Rahi Manziloon pe Nazrain Humsafar Kho gai

Rahi Manziloon pe Nazrain Humsafar Kho gaiMeri Taqdeer k Chand Ubharte Ubharte So gaiNaya Hadsa Her Lamha Zindagi Ne kia Ata,Mere Jevan k Raste SAb Zer-o-Zabar Ho gaiNa Umidi Kufar k Jaise Kate Din Rat Mjhe,Khushi K lamhe Ajab Gumoon K Kante Chubho gai.Betab Rahe BAdnam Hue, Jeet K Bhi Nakam Hue,Bouhat Bachaya Lekin Hona Tha Barbad ho gai.Ek Sham Sohani Sochi Hai Tere Pehlo Main Guzaroonga,Meri Soch Ki Janatoon Main wo jahanamain Bo Gai.Tu Mera Hai Yeh Arman Is Dil Main Chupai Bettha Hoon,Tum ARman The Tum ARman RAhoge aur Tum ARman ho Gai.Un Ka mere Gumoon Sai Ek Ajeeb Rishta Tha faysal,Tum ne Daman Chora To Yahan TUm Gai Wahan Wo GAi

Udaas mosam me muskurana

Udaas mosam me muskurana, Na tere bas me Na mere bas me,
Judai k rog ko chupana Na tere bas me na mere bas me,

Khizan k purkhtar raston ki aziyaten jb naseeb thehreen
Gulab rut ko gale lgana Na tere bas me Na mere bas me,

Wo pyar k pal,Wo chand raaten, wo dilnasheen phool jesi baaten
Hasin yaadon ko bhol jana Na tere bas me Na mere bas me,

Zmane se phr gila hi Q ho? koi kisi se khafa hi Q ho?
K mere MOHSIN ye zmana Na tere bas me Na mere bas me...!!

Bhanwar main duub kar ubroh kanare mil hi jate hain

Bhanwar main duub kar ubroh kanare mil hi jate hain
Agar justaju ho sachi sahare mil hi jate hain

Tamana chand ki karti hoon kyun tarikh ratoon main
Meri jab aankh ko ashkoun k tare mil hi jate hain

Munderon par nazar rahti hay grche koy mousam ho
Bahaar ane na ane k ishare mil hi jate hain

Woh aansu hain jo aankhon main palat kar hi naheen ate
Magar bichre huwe sache sahare mil hi jate hain

Naheen hay phool chahat ka koy bhi us k pehlu main
Magar nafrat k jalte sangpare mil hi jate hain

Naheen hay tashnagi ab zindagi main koy sawan ki
Humari aankh se ashkon k dhaare mil hi jate hain

Naheen gulfam yeh lazam k royeen hum muqadar ko
Kabhi shahoon ko bhi to kuch khasare mil hi jate hain

HAR NAKSH CHAHAT KA MITA DENA

HAR NAKSH CHAHAT KA MITA DENA

Woh sookhe phool tum apni kitaabon se hata dena
Jahan tak ho sake har naksh chahat ka mita dena.

Tumhari bewafai doosron par kyon ujaagar ho
Mere kuch khat tumhare paas hain unko Jala dena.

Kabhi apne ta-alluoq ki agar baat aa bhi jati hai
To hans kar taal jaana ya ki baton mein uda dena

Tumhare saath wo bhi kinara kar gayin mujh se
Meri needen kahan hain in dino ye to bata dena

Wo laila aur majnoo ke zamaane aur they hamdam
Hamaare daur ka dastoor hai milna aur bhula dena

WOH SAKHS MUJHE PYAARA HAI

WOH SAKHS MUJHE PYAARA HAI


Wo Shakhs Mujhe Pyaara Hai Usay Kehna
Wohi Jeene Ka Sahaara Hai Usay Kehna

Laug Pyaare Hain Bohot Se Mujh Ko
Wo Sub Se Pyaara Hai Usay Kehna

Mohobbatein Shikaayatein Adaawatein Us Ki
Mujhe Sub Gawaara Hai Usay Kehna

Kacha Ghara Hai Aur Main Thaka Thaka As Hoon
Bohot Door Kinaara Hai Usay Kehna

Dil Ke Badle Jaan Mat Maango
Mujhe Is Main Khasaara Hai Usay Kehna

Chahne Waale Aur Bhi Hain Lekin
Ye Dil Sirf Tumhara Hai Usay Kehna

DIL SE MITA KYU NAHI DETE

DIL SE MITA KYU NAHI DETE


Yaadon Ko Apne Dil Se Mita Kyu Nahi Dete,
Jo Jaa Chuka Hai Us Ko Bhula Kyu Nahi Dete.

Mujrim Hoon Main Tera Mujhe Itna To Bata,
Khamosh Khare Hu Saza Kyon Nahi Dete.

Use Jis Ke Zakham Hai Inaayat Teri,
Gar Hai Tumhare Paas, To Dawa Kyu Nahi Dete.

Kahin Ghar Nahi Baste Hai Jin Ki waja Se,
Un Adhjali Rasmon Ko Jala Kyu Nahi Dete.

Us Ne Tumhari Khaatir Kiya Kiya Nahi Kiya,
Tum Us Ki Wafaaon Ka Sila Kyu Nahi Dete.

Tumhein Mujh Se Mohabbat Hai Jaanta Hoon Main,
Ye Baat Apne Lab Se Bata Kyu Nahi Dete.


Anmol Khazana Hain Muskurahatein Teri,
Thoda As Ese Mujh Pe Luta Kyu Nahi Dete.

Wo Aag Jo Dil Mein Lagaai Thi Kabhi Tum Ne,
Wo Aag Aaj Khud Hee Bujha Kyu Nahi Dete.

