haqiqat doston ki achi baton se hi dost raah pata hai


Zamana bahot kathin hy her tarf afra tafri hai
Zindagi me thokrain kha ker hi koi sambhalta hai


Samad kiya kisi per zor apna dikhayega jamayega
Yeh to Allah ka nek bunda hi nek hidayat pata hai

Barsat kay Mosam Main Bheghtay Hoey Lamhoon Say

Barsat kay Mosam Main Bheghtay Hoey Lamhoon Say
Pehroon Main Nay Tanha Teray Ehsas Say Baten ki Hain

Dil Hai Seene Mein NahiN MaiN

Dil Hai Seene Mein NahiN MaiN Koi Patthar Ka Sanam.
Mujh Ko Rone Bhi Do HaNsne Bhi Do Insaan HoN MaiN.

muhabbat bhi ajab shay hai bari takleef deti hai

muhabbat bhi ajab shay hai bari takleef deti hai
isi meiN lutf haiN saare, yahi takleef deti hai.

yahi dastoor hai shaayad wafaadari kii duniya ka
jise jee jaan se chaaho wahi takleef deti hai.

shikaayat kar rahaa tha aasmaaN se aik sehra kal
mujhe khawaaboN meiN aksar ik naddi takleef deti hai.

palak bhar ka milan hota hai do anjaan chehroN meiN
magar phir umr bhar ye ik ghaRi takleef deti hai.

kazaa ka khauf lekar jee rahe haiN sab zamaane meiN
haqiiqat meiN sabhi ko zindagi takleef deti hai.

kabhi mauka-b-mauka ho to koii sabr bhi kar le
magar aathoN pehar kii bekhudi takleef deti hai.

savaa neze pe jab aa jaayega sooraj to kya hoga
humeN to garmiyoN kii loo baRi takleef deti hai.

zaraa kachche makaanoN kii taraf bhi tum nazar dalo
jahaaN baarish kii har teekhee jhaRi takleef deti hai.


adaavat ke jinhoNne har taraf parcham uRaaye the
unheN ab dostoN kii berukhi takleef deti hai.

numu hote hi jiske baaghbaaN hasrat se taktaa hai
kaii kaaNtoN ko wo taazaa kalii takleef deti hai.

bhulaane kii tago-dou meiN jalaa daale haiN khat mere
magar usko usii kii diary takleef deti hai.

nazar aaye jahaaN se roshnii masloob aaNkhoN kii
bayaaze-dil ko aisii shayri takleef deti hai.

Gardish e waqt ki aafaat pe royaa jaaye

Gardish e waqt ki aafaat pe royaa jaaye.
Aise bigRe huwe Haalaat pe royaa jaaye.


Jin se baRh jaaye Gham o ranj o alam ki taceer,
Mustamir aise khayaalaat pe royaa jaaye.


SaHn e khaanah meN bhi kuchh der ho gham ki taqreer,
Yaar ke tark e i'laaqaat pe royaa jaaye.


DaastaN apni sunaaoNga maiN lekin yaaro !
Soz khwaani ke muqaamaat pe royaa jaaye.


Gham ki taqreer hai ye khoob ho giryah is par,
Ya'ni jaz'baat se jaz'baat pe royaa jaaye.


Poochh tu bhi sabab e girya o zaari kya hai,
Taake kuchh tere suaalaat pe royaa jaaye.


Us ke andaaz e taGhaaful pe jo ro kar nibtoN,
To phir andaaz e malaamaat pe royaa jaaye.


Z'bt' mumkin tha jo hote use do-chaar gile,
Beesh iz Hadd shikaayaat pe royaa jaaye


Jaane kya kya mujhe Haider wo gayaa hai keh kar,
Yaad aaye to har ek baat pe royaa jaaye.

mere khwaabon ke shajar par jab samar aa jaaeinge

mere khwaabon ke shajar par jab samar aa jaaeinge
jaanta huu.N mai.n bahut patthar idhar aa jaaeinge

tum idhar aa jaaoge to dekh lena eik din
chaahne waale tumhaare sab idhar aa jaaeinge

maine dekhe hai.n tumhaare aur bhi chehre bahut
ghaur se dekho in aa.Nkho.n mei.n nazar aa jaaeinge

guftguu mei.n shokhiyaa.N andaaz mei.n jaadugarii
aapko bhi is zamaane ke hunar aa jaaeinge

aashiyaane aasmaano.n mei.n kahaa.N ban paaye hai.n
shaam hote hi parinde lauT kar aa jaaeinge..

