Tuesday, April 28, 2009

arz-e-niyaaz-e-ishq ke qaabil naheeN raha

...........................................................................


arz-e-niyaaz-e-ishq ke qaabil naheeN raha
jis dil pe naaz tha mujhe wo dil naheeN raha 

 

jaata hooN daaGH-e-hasarat-e-hastee liye hue
hooN shamma'a_kushta darKHur-e-mehfil naheeN raha 



marne ki 'ei dil aur hee tadabeer kar ki maiN
shaayaan-e-dast-o-baazu-e-qaatil naheeN rahaa 

 

bararoo-e-shash jihat dar-e-aaina_baaz hai
yaaN imtiaz-e-naakis-o-qaamil naheeN rahaa 

 

waa kar diye haiN shauq ne band-e-naqaab-e-husn
GHair_az nigaah ab koee haayal naheeN raha 

 

go maiN raha, rahee na sitam haaye rozgaar
lekin tere KHayaal se GHaafil naheeN raha 

 

dil se hawa-e-kisht-e-wafa miT gayee ki waaN
haasil siwaay hasrat-e-haasil naheeN raha 

bedaad-e-ishq se naheeN Darta magar 'faysal'
jis dil pe naaz tha mujhe wo dil naheeN raha 



............................................................................

shauq har rang raqeeb-e-sar-o-saamaaN niklaa

shauq har rang raqeeb-e-sar-o-saamaaN niklaa
qais tasveer ke parde meiN bhee uriyaaN niklaa 

 

zaKHm ne daad na dee, tangee-e-dil ki yaarab !
teer bhee seena-e-bismil se par_afshaaN niklaa 

 

boo-e-gul, naala-e-dil, dood-e-charaaGH-e-mehfil
jo teree bazm se nikla, so parishaaN niklaa 



thee nau_aamoz_fana'a himmat-e-dushwaar_pasand
saKHt mushkil hai ki yah kaam bhee aasaaN nikla 

 

dil meiN fir giryaaN ne ik shor uThaaya 'GHalib'
aah jo qatra na nikla tha, so toofaaN nikla 

ghar jab bana liya hai tere dar par kahe baGHair

..........................................................................


ghar jab bana liya hai tere dar par kahe baGHair
jaanega ab bhee too na mera ghar kahe baGHair 

 
kehte haiN, jab rahee na mujhe taaqat-e-suKHan
jaanooN kisee ke dil ki maiN kyoNkar kahe baGHair 

 

kaam us'se aa paDa hai ki jiska jahaan meiN
lewe na koee naam 'sitamgar' kahe baGHair 



jee meiN hee kuchch naheeN hai hamaare, wagarna ham
sar jaaye ya rahe, na rahaiN par kahe baGHair 

choDooNga maiN na us but-e-kaafir ka poojna
choDe na KHalq go mujhe kaafir kahe baGHair 



maqsad hai naaz-o-GHamza, wale guftagoo meiN kaam
chalta naheeN hai, dashna-o-KHanjar kahe baGHair 

 

har chand ho mushaahit-e-haq ki guftagoo
bantee naheeN hai baada-o-saaGHar kahe baGHair 



behra hooN maiN to chaahiye doona ho iltafaat
sunta naheeN hooN baat muqarrar kahe baGHair 

 

'GHalib' na kar huzoor meiN too baar-baar 'arz
zaahir hai tera haal sab un par kahe baGHair 

...........................................................................

woh aake KHwaab meiN taskeen-e-iztiraab to de

..........................................................................


woh aake KHwaab meiN taskeen-e-iztiraab to de
wale mujhe tapish-e-dil, mazaal-e-KHwaab to de 

 

kare hai qatl lagaawat meiN tera ro dena
teree tarah koee teGH-e-nigah ko aab to de 

 

dikhaake jumbish-e-lab hee tamaam kar hamko
na de jo bosa, to muNh se kaheeN jawaab to de 

 

pila de oak se saaqee jo hamse nafrat hai
pyaala gar naheeN deta na de, sharaab to de 

 

'faysal' KHushee se mere haath paaNv phool gaye
kaha jo usne zara mere paaNv daab to de 

..........................................................................

dil-e-naadaaN tujhe huaa kya hai ?

......................................................................


dil-e-naadaaN tujhe huaa kya hai ?
aaKHir is dard kee dawa kya hai 

 
ham haiN mushtaaq aur woh bezaar
ya ilaahee ! yeh maajra kya hai ? 

 
maiN bhee muNh meiN zabaan rakhta hooN
kaash ! poocho ki "muddaa kya hai" ? 

 
jab ki tujh bin naheeN koee maujood
fir ye hangaama, 'ei KHuda ! kya hai 

ye paree chehara log kaise haiN ?
GHamza-o-ishwa-o-'adaa kya hai ? 

 

shikan-e-zulf-e-ambaree kyoN hai ?
nigah-e-chashm-e-soorma sa kya hai ? 



sabja-o-gul kahaaN se aaye haiN ?
abr kya cheez hai, hawa kya hai ? 



hamko unse wafa ki hai ummeed
jo naheeN jaante wafa kya hai 

"haaN bhala kar tera bhala hoga"
aur darvesh kee sada kya hai ? 

 

jaan tum par nisaar karta hooN
maiN naheeN jaanata duaa kya hai 

maiNe maana ki kuchch naheeN 'GHalib'
muft haath aaye to bura kya hai ? 

