Wednesday, April 29, 2009

Haal us ka tere chehray pe likha lagta hai

Haal us ka tere chehray pe likha lagta hai
Woh chup chaap kharra hai tera kiya lagta hai
.
.
Yun tau har cheez salamat hai meri duniya mein
Aik talluq hai jo toota hua lagta hai
.
.
Mainay socha tha aabaad hoon aik shehr mein main
Yahan tau har shakhs ka andaz juda lagta hai
.
.
Muddatein beet gayeen taey na hueen manzil-e-shoq
Aik aalam mere raastay mein parra lagta hai
.
.
Aey mere jazba-e-doraan mujh mein kashish hai itni
Jo khata hota hai woh teer bhi aa lagta hai
.
.
Janay kaun si pasti mein gira hoon faysal?
Suraj bhi is qadar door lagta hai k diya lagta hai...!!!

Popular Posts