AB KI IS EID KI SHAB

AB KI IS EID KI SHAB
HUM SE GUZARI NA GAI.
DIL NE PHIR YAAD KIA TUM KO
BHALAY MAZI KI TARAH...
KITNA SOCHA GYA TUM KO,
MERI YADON K TUFAIL,
PHIR SE TUM PAS, BHT PAS THY,
SANSON KI TARAH..
PHIR SE NUM HO GAYEN ANKHAIN MERI,
BHEEGA ANCHAL.
DIL ME UTRA KOI GHUM,
SUBH KI LALI KI TARAH...
YAD KAR K TUMHAIN HUM CHAIN SY SOYE HI NHI.
JAISY CHAYA HO KISI AANKH MAI SADIYUON SE KHUMAR.
PHIR SE AANKHON SE MERI CHIN GAYA SAPNO KA KARAR
DIL YAHI SOCH K DOOBA, K NA BEHLA KAI BAR.
TUM NE SHAYAD K MUJHAY YAAD KIA B K NAHI?
AN GINAT KHUSHGAWAR LAMHON ME,
TUM NE IK LAMHA MERE NAAM KIA B, K NAHI?
AISI CHAHAT K JAZEERAY MEIN MAGAN THAY K TUMHEIN,
SIRF IK PAL KO MERI SOCH KI MOHLAT NA MILI?
IN JAZAAIR K SABHI PHOOL IKATHAY KAR LO.
IN MEIN KHO KAR KABHI TUM KO
MAIN B YAAD AA JAON,
MERI KHUSHBOO TUMHAIN WO PHOOL BHULA DE, SHAYAD,
MERI AANKHON KI THAKAN TUM KO RULA DE, SHAYAD,
MERI TAKLEEF MAI GUZRI,
AB KI IS EID KI SHAB.
KASH,
TUM KO KABHI YE PYAR SIKHA DE, SHAYAD,
KASH,
TUM KO MERI YE YAAD DILA DY,
SHAYAD....

zindagi ki marzi hai jis taraf bhi le jaye

zindagi ki marzi hai

jis taraf bhi le jaye

manzalain dikha ke phir

raastoon main kho jaye

roshni dikha ke phir

tareek ho jaye

habs main jala ke phir

khud bahar ho jaye

be qarar kar ke phir

khud qarar ho jaye

her khushi thama ke phir

ashkbaar ho jaye

raabte barha ke phir

khud khafa ye ho jaye

ba wafa bana ke phir

be wafa khud ho jaye

zindagi ki marzi hai

jis taraf bhi le jaye

manzalain dikha ke phir

raastoon main kho jaye

ab bhi kaali raton main phir takiah bheega kerta hai

ab bhi kaali raton main phir takiah bheega kerta hai
ikk aahatt si dil mai hoti hai,koi sog manaya kerta hai

dehleez pe a ke kuch bhatke punchi ansu asnu rote hain
koi in ko apni yadon ka phir dana dala kerta hai

be-kaif si her shay lagti hai,be-ronaq si zandano main
koi qaid mai bhi masroor hai bas keh naghme gaya kerta hai

jo hosh mai bhi deewana hai,talkhi bhi amrit jane hai
uss dana ko pagal samjho jo sach batlaya kerta hai

jo toot ke barsa kerta tha kal toot gaya wo chupke se
woh kese jurre ga phir mujh se jo toot ke jurr na paya hai

usko khwaabon me rakh lena mushkil bhi to kitna tha

usko khwaabon me rakh lena
mushkil bhi to kitna tha
dil se yun ik badla lena
mushkil bhi to kitna tha

shaam ki us dehleez pe jaake
saanson ke jo vaade the
un vaadon pe qaayam rehna
mushkil bhi to kitna tha

raahon me chalte chalte hum
khud ko kaise kho baithe
tujh se mil kar khud tak rehna
mushkil bhi to kitna tha

daanista ik soch bani ki
tu hi mera apna hai
aisi sochon se lard paana
mushkil bhi to kitna tha

naghma sara the zehan ke hisse
jinme teri yaaden thin
aisi dhun se ghaafil rehna
mushkil bhi to kitna tha

koi azeeyat dil me nishani


teri ban ke baith gai
honthon pe muskaan yun laana
mushkil bhi to kitna tha

khwab baras kar beet chuke hain
zehan me ab bhi unki nami
aankhon me us nami ko rakhna
mushkil bhi to kitna tha

teri khushi ki chaah liye hum
kitne dukhon me bhi khush hain
verna bemaqsad jee paana
mushkil bhi to kitna tha

yaadgaar-e-guzishtah jagaane chale

yaadgaar-e-guzishtah jagaane chale
Khud ko phir aaj hum aazmaanay chalay

kar gayii ham ko diiwaana fan ki lagan
uqta kay dost bhii sabh puraanae chale


dard pii kar chale ham to kuu-ye-ghazal
phir se haiN/[ham] rasm-e-ulfat nibhaane chale


baaqii ummeed kii lau nahiiN bin teray
zindagi "saagar" ab kis bahaane chale

duaaon ka koii samar de de MOULA

duaaoN ka koii samar de de MOULA
mujhe zindagi ka hunar de de MOULA.