..........................................................................

daayam paDa huaa tere dar par naheeN hooN maiN

.......................................................................


daayam paDa huaa tere dar par naheeN hooN maiN
KHaak 'eisee zindagee pe ke patthar naheeN hooN maiN 


kyooN gardish-e-mudaam se ghabra na jaaye dil ?
insaan hooN, pyaala-o-saaGHar naheeN hooN maiN 



yaarab ! zamaana mujhko miTaata hai kis liye ?
loh-e-jahaaN pe harf-e-muqarrar naheeN hooN maiN 



had chaahiye saza meiN uqoobat ke waaste
aaKHir gunaahagaar hooN, kaafir naheeN hooN maiN 



kis waaste 'azeez naheeN jaante mujhe ?
laal-o-zumarrud-o-zar-o-gauhar naheeN hooN maiN 



rakhte ho tum qadam meree aaNkhoN se kya dareGH
rutbe meiN mehar-o-maah se kamtar naheeN hooN maiN 



karte ho mujhko man'a-e-qadam_bos kis liye ?
kya aasmaan ke bhee baraabar naheeN hooN maiN ? 

 

'GHalib' wazifaa_KHwaar ho, do shaah ko duaa
woh din gaye ki kehte the;, "naukar naheeN hooN maiN" 



......................................................................

miltee hai KHoo-e-yaar se naar iltihaab meiN

miltee hai KHoo-e-yaar se naar iltihaab meiN
kaafir hooN gar na miltee ho raahat 'azaab meiN 

 

kab se hooN, kya bataaooN jahaan-e-KHaraab meiN ?
shab haaye hijr ko bhee rakhooN gar hisaab meiN 

 

taa fir na intezaar meiN neeNd aaye 'umr bhar
aane ka 'ahad kar gaye aaye jo KHwaab meiN 

 

qaasid ke aate-aate KHat ik aur likh rakhooN
maiN jaanta hooN jo woh likhenge jawaab meiN 



mujh tak kab unkee bazm meiN aata tha daur-e-jaam
saaqee ne kuchch mila na diya ho sharaab meiN 



jo munkir-e-wafa ho fareb us pe kya chale ?
kyooN badGHumaaN hooN dost se dushman ke baab meiN ? 



maiN muztarib hooN wasl meiN KHauf-e-raqeeb se
Daala hai tumko weham ne kis pech-o-taab meiN 



mai aur haz'z-e-wasl, KHudaa_saaz baat hai
jaaN nazr denee bhool gaya iztiraab meiN 



hai tevaree chaDee huee andar naqaab ke
hai ik shikan paDee huee tarf-e-naqaab meiN 

 

1laakhauN lagaav, ik churaana nigaah ka
laakhauN banaav, ik bigaaDna itaab meiN 

 

woh naala_dil meiN KHas ke baraabar jagah na paaye
jis naale se shigaaf paDe aaftaab meiN 



woh sehar muddaa talbee meiN na kaam aaye
jis sehar se safina ravaaN ho saraab meiN 



'GHalib' chutee sharaab, par ab bhee kabhee-kabhee
peeta hooN roz-e-abr -o- shab-e-maahtaab meiN 



.......................................................................

dil se teree nigaah jigar tak utar gayee

dil se teree nigaah jigar tak utar gayee
donoN ko ik adaa meiN razaamand kar gayee 

 
shaq ho gaya hai seena, KHushee lazzat-e-firaaq
takleef-e-pardaadaari-e-zaKHm-e-jigar gayee 



woh baada-e-shabaana kee sar mastiyaaN kahaaN ?
uThiye bas ab ki lazzat-e-KHwaab-e-sahar gayee 
 

uDtee fire hai KHaak meree koo-e-yaar se
baare ab 'ei hawa, hawas-e- baal-o-par gayee 

 

dekhooN to dil_farebi-e-andaaz-e-naqsh-e-pa
mauj-e-KHiraam-e-yaar bhee kya gul katar gayee 

 

har bulhawas ne husn_parastee shiaar kee
ab aabru-e-sheva-e-'ehl-e-nazar gayee 

 

nazzaare ne bhee kaam kiya waaN naqaab ka
mastee se har nigaah tere ruKH par bikhar gayee 

farda-o-dee ka tafarqa yak baar mit gaya
kal tum gaye ke ham pe qayaamat guzar gayee 

 

maara zamaane ne 'faysal' tumhe
woh walwale kahaaN, woh jawaanee kidhar gayee ? 


kabhee nekee bhee uske jee meiN gar aa jaaye hai mujhse

...........................................................


kabhee nekee bhee uske jee meiN gar aa jaaye hai mujhse
jafaayeN karke apnee yaad sharma jaaye hai mujhse 



KHudaaya ! jazbaa-e-dil kee magar taaseer ulTee hai
ki jitna khiNtchataa hooN aur khiNtchtaa jaaye hai mujhse 



woh bad_KHoo aur meree daastan-e-ishq tulaanee
ibaarat muKHtasar, qaasid bhee ghabra jaaye hai mujhse 



udhar woh bad_GHumaanee hai, idhar yeh naatavaanee hai
na poocha jaaye hai us'se, na bola jaaye hai mujhse 

 

sambhalne de mujhe 'ei na_ummidee kya qayaamat hai
ki daamaan-e-KHayaal-e-yaar chooTa jaaye hai mujhse 

takalluf bartaraf nazzaaragee meiN bhee sahi, lekin
woh dekha jaaye, kab ye zulm dekha jaaye hai mujhse 

 

hue haiN paaNv hee pehle nabard-e-ishq meiN zaKHmee
na bhaaga jaaye hai mujhse, na Thehra jaaye hai mujhse 
 

qayaamat hai ke howe muddaee ka ham_safar 'GHalib'
woh kaafir, jo KHuda ko bhee na sauNpa jaaye hai mujhse

.......................................................................

naqsh fariyaadee hai kiskee shoKHee-e-tehreer k

...........................................................


naqsh fariyaadee hai kiskee shoKHee-e-tehreer ka
kaaGHazee hai pairhan har paikar-e-tasweer ka 

 

kaave-kaave saKHt_jaanee haay tanhaaee na pooch
subah karna shaam ka laana hai joo-e-sheer ka 



jazba-e-be_iKHtiyaar-e-shauq dekha chaahiye
seena-e-shamsheer se baahar hai dam shamsheer ka 



aagahee daam-e-shuneedan jis qadar chaahe bichaaye
mudda'a 'anqa hai apne aalam-e-taqreer ka 



bus ke hooN 'GHalib' aseeree meiN bhee aatish zer-e-pa
moo-e-aatish_deeda hai halqa meree zanjeer ka 



...........................................................



