suno kismat se larnay ki kabhi koshish nahi karna

suno kismat se larnay ki

kabhi koshish nahi karna

muqaddar jb mukhtalif hoon

duaain be_asar ho jayain

sabhii manzar bikhar jayain

to aisay main bagavat ki

koshish nahi krna

kisi k sath chalnay ki

kisi k dil main basnay ki

kabhii khwahish nahii krtay

kisi ek shakhs ki khatir

sabhii se door ho jana

kahan ki ye muhabbat hai

muhabbat ye nahii hoti

muhabbat dil main hoti hai

muhabbat aks hai rab ka

kabhii ye marr nahii skti

hamesha sath rehti hai

hamesha sath chalti hai

milay jo hamsafar tum ko

ussi k sath chalna tum

ussay dhadkhan bana lena

ussay dil main basa lena

magar kismat se lrnay ki

lakeeron se ulajhnay ki

kabhii koshish nahii krna

kabhii koshish nahii krna

ham ko to gardish-e-haalaat pe ronaa aayaa

ham ko to gardish-e-haalaat pe ronaa aayaa 

rone vaale tujhe kis baat pe ronaa aayaa 

kaise mar-mar ke guzaarii hai tumhein kyaa maaluum 

raat bhar taaron bharii raat pe ronaa aayaa 

kitane betaab the rim_jhim mein piiyenge lekin 

aa_ii barasaat to barasaat pe ronaa aayaa 

kaun rotaa hai kisii aur ke Gham kii Khaatir 

sab ko apanii hii kisii baat pe ronaa aayaa 

 ye din to qayaamat kii tarah guzaraa hai 

jaane kyaa baat thii har baat pe ronaa aayaa.. 

Na Jane Woh Mujhse Kya Chahta Hai

Na Jane Woh Mujhse Kya Chahta Hai 

Meri Maut Ya Meri Zindagi Chahta Hai  

Baatein Toh Choorhne Ki Karta Hai 

Saath Khush Hone Ki Dua Karta Hai  

Na Jane Woh Mujhse Kya Chahta Hai 

Mere Aansoo Ya Meri Hansi Chahta Hai  

Woh Shayed Mujhe Khabi Nahin Samajh Sakta 

Ish Liye Har Waqt Mujhse Door Hona Chahta Hai  

Keh Do Ush Se Dhuniya Waloon 

Woh Meri Zindagi Nahin Maut Chahta Hai  

Keh Do Ush Se Jahan Waloon 

Woh Meri Khushi Nahin Aansoo Chahta Hai

Intazar Mein Mujhe Tarpaya Mat Karo

Intazar Mein Mujhe Tarpaya Mat Karo...

Dil Ki Baat Mujh Se Chupaya Mat Karo...

Milo Mujhe Tu Apni Baatein Chhera Karo...

Kisi Or Ki Baat Mujhe Sunaya Mat Karo...

Tumhare Bin Bhool Jata Hoon Khud Ko...

Door Ja Ke Mujh Se Mujhe Yun Sataya Mat Karo...

Mein Karo Koi Baat Tu Khud Samjho Kabhi...

Pooch Kar Sawal Mujhe Uljhaya Mat Karo

Usey Kehna Mukammal Kuch Nahi Hota

Usey Kehna

Mukammal Kuch Nahi Hota

Milan bhi na mukkamal hai

Judai bhi adhori hai

Yahan ek mout pori hai!

Usey kehna

Udaasi jab ragoon main

khoon ki manind utarti hai

Bohat nuksaan kerti hai!

Usey Kehna

Bisaat-e-Ishq pe jab mout hoti hai

Dhukoon k sheher main jab raat hoti hai

Mukkamal bas KHUDA ki Zaat hoti hai

Kitni ajeeb see hoti yeh tanhai hai

Kitni ajeeb see

hoti yeh tanhai hai

Lage apno se apni

kabhi lagti paraai hai

Rooh ki chhavi see

yeh lagti anjaani bhi

syaah se bhi kaali

kabhi lagti perchhaai hai

Chhoo nahi pati jisko

jaane hai kab bazm mein

tabha karta hai jiska hona

kabhi chubhti jiski judai hai

Karti nahi main iski arzoo

phir bhi aaghosh mein le leti hai

dum bharti hai wafaa ka

kabhi ban jaati harjaai hai

na koi aas paas ho

to samjhun ke main tanha hun

par duniya ki bheedh mein

tanha kar jaati tanhaai hai

titlee jo aik mujhko mili thi kitab mai

titlee jo aik mujhko mili thi kitab mai

wo apna aks chhorh gayee merey khwab mai

ab tak wo merey zehn mai uuljha sawal hai

shamil rahi jo harr gharhi merey nisaab mai

aankho'n mai nind hai na koi khwab door tak

rehtey hain ham bhi aaj kal waisey azaab mai

milta hai mushkilo'n se galey lagg k chand bhi

aaye simat k fasley kitney saraab mai

aakhir meri wafa ka mujhey kia sila mila

likkha na aik harf bhi uss ne jawab mai....

