Hain labrez aaahoN Se thanddi hawayein
Udaasi mein doobi huwi hain ghattaayein
Muhabbat ki duniyaa per shaam aa chuki hai
Siyaah posh hain zindagi ki fizaayein
Machalti hain seeney mein laakh aarzooyein
Tarapti hain aankhon mein laakh Iltijaayein
Taghaaful ki aghosh mein so rahey hain
Tumhaare sitam aur meri wafaayein
Magar phir bhi Ay mere maasoom qaatil
Tumhain pyaar karti hain meri duaayein
No comments:
Post a Comment