Ye afwaaheN lekar yuN hi uR rahi haiN
hawaaoN ko sachchii khabar de de MOULA.

mere is safar ki to manzil hi gum hai
mujhe koii taazaa safar de de MOULA.

tujhe bhool kar bekasoN par na tooteN
har ik dil meiN itnaa to dar de de MOULA.

jise maiNne chaaha tha sab kuchh bhulaa kar
kahaaN hai wo jaane, khabar de de MOULA.

jo aaNkheN bhi mooNdeN to ho na andhera
sabhi ko ik aisii nazar de de MOULA.

makaaN to bahut haiN tere is jahaaN meiN
makeenoN ko ab thoRe ghar de de MOULA.

kabhi to khileN phool sehraaoN meiN bhi
zameeN regzaaroN ko tar de de MOULA.

mere waaste wo samandar hii hoga
mujhe aik qatraa agar de de MOULA.


udhar to ujaaloN ka jamghat lagaa hai
zaraa noor apnaa idhar de de MOULA.

bahut lambii shab hai, jee uktaa gayaa hai
kabhi to sunahri sehar de de MOULA.

rakho jholiyaaN har ghaRii saath apne
na jane kise kya kidhar de de MOULA.

meri arziyaaN sab pahuNch jaayeN tujh tak
meri arziyoN ko asar de de MOULA.

Teri nazar ka nasha kab utarne wala hai

Teri nazar ka nasha kab utarne wala hai
Suroor had se badha, rind marne wala hai

Bata rahi hai fiza'aoN ki naghmagi yaaro
Woh khush-khiraam idhar se guzarne wala hai

Hata rahay hain woh chehray se apni zulfoN ko
Andheri raat mein sooraj ubharne wala hai

Humein phir unki masihaa'yi ki zaroorat hai
Puraana ghaao jo dil par tha, bharne wala hai

Kiya bhi hum se tu izhaar-e-ishq kis ne kia
Jo apni baat se khud hi mukarrne wala hai

Main kia karoN, mujhay woh Jotashi nahi milta
Kaha tha jis ne muqaddar sa'Nwarne wala hai

Piyar muhabbat ke hain jitne sab afsa'anay jhootay hain

Piyar muhabbat ke hain jitne sab afsa'anay jhootay hain
Saari shamm'eyeN jhooti hain, saare parwa'anay jhootay hain

Apni zaat se badh ke ulfat kon kisi se karta hai
Jaan nicha'awar karne wale sab deewanay jhootay hain


Kab tak aas ka daaman thaamay tal'kh haqa'aeq jhutlaa'ein
Taabirein yeh batlaati hain khawaab suhaanay jhootay hain

Saaf hi keh do hum se milna baar-e-gira'aN hai ab tum ko
Idhar udhar ke jo karti ho laakh bahanay, jhootay hain!

Meray nanhay munnay such ki kia au'qaat wahaN, jiss jaa
Lamhay jhootay, sadia'aN jhooti aur zama'anay jhootay hain

Deepak-e-chashm phir se roshan hai

“shayad!!”

Deepak-e-chashm phir se roshan hai
Phir dhanak Theherti he chehre pe
Chandni phir gudaz jazbooN ko dil k kounooN maiN duddudati he
Phir kisi ki sarab aankhooN pe nazm kehne ko lufz muchle haiN
Aur kisi ki sharab batooN se baat kerne ko dil muchalta he
Phir kisi neemwa dareeche se subz mausam ki sans aati he
Husn phir ishq ki hudood maiN he!
Dil hatheli pe aagaya jaise!!
Phir tabahi ki had maiN he shayad!
Ya muhabbat ki zad maiN he shayad!!

dil-e-nadaan tu hi bata kaise usey chor doon

dil-e-nadaan tu hi bata kaise usey chor doon
tu shesha_e_jan hai tu wo aks hai mera

hawa ki beti

hawa ki beti

pareshan keyun hai

tujhe kia huwa hai

keyun bikhri hain zulfain

keyun daman hai maela

keyun jabeen pe shikan hai

hathoon ki mehndi kahan kho gaye hai

keyun khamosh hai

keyun majboor hai

pareshan keyun hai

tu hawa ki beti

tumhe ne to ghar ko ghar hai banaya

tumhe ne to hum ko muhabat sikhayi

tumhe ne to sab ko manzil dikhayi

tumhare liye to chaman khil khilaya

tumhare liye hai gulon ki ye khushboo

tumhe se to duniya main hai ye ujaala

phir ye tareek rahain

keyun tera muqadar

is jalti zameen pe

keyun tera thikana

aangan main tere ye shoole hain kaise

keyun tu ne hai apne ghar ko jalaya

hawa ki beti

pareshan keyun hai

tujhe kia huwa hai.......!

mathe pe shikan,aankhon main nami

mathe pe shikan,aankhon main nami,hontoon pe hasi
muhabat karne walon ke yahi aasaar hote hain.....!