Hum door ja rahe hain Khamoshiyon ke nishan

 Hum door ja rahe hain 

Khamoshiyon ke nishan 

Chehre ko chupa rahe hain 

Is pal mein tanhayion ki 

Wajah bata rahe hain 

Yeh soone nain pyaar ki 

boonde barsa rahe hain 

Shayad Hum Dor Jaa rahe hain 

Phoolon se jaise yeh bhavrey 

Jaise mehak chura rahe hain 

Chaand ko jaise yeh badal 

Chupa rahe hain 

Andhere hazaron jaise 

Roshni ko mita rahe hain 

Shayad Hum Dor Jaa rahe hain 

Khwaabo ki dunya kyun 

Humko sata rahi hai 

Yaadon ki dastak kyun 

Humko bula rahai hai 

Tanhayian kyun itani 

Kareeb aa gayi hain 

Shayad Hum Dor Jaa rahe hain 

Thaam lo humein 

Waapis bula lo 

Rok lo humein 

Na yun jaane do 

Rishton ke dhaage mein 

Kaske baandh lo 

Dooriyan yeh badhne se pehle 

Yeh faasle mita do 

Bas keh do ik baar ki “NAHIN”

Apni Aagosh Mein Kisi Roz Chupa Lo Mujhko

Apni Aagosh Mein Kisi Roz Chupa Lo Mujhko 

Gham-E-Duniya Se Mere Dost Bacha Lo Mujhko 

Unko De Dii Hai Isharoo Mein Ejazat Mein Ne 

Mangne se na milon to chura lo mujhko 

Apne saye se bhi ab tou mujhe dar lagta hai 

Ho jo mumkin to nigahon mein chupa lo mujhko 

Dil mein nakam tamanaoon ka tufan sa hai 

Meri uljhan meri wehshat se nikalo mujhko 

Unko likha hai Kisi Roz Yeh Khat mein ne jana

Hum to Khud k bhi nahi Apna bana lo mujhko

Intezar bhi uss ka hudd say ziada kiya

Intezar bhi uss ka hudd say ziada kiyaa 

Pyar bhi uss say bey panah kiyaa 

Khuwab bhi bohat dikhaye thay uss nay 

Lekin! beech safar mein he chor diyaa" 

"Hanstay huway chehray ki 

Baat he alug hoti hai 

Ankhon mein ansoo hotay hain 

Lekin! labon par hansi hoti hai" 

"Roz subha khud say aik waada kartay hain 

Tujhay iss dil say bhulanay ka irada kartay hain 

Apni he baat say mukkarr jatay hain maloom nahi kyoun 

Bheegti ankhon ko khuwab tornay keliye amaadah kartay hain" 

"Koi kabhi un chehron ko parhay 

Jo afsaanon ki tarha hotay hain 

Woh ankhein jin mein shokhion ki jagha 

Gehray gehray samandar hotay hain 

Woh hont jin hon nay hansi ki bajaye 

Chup ki chaadrain orhi hoti hain 

Woh dil jin mein hazar khuahishain nahi 

Tootay huway armaan chupay hotay hain" 

"Kuch rishtay aisay hotay hain 

Jo toray nahi jaa saktay 

Agar toot gaye woh kabhi 

To joray nahi jaa saktay" 

"Phir tum say baat hogi 

Kitni haseen woh raat hogi 

Na nufrat hogi na larai hogi 

Sirf tum say mohabat hogi" 

"Kartay hain tumhey yaad itna 

Ke apni haalut bhool gaye 

Tarap tarap ke rona to yaad hai 

Lekin! sharma ke hansna bhool gaye" 

"Beymaainay hotay hain woh lamhay jub tum paas nahi hotay 

Lagtaa hai mujhay aisay ke zindagi tehr gayee ho jaisay 

Aasman bhi beyrounuq sa lagtaa hai mujhay ke 

Kisi nay chand taaron ki roshni chura lee ho jaisay" 

"Sitaron ke bagher asmaan mein rakha hai kia? 

Bin teray jeenay mein rakha hai kia? 

Lagta hai sub kuch adhoora adhoora sa 

Khushi ke baghair hansnay mein rakha hai kia?" 

"Jitna tum ko chaaha tha hum nay 

Utnaa kisi ko chaah na sakay 

Socha tha bhool jaaingay kabhi na kabhi 

Lekin najaanay kyoun bhulaa na sakay 

Honton nay to chupa liye armaan dil ke 

Lekin ankhon say chupa na sakay" 

"Door kia huway jo tum say 

Zindagi achanuk ruk si gayee 

Aik roshni si thee jo ankhon mein 

Lagta hai jaisay woh bujh si gayee"

Usay mujh say mohabbat hai

!!Usay mujh say mohabbat hai..!!

Wo kehta hai usay pholon ki chahat hai

Magr jb phool khiltay hain wo unko tor leta hay

Wo kehta hai usay barish ka mausam acha lagta hai

Mager jb baarish hoti hai wo kamraay mein afsurda sa ho kar band ho jaata hai

Wo kehta hai Hawaaien ishq hain us ka

Hawaa lekin chalaay jab to wo khirki band rakhta hai

Mujhay abb darr sa lagta hai

Wo jab bhi ye kehta hai Ke

Usay mujh say mohabbat hai

Main shaam yadoon kay jangalooN main guzarta hooN k kuch likhooN ga

Main shaam yadoon kay jangalooN main guzarta hooN k kuch likhooN ga

Yeh sheher sara hee so chukka hai main jagta hooN k kuch likhooN ga

Main pichlay mausam kee baarishooN ko phir apni aankhooN main la raha hooN

K ab kay sawan ke rutt main, main bhee yeh sochta hoon k kuch likhooN ga

Woh saaray rastay kay jin pe hum ne muhabatooN ke safar kiya thay

Main ab jo un per kabhi gaya tu yeh janta hooN k kuch likhooN ga

Bahar rut k woh khawaab saray jo mairi palkooN pe aa sajjay thay

Woh khawaab aankhooN main jal chukkay hain main jal raha hooN k kuch likhooN ga

Main lafz palkooN se chun raha hooN, main khawaab kaghaz pe bun raha hooN

Main tairi aahat bhee sun raha hoon, main janta hoon k kuch likhooN ga

Ajeeb rutt hai judaiooN kee udaas din hain udaas raatain !!!!