Ek Arsa Howa Chain Se Soye Howe
Mera Chain, Meri Neend Lauta Kyu Nahi Dete

jo rusta chunn liya usko badalna kyu'n nahi aaya

jo rusta chunn liya usko badalna kyu'n nahi aaya
mujhe auro'n k naqsh e paa pe chalna kyu'n nahi aaya

merey jazbo'n ki hiddat uskey dill tak hi nahi pohnchi
meri kirno'n ko badal se nikalna kyu'n nahi aaya

zara sa larh'kharha kar gir parha mai aik thhokar se
qadam ukhrhe tau phir mujhko sambhalna kyu'n nahi aaya

ye dil lagta hai baazi haar jane mai mulavvis tha
usey kho kar kaf e afsos milna kyu'n nahi aaya

nahi ma'aloom kaisey umr guzri mukhtalif sabb se
mujhe uss aag mai reh kar bhi jalna kyu'n nahi aaya

Mere wajood mai wafa ki roshni utaar de

Mere wajood mai wafa ki roshni utaar de
phir itna pyaar de mujhko chahtoo mai maar de

Bouht udaas thi so uth k tere pass agaye
Kuch aise baat kar jo dil ko chain or qarar de

Suna hai teri aik nazar sawarti hai zindagi
Jo ho sake tu aj meri zindagi sanwar de

Aye mehtab tu khabhi jo mera chand dekh le
Kasam KHUDA ki apni jaan tu us p waar de

Mera assasa-e-hayat chin gaya he dosto
Do chaar din ki zindagi koi mujhey udhaar de...!

Abhi tu raat baqi hai ye dhal jaye tu so jana

Abhi tu raat baqi hai ye dhal jaye tu so jana
Ghari bhar ko dil-e-nadan sambhal jaye tu sojana

Ye jalte hont or ye nend mai doobti hui ankhen
Mujhey sone nahi deti tumhari adh khuli ankhein
Zara tehro mujhey bhi nend ajaye tu sojana

Haseen ho tum tu kia ghum,tumhein nend pyari hai
Hamara haal mat poocho hum par raat bhari hai
Hamare sar qayamat hai ye tal jaye tu so jana

Abhi tu raat baqi hai ye dhal jaye tu soo jana.....
Ghari bhar ko dil-e-nadan sambhal jaye tu sojana

piyar kay deep jalanay walay kuch kuch pagal hotay hain

piyar kay deep jalanay walay kuch kuch pagal hotay hain 
apni jaan say janay walay kuch kuch pagal hotay hain 
hijr kay gehray zakham milay to mujh ko yeh ehsas hua 
pagal ko samjhanay walay kuch kuch pagal hotay hain 
jaan say piyaray logoon say bhi kuch kuch pardah lazim hai 
sari baat batanay walay kuch kuch pagal hotay hain 
khaboon main bhi piya milan kay sapnay dekhtay rehtay hain 
neendon main muskanay walay kuch kuch pagal hotay hain 
is jhooti nagri main hum nay yehi hamesha dekha hai 
sachi baat batanay walay kuch kuch pagal hotay hain 
piyar jinhain ho jaey un ko chain bhala kab mil pata hai? 
shab bhar ashk bahanay walay kuch kuch pagal hotay hain 
apni zaat say ujray gulshan say woh piyar kahan kartay hain? 
auroon ko mehkanay walay kuch kuch pagal hotay hain 
us kay ishq main bheeg kay 'wasiq' hum ko yeh ehsas hua 
dil ki baat main anay walay kuch kuch pagal hotay hain

lab pay ek hurf-e-talab na raha tere baad

lab pay ek hurf-e-talab na raha tere baad
dil main taseer ki khuahish na dua tere baad

aks-o-aaina main rubt hu kiya tere baad
hum tu phirte hain khudd apne se khafa tere baad

dil na mehtaab se uljha na jala tere baad
ek jugnoo tha k chup chup bhuja tere baad

ek hum hain bay burg -o- nawa tere baad
warna aabaad hai sub khalq-e-KHUDDA tere baad

****Rulata Hay****

****Rulata Hay****

Muhabbaton Kay Diay Roh Main Jalata hai
Tumhara Qarb Meray Saray Ghum Mitata Hai
Yeh Aik Hum Hain Jo Teray LIay taraptay hain
Yahain Kisi Kay Liay Kon Ghum uthata Hai ?
Meray Dukhoon KAy samandar saY us ka Kia Rishta ?
Woh Sirf Apni Hi Rodawad-e-Ghum Sunata hai
Wagarna Shiar-e-Sukhan say Hamara Kia Nata !
Hamaray Zehan Main Aik Naam Jagmagata Hai
Agar Woh Rotay Tu Karta Hon Minatin Uss Ki
Agar Main Rooth Jaon Tu Woh Kab Mujhe manata Hai !
Meri Wafa Pay Abhi Tak Yaqeen Nahi hai Us Ko
Mera Rafeeq Mujhe Ab Bhi Azmata hai
Yeh Kis ka naam darakta hai Meri Sansoon Main
Yeh Kon Hai Jo nay RastaY Dekhata hai ?
Ussi Ki Rahatin Mujh Ko Aziz Hain
Woh Aik Shaks Jo Har Pal Mujhe Rulata Hai

Ehsaas

Pyaar ka meetha "Ehsaas" dilane laga hai tu
Ab to mujh se mujhi ko churane laga hai tu

Teri chahtooN ka chaaya hai saroor is qadar
Har pal har jagah nazar aane laga hai tu

Veeraan thi yeh zindgi tere aane se pehle
Khushiyoon ke sapne mujhe dhikane laga hai tu

