Hijar Mai Khoon Rulatay Ho, Kahan Hotay Ho?

Hijar Mai Khoon Rulatay Ho, Kahan Hotay Ho?
Lout Ker Kiyon Nahi Attay, Kahan Hotay Ho?

Jub Bhi Milta Hai Koi Shaks Baharoo'n Jaisa
Mujh Ko Tum Kaisay Bhulatay Ho, Kahan Hotay Ho?

Yaad Atti Hain Akailay Mai Tumhari Neendain
Kis Terhan Khud Ko Sulatay Ho, Kahan Hotay Ho?

Mujh Se Bicheray Ho Tu Mehboob-e-Nazer Ho Kis Kay
Ajj Kal Kis Ko Mannatay Ho, Kahan Hotay Ho?

Shub Ki Tanhai Mai Akser Yeh Kehyal Atta Hai
Apnay Dukh Kis Ko Sunatay Ho, Kahan Hotay Ho?

Mousam-e-Gul Mai Nash Hijar Ka Barh Jata Hai
Meray Sub Hosh Churatay Ho, Kahan Hotay Ho?

Sard Ratoo'n Mai Tumhain Kaisay Bhula Saqta Hoon
Aag Si Dil Mai Lagatay Ho, Kahan Hotay Ho?

Tum Tu Khushiyoo'n Ki Raffaqat Kay Leye Bicheray Thay
Abb Ager Ashk Bahatay Ho, Kahan Hotay Ho?

Shaher Kay Loog Bhi Wasiq Yeh Kartay Hain Sawaal
Abb bohat Kam Nazer Attay Ho, Kahan Hotay Ho?