Main chand muhmil se lafz likh ker yeh sochta hoon k kuch likhooN ga

Mohabbatein Jab Yaad Karna To Sazeishein Bhi Yaad Karna

Mohabbatein Jab Yaad Karna To Sazeishein Bhi Yaad Karna

Jo Mere Hisse Me Aaye Hai Wo Aziyaatein Bhi Yaad Karna,

Chalaye Rakhungi Main Subah Tak TuMhare Raasto Me Apni Aankhein,

Magar Kahin Sabar Toot Jaye To Baarishein Bhi Yaad Karna

Jo Sardiyonka Udaas MausaM Me Dhadkanein Barf Hogayi Hai,

Jab Ye Ho Jaye Banjar To Bin MausaM Inka Barasna Bhi Yaad Karna,

TuM Apni Majbooriyon Ke Kisse Zaroor Likhna Wazahaton Se,

Jo Meri Aankhon Mein Jal Bhuji Hia Wo Khwahishein Bhi Yaad Karna,

Mohababtein Jab Yaad Karna To Sazishein Bhi Yaad Karna,

Jo Mere Hisse Me Aaye Hai Wo Aziyaatein Bhi Yaad Karna...

Haan Abhi Bhi Jaan Kuch Baaki Hai

Haan Abhi Bhi,

Jaan Kuch Baaki Hai,

Saans Kuch Baki Hia,

ArMaan Kuch Baaki Hia

Aur In Ashkon Ki, Rawaani Kuch Baaki Hai

HuM SaMay Ke Dariya Mein

Yun Tanha Tanha,

Aankhon Me Ashq Bhare Bhare,

In Dharaon Me Behte Behte,

KhaMosh Dishaon Mein

Kabhi Kidhar Kho Jayein

Kya Unhe Khabar Bhi Hogi Yaa Rab!!!

Ghum-o-Dukh k ye isharey tum na samjhoge

Ghum-o-Dukh k ye isharey tum na samjhoge,

jo din humne tumhare bin guzarey tum na samjhoge,

tumhe kese bataein tum hamare waastey kia ho,

samander ki teh mein kinara tum na samjhoge,

bas itna jaan lo ek shaks se humne mohabbat ki,

humare tootne ka khel pyaare tum na samjhoge,

hazaron mushkilon se khel ker jeetne wale,

ye aakhir kis jagah per aa key haarey tum na samjhoge...!!