Har pal mujhe hota hai bas tera hi "Ehsaas"
Is qadar meri saansoN mein samaane laga hai tu 

Ek pal ki bhi doori seh nahi paata hoon main
Hoke juda kyun mujhe azmaane laga hai tu

Raah chalte hue aksar hota hai yeh gumaan
Ke ban saaya saath mere aane laga hai tu

Naam koi bhi looN to naam aaye tera labooN pe
Ban ke jadu meri rooh mein samaane laga hai tu

Teri yadoon se hi aksar hota hai dil munawwar mera
Ghul ke saath lahoo ke nas nas mein samaane laga hai tu 

Jaane kaun si dor hai teri aur kheench le jaati hai
Mujh ko apna deewana banaane laga hai tu

Tasvvur mein aksar hota hai yeh mehsoos mujhey
Chorr k duniya meri baNhooN mein samaane laga hai tu 

Yeh to bata ke kya naam dooN iss deewangi ko
Bechain kar ke har lamha mujhey tadpaane laga hai tu 

Tere khayalooN se mehekne lagti hai zindagi meri
Mere zehn-o-dil pe is qadar chhaane laga hai tu 

Yeh masoomiyat yeh bholapan yeh saadgi teri
Mujh ko har adaa se ab satane laga hai tu

Zeest ke rahooN mein dhoop thi har taraf
Apney pyaar ki barish ko barsane laga hai tu

Kya is baat ka tujhey "Ehsaas" hai "Jaan"
Mere har sher mein har Gazal mein aane laga hai tu

Woh Bhi Meray Jawab Main Shahyad

Woh Bhi Meray Jawab Main Shahyad
Phool Rakh Dey Kitab Main Shahyad

Iss Liay Chirta Hoon Roz Ussay
Kuch Kahay Idrab Main Shahyad

Neend Say Iss Liay Hai Pyar Humin
Tu NaZar Ai Tu Khuwab Main Shahyad

Log Kehtay hain Pai Jati hai 
Uss Ki Khushboo Gulab Main Shahyad

Iss Qadar Hai Kashish Gunahoon Main 
Jo Nahi Hai Sawab Main Shahyad

Ghomta Hai Naqab Main Shahyad
Hussan Barkay Hijab Main Shayad

Baag Parta Hoon Iss Liay Faysal 
Hay Tasali Sarab Main Shahyad

Kabhie Yun BHi aa meri Ankh mein

Kabhie Yun BHi aa meri Ankh mein k meri nazar ko khabar na ho
Mujhe ek raat nawaz da magar us ke baad sehar na ho

Woh bara rahim o karim hai mujhe yeh sifat bhi ata kare
Tujhe bhoolne ki dua karon Tu dua mein meri asar na 

Kabhii din ki dhuup mein jhuum ke kabhii shab ke phuul ko chuum ke 
Yuhi saath saath chalein sadaa kabhii khatm apanaa safar na ho 

Mera pass meray habib aa zara aur dil ke kareeb aa
Tujhe Darhkano mein basa lon k bicharne ka kabhie darr na ho

Apnay saye say bhi ashkon ko chupa kar roona

Apnay saye say bhi ashkon ko chupa kar roona
Jub bhi roona tou chiragoon ko bujha kar roona
Haath jatay huye wo bhi tou milaa kar na gaya
Main nay chaha jisay seenay say laga kar roona
Loog parh latay hain chehray pay likhi tehreeren
Kitna dushwaar hai loogon say chupa kar roona
Apni barbaadi ka hum khud hi sabub hain yaroo
Ab karen kis say gilaa kis ko sunaa kar roona

samandaR k safaR maiN is taRha awaz day hum ko

samandaR k safaR maiN is taRha awaz day hum ko
hawa'yeN taiz hooN auR kashtioN maiN sham ho jaeY

mujhaY maloom hai is ka thikana phiR kahaN ho gha
prinda asmaaN choonaY maiN jab nakam ho jaeY

ujalaY apni yadooN k hamaRay sath rahnaY do
na janaY kis gali maiN zindghi ki shaam ho jaeY

Uss Kay Nazdeek Gham e Tark e Wafa Kuch Bhee Nahee

Uss Kay Nazdeek Gham e Tark e Wafa Kuch Bhee Nahee
Mutmain Aaisay Hai Woh Jaisay Howa Kuch Bhee Nahee Hai

Abh Too Haathoon Say Lakeerian Bhee Mitti Jaati Hain
Uss Koo Khoo Kar Too Mairay Paas Raha Kuch Bhee Nahee Hai

Kall Bicharana Hai Too Phir Ahed e Wafa Sooch Kay Bandh
Abhi Aaghaz e Mohabat Hai Giya Kuch Bhee Nahee Hai

Main Too Iss Wastay Chup Houn Kay Tamasha Na Banay
Tou Samnjhti Hai Mujhay Tujh Say Gilla Kuch Bhee Nahee Hai