Zara si dair tera haat haat main aaya

Zara si dair tera haat haat main aaya
Main raqs karta huwa apni zaat main aaya

Jamood TooT gya yak ba yak samuNbdar ka
Hanoot barf ka khitta hyaat main aaya

Mujhay uThaaya tha sooraj ki pehli kirnoN ne
Sahar se pehle mera zikr raat main aaya


Tera hi zikr rha shab kay shaamiyaanay maiN
isi kay saath maiN din ki Qanaat maiN aayaa

Mian khwaab gaah-e-takhayyul main ho gy abe khood
bla ka zor jo rang-e-nishaat main aaya

Mere Wajood main roshan huwa charaaGh-e-jahaaN
Main aik shab jo teri iltifaat maiN aaya

Teri talab jo meri khwahishoN maiN zinda huwi
mera jawaaz tabhi mumkinaat main aaya


Ae baad-e-sub'h tere lams ki wadiat se
Ghubaar tha mera chehra sbaat main aaya

Ghulaam karne ko niklaa tha waqt ki gardish
Main be sabab tau nahiN saanehaat main aaya

Tujhay main khood se milaaoN ga aik din
Mera junooN jo kabhi ehtiyaat maiN aaya

Syaah shab thi or aarzuuoN ka surkh maqtal khula rha

Syaah shab thi or aarzuuoN ka surkh maqtal khula rha
par aik dar jaanay kis liye raat bhar musalsal khula rha

nazar kay parday pe dheeray dheeray bas aik manzar safar karre
wo chaandni raat ki hawaayeN or us ka aanchal khula rha

jo aaina ban sanwar kay daikha tau yaad aayi nazar meri
khyaal jaise hi aaya maira tau saara kaajal khula rha

wo aalam-e-habs-e-hijr-e-daaim keh saaNs dushwaar ho gyi
na dhoop nikli na khul kay barsa falak pe baadal khula rha

na khul ska shehr-e-aarzu ka koi bhi rasta mere liye
mere junooN ki jilaa ko wahshat ka sabz jangal khula rha

na daikha shehr-e-gharaz sarishtaaN,aseer-e-matlab na ho saka
azal se dasht-e-junooN maiN be chain aik paagal khula rha

wo WARD ki bhini bhini khushbu,har aik ghar tak pohanch gyi
hasin khushbu ka ik daricha chaman se pal pal khula rha

Jaltay hain shoq se nar-e mohabbat me apni khabar nahin

Jaltay hain shoq se nar-e mohabbat me apni khabar nahin
Khotay hain hosh v hawas aisay ke apni khabar nahin

Rat din un ka vazifa hy mohabat me
Raz-e dil kya hy kisi ko mutlaq khabar nahin

Maza aata hy un ko azkar-e mohabbat me
Ghairon ke azkar ka un per koi asar nahin

Sada chaltay hain aaray dil per mohabbat me
Dil rota hy ishq me magar aankh tar nahin

Lutatay hain apni daulat sakhawat se mohabbat me
Dahr ka kiya gham ho pas gar mal v zar nahin

Sakun milta hy natavan ko uski qurbat me
Karam hota rahay youn khub, is se or khubtar nahin

Roti hain aankhain gunahon se nadamat me
Patay hain vohi manzil dono jahano me koi khatr nahin

Thokrain kha tay hain zamanay ki jo log mohabbat me
Inam-e mohabbat payaingay eik din jo be sabar nahin

Samad rahta hy mast har hal daulat-e mohabbat me
Gham-e doran ka dil per is ke koi asar nahin

iss se pehle ke shaam ho jaye

iss se pehle ke shaam ho jaye
keyun na aik aur jaam ho jaye

waqt_e_mulaqat bata do mujh ko
khuch to intezaam ho jaye

samandar main utar jate hain
shayad peyas tamam ho jaye

subah hate hi tarap uthte hain
un se thora kalam ho jaye

chandi raat main tanha badal
barasne main na kaam ho jaye

imran ye kaisi reet hai zamane ki
jo peyar kare wo badnaam ho jaye