Main Ne Parindo Se Pyaar Kya To

Main Ne Parindo Se Pyaar Kya To,,

Woh Urh Gaya

Main Ne Sooraj Se Pyaar Kya To,,,

Woh Gharoob Ho Gaya

Main Ne Chand Se Pyaar Kya To,

Woh Badlon Main Chup Gaya

Main Ne Pani Se Pyaar Kya To,

Woh Beh Gaya

Main Ne Baraf Se Pyaar Kya To, 

Woh Pighal Gaya

Main Ne Barish Se Pyaar Kya To, 

Woh Baras K Thum Gaya

Main Ne Aag Se Pyaar Kya To, 

Woh Bujh Gai

Main Ne Phoolon Se Pyaar Kya To, 

Woh Murjha Gaya

Main Ne Kanto Se Pyaar Kya To, 

Wo Toot Gaya

Main Ne Janwaron Se Pyaar Kya To, 

Woh Meri Zaban Na Samjh Sakay

Or Jab..Main Ne Insaan'on Se Pyaar Kya To, 

Woh Be-Wafa Niklay

Hum se yon na mila karo aey tanhayee

Hum se yon na mila karo aey tanhayee

Shayad hai itni kurbat mein ruswayee

Tanha behta baatein kerta hoon

Tanha hoon magar saath hai tanhayee

Behta rehta hoon saath us ke batein kerte

Ke kabhi apni si lagti hai tanhayee

Hum se yon na mila karo aey tanhayee

Shayad hai itni kurbat mein ruswayee

Waqt guzerte maloom nahi hota

Batein kerte kerte sula deti hai tanhayee

Hansta rehta hoon saath us ke

Ke hanstii hai tanha dekh ker meri tanhayee

Kuch kehti nahi mere bare mein

Bina kahe kuch keh jaati hai meri tanhayee

Tanha behte baatein kerta hoon

Tanha hoon magar saath hai tanhayee

Hum se yon na mila karo aey tanhayee

Shayad hai itni kurbat mein ruswayee

Niyyat hi Agar Theek Zamane ki Nahi Hai

Niyyat hi Agar Theek Zamane ki Nahi Hai

Jaldi to Mujhe Bhi Kahin Jaane Ki Nahi Hai

Jin Khwabon Ki Taabir Per israr Hai Tum ko

Un Khwabon Ki Tabeer Batane Ki Nahi Hai

Jis Baat Ko Phirte Ho Chupaye Hue Dil Main 

Wo Baat Kisi Se Bhi Chupane Ki Nahi Hai

Is Bheer Main Saaye Se Bicharta Hua Saaya 

Kahta Hai Yahan Saath Nibhane Ki Nahi Hai

Jalte Hue Shahron Main izafa Hi to Hoga 

Jab Rasm Koi Aag Bujhane Ki Nahi Hai

Chehron Se Parho Jabr-e-Mah-o-Saal Ki Tareekh 

Ye DaastaN Duniya Ko Sunane Ki Nahi Hai

Sab Log Khazane Ki Taraf Dor Rahe Hain 

Chabhi to Kisi k Pass Khazane Ki Nahi Hai

Jo tere Liye WaQt Se Ladte Hain Abhi tak 

Un ko to Khabar Hi Tere Aane Ki Nahi Hai

Dukh ye Hai tu Sach Sunne Ka Aadi Nahi Warna 

Ye Umr Tujhe Khwab Dikhane Ki Nahi Hai

Dard kii baarish sahii maddham zaraa aahistaa chal

Dard kii baarish sahii maddham zaraa aahistaa chal 

dil kii miTTii hai abhii tak nam zaraa aahistaa chal 

tere milane aur phir tere bichhar jaane ke biich 

faasalaa rusvaaii kaa hai kam zaraa aahistaa chal 

apane dil hii mein nahiin hai us kii maharuumii kii yaad 

us kii aankhon mein bhii hai shabanam zaraa aahistaa chal 

koii bhii ho ham-safar na ho Khush is qadar 

ab ke logon mein Wafaa hai kam zaraa aahistaa chal ....!!!

rooz taaron ki numaaish mein khallal parta hai

rooz taaron ki numaaish mein khallal parta hai;

chaand pagal hai!..andhere mein nikal parta hai. 

ek deewanaa musaafir hai meri aankhon mein;

waqt be-waqt.. thahar jataa hai....chal parta hai.. 

apni taabeer ke chakkar mein mera jagta khwaab;

rooz sooraj ki tarah ghar se nikal parta hai. 

rooz pathar ki himaayat mein ghazal likhte hain;

roz sheeshon se koi kaam nikal parta hai. 

uski yaad aai hai....saanso ! zara aahista chalo;

dharkanon se bhi ....ibaadat mein..khalal partaa hai

Kash hum bezubaan hote

Kash hum bezubaan hote,

Naa fir gham yun bayaan hote !!

Kash naa hoti zindagi ki samajh,

Naa fir yun afsaane jawaan hote !!

Kash naa khwahish hoti kuch paane ki,

Naa fir kuch khone k gham yahan hote !!

Gar tod jaata koi ashiyaaN humara,

Fir bhi khoobsurat saare samaan hote !!

Lut Jaati gar Roshni-e-zindagi,

Fir bhi andhere naa yahan hote !!

Toot-te hue bhi be-shubhaah hote !

Kash hum bezubaan hote !!

Kash hum bezubaan hote !!

Itne dosto mein bhi ik dost ki talash hai mujhe

Itne dosto mein bhi ik dost ki talash hai mujhe,

Itne apno mein bhi ik apne ki talash hai mujhe.

Chor aata hai har koi samundar ke beech mujhe,

Ab doob raha hun to ik sahil ki talash hai mujhe.

Lipatna chahta hoon main in andere ke gamon se,

Isliye ik shama ke ujaale ki talash hai mujhe.

Tang aa chuka hoon is bewaqt ki maut se main,

Isliye ik haseen zindgi ki talash hai mujhe.

Diwana hoon main sab yahi keh kar chaidate hain mujhe,

Jo mujhe samajh sake us shakhs ki talash hai mujhe.

Yaad aaon to itni si inayet karna

Yaad aaon to itni si inayet karna

Apnay badley huay lehjay ki wazahat karna

Tum to chahat ka shahkar hua karte thay

kis say seekha hai ye ulfat main milawat karna

Hum sazaon k haqdar banay hain kab say

Tum hi keh do k jurm hai kya mohabbat karna

Teri furqat main ye ankhein abhi tak num hain

Kabhi aana mere ashkoon ki ziyarat karna

Dil main ab bhi mohabbat k diye hain roshan

Dekh bhoolay nahi teri hasti ki ibadat karna.

apni dharkano sy kuch aisay mera naam lo

apni dharkano sy kuch aisay mera naam lo

ye waqt ruuk jaye is lamhay ko thaam lo

teri ankhon mai jhlak hai aisi mere pyar ki

sahil py jaisay dhlti haseen shaam ho

lafzon sy hota nahi hm sy izhaar pyar ka

bas meri ankhon mai dekh k khud ko pehchaan lo

jese tarastay hein sehra shabnam ko choonay ko Wasi

kabhi waisay Rab sy tum bhi kabhi mjhy maang lo.

Tumhein bakhshy he dil pe hukmaraai ' aur kia detay

Tumhein bakhshy he dil pe hukmaraai ' aur kia detay

Yahin thy bus hamari raajdhahani ' aur kia detay

Sitaaru se kisi ki maang bharna aik fasaana he

Tumharay naam likh dy zindgaani ' aur kia detay

Wo hum se maangta tha umar ka ik dilnasheen hissa

Na detay hum apni jawani ' aur kia detay

Bichartay wakt usko ik na ik tohfa to dena tha

Hamaray paas tha aankhu me paani ' aur kia detay..

Youn hi tanhai mein ab dil ko saza detay hain

Youn hi tanhai mein ab dil ko saza detay hain.

Naam likhtay hain tera likh k mita datay hain.

Jab B nakam mohabbat ka koi zikar karay.

Log hanstay hain mera naam bata datay hain.

Ab khushi ki koi tarkeeb na sojhay.

Ab ye aalam hai k gham hi maza detay hain.  

Kya zarorat hai k detay ho khud ko ye zahmat.

Lao hum khud hi nashaimen ko jala detay hain.

Ab tasalli nahi di jati mareez-e-gham ko.