JO KHAYAL THAY NA QAYAS THAY WAHEE LOG HUMSAY BICHAR GAYAY

JO KHAYAL THAY NA QAYAS THAY WAHEE LOG HUMSAY BICHAR GAYAY
MERI ZINDAGI KEE JO AAS THAY WAHEE LOG HUMSAY BICHAR GAYAY
JINHAIN MAANTA HEE NAHEEN YEH DIL, WAHEE LOG HAIN MAIRAY HUMSAFAR
MUJHAY HAR TARAH SAY JO RAAS THAY WAHEE LOG MUJH SAY BICHAR GAYAY
MUJHAY LAMHA BHAR KEE RAFA'QATON KAY AZAB AUR SATAYAINGAY
MERI UMR BHAR KEE JO PIYAS THAY WAHEE LOG HUMSAY BICHAR GAYAY
YEH KHAYAL SAARAY HAIN AARZI, YEH GULAB SAARAY HAIN KAAGHZI
GUL-E-AARZO KEE JO BAAS THAY WAHEE LOG HUMSAY BICHAR GAYAY
JINHAIN KAR SAKA NAAA QABOOL MAIN, WOH SHAREEQ-E-RAAH SAFAR HUWAY
JO MERI TALAB MERI AAS THAY WAHEE LOG HUMSAY BICHAR GAYAY
YEH JO RAAT DIN JO MAIRAY SAATH HAIN WAHEE AJNABI KAY HAIN AJNABEE
WOH JO DHARKANON KEE ASAS THAY WAHEE LOG HUMSAY BICHAR GAYAY

Be-waffaon Se Dil Lagane Ki Adat Ho Gayee....!

BE-WAFAI KI YEH INTEHA HO GAYEE 
ke tujhse juda ho kar bhi jeeney ki aadat ho gayee 

tum laut ke aao ge hum se milney 
roz dil ko behlaney ki aadat ho gayee 

tere waade pe kya bharosa kiya hum ne
keh shab bhar tera intezaar karney ki aadat ho gayee 

khushi mein bhi hum kya muskurat keh 
teri judaai mein roney ki aadat ho gayee 

kaafile nikal gaye humein chhor ke 
ke ab to tanha safar ki aadat hogayee 

har morh par mili ghum ki parchhaiyaan 
zindagi se samjhota karney ki aadat hogayee 

jaantey thay keh nahi ho sakte kabhi tum hamarey 
phir bhi khuda se tujhey maangne ki aadat ho gayee 

paiman-e-wafaa kya hai humein kya maloom Faysal*
ke be-wafaaon se dil laganey ki aadat kuch aisi ho gayee

chalay jatay jo tha jana lakin wo kuch batain to karlaitay

chalay jatay jo tha jana lakin wo kuch batain to karlaitay
taveel tha safar lakin mohabbat say daman to bhar laitay

saath apnay guzri hoi chund yadain bhi lay jatay
moti kuch ashkon kay aankhon main apni bhi bhar laytay

tanhaiyon main safar katna to tha bara kathin
wo dil kay baihlanay ko zara samaan hi karlaytay

gar hota na yeh gunah to afshan
marnay ka kuch hum bhi saman karlaytay

Mera yaqeen kabhi tor ker nahin jana

Mera yaqeen kabhi tor ker nahin jana
Ager jana hey tu kuch chor ker nahin jana
Badal gay ho tu sab kuch badal k jana tum
Ab aisay jao k phir lawt ker nahin aana
Mohabbtoon ko mein nay teray naam likh dala
Thay khali haath mager iss terha nahin jana
Mujh se apni nishaniyan bhi maang lein tu nay
Ab iss k baad khayaloon mein bhi nahin aana 
Sisaktay khawab paray hein meray darwazay per
Inhein ronday bina dehleez se nahin jana
Tapish se in ki teray haath jal na jaien kahin 
In ansoon ko kabhi ponchnay nahin aana 
Hansi k lamhay tu saray shumaar ker bethay 
Koi bhi aahh yahan chor ker nahin jana 
Mera naseeb nahin hoo tu jan loo ya bhii
Yahan pe doosra hum sa kabhi nahin aana 
Sameet la jo tujhay ab who bewafa hi nahin
Tu kirchiyon ki terha se bikher nahin jana

""WO H LARKIE BHIE AIK AJEEB PAIHALIE THIE""

Woh larkie bhie aik ajeeb paihalie thie.. 
Piyaasay hounnt thay aankh samandar jaisie thie.. 

Soorajj usko daikh kay peella parhta thaa.. 
Woh surmma kie dhoop main dhull kar niklie thie.. 

Usko apnay saaye say darr lagta thaa.. 
Soch kay sahraa main woh tanhaa hirnie thie.. 

Aatay jatay mousam usko dunssttay thay.. 
Hunsstay hunsstay palkoun say ro parhtie thie.. 

Aadhie raat ganwaa daitie thie chupp rah kar.. 
Aadhie raat kay chand say batain karti thie.. 

Door say ujraay mandarr jaisa ghar uska.. 
Woh apnay ghar main aklotie dawie thie!!! 

Momm say najukk jism sahrr ko dukhta tha.. 
Diaay jalla kar shubb bharr app pighaltie thie!!! 

Taizz hawaa ko rokk kay apnay anchall par.. 
Sookhay phool ikhataay kartie phirtie thie.. 

Sub parr zahir kardaiti thie bhaid apnaa.. 
Sub say ik tasweer chuppaay rakhtie thie.. 

Kull shubb chikna choor hua tha dill uska.. 
Yaah phir pahlie baar woh khull kar rooie thie.. 