GHair leiN mehfil meiN bose jaam ke



GHair leiN mehfil meiN bose jaam ke
ham rahaiN yooN tishna_lab paiGHaam ke 



KHastagee ka tumse kya shikwa ki ye
hathkanDe haiN charKH-e-neelee_faam ke 



KHat likhenge garche matlab kuchch na ho
ham to aashiq haiN tumhaare naam ke 

raat pee zamzam pe mai aur subh_dam
dhoye dhab'be jaam-e-'eharaam ke 

 

dil ko aaNkhoN ne fasaaya kya magar
ye bhee halqe haiN tumhaare daam ke 



shaah ke haiN GHusl-e-sehat ko KHabar
dekhiye kab din fireiN hammaam ke 



ishq ne 'GHalib' nikamma kar diya
warna ham bhee aadmee the; kaam ke 

.......................................................

husn-e-mah, garche ba_haNgaam-e-kamaal achcha hai

husn-e-mah, garche ba_haNgaam-e-kamaal achcha hai
us'se mera mah-e-KHursheed-e-jamaal achcha hai 



bosa dete naheeN aur dil pe hai har lahja nigaah
jee meiN kehte haiN, muft aaye to maal achcha hai 

 

aur baazaar se le aaye agar TooT gaya
saaGHar-e-jam se mera jaam-e-sifaal achcha hai 

 

be_talab daiN to maza usme siwa milta hai
woh gada jisko na ho KHoo-e-sawaal achcha hai 

 

unke dekhe se jo aa jaatee hai muNh par raunaq
woh samajhte haiN ke beemaar ka haal achcha hai 

 
dekhiye paate haiN ushshaaq butoN se kya faiz ?
ik birahaman ne kaha hai, ke yeh saal achcha hai 

 

ham_suKHan teshe ne farhaad ko sheereeN se kiya
jis tarah ka bhee kisee meiN ho kamaal achcha hai 

 

qatra dariya meiN jo mil jaaye to dariya ho jaaye
kaam achchaa hai woh, jiska ma'aal achcha hai 



KHijr SultaaN ko rakhe KHaaliq-e-akbar sar_sabz
shaah ke baaGH meiN yeh taaza nihaal achcha hai 

 

hamko ma'aloom hai jannat ki haqeeqat lekin
dil ke KHush rakhne ko, 'GHalib' yeh KHayaal achcha hai 

...........................................................................

har ek baat pe kehte ho tum ke 'too kya hai' ?

har ek baat pe kehte ho tum ke 'too kya hai' ?
tumheeN kaho ke yeh andaaz-e-guftgoo kya hai ? 



na shole meiN yeh karishma na barq meiN yeh ada
koee batao ki woh shoKH-e-tund_KHoo kya hai ? 



yeh rashk hai ki wo hota hai ham_suKHan tumse
wagarna KHauf-e-bad_aamozi-e-adoo kya hai ? 



chipak raha hai badan par lahoo se pairaahan
hamaaree jeb ko ab haajat-e-rafoo kya hai ? 



jalaa hai jicm jahaaN dil bhee jal gaya hoga
kuredate ho jo ab raakh, justjoo kya hai ? 



ragoN meiN dauDte firne ke ham naheeN qaayal
jab aaNkh hee se na Tapka to fir lahoo kya hai ? 

 
woh cheez jiske liye hamko ho bahisht azeez
siwaay baada-e-gul_faam-e-mushkaboo kya hai ? 



piyooN sharaab agar KHum bhee dekh looN do chaar
yeh sheesha-o-qadah-o-kooza-o-suboo kya hai ? 

 

rahee na taaqat-e-guftaar, aur agar ho bhee
to kis ummeed pe kahiye ke aarzoo kya hai ? 

 

huaa hai shaah ka musaahib, fire hai itaraata
wagarna shehar meiN 'GHalib' kee aabroo kya hai ? 

 

............................................................................

Hum parwarash-e-loh-o-qalam karte rahenge

******************************************************************

Hum parwarash-e-loh-o-qalam karte rahenge
Jo dil pe guzarti hai raqam karte rahenge

Asbaab-e-gham-e-ishq baham karte rahenge
Viraani-e-dauraan pe karam karte rahenge

Haan talkhi-e-ayyaam abhi aur barhe gi
Haan ahl-e-sitam mashq-e-sitam karte rahenge

Manzur yeh talkhi yeh sitam hum ko gawaara
Dam hai to madaawa-e-alam karte rahenge

Maikhana salaamat hai to hum surkhi-e-mai se
Tazzain-e-dar-o-baam-e-haram karte rahenge

Baqi hai lahu dil mein to har ashk se paida
Rang-e-lab-o-rukhsar-e-sanam karte rahenge

Ek tarz-e-taghaaful hai so woh unko mubaarak
Ek arz-e-tamanna hai so hum karte rahenge

****************************************************************** 


Gulon mein rang bhare baad-e-naubahaar chale

****************************************************************** 

Gulon mein rang bhare baad-e-naubahaar chale
Chale bhi aao ke gulshan ka kaarobaar chale

Qafas udaas hai yaaro saba se kuchh to kaho
Kahin to bahr-e-Khuda aaj zikar-e-yaar chale

Kabhi to subah tere kunj-e-lab se ho aaghaz
Kabhi to shab sar-e-kaakul se mushakbaar chale

Bara hai dard ka rishta yeh dil gharib sahi
Tumhare naam pe aaenge ghamgusaar chale

Jo hum pe guzri so guzri magar shab-e-hijraan
Hamaare ashk teri aaqbat sanwaar chale

Maqaam Faiz koi raah mein jacha hi nahin
Jo kue yaar se nikle to sue daar chale

******************************************************************

Patta patta, boota boota, haal hamaaraa jaane hai

****************************************************************** 

Patta patta, boota boota, haal hamaaraa jaane hai,
Jaane na jaane gul hi na jaane, baagh to saaraa jaane hai. 