Dekhnay walay B marnay ki DUa detay hain

Dhoop ke dasht main sheeshey ki ridaayen di hain

Dhoop ke dasht main sheeshey ki ridaayen di hain 

Zindagi, too ne hamen kesi sazaayen di hain

Sholon jesi hi ataa ki hain sulagti boonden

Aag barsati hui ham ko ghataayen di hain

Ik meherbaan ne rifaqat ki tasalli de kar

Umer bhar hijr main jalney ki sazayen di hain

Dil ko bujhney ka bahana koi darkar to tha

Dukh to ye he terey daman ne hawayen di hain

Kesa maahol mila he hamen jeeney ke liye

Deney waaley ne hamen kesi fazayen di hain

Kyun rakhu main ab apni kalam mein syahi

Kyun rakhu main ab apni kalam mein syahi, 

jab koi armaan dil mein machalta hi nahi,

Na jane kyun sabhi shak karte hain mujh par, 

jab koi sukha phool meri kitab main milta hi nahi,

Kashish to bahut thi mere pyar mein, 

magar kya karu koi pathar dil pighalta hi nahi,

Agar khuda mile to usse apna pyar mangu ga, 

par suna hai wo kisi se milta hi nahi!!!!

sunder sunder sapney they

sunder sunder sapney they

kia kuch socha kartey they

sawan ki barsatoon mein

roshan chandni raton mein

khuab huwein woh batein sab

ghor howein woh ratein sab

sunder sapna toot gaya

tha jo sathi rooth gaya

aab dil ko behlatey hein

uskoo yey samjhatey hein

sapney tu bus sapney hein

sapney toot hi jatey hein

sapnoon ka phir rona kia

ro ro jewan khona kia

geet khushi key gata chal

her gham ko thukrata chal

bhool ja beti batoon ko

roshan chandni ratoon ko

par dil tu bus dil he hey

ziddi nadan pagal hey

kitna hi samjhao isko

kitna hi behlao isko

bhuley na yey beti batein

her janib hein bikhri yadein

yadoon ka aazab hey tari

ashkoon ka selab hey jari

gham khushyon sey jeet gaya hey

sukh ka sawan beet gaya hey

raat guzarna baqi hey

sans ka chalna baqi hey

Subah se sham tak hum ko Bohat se log miltay hain

Subah se sham tak hum ko,

Bohat se log miltay hain,

Koi andaz tum jesa,

Koi libas tum jesa,

Nigahoon se guzartay hain,

Magar

Tum he nahi Miltay,

Ye wohi rastay hain,

par,

Inhi raston may Jane Jaaan,

Bohat Bechain phirtay hain,

Baray betaab rehtay hain,

Dua ko hath uthtay hain,

Dua may ye b kehtay hain,

Lagi hai bheer logoon ki,

Magar is bheer may jana,

Kabhi tum b nazar ao,

Kahin tum b nazar ao.

Mujh se bichar k Mujh ko rula kar udas tha

Mujh se bichar k Mujh ko rula kar udas tha,

Meri tarah wo khud ko jala kar udas tha,

Aesay ajeeb dard k pehray thay chaar soo,

Ab k wo meray shehar may aaker udaas tha,

Mujh ko b uski yaad satati rahi bohat,

Wo b diyar-e-ghair may jaa kr udaas tha,

Meray ilawa b hai koi uska shehar may,

Itni c baat mujh ko bata kar udas tha.

Woh Nahi Mera Magar Usse Mohabbat Hai To Hai

Woh Nahi Mera Magar Usse Mohabbat Hai To Hai

Yeh Agar Rasmo Riwajo Se Bagawat Hai To Hai,

Sach Ko Maine Sach Jab Kah Diya Toh Kah Diya,

Ab Zamane Ki Nazar Mein Yeh Hamaaqat Hai To Hai,

Dost Bankar Dushmano Sa Satata Hai Mujhko,

phir bhi Us pathar dil pe marna apni fitrat  Hai To Hai,

Kab Kaha Maine Ki Woh Mil Jaye Mujhko,

Uski Baaho Me Dam Nikle itni Hasrat Hai To Hai,

jal gaya parvana to usme shama ki kya khata.

yun raat bhar jalna jalaana uski kismat hai to hai 

Woh Saath Hai Toh Zinda Hu Main,

Meri Saanso Ko Uski zarurat Hai To Hai

dur the,dur renhenge har dum ye zamein asmaan.

duriyon ke baad bhi dil mein kurbat hai to hai.

maine kab kaha tu mil hi jae mujhe.

par gair na ho jaye itni hasrat hai to hai. 

KASH AISE GUZRE YE ZINDAGI

KASH AISE GUZRE YE ZINDAGI

MERA NAFS TERI TEHVEEL MEIN HO

MERI HER DUA TUJHE QABOOL HO

MERI HER DUA MEIN TERI TALEB HO

TERA HER GAAM MERI MANZIL HO

AOR MERI MANZIL TERA HASOOL HO

MERA HER QADAM TERI RAH MEIN HO

MERA HER QADAM TERI CHAH MEIN HO

JO TUU MERA GHAM KHWAR HO

TO KION NA GHAM AZEEZ HO

KASH AISE GUZRE YE ZINDAGI

MAIN TUJE AZEEZ HON

TU MUJE AZEEZ HO

Hoon Ajeeb Kashmakash Mein Hoi Zindagi Parai

Hoon Ajeeb Kashmakash Mein Hoi Zindagi Parai
Meray Passs Teri Yadain Teray Pass Bewafai


 Meray DiL Ko Tu Ne Cheena Meri Preeet Jug Ne Luti
Mera DiL Bhi Ha Paraya Meri Preet Bhi Paraaii


Tujhay Khuwab Hi mein Dekhoon Ye Bahram Bhi Aaj Toota
Teray Khuwab Kaisay Dekhoon Mujhay Nend Hi Na Ayi


Hoon Ajeeb Kashmakash Ma Hoi Zindagi Parai
 Meray Passs Teri Yadain Teray Pass Bewafai