Mohisn kiaa janay woh dhoop say bai-parwaa.. 
Woh apnay ghar kie dahlieez par baihtie thie

ab chhalakate hue saaGar nahii.n dekhe jaate

ab chhalakate hue saaGar nahii.n dekhe jaate 
taubaa ke baad ye manzar nahii.n dekhe jaate 

mast karake mujhe auro.n ko lagaa muu.Nh saaqii
ye karam hosh me.n rah kar nahii.n dekhe jaate

saath har ek ko is raah me.n chalanaa hogaa 
ishq me.n rahazan-o-rahabar nahii.n dekhe jaate 

ham ne dekhaa hai zamaane kaa badalanaa lekin
un ke badale hue tevar nahii.n dekhe jaate

Yehi Wafaa ka silaah hai, to koi baat nahi

ehi Wafaa ka silaah hai, to koi baat nahi
Yeh dard tum ne diya hai, to koi baat nahi


Yehi bohot hai ke tum dekhte ho sahil se
Safeena doob raha hai, to koi baat nahi


Rakha tha aashiyana-e-dil main choopa ke tumko
Woh ghar tumne chor diya hai to koi baat nahi


Tum hi ne aayena-e-dil mera banaya tha
Tum hi ne tor diya hai to koi baat nahi


Kise majaal kahe koi mujh ko deewana
Agar yeh tumne kaha hai to koi baat nahi

pathar ka ek chand dekha hai main ne

Path ar ka ik chand dekha hai mein ne
Falak se zameen per utartay dekha hai mein ne
Na roshni thi us mein na koi chamak thi
Phir bhi usay jaltay huay dekha hai mein ne
Kal shaam jharokay se nikal kar 
Usay chupkay se rotay huay dekha hai mein ne
Na us ki koi had thi na meri koi sarhad
Usay mujh hi mein samatay huay dekha hai mein ne
Woh tha to durr per phir bhi us ko apni
Aankhoun se behtay huay dekha hai mein ne
Pathar ka ik chand dekha hai mein ne
Falak se zameen per utartay dekha hai mein ne

Hayaat ke ujrrey dayaar meiN kuch taarikiyaaN abhi aur heiN

Hayaat ke ujrrey dayaar meiN kuch taarikiyaaN abhi aur heiN
naseeb ke biggrrey nisaab meiN kuch talkhiyaaN abhi aur heiN

mieN ney phir sey tinkey jorr kar socha ke banaaooN ik aur ghar
mujhey tabhi falaq sey nawaa mili ke wahaN bijliyaaN abhi aur heiN

yehi deikh ab ke terey khaab sab kiuN dhal gaey heiN saraab meiN
dil-e-be-khabar zaraa hosh kar ke terey imtehaaN abhi aur heiN

wo daag yaadoN ke bad numa tu ney mitaaey to heiN par sab nahi
masiha-e-waqt merey zehan par aesey kuch nishaaN abhi aur heiN

aey toofaan-e-hawaa zaraa phir sey aa in bastiyoN meiN har us jagaa 
jahaaN bach gaey heiN chand garib, aesey kuch makaaN abhi aur heiN

meiN chaahoN agar bhi to kis tarhaN supurd-e-ajal ho jaaoN abhi
ke is sookhta-jaaN ke hisaab meiN, qarz-e-dostaaN abhi aur heiN

abhi kaavishoN meiN lagey raho zara saaNs leney ko ruko nahi
mujhey hey yaqeeN yaheiN aas paas naey aasmaaN abhi aur heiN

Meray Dosat Tari Nazar Hain Maray Jazba-e-Dil Ki Shidatain

Meray Dosat Tari Nazar Hain Maray Jazba-e-Dil Ki Shidatain
Meray Khawab, Mari Basaratain, Mari dharkain,mari cahatain

Jo Teray Qadam Meray Sath Hon, Meray Sath Shums-o-Qamar Chalain
Tari Qurbaton Main Smait Lon Rah-e-Zindagi Ki Musafatain

Ya Rawa-y-jaa'n Tujhay So'np Do'n kay na Dhop Tugh ko Taiz Lagay
Kahin Dukh na Tugh Ko Ata Karai'n sar-e-dast-e-gam ki Tmazatain

Tera Piyar Mari Dua Rahay Yahi Fiker Mugh Ko Sada Rahay
K Lahrata Rahay Tera Nakhl-e-Jaa'n, K Naseeb Hon Tujhay Rahatain

MERAY ROZ-0-SHAB KAY NISAB MAIN MERAY PASS APNA TO KUCH NAHI 
TERA QARAZ HAY MARI ZINDAGI, MARI SAA'NSAIN TARI AMANATAIN

Maghroor hi sahi mujey acha buhat laga

Maghroor hi sahi mujey acha buhat laga
woh ajnabi tou tha mager apna buhat laga

rotha howa tha hans tou pera muj ko dekh ker
muj ko tou iss qader bhi dalasa buhat laga

sehra mein ji raha tha jo derya dili kai sath
dekh jo ghor sai tou woh payasa buhat laga

woh jis kay dam qadam sai thin basti ki ronkain
basti ujer gai tou akela buhat laga

lipta howa ho jesey kuhar mein jesey khazan ka chand
melay libas mein b woh payara buhat laga

resham pahan kai bi meri qimat na ber saki
kadher bi uss k jisam pe mehnga buhat laga

Mohsin jab aiyne pe mari sans jamm gai
mujh ko khud apna akas bhi dundhala buhat laga

Kabh i KitaaboN meiN Phool rakhnaa

Kabh i KitaaboN meiN Phool rakhnaa 
Kabhi DaraKhtoN pe Naam likhnaa 
Hamein bhi hai Yaad aaj tak wo 
Nazar se Harf-e-Salaam likhnaa 
Wo Chaand Chehre wo behki Baatein 
Sulagte Din the mehakti Raatein 
Wo cHoTe-cHoTe se KagHazoN par 
MuhabbatoN ke Payaam likhnaa
Gulaab ChehroN se Dil lagaanaa 
Wo chupke chupke Nazar milaanaa 
Wo Aarzooun ke kHawaab buNnaa 
Wo Qissaa-e-Naatamaam likhnaa 
Mere Nagar ki HaseeN Fazaao 
KahiN jo un ke Nishaan paao 
To poocHnaa ye kahaaN base ho 
KahaaN haiN un kaa Qayaam likhnaa
Gai RutoN meiN "Hassan" hamaaraa 
Bas ek hi to ye mashgHalaa thaa 
Kisi ke Chehre ko Subah kehnaa 
Kisi ki ZulfoN ko Shaam likhnaa