Aage us mutkabbar ke ham Khuda Khuda kiya karte hain,
Kab maujud Khuda ko woh maghrur khud-aara jaane hai. 

Aashiq saa to saada koi aur na hoga dunya mein,
Ji ke zian ko ishq mein uske apna waara jaane hai. 

Chaaraa gari beemari-e-dil ki rasm-e-shahr-e-husn nahin,
Warna dilbar-e-naadaan bhi is dard kaa chaara jaane hai. 

Mehr-o-wafa-o-lutaf-o-inait, ek se waqif in mein nahin,
Aur to sab kuchh tanz-o-kanaya, ramz-o-ishara jaane hai. 

Aashiq to murdah hai hamesha ji uthta hai dekhe use,
Yaar ke aa jaane ko yakaayak umr do baara jaane hai. 

Tashna-e-khun hai apna kitna, Mir bhi naadaan, talkhi-kash,
Damdaar aab-e-tegh ko uske aab-e-gawara jaane hai. 


******************************************************************

Kya kahun tum se main ke kya hai ishq

Kya kahun tum se main ke kya hai ishq,
Jaan ka rog hai, bala hai ishq. 

Ishq hi ishq hai jahaan dekho,
Saare aalam mein bhar raha hai ishq. 

Ishq maashuq ishq aashiq hai,
Yaani apna hi mubtala hai ishq. 

Ishq hai tarz-o-taur ishq ke taeen,
Kahin banda kahin Khuda hai ishq. 

Kaun maqsad ko ishq bin pohuncha,
Aarzoo ishq wa mudda hai ishq. 

Koi khwaahan nahin mahabbat ka,
Tu kahe jins-e-narawa hai ishq. 

Mir ji zarad hote jaate hain,
Kya kahin tum ne bhi kiya hai ishq? 

Uskon haasil kyonke hoe jag mein faraagh-e-zindagi

******************************************************************

Uskon haasil kyonke hoe jag mein faraagh-e-zindagi,
Gardash-e-iflaak hai jis kon ayaag-e-zindagi. 

Ai azizaan sair-e-gulshan hai gul-e-daagh-e-alam,
Suhbat-e-ahabaab hai maani mein baagh-e-zindagi. 

Lab hain tere filhaqiqat chashma-e-aab-e-hayaat,
Khizr-e-khat ne us son paaya hai suraagh-e-zindagi. 

Jab son dekha nain nazarbhar kaakul-e-mushkin-e-yaar,
Tab son jion sumble pareshaan hai dimaagh-e-zindagi. 

Aasmaan meri nazar mein kuba-e-taarik hai,
Gar na dekhun tujkon ai chashm-o-chiraagh-e-zindagi. 

Lala-e-khunin kaffin ke haal son zaahir hua,
Bastgi hai khaal son khubaan ke daagh-e-zindagi. 

Kyon na howe ai Wali roshan shab-e-qadar-e-hayaat,
Hai nigah-e-garam-e-gul ruan chiraagh-e-zindagi. 

 ******************************************************************

Yaad karna har ghari us yaar ka

Yaad karna har ghari us yaar ka
Hai wazifa mujh dil-e-bimaar ka. 

Aarzoo-e-chasma-e-kausar nahin
Tishna-lab hun sharbat-e-didaar ka. 

Aakbat kya howega maalum nahin
Dil hua hai mubtla dildaar ka. 

Kya kahe tarif dil, hai be nazir,
Harf harf us makhzan-e-israar ka. 

Gar hua hai taalib-e-aazadgi,
Band mat ho subba-o-zunnaar ka. 

Masnad-e-gul manzil-e-shabanam hui,
Dekh rutba dida-e-bedaar ka. 

Ai Wali hona srijan par nisaar,
Mudda hai chashm-e-gohar baar ka. 


Mera ji hai jab tak teri justju hai,

Mera ji hai jab tak teri justju hai,
Zabaan jab talak hai yehi guftgoo hai. 

Khuda jane kya hoga anjaam is ka,
Main besabar itna hun woh tund khu hai. 

Tamanna hai teri agar hai tamanna,
Teri aarzoo hai, agar aarzoo hai. 

Kiya sair ham ne gulzaar-e-duniya,
Gul-e-dosti mein ajab rang-o-boo hai. 

Ghanimat hai yeh deed wa deed-e-yaarraan,
Jahan mund gayi aankh, mein hun na tu hai. 

Nazar mere dil ki pari Dard kis par,
Jidhar dekhta hoon wohi rubroo hai. 


Apne taeen to har ghari gham hai

Apne taeen to har ghari gham hai, alam hai, daagh hai,
Yaad kare hamen kabhi kab yeh tujhe dimagh hai. 

Ji ki khushi nahin giro sabzaa-o-gul ke haath kuchh,
Dil ho shagufta jis jagah woh hi chaman hai baagh hai. 

Kis ki yeh chashm-e-mast ne bazm ko yun chhaka diya,
Masl-e-habaab sar nagun sharam se har ayaagh hai. 

Jalte hi jalte subah tak guzri use tamaam shab,
Dil hai ke shola hai koi, shama hai ya chiragh hai. 

Paiye kis jagah bata ai but-e-bewafa tujhe,
Umr-e-guzashta ki tara gum hi sada suraagh hai. 

Sair-e-bahaar-o-baagh se ham ko maaf kijiye,
Us ke khayaal-e-zulf se Dard kise faraagh hai ? 

Chaman mein subah yeh kahti thi

 ******************************************************************

Chaman mein subah yeh kahti thi ho kar chashm-e-tar shabnam,
Bahaar-e-baagh to yun hi rahi, lekin kidhar shabanam. 