Zindagi kay in faasloN meN Meray hathoN ki

Zindagi kay in faasloN meN 

Meray hathoN ki lakiroN meN

hai kahiN chupi chupi si

FizaoN ki khushboo meN

PhooloN ki bahaaroN meN

meri in nighahoN meN

Ahsaas hai uska

chaand se poochooN

SitarooN se BolooN

Hai kahiN wo raahooN meN

Meri nendoN meN

Meri ankhoN meN

KhwaboN ki tabeer bankar

Hai kahiN aas paas

Ho kahiN bhi 

AsmaaN ke sa'ay meN 

ek Paheli bankar

rooh ki piyaas hai

dil ki aawaaz hai 

Khushboo hai 

Bikhri bikhri si kahiN

kabhi sochooN

kabhi dhooNdooN

justujoo hai teri

ek aas hai teri

dekhooN tujhay

Saayaa tera bankar

LehroN meN samandar ki

bhaNwar meN kahiN

doob ja'ouN kisi din

Pyar meN teray

aarzoo bankar

dhuwaN dhuwaN

UR ja'ouN kahiN badal bankar

diloN kay taar meN 

saazoN kay sitaar meN

ager milja'o kahiN begana bankar

judai ki aag meN

Bahtay paani kay dharay meN

Pa'ouN tujhay...khood se Juda karkay

Labon pe Phool khilte hai kisi ke Naam se pehle

Labon pe Phool khilte hai kisi ke Naam se pehle,

Dilo ke Deep jalte hai Chiragh-e-Shaam se pehle,

Kabhi Manzar badalne par bhi kissa chal nahi pata,

Kahani khatam hoti hai kabhi Anjaam se pehle,

Ye hi Taare Tumhaari Aankh ki Chilman mein rehte the,

Ye hi Suraj nikalta tha Tumhare Baam se pehle,

Hui hai Shaam Jangle mein Parinde laut-te honge,

Ab inko kis tarah roke Nawaah-e-Daam se pehle,

Ye saare Rang Murdaa the Tumhaari Shakl banne tak,

Ye Saare Harf Muhmal the Tumhaare Naam se pehle,

Hua hai wo agar Munsif to Ahtiyatan Hum,

Saza Tasleem karte hai kisi Ilzam se pahle..!!!

Mazi ko mila raha hun mein haal ke saath

Mazi ko mila raha hun mein haal ke saath

Tera khayal ayaa mujhe is khayal ke saath

Bas gayee hai is mein tere nafas ki khushboo

Ek baar liya tha kabhi hathon mein tera haath

Ek gosha-e-dil tere naam ka hai so rahe ga

kiya huwa jo na guzaar sake zindagi hum ek saath

Muhabbat nahin hain naam sirf paa lene ka

BichhaR ke bhi aksar dil dhaRakte hain saath saath

Tere na milna ka gham kam nahi par khushi yeh hai

Aaye ga sada mera naam tere naam ke saath......

TuJHE ZinDaGi kA sHA'Oor Tha TerA kyA BanA

TuJHE ZinDaGi kA sHA'Oor Tha

TerA kyA BanA

Tu kHamOsH kyOun HAi YeH Bata

TerA kyA BanA

Nayi ManziLoun ki TaLasH Thi sO BicHAr GayE

Main BicHRa k TuJH sE BHataK GiA

TerA kyA BanA

MuJHE ELam THa k sHakist MerA NasEeB Hai

Tu UmEeD'wAaR Tha JeEt kA 

TerA kyA BanA

Jo Teri NasEeB sE JunG Thi wO Meri BHi Thi

Main tu KamyAaB nA hO Saka

TerA kyA BanA

Tu kHamOsH Tha Tu MuJHE LaGa k kHusH Hai Tu

Tere BolnE sE Pata cHaLa k

TerA kyA BanA

Sama'at kho chuka tha kiya usay sada daitay

Sama'at kho chuka tha kiya usay sada daitay 

Yahi bohat tha kay yah waqeya bhula daitay 

Humaray ikhtiyaar main hota gar ye sanam 

Tere khatoot kiya teri tasweer bhi jala daitay 

Na dushmni bhi saleeqe say ho saki tum say 

Diya tha aas ka hum ek baar hi bujha daitay 

Yahi bahut hai ke khud ko sambhal kar rakha 

Hum unko mil b jo jatay to woh ganwa daitay 

Jo apni zaat main dhoka aur faraib the chanda

Woh humain kaisay wafa ka koi sila daitay

kuch kami si hai aap bin

kuch kami si hai aap bin

na rang na roshni hai aap bin

waqt apni raftar se chal raha hai

bus dharkan thami thami si hai aap bin

na sulagti aag na barish na dhuaan

phir bhi dil main tapash si hai aap bin

bahot roka hai baadal ko barasne se

phir bhi aankhon main nami si hai aap bin

Yeh Dard mit Gaya To Phir

Yeh Dard mit Gaya To Phir....

Yeh Zakham Sil Gaya To Phir.....

Bichar k Sochta Hon mAin

wo Phir Se Mil Gaya To Phir.....

Main Titlion K Shehar Main

Rahoon To Mujh Ko Fikar hY

Wo Phool Jo Khila Nahi

khil Gaya To Phir.....

Tumhaian B kuch Nahi Mila

Mujhe B kuch Nahi Mila

Tamam Umar K Liye Yeh

Dard Mil Gaya To Phir....

Main Is Liye To Aaj Tak

Sawal B nA Kar Saka

Mere Sawal Ka Agar

Jawab Mil Gaya To Phir...!!!

