Mohabbat zaat hoti hai

Mohabbat zaat hoti hai
Mohabbat zaat ki taqmeel hoti hai
koi jungle main ja tehray, kisi basti main bas jaye
Mohabbat saath hoti hai
Mohabbat khushboon li laay
Mohabbat mauson ki dhun
Mohabbat aabshaaron k nikhartay paniyon ka mann
Mohabbat junglon main raqst karti morni ka tann
Mohabbat barf parti sardiyon main dhoop banti hai
Mohabbat chilchilatay garam sehraaon main thandi chaaon ki maannind
Mohabbat ajnabi des main apnay gaun ki maaninnd
Mohabbat dil
Mohabbat jaan
Mohabbat moorti hai
aur jo kaheen dil k mandar main kaheen per toot jaye to
Mohabbat kaanch ki gurya
fizaon main kisi k haath se gir k choot jaye to
Mohabbat aabla hai karb ka
aur phoot jaye to
Mohabbat rog hoti hai
Mohabbat sog hoti hai
Mohabbat shaam hoti hai
Mohabbat raat hoti hai
Mohabbat jhilmilati aankh main barsaat hoti hai
Mohabbat neend ki rutt main khawabon k raston pe sulagtay, jaan ko aatay
rat-jagopn ki ghaat hoti hai
Mohabbat jeet hoti hai
Mohabbat maat hoti hai
Mohabbat zaat hoti hai .....