Arq ki bund us ki zulf se rukhsaar par tapki,
Taajjub ki hai jaage yeh pari khurshid par shabnam. 

Hamen to baagh tujh bin khaana-e-maatam nazar aya,
Idhar gul phaarte the jeb, roti thi udhar shabnam. 

Kare hai kuchh na kuchh taasir suhbat saaf tabon ki,
Hui aatish se gul ke baithte rashk-e-sharar shabnam. 

Bhala tuk subah hone do ise bhi dekh levenge,
Kisi ashiq ke rone se nahin rakhti khabar shabnam. 

Nahin asbaab kuchh laazim subak saaron ke uthne ko,
Gayi ur dekhte apne baghair az baal-o-par shabnam. 

Na paaya jo gaya is baagh se hargiz suraagh uska,
Na palti phir saba idhar, na phir aai nazar shabnam. 

Na samjha Dard ham ne bhed yaan ki shadi-o-gham ka,
Sahr khandaan hai kyon, roti hai kis ko yaak kar shabnam. 

 ******************************************************************

Tujhi ko jo yaan jalwa farma na dekha

~*~*~*~*~*~*~*~*~*~ *~*~*~*~*~*~*~*~*~*~*~ *~*

Tujhi ko jo yaan jalwa farma na dekha,
Baraabar hai duniya ko dekha na dekha. 

Mera ghuncha-e-dil hai woh dil-grifta,
Ke jis ko kaso ne kabhi wa na dekha. 

Aziat, musibat, malaamat, balaaen,
Tere ishq mein ham ne kya kya na dekha. 

Kiya mujh ko daghon ne sarv-e-chiraghan,
Kabho tu ne aakar tamaasha na dekha. 

Taghaful ne tere yeh kuchh din dikhae,
Idhar tu ne lekin na dekha, na dekha. 

Hijaab-e-rukh-e-yaar the aap hi ham,
Khuli aankh jab, koi parda na dekha. 

Shab-o-roz ai Dard darpai hun uske,
Kaso ne jise yaan samjha na dekha. 

 ********************************************

duniya mein kaun kaun na yak baar ho gaya

duniya mein kaun kaun na yak baar ho gaya,
Par munh phir is tarf na kiya us ne jo gaya. 

Phirti hai meri khaak saba dar-b-dar liye,
Ai chashm-e-ashkbaar yeh kya tujh ko ho gaya. 

Aagah is jahaan mein nahin ghair be khudaan,
Jaaga wahi idhar se jo mund ankh so gaya. 

Tufaan-e-Noah ne to dubai zamin faqt,
Main nang-e-khalq saari khudaai dabo gaya. 

Barham kahin na ho gul-o-bulbul ki asshti,
Darta hun aaj baagh mein woh tund khu gaya. 

Waiz kise darawe hai yom-ulhisab se,
Giriya mera to naama-e-aamal dho gaya. 

Phulenge is zabaan mein bhi gulzar-e-maarfat,
Yaan main zamin-e-sheir mein yeh tukhm bo gaya. 

Aya na aitdaal par hargiz mazaaj-e-dahar,
Main garche garm-o-sard-e-zamana samo gaya. 

Ai Dard jis ki ankh khuli is jahan mein,
Shabnam ki tara jaan ko apni woh ro gaya. 
 

Mera kuch saamaan tumhare paas pada hai

Mera kuch saamaan tumhare paas pada hai ! saavan ke kuch bheege bheege din rakhe hain aur
mere ik khat main lipti raat padi hai vo raat bhulaa do, mera vo saamaan lauta do - 2 mera kuch
saamaan tumhaare paas pada hai - 2 patjhad hai kcuh ... hai na ? o ! patjhas main kuch patton ke
girne kee aahat kaanon main ek baar pahan ke laut aai thee patajhad kee vo saakh abhi tak kaanp
rahi hai vo saakh gira do, mera vo saamaan lauta do - 2 ek akeli chhataree main jab aadhe aadhe
bheeg rahe the - 2 aadhe sookhe aadhe geele, sukha to main le aaye thee geela man shayad bistar ke
paas pada ho vo bhijwa do, mera vo saamaan lauta do ek so sola chaand ki ratain ek tumhare
kaandhe ka til - 2 geeli mahendi ki khushbu, jhoot mooth ke shikwe kuch jhooth mooth ke wade sab
yaad karaa do sab bhijwa do, mera vo saamaan lauta do - 2 ek ijaazat de do bas, jab isako
dafanaaungee main bhi vaheen so jaungee main bhi vaheen so jaungee


udass logon say piyar krna koi tu sikhaay

udass logon say piyar krna koi tu sikhaay
sufaid lamhoon men rang bharna koi tu sikhay

koi tu aye khizaaN mein pattay uganay wala
guloon ki khushbo ko qaid krna koi tu sikhay

koi dikhaey muhabbatoon k saraab mujh ko
mery nigaahon say bat krna koi tu sikhay

koi tu aye naey rutooN ka peyaam lay kar
andheri raaton mein chand ban'na koi sikhay

koi peyambar koi imaam-e-zamaan he aye
aseer zehnaoon mein soch bharna koi tu sikhay 

chali aati hai dabey paon teri yaadein shaam dhaley

chali aati hai dabey paon teri yaadein shaam dhaley.. 
ke hoti hai chiraghan dil ki mehefil shaam dhaley.. 

hue tum kin rahon ke musafir, itna to bata dete.. 
ke laut aate hai panchi bhi ghar ko shaam dhaley.. 

tere intazar mein yu har roz jhilmilati hai aankhen.. 
ke jaise mazaar pe jalta hai koi diya sham dhaley.. 

laut aaye naa kahi takra ke arsh se duaen meri.. 
dil se uthti hai aksar ye sadaa shaam dhaley.

din ka koi pal bhi teriyaad se gaafil nahi hota.. 
teri kaami ka magar hota hai ehsaas shaam dhaley 