Ab Kay Hum Pay Kiasa Saal Para Loogo

Ab Kay Hum Pay Kiasa Saal Para Loogo
Shaher Main Awazoon Ka Kaal Para Loogo

Her Chahra Doo Tukroon Main Taqseem Howa
Ab Kay Dillon Mian Aaisa Ball Para Loogo

Jub Bhee Diyaar e Khanda Dillan Say Guzray Hain
Uss Say Aagay Shaher Milal Para Loogo

Aaiy Rut Oor Jaiy Rut Key Baat Nahee
Ab Too Umeroon Ka Junjaal Para Loogo

Talakh Nawai Ka Mujrim Tha Sirf Faraz
Phir Kyun Saray Bagh Pay Jaal Para Loogo

roshan huwa hai chand jasay noor-e-aftab say

roshan huwa hai chand jasay noor-e-aftab say
meray dil ko mili roshni kisi bekhabar kay jawab say

meray hum dum mujhay rok na safar say issi rah kay
mujhay sekhna hai abhi bohat kuch is zindagi ki kitab say

main bhala kyu heran ho us usn ki ada dekh kar
kay mahknay ka hai raz kya kabhi pocha kisi nay gulab say

louta phir thak har kay akhhir usi kay dur par
bus wohi mujhay panah mili bus khwahisooN kay sarab say

tu khuli jub woh hakekatain to meri pori roh ye pukar uthi
kathin na ho koi lamha bhi shaid aagahi kay azab say

Sham ko sougwar karte rahe

Sham ko sougwar karte rahe
Hum tera intezar karte rahe

Tu to kar-e-jahan mai tha masruf
or hum tujh se pyaar karte rahe

Dil ko bus mubtila-e-ghum rakha
wehshaton ka shumar karte rahe

Hum tere hurf-o-lub ki khushboo se
Umar ko khushgawar karte rahe......!

Un ka andaz-e-karamm un p wo ana dil ka

Un ka andaz-e-karamm un p wo ana dil ka
Haye wo waqt,wo batein,wo zamana dil ka

Na suna usne tawajo se fasana dil ka
Umar guzri par dard na jana dil ka

dil lagi,dil ki lagi bana k mita deti hai
Rog dushman ko bhi ya RAB na laga dil ka

Wo b apne na hue,dil gaya hathon se
Aise anne se tu behtar hai na ana dil ka

Un ki mehfil mai faysal un k tabbasum ki qasam
Hum dekhte rehgaye hath se jana dil ka.....

Main Haqeeqat Hoon Samajhtey Hein Woh Afsaana Mujhey

Main Haqeeqat Hoon Samajhtey Hein Woh Afsaana Mujhey
Khud Jalaatey Hein Bana Kar Apna Parwaana Mujhey ..

Gardash-e-Dauraan Se Keh do Housh Ki Baatein Karey!
Gham Ke Toofaanon Se Bhi Aata Hey Takraana Mujhey..

Un Se Un Ki Bazm Mein Itna Hi Keh Ke Uthh Gaya
Raunaqein Tum Ko Mubarak Aur Veeraana Mujhey..

Jaaney Kya Aadmi Tha, Na-Aashna Lagta Tha Woh
Kar Gaya Sarey Shanasaaoun Se Be-Gaana Mujhey..

Aisey ChhupChhup Kar Kahan Tak Zahmat-e-Jalwa- Gari
Hashar Jo Bhi Ho, Nazar Aa Be-Hijabaana Mujhey..

Meri Tark-e-May Kashi Per, Meri Har Tauba Ke Baad,
Ehtraaman Leney Aaya Meer-e-May Khaana Mujhey..

Har Naye Saaqi Ne Uff! Hasb-e-Riwayat He Diya
Meray He Khoon-e-Jigar Se Bhar Ke Pemaana Mujhey..

Dekh Kar Iss Dil Ki Thandi Aag Mein Jaltey Huwe
Hogay Rukhsat Dua’ayen De Ke Parwana Mujhey..

Yaadon ka ik jhonka aya mujh say milnay barson baad

Yaadon ka ik jhonka aya mujh say milnay barson baad
phelay itna roye nahi thay jitna roye barson baad

lamha lamha ghar ujra hai ,mushkil say ehsaas howa
pather aye barson pehlay , sheeshay tootay barson baad

bhool bhi jao kis nay tora kaisay tora kiun tora
dhond rahay ho kia galiyon main dil kay tukray,barson baad

aaj hamari lehad pay dunya ronay dhonay baithi hai
phool howay hain janay kaisay itnay sastay barson baad

dastak ki umeed lagaye , kab tak Qaiser jeetay ham
kal ka wada karnay walay milnay aye barson baad

Haal us ka tere chehray pe likha lagta hai

Haal us ka tere chehray pe likha lagta hai
Woh chup chaap kharra hai tera kiya lagta hai
.
.
Yun tau har cheez salamat hai meri duniya mein
Aik talluq hai jo toota hua lagta hai
.
.
Mainay socha tha aabaad hoon aik shehr mein main
Yahan tau har shakhs ka andaz juda lagta hai
.
.
Muddatein beet gayeen taey na hueen manzil-e-shoq
Aik aalam mere raastay mein parra lagta hai
.
.
Aey mere jazba-e-doraan mujh mein kashish hai itni
Jo khata hota hai woh teer bhi aa lagta hai
.
.
Janay kaun si pasti mein gira hoon faysal?
Suraj bhi is qadar door lagta hai k diya lagta hai...!!!

