Duniya ki lambi raahon par

Duniya ki lambi raahon par,
hum yun to chaltey jaatey hain
Kuchh aise log bhi miltey hain,
jo yaad humesha aatey hain

Wo raah badaltey hain apni,
aur murh kar haath milaatey hain
Lekin wo dilon ko yaadon ki,
khushboo ban kar mehkaatey hain

Aise hi safar kartey-kartey,
ik shakhs mila hum ko bhi kaheen
Duniya mein hain achey log bohat,
lekin uski si baat nahin

Wo dheemey lehjey waala tha,
aur wo dheerey se hansta tha
Jitney bhi log miley humko,
such jaano sabse acha tha

Uskey fiqrey tootey-tootey,
uski baatein khoyee-khoyee
Kehkar hi na dey jo hum chaahein,
socha hi karey baithey-baithey


Go saath hamara khoob raha,
usko na hui pehchaan bohat
Gar boojh lein dil ki baat kabhi,
ho jaata tha hairaan bohat



Aur hum uski hairaani par,
sharminda ho kar sochty rahy
keh.....