Khamosh Ho Kyon Daad-E-Jafaa Kyuun Nahiin Dete

Khamosh Ho Kyon Daad-E-Jafaa Kyuun Nahiin Dete 
Bismil Ho To Qaatil Ko Duaa Kyuun Nahiin Dete 

Vahashat Kaa Sabab Ruuzan-E-Zindaan To Nahiin Hai 
Mahar-O-Maah-O-Anjum Ko Bujhaa Kyuun Nahiin Dete 

Ik Ye Bhii To Andaaz-E-Ilaaj-E-Gam-E-Jaan Hai 
Ai Chaaraagaro Dard Badhaa Kyuun Nahiin Dete 

Munsif Ho Agar Tum To Kab Insaaf Karoge 
Mujarim Hai Agar Ham To Sazaa Kyuun Nahiin Dete 

Rahazan Ho To Haazir Hai Mataa-E-Dil-O-Jaan Bhii 
Rahabar Ho To Manzil Kaa Pataa Kyuun Nahiin Dete 

Kyaa Biit Gaii Ab Ke ‘Faraz’ Ahal-E-Chaman Par 
Yaaraan-E-Qafas Mujh Ko Sadaa Kyuun Nahiin Dete 

Chehare Pe Mere Zulf Ko Phailaao Kisii Din

Chehare Pe Mere Zulf Ko Phailaao Kisii Din 
Kyaa Roz Garajate Ho Baras Jaao Kisii Din 

Raazon Kii Tarah Utaro Mere Dil Men Kisii Shab 
Dastak Pe Mere Haath Kii Khul Jaao Kisii Din 

Pedon Kii Tarah Husn Kii Baarish Men Nahaa Luun 
Baadal Kii Tarah Jhuum Ke Ghir Aao Kisii Din 

Khushbuu Kii Tarah Guzaro Mere Dil Kii Galii Se 
Phuulon Kii Tarah Mujh Pe Bikhar Jaao Kisii Din 

Phir Haath Ko Khairaat Mile Band-E-Qabaa Kii 
Phir Lutf-E-Shab-E-Vasl Ko Doharaao Kisii Din 

Guzaren Jo Mere Ghar Se To Ruk Jaayen Sitaare 
Is Tarah Merii Raat Ko Chamakaao Kisii Din 

Main Apanii Har Ik Saans Usii Raat Ko De Duun 
Sar Rakh Ke Mere Siine Pe So Jaao Kisii Din

Kiski Yaad Dil Mein Hai

Kisi Ki Yaad Dil May Hay Koi Ehsaas Baqi Hay 
Badalte Mosamon K Darmiyan Aik Raaz Baqi Hay 

Abhi To May Safar May Hoon Mileingi Manzilein Mujh Ko 
Magar In Raaston K Darmiyan Aik Saath Baqi Hay 

Kahin Par Sham Dhalti Hay Kahin Par Raat Hoti Hay 
Abhi To Chandi Hay Chandni Ki Raat Baqi Hay 

Chale Aao Kisi Din Tum Hamara Haal Bhi Dekho 
Hamara Jism Murda Hay Magar Aik Saans Baqi Hay 

Ye Hi Umeed Hay Phir Bhi Milega Wo Mujhe Aik Din 
Khuda Par Hay Bharosa Aor Khuda Ki Zaat Baqi Hay 


teri yaad mein jeetey jeetey aik zamana beet gaya

teri yaad mein jeetey jeetey aik zamana beet gaya 
hum ko apney app se bichrey zamana beet gaya 

pani ke pardey par tum ne naam wafa ka likha tha 
pani ki lehroon ko taktey aik zamana beet gaya 

ankhoon mein kuch khwab basa kar hum ne jeena chaha 
ankhoon mein khwaboon ko sulagtey aik zamana beet gaya 

jatey jatey phir milney ki aas na detey acha tha 
phir milney ki aas mein jaltey jaltey aik zamana beet gaya 

kon suney faryaad kissi ki kon kissi ka dard sahe 
apne app se batein kartey aik zamana beet gaya!! 

Doob Rahi Hain Saansein Magar Ye Gumaan Baaqi Hai

Doob Rahi Hain Saansein Magar Ye Gumaan Baaqi Hai 
Aaney Ka Kisi Shakhs Ke Abhi Imkaan Baaqi Hai 

Muddat Hoye Ek Shakhs Ko Bichrhey Lekin 
Aaj Tak Merey Dil Pe Ek Nishaan Baaqi Hai 

Wo Sayibaan Chin Gaya To Koi Gham Nahee 
Abhi To Merey Sir Pe Ye AasmaaN Baaqi Hai 

Kashti Zara Kinaarey Ke Qareeb Hi Rakhna 
Bikhri Hoyi Lehron Mein Abhi Toofaan Baaqi Hai 

Tumharey Hi Ashkon Ne Lab Si Diye Warna 
Abhi To Merey Dukhoon Ki Bohut Daastan Baaqi Hai 

Ghamon Se Keh Do Ke Abhi Na Rakht-e-Safar Baandhain 
Ke Abhi To Merey Jism Mein Kuch Aur Jaan Baaqi Hai 

Ja Chukey Hain Sab Log Khamosh Parhi Hai Basti 
Magar Kisi Aas Pe Ek Makeen-e-Makaan Baaqi Hai" 


BADALTEY REHTEY HAIN MIZAJ-E-YAR K MOSAM

BADALTEY REHTEY HAIN MIZAJ-E-YAR K MOSAM, 
KAISEY KOI SAMJHEY MEREY GHAMGUSAR K MOSAM, 

WOH JO MUSKURATI ANKHO SAY DEKHEY TO JHOOM UTHEY GULAB SAREY, 
WOH JO MOTI CHALKAYE TO RUK JAYEIN DO JAHAN K MOSAM, 

WOH JO LEHRA K CHALEY TOMUSKURA UTHEY BAD-E-SABA, 
WOH JO MUR JAYE TO MUR JAYE ASMAN K MOSAM, 

US KI BATON MEIN HAIN SUBHA KI NARMI, 
JO KHAMOSH HO TO RUK JAYEIN AFTAB K MOSAM, 

US K ANCHAL MEIN HAIN DHANAK SAB RANG, 
JO LEHRA JAYE TO THAM JAYEIN KAYINAT K MOSAM, 

US KI ZULFO MEIN HAI BADLIYO KA ANDHERA, 
BHIKAR JAYEIN TO PALAT AYEIN MAHTAB K MOSAM, 

ZARA SI UMAR HAIN IN SUHANEY SAPNO KI, 
PHIR TO HUM HAIN OR ROZGAR K MOSAM, 

PAL BHAR KI KHUSHI MEIN UMAR BHAR K ANSOO HAIN, 
BAS ITNI SI KAHANI MEIN HAIN MEREY KHUWAB K MOSAM. 