MERI LAGZHISHAIN NA GINA KARO, meri ghaltiyan na chuna karo

MERI LAGZHISHAIN NA GINA KARO, meri ghaltiyan na chuna karo

yeh qadam qadam ki hudood kiya, mery sath sath chala karo

main khuly mizaj ka shaks hun, main takalufat sy mawara

yeh jo meharbani ka lafz hai issy tum na mujh sy kaha karo

kahin tum na ho jao be-skon, koi bad dua na tumhein lagy

yeh jo khoye khoye sy log hain inhein dekh kar na hansa karo

yeh dua hai RAB-e-karim sy teri tazgi ko khiza na ho

yeh bahar tujh sy jala kary, sada muskuraty raha karo..

Khwahishoon ke jangal mein yoon bathakte rehne se

Khwahishoon ke jangal mein

yoon bathakte rehne se 

manzilien nahi miltien 

kuch khizaaien essi hein

aa ke teher jaien....

phir kali nahi khlti

daastaan sunane se

khud pe muskurane se

vehshatien nahi mittien 

ger koi bathak jaye inn

saraab raastoon mein

khizar se milane ko

phir koi ghali nahi milti 

habbs ka koi mausam

dil mein jab utar aa ye

tu usse mitane ko

phir saba nahi milti 

ishq dil mein bas jaye ya..

kisi mein jagg jaye ye..

aagan muhabbat ki

phir kabhi nahi bujhti

zindagi nahi dikhti!

Apni Tanhi Ki Kahani Kaho To Sunaen Tumko

Apni Tanhi Ki Kahani Kaho To Sunaen Tumko,,

Tum Rooth Q Gaye Ho Kaho To Manaen Tumko,, 

Hum Jo Apni Kahani Sunate Hain Tumhein To Tum,,

Ro Parte Ho Kaho To Na Rulaen Tumko,, 

Meri Baatein Meri Yaadain Tarpati hongi,,

Kaho To In Se Kahein Na Tarpaen Tumko,, 

Tum Jo Humarey Beghair Reh Nahi Saktey Ho,,

Kaho To Aa Jaen Tumarey Pass Ya Bulaen Tumko,, 

Agar Mohabat Hai Humse To Bas Itna Keh Do,,

Ke Ab Agar Hum Ayein To Na Chhor K Jayein Tumko,,

Insaanoo Ki Is Basti Main Kuch Aise Log

Insaanoo Ki Is Basti Main

Kuch Aise Log Bhi Bastey Hain

Jo Gham Sehtey Hain Dunya K

Jo Chupkey Chupkey Hastey Hain

Insaano Ki Is Basti Main

Rehtey Hain Kuch Maseeha Bhi

Jo Kartey Bass Maseehae

Chhup Chhup Kar Wo Rehtey Hain

Insaano Ki Is Basti Main

Bastey Hain Kuch Sanam Aise

Jo Apni Hi Is Pooja Se

Kuch Kuch Dartey Rehtey Hain

Insaano Ki Is Basti Main

Bastey Hain Kuch Farishtey Bhi

Jab Ghalti Ka Imkaan Nahi

To Na Janey Kion Darte Hain?

Insaano Ki Si Basti Main

Kuch Log Baney Hain Shedai

Jo Hulye Se Hain Dewaney

Par Baat Feham Ki Kartey Hain

Insaano Ki Is Basti Main

Kuch Log Ajab Se Rehtey Hain

Kartey Hain Kaam Darindoon K

Aur Khud Ko Insaan Kehtey Hain

Insaano Ki Is Basti Main

Rehta Hai Aik Khudawand Bhi

Usse Ki Marzi K Tabe Hain

Jo Jeetey Hain Jo Martey Hain

Insaano Ki Is Basti Main

Rehta Hai Aik Khudawand Bhi

Jab Ataa Karey To Aise Karey

Sab Malik Bhi Phir Mangtey Hain

Insaano Ki Is Basti Main

Kuch Aise Log Bhi Bastey Hain

Jo Gham Sehtey Hain Dunya K

Jo Chupkey Chupkey Hastey Hain

Insaanoo Ki Is Basti Main

Kuch Aise Log Bhi Bastey Hain

Kuch Aise Log Bhi Bastey Hain

Ab tu mumkin he nahi un sy mulaqat”Wasi”

Ab tu mumkin he nahi un sy mulaqat”Wasi”

Ab tu urooj py puhnchi hai us ki zaat”Wasi”

Wohi waday hain aur rasmon ki zanjeeren haun

Kab badalti hain zamany ki riwayat “Wasi”

Ek wo din thy ky ek doosry ko sochthy thy hum

Ab milty nahi dono ky khayalat”Wasi”

Meri har subha ka agaaz tery naam sy ho

Teri yadoon main katti har ek raat”Wasi”

Tum kahan aur mery pyaar ka miyaar kahan?

Wo kitni sadgi sy kar gia ye baat”Wasi”

Is zindagi main hussn ko nikhaar chahiyye

Is zindagi main hussn ko nikhaar chahiyye 

Ujray hain jo gulshan unhain bahaar chahiyye

Deewano ko ye chahiyye had se barhain na woh 

aur aashiqon ko dil pe ikhtiyaar chahiyye 

Unko nahi tassalliy e dil yaar ki taraf 

Iqraar hogaya hai tu izhaar chahiyye 

Sun kar awaaz yaar ki kehtay hain machal kar 

Kaafi nahi guftaar hi deedaar chahiyye 

Mohabbat ke liye laazim hain kuch ashyaai 

Dil_o_jaa'n chahiyye imaan_o_aitbaar chahiyye 

Ye sab tu hum ne paaya magar ik aur khahish hai 

Jo bewafa na ho hamain woh yaar chahiyye 

Na kabhi kisi se gila kiya

Na kabhi kisi se gila kiya

Mujhey ajab iska sila mila

Muhabbatun ki kitab ka

Har ek warq jala diya

W o jo aarzu ka chiragh tha

Ussey nafratun ne bujha diya

Mujhey zakhm phir ek naya diya

Mujhey is muhabbat ne kya diya

Woh jo kehte they khush raho

Woh jo kehte they meri jan ho tum

Har lamha hansa karo

Mujhey aaj unhon ne rula diya

Mera nishan tak mita diya!!!!

