Monday, April 26, 2010

Dab-Dabaa Aayii Wo Ankhen Jo Meraa Naam Aayaa


Dab-Dabaa Aayii Wo Ankhen Jo Meraa Naam Aayaa
Ishq Naakaaam Sahii Phir Bhii Bahot Kaam Aayaa

Lazzat Ya MarG Ya Mohabbat Koii Us Se Puuchhe
Jis ke Lab Par Dam-e-Aakhir Bhii Teraa Naam Aayaa

Zindagii Tere Tasavvur Se Alag Rah Na Sakii
Nagmaa Koii Ho Magar Saaz Yahii Kaam Aayaa

Ham Pe Aisii Bhii Gam-e-Ishq Me Raaten Guzariin
Jab Talak Aansuu Na Bahe, Dil Ko Na Aaraam Aayaa .

No comments:

Popular Posts