Fal-safa-e-ishq mein paish aaye savaalon ki tarah

Fal-safa-e-ishq mein paish aaye savaalon ki tarah 
Ham pareshaan hi rahay apnay khayaalon ki tarah 

Sheeshaa-gar baithay rahay zikr-e-maseehaa le ker 
Aur ham toot gaye kaanch ke pyaalon ki tarah 

Jab bhi anjaam-e-mohabbat ne pukaara khud ko 
Waqt ne paish kiya ham ko misaalon ki tarah 

Zikr jab ho ga mohabbat mein tabahi ka kahin 
Yaad ham aaein ge duniyaa ko havaalon ki tarah

use jane ki jaldi thi

use jane ki jaldi thi
yonhi baaton hi baaton mein
mujeh us ne bataya tha
pyar karne wale pyar mein dokha nhi karte
jab koi baat kare to use toka nhi karte
jisse jane ki jaldi ho use roka nhi karte
yonhi baaton hi baaton mein
mujhe us ne bataya tha
mujhe abh yaad aya
use jane ki jaldi thi...

Main gham k raastay mein chup chaap bikhar jata

Main gham k raastay mein chup chaap bikhar jata
Ik din bhi agar apni tanhai se darr jata
.
.
Main tark-e-talluq par zinda hoon,so mujrim hoon
Kaash us k liye jeeta,apnay liye mar jata
.
.
Us raat koi khushbu qurbat mein nahin jaagi
Main warna sanwar jata,aur woh bhi nikhar jata
.
.
Us jaan-e-takallum ko tum mujh se tau milwatay
Taskheer na kar paata,hairaan tau kar jata
.
.
Kal samnay manzil thi,peechhay mere aawaazain
Chalta tau bichharr jata,rukta tau safar jata
.
.
Main shehr ki ronaq mein gum ho k buhat khush tha
Ik shaam bacha leta,ik roz tau ghar jata
.
.
Mehroom fizaaon mein,maayoos nazaaron mein
Tum AZM nahin thehray main kaisay thehr jata...

us ne judaiyoN ke sheR chuN ke mujhey suna deaye

tu ney to aey rafeeq-e-jaaN aur hi gul khila deaye 
bakhyaa-gari ke shoq meiN zakham naye laga deaye 

dast-e-hawaa ne rait par pehley banaey rastey 
phir mery ghar ke rastey ghar sey terey mila deaye 

kitni thi ajnabi fiza pehley pehal firaq meiN 
dard ke ishtiraak ne kai dost naye bana deaye 

poocha tha kya pasand hey tum ko meri biyaaz meiN 
us ne judaiyoN ke sheR chuN ke mujhey suna deaye 

ik sitam-zareef ney subh-e-turb ke naam par 
apna deya bacha liya sab ke deaye bujha deeye 

kitna sukhan-shanaas tha taana diya to yuN diya 
aap ke fun ke ratjagey hijar ney jagmaga deaye

Tere sath jo musam thay un ka kia haal hoa kabhi likhna

Tere sath jo musam thay un ka kia haal hoa kabhi likhna
Mere bad tujhy koi khusi mili k malal hoa kabhi likhna,

Kabhi sath hawa nay raks kia’dukh sukh banta sach kehna
Koi sath hasa ya roya,kitna nidhal hoa kabhi likhna,

Jo tujh main tujhy talash kary or kash k aisa ho
Koi lamha jan mere jaisa sukhan-misal hoa kabhi likhna

Wohi aab-o-hawa ka mela hy k akela hy tu ab tak
Kahain phol khelay ya sabza pamal ho kabhi likhna

Mera saans say rishta baki hy’dil sath hy kia likhna
Tu chain say hy ya jeena kar-e-muhal hoa kabhi likhna….!!!

chale bhii aao vo hai qabr-e-Fani dekhate jaao

chale bhii aao vo hai qabr-e-Fani dekhate jaao 
tum apane marane vaale kii nishaanii dekhate jaao 


abhii kyaa hai kisii din Khuu.N rulaayegi ye Khaamoshii 
zubaan-e-haal ki jadd-o-bayaanii dekhate jaao 


Guruur-e-husn kaa sadaqaa ko_ii jaataa hai duniyaa se 
kisii kii Khaak me.n milatii javaanii dekhate jaao 


sune jaate na the tum se mere din raat ke shikave 
kafan sarakaao merii be-zubaanii dekhate jaao

chale bhii aao vo hai qabr-e-Fani dekhate jaao 
tum apane marane vaale kii nishaanii dekhate jaao

Apni tabeer-e-tamanna kay sarabon main utar ja

Apni tabeer-e-tamanna kay sarabon main utar ja
aey mairay khaab naey bastee kay raston main utar ja

tujh ko paa lain na kaheen dasht kay weeraanay yeh
chaand ban kar tuu samandar ki hi lehron main utar ja

har taraf dhond rahee hain tujhey zaalim si khizaain
aks-e-khushbu main badal aur meri sanson main utar ja

jin ki khatir koe suraj hi nahin chamka kabhi
chandni raat main tu unn kay dareechon main utar ja

tuu "Behar Zaad" hai " Parwarda-e-Khurseed" na ban
tuu key dhal rait main sahil ki gharondon main utar ja

woh jo larkee tujhey dehleez pay miltee hai rozana
raat ka rang pehan uss kay hi baloon main utar ja

pairahan ourhh lay masoom si ek khahish ka
ban key aa taiz hawa us kay dupatton main utar ja

tuu rida dhaanp lay khush rang gulaboon ki tarha
zaiqa ban kay sanwar chupkay say honton main utar ja

tuu sanwar qous-e-qazah ki tarha aflaak say aa
uss key aanchal kay mehaktay huey rangon main utar ja

uss kay kamray ki puranee kissi khirkee say nazar kar
ek ghazal ki tarha Hashim kay khiyaloon min utar ja