Ek bewafa sy aik mulaqat bohat hai

Ek bewafa sy aik mulaqat bohat hai

Jitna diya humnay tera saath bohat hai

Duniya ko dil k daagh dekhaon to kis tarah

Aye zindagi yeh raaz chupaon to kis tarah

Apni tabahiyoon mein mera haath bohat hai

Jitna bhe diya humnay tera saath bohat hai

Toota jo dil ka aaina tootay sabhe bharam

Hoti hai umar pyaar ke jeenay k liye kamm

Marnay k liye dard ke raat bohat hai

Jitna bhe diya humnay tera saath bohat hai

Ek bewafa sy ek mulaqat bohat hai

Jitna bhe diya humnay tera saath bohat hai...

Khush rhe tu koi gham tujhay na chu paaye

Khush rhe tu koi gham tujhay na chu paaye

Jo bhi dard dard aaye wo mere hisse aaye

Tu mera humraaz bhi ,mera humnawa bhi

Mere aiyteraaf mai hain lipte tere saaye

Wo meri zindagi ka aakhri lamaha hoga

Jo meri soch tujhko kabhi bhool jaye

Tu jaisa chahata hai mujhay manzoor har shey

Mein samjh loongy wo bhi jo tu keh na paaye

Mera hai kya mai ehsaas mein jee loongy 

Shurt ye hai jo tu maujhay kabhi soche, to muskuraye

roshni or bahaarien tumhi rakh lo jana

roshni or bahaarien tumhi rakh lo jana

mere jugnoo mere mausam muje wapas kar do

meri hasrat meri mehromiyan lota do muje

mere ansoo mere matam muje wapas kar do

jane wale se bas itna hi kaha tha mein ne

kuch na lotao mere gham muje wapas kar do

kyon yeh takrar sii hone lagi "mien" ki jana

woh jo ham tum mein tha, ik "ham" muje wapas kar do

jitni khushiyan hein wo rakh lo meri janab se Wasi

meri ankhon mein chupe nam muje wapas kar do

Hijar Ka Tara Doob Chala Hai Dhalny Lagi Hai Raat WaSi

Hijar Ka Tara Doob Chala Hai Dhalny Lagi Hai Raat WaSi

Qatra Qatre Bras Rhi Hai Ashkon Ki Brsat WaSi

Tere Baad Ye Dunya Waly Mujh Ko Pagal Kar Dain Ge

Khushbu K Dais Main Mujh Ko Le Chal Apny Sath WaSi

Yon Hi Chup Ki Mohar Laga Kar Kab Tak Gum Sum Betho Ge

Khamoshi Se Dam Ghut'ta Hai Cheyro Koi Baat WaSi

Aaj tO Us Ka Chehra B Kuch Badla Badla Lagta Hai

Mosam Dadla Dunya Badle Badal Gaye Halaat WaSi

Mere Ghar Khushbu Ka Yeh Raqs Usi K Dam Se Hai

Us K Sath Chali Jaye Gi Phulon Ki Baraat WaSi

Chor Wasi Ab Us Ki Yaden Tujh Ko Pagal Kar Dain Gi

To Qtra Hai Wo Darya Hai Dekh Apni Oqaat WaSi

Aik mudat say jisay daikha nahin

Aik mudat say jisay daikha nahin

Aaj bhi who zahan say utra nahin

Aaj bhi who toot kar aata hai yaad

Aaj bhi main raat bhar sota nahin

Aaj bhi sacha hoon apnay ishq main

Aaj bhi waada mera jhoota nahin

Aaj bhi qaim hoon apnay zabt par

Aaj bhi main toot kar bikhra nahin

Aaj bhi sirf main hoon tou us ka hi magar

Farq abh itna hai kay who mera nahin.

Uski judayi per hum raat bhar rote rahe

Uski judayi per hum raat bhar rote rahe.. 

Uski yaad aayi toh har baat per rote rahe,  

Ek lamhe ko mil kar bichad gaya umar bhar ke liye... 

Us shaks ko soch kar jaane kab tak rote rahe,  

Chand ro baro bethe the hum jaane kab se... 

Kabhi sar jhuka kar, Daman mein munh chupa kar rote rahe,  

Aate nahi hain laut kar log jaane waale... 

Yeh baat samjhate samjhate dil ko hum rote rahe,  

Us shaks ke chale jaane se kitne mere khwab toote... 

Un kirchiyon samette rahe aur yunhi rote rahe,  

Samajh na saka woh mere khuloos ko fiza... 

Hum ek is se baat per umar bhar rote rahe....!!!!

Is dard kay baad koi dard, dard nahin lagta

Is dard kay baad koi dard, dard nahin lagta

Kay shidat-e-dard ki inteha hoti hai mohabat

Nahin uthti who aankhain phir kisi pai

Kay jin aankhon main yeh fana hoti hai mohabat

Umar bhar jin ka azala na kar pai

Bas aik aisi hi khata hoti hai mohabat

Jo mil jai to bas phir kya kahna

Warna aik musalsal saza hoti hai mohabat

Log mujh say har baar yeh hi poochtay hain tum nay us main daikha kya

Main har baar yehi