Main Tumse Bichad Kar Nahin Faryaad Karoon Ga
ye Bhool Jaao Ke Main Tumhein Yaad Karoon Ga
Iss Shehar-e-Be- wafa Mein Wafa Ki Qadar Kahan
Abb Jaa Ke Main Sehraon Ko Aabaad Karoon Ga
Gar Dil Ke Taaluq Say Hai Inkaar Woh Karta
Main Rooh Ke Rishtey Say Bhi Aazaad Karoon Ga
Shayad Khushi Sakoon Mein Rahat Na Mili Ho
Gham Dey Ke Apney Dil Ko Main Abb Shaad Karoon Ga
Dil Bhi Udaas Reh Ke Abb Ukta Sa Gaya Hai
Abb To Naya Hi Shughal Main Ijaad Karoon Ga
Hai Maira Zarf Teri Wafa Say Kahin Barrh Kar
Aey Be-wafa Tujhey Main Kyun Barbaad Karoon Ga
Tu Bhi Bichad Gaya Haaye! Dil Bhi Udaas Hai
Kis Say Bayaan Apni Main Roodad Karoon Ga
No comments:
Post a Comment