Mohabaton ka hisaab tha na adawaton ka shumar tha

Mohabaton ka hisaab tha na adawaton ka shumar tha
Kabhi uski zaat azab thi kabhi rroh ka who qarar tha,

Meri piyas itni barh gai k siraab jitney milay mujhe
Hoa dhuka jis pay ghulab ka who sulagta jalta sharer tha,

Usay main nay mur k sada na di k palat gaya tha who rah say
Main khizan hoa tu pata chala meri zaat ka who nikhar tha,

Tu bhi dor hy main bhi dor hon kiun alag hoe yeh rasty
Teri chahaton ka gurez tha ya meri ana ka hasar tha,

Who agar kisi ko milay kahin tu koi bata day usay zara
Mere faan shair ki by-khudi tere ishq ka hi khumar tha……..!!!

Marne ka tere gham main irad'a bhi nahi hai

Marne ka tere gham main irad'a bhi nahi hai 
Hai ishq magar itna ziyada bhi nahi hai 

Hai yo-o ke ibara'at ke zuba'an aur hai koi 
kaghaz meri taqeer ka sada bhi nahi hai 

Kyu dekhtay rahtay hain sitaroo'n ke taraf hum 
jub in se mulaqaat ka wada'a bhi nahi hai 

Kiss mor'h pay lay aya hamay hijray masalsal
tahada'y nigha wasal ka wadha bhi nahi hai 

Pathar ke tarha kyu sard hai ankh kisi ki 
amjaad jo bicharne ka iradha bhi nahi hai

harr tarah k jazbaat ka ailaan hain aankhai'n

harr tarah k jazbaat ka ailaan hain aankhai'n
shabnam kabhi shaula kabhi toofan hain aankhain

aankho'n se barha koi tarazoo nahii hota
tulta hai bashar jin mai wo meezan hai aankhai'n

aankhain hi milaa'ti hain zamane mai dilo'n ko
anjaan hain hum tumm, agar anjaan hain aankhain

lafz kuchh bhi kahey uss se haqiqat nahi mit'tii
insaan k sach jhoot ki pehchan hain aankhain

aankhain na jhukey teri kisi gair k aagay
dunya mai barhi cheez meri jaan hain aankhain

ہو گئے خاک! کب شکایت کی؟

بھولنے کی تجھے جو نیت کی
دل نے برپا نئی قیامت کی

ہو گئے خاک! کب شکایت کی؟
ہم نے اس طور سے محبت کی

وہ تھا کوفہ صفت، یقیناً تھا
دل مدینہ تھا، پر محبت کی

حوصلے میرے سارے زخمی تھے
آ کے امید نے عیادت کی

ہم ہیں مجبور دل کے ہاتھوں، خیر
آپ کہئے، کہ کیسے زحمت کی؟

ہم بھی آدم گزیدہ تھے لیکن
آدمی سے کبھی نہ نفرت کی

وقتِ رخصت وہ مسکرا دینا
ہائے کیا تھی گھڑی قیامت کی

سنگِ الزام پر تھا اُس کا نام 
چپ کی لیکن ہماری عادت تھی

دل صدفؔ، تیری یاد ہے موتی
ٹوٹ کر بھی تری حفاظت کی


.

تھا عشق اک فریب، گرفتار تھے ہمیں

تھا عشق اک فریب، گرفتار تھے ہمیں
اور اپنی ذات کے ہی طلب گار تھے ہمیں

اپنے ہی دل سے بر سرِ پیکار تھے ہمیں
اپنے لہو میں ڈوبتی تلوار تھے ہمیں

اپنی رضا سے دل دیا، مرضی سے لے لیا
مجبور ہم رہے ہیں تو مختار تھے ہمیں

ہم بھی گئے تھے شوقِ تماشا میں اُس طرف
اور دیکھا جب تو زینتِ بازار تھے ہمیں

مٹی کے مول تجھ کو صدفؔ مانگتے تھے لوگ
اے جنسِ بیش مایہ خریدار تھے ہمیں

yuN maatmi sey libaas meiN koi aah-o-fagaaN hey aaj bhi

yuN maatmi sey libaas meiN koi aah-o-fagaaN hey aaj bhi
jesey chahsm-e-tar meiN khaab koi pareshaaN hey aaj bhi

meiN zindagi ki raah-guzar pe dar-badar hooN is leeye
ke mohabatoN ke shehar meiN dil be'makaaN hey aaj bhi

teri aarzu hey bohat magar meri pohaNch nahi hey is qadaR
meri khuwaahishoN ke waastey tu aasmaaN hey aaj bhi

meiN toheed ke har hisaab sey wesey to musalmaan hooN
par tujhey poojney ki baat hey, to dil be'imaaN hey aaj bhi

teri anjuman tera har karam, teri chahateiN to chin gaeeN
magar dard jo mera naseeb bana wo meharbaaN hey aaj bhi

teri azyatoN ka sawaal hey to mujhey kal bhi zabt pe naaz tha
tujhey kosney ki baat hey to dil be'zubaaN hey aaj bhi

kabi dard had sey baRha bhi to meiN teRi had sey baRha nahi
meri to saaNs ki tasbeeyoN meiN ik tu hi rawaaN hey aaj bhi

so baadloN ke silsiley meri chatt pe baras kar chaley gaey 
par jala jala dhuwaaN dhuwaaN mera aashyaaN hey aaj bhi

mujhey kal miley they kuch gulaab jo terey leeye ye keh gaey
ke terey intizar meiN sog'waR gulshan ka samaaN hey aj bhi