Phoolon Ki Baharon Ki Shajar Ki Baat Karte Ho

Phoolon Ki Baharon Ki Shajar Ki Baat Karte Ho, 
Par Is Bayaban Mein Kis Haseen Manzar Ki Baat Karte Ho, 

Jahan Dekhiye AadMi AadMi, Bas AadMi Hi AadMi, 
Insaan Kahan Hai Kis Sheher Ki Baat Karte Ho, 

Guzarna Hia Abhi HaMein Tarikiyon Ke SaMundar Se, 
Abhi Raat Kahan Guzri Hai Kyon Seher Ki Baat Karte Ho, 

Zindagi Kya Dozakh Se KaM Hai Meri, 
Jo Marne Par Azab-E-Mehshar Ki Baat Karte Ho, 

Jo Khuda Hi Naraz Ho Gaya Ho HuMse, 
To Kin Duwaon Ke Asar Ki Baat Karte Ho... 

Kitney mousam sargardaan they mujh se hath milaney main

Kitney mousam sargardaan they mujh se hath milaney main 
Main ney shayed dair kar di khood se bahar aaney main 

Ik nighah ka san’nata hai ik aawaz ka banjar pan 
main kitna tanha betha hoon qurbat ke veeraney main 

bistar sey karwat ka rishta toot gaya ik yaad ke sath 
khwab sarhaney sey uth betha takiye ko sarkaney main 

aaj uss phool ki khooshboo mujh main paiham shour machati hai 
jis ney behad ujlat barti khilney aur mujrjhaney main 

baat bananey wali ratein rang nikharney waley din 
kin rastoun par chor aaya main umr ka sath nibhaney main 

aik malal ki gard sametey main ne khood ko paar kia 
kaisey kaisey wasl guzarey hijr ka zakhm chhupaney main 

jitney dukh they jitni umeedein,sab sey brabar kaam lia 
main ney apney ainda ki ik tasweer bananey main 

aik wazahat ke lamhey main mujh par ye aehwaal khula 
kitni mushkil paish aati hai apna haal bataney main 

pehley dil ko aas dila kar beparwah ho jata tha 
ab tou Azm bikhar jata hoon main khood ko behlaney main  

runjish hi sahi, dil hi dokhanay ke liye aa

runjish hi sahi, dil hi dokhanay ke liye aa
aa phir se mujhe chor ke jaanay ke liye aa

kuch tau meray pindar-e mohabbat ka bharam rukh
tu bhi tau kabhi mujh ko mananay ke liye aa

pehle se marasim na sahi phir bhi kabhi tau
rusm-o rah-e dunya hi nibhanay ke liye aa

kis kis ko bataein gay joda'yee ka sabab hum
tu mujh se khafa hai tau zamanay ke liye aa

ik umr se hoon lazat-e giryaa se bhi mehroom
ai rahat-e jaan mujh ko rulanay ke liye aa

ab tuk dil-e khush feham ko tujh se hein umidein 
yeh aakhari shumein bhi bujhanay ke liye aa

~*~*~*~*~*~*~*~*~*~ *~*~*~*~*~*~*~*~*~*~*~ *~* 

ab aur kya kisi se marasim burha'ein hum

ab aur kya kisi se marasim burha'ein hum
yeh bhi bohut hai, tujhe bhool ja'ein hum

sehra-e zindagi mein koyee dosra na tha
sunte rahe hein aap hi apni sada'ein hum

iss zindagi mein itni fraghat kise naseeb
itna na yaad aa ke tujhe bhool ja'ein hum

tu itni dil zada tau na thi ai shub-e firaq
aa tere raaste mein sitare lota'ein hum

woh log ab kahan hein jo kehte they kal faraz
heh heh khuda na karda tujhe bhi rula'ein hum

 

~*~*~*~*~*~*~*~*~*~ *~*~*~*~*~*~*~*~*~*~*~ *~*

na hareef-e jaan, na shareek-e ghum

na hareef-e jaan, na shareek-e ghum, shub-e intazaar koi tau ho
kise buzm-e shauk mei lain hum, dil-e be-qarar koi tau ho

kise zindagi hai aziz ab, kise aarzoo-e shub-e taurub
magar ai nigar-e wafa talub, tera aitebar koi tau ho

kahin taar daman-e gul milay tau yeh maan lain keh chamun khile
keh nishan fasul-e bahar ka sur-e shakhsaar koi tau ho

yeh udaas udaas se baam-o dar, yeh ujar ujar si rah guzr
chalo hum nahin na sahi magar sir-e ku'a yaar koi tau ho

yeh sakoon-e jaan ki ghari dhale tau chiragh-e dil hi na bujh chale
wo bala se ho ghum-e ishq ya ghum-e rozgaar koi tau ho

sir-e muqtil-e shub-e aarzoo hai kuch tau ishq ki aabroo
jo nahin aadoo tau Faraz tu keh naseeb-e daar koi tau ho

 

~*~*~*~*~*~*~*~*~*~ *~*~*~*~*~*~*~*~*~*~*~ *~*

hum bhi khud dushman-e jaaN thay pehle

hum bhi khud dushman-e jaaN thay pehle
tum magar dost kahaN thay pehle

ab wahaN khaak ooratee hai khizaaN
phool hi phool jahaaN thay pehle

ab jo deewar bunay baithay hain
soorat-e mooj rawaaN thay pehle

kuch sharabee keh hein ab rah nasheeN
ronaq-e buzm-e maghaaN thay pehle

hum keh hein aaj ghobaar puss-e ro
munzil hum sufraaN thay pehle

ab kise waza-e mohabbat ka khayal
aur hi loag yahaan thay pehle

ab to khudh per bhi nahin zaam-e wafa
tujh se hum shikwa kinaaN thay pehle

bun gya kafla chaltay chaltay 
wurna tunha hi rawaan thay pehle

dolat-e ghum tau moyashar thi Faraz
itne muflis bhi kahaan thay pehle

~*~*~*~*~*~*~*~*~*~ *~*~*~*~*~*~*~*~*~*~*~ *~*

qurbatooN mein bhi juda'ee ke zamaanay maaNge

qurbatooN mein bhi juda'ee ke zamaanay maaNge
dil wo be-mehr keh roonay ke bahaanay maaNge

hum na hotay to kisi aur ke churchay hotay
khuqat-e shehr tau kehnay ko fusaanay maaNge

yeh-hi dil tha keh turusta tha maraasim ke lya
ab yeh-hi turk-e talug ke bahaanay maaNge

zindagi hum tere daghooN se rahe sharminda
aur tu hai keh sada aina khaanay maaNge

dil kisi haal per qaanay hi nahin jaan-e faraz
mil gaye tum bhi tau kya aur na jaane maaNge

~*~*~*~*~*~*~*~*~*~ *~*~*~*~*~*~*~*~*~*~*~ *~*

teri bataain hi sunanay aa'e

teri bataain hi sunanay aa'e
dost bhi dil hi dokhanay aa'e

phool khilte hein tu hum sochtae hein
teray aanay ke zamaanay aa'e

aisi kuch chup si lagi hai jaise
hum tujhe haal sunanay aa'e

ishq tunha hai sir-e munzil-e ghum
kaun yeh boojH uthanay aa'e

ajnabi dost humein dekh keh hum
kuch tujhe yaad dilaanay aa'e

dil dharakta hai safr ke hungaam
kaash phir koi bulanay aa'e

ab tu rounay se bhi dil dukhta hai
shaid ab hosh thikanay aa'e

kya kahein phir koi busti ujri
laug kyooN jashun mananay aa'e

so raho maut ke pahloo mein Faraz
nind kis waqt na janay aa'e

   

~*~*~*~*~*~*~*~*~*~ *~*~*~*~*~*~*~*~*~*~*~ *~*

tum bhi khafa ho loog bhi burhum hein dosto

tum bhi khafa ho loog bhi burhum hein dosto
ab ho chala yaqin keh bouray hum hein dosto

kis ko hamare hal se nisbut hai kya karein
aankhein to dushmanooN ki bhi purnum hein dosto

apne siwa humaray na hoonay ka ghum kise
apni talaash mein to humein hum hein dosto

kuch aaj shaam hi se hai dil bhi bujha bujha
kuch shahr ke chiragh bhi mudhum hein dosto

iss shahr-e aarjo se bhi baahar nikal chalo
ab dil ki raunaqein bhi koi dum hein dosto

sub kuch sahi Faraz per itna zaroor hai
dunya mein aise loog bauhut kum hein dosto



~*~*~*~*~*~*~*~*~*~ *~*~*~*~*~*~*~*~*~*~*~ *~*
 

juz teray koi bhi din raat na janay meray

juz teray koi bhi din raat na janay meray 
tu kahaN hai magr Ah dost puranay meray

tu bhi khushboo hai magr mera tujusus bekar
burg-e-awara ki maninth dikhAnay meray

shumA ki lau thi kay wo tu tha magr hijr ki raat 
dair tuk rotA raha koi sirhanay meray

khalq ki beKhabaree hai keH meree ruswa'ee
looq mujh ko hi sunatay hein fusanay meray

lut keh bhi khush hooN keh ashkooN se bhara hai daaman
dekh gharat gare dil yeh bhi khazane mere

Aaj ik aur burS beeth gya oos kay beghair 
jis kay hotay hooay hotay thay zamanay meray 

kaash tu bhi meri awaaz sunta ho
phir pukara hai tujhe dil ki saada ne mere

kaash tu bhi kabhi aajaye masiha'ee ko
loog aate hein bohat dil ko dukhane mere

kaashi aurooN ki turhaaN mein bhi keH sukta
baat soon li hai meri, aaj khuda ne mere

to hai kis haal mein aih zood-faramosh mere
mujh ko tu cheen lya aihed-e wafa ne mere

chara-gr yooN tu bohut heiN magr aeh jaan-e-faraz
juz teray aur koi zaghum na janay meray

 


~*~*~*~*~*~*~*~*~*~ *~*~*~*~*~*~*~*~*~*~*~ *~*

khaatin hai rah-guzr, thori dooR sath chalo

khaatin hai rah-guzr, thori dooR sath chalo
bohut karra hai safr thori dooR sath chalo

tamaam umr kahaan koi sath dai-ta hai
yeh jan ta hooN magar thori dooR sath chalo

Nashe mein choor hooN mai bhi tumhein bhi hosh nahin
baRRa maza ho agar thori dooR sath chalo

yeh aik shub ki mulaqaat bhi ghaNimat hai
kise hai kal ki khabr thori dooR sath chalo

abhi to jaag rahae hein chiragh rahooN ke
abhi hai dooR sahr thori dooR sath chalo

tawaf-e-manzil-janah hamein bhi karna hai
Faraz tum bhi agar thori dooR sath chalo

 
~*~*~*~*~*~*~*~*~*~ *~*~*~*~*~*~*~*~*~*~*~ *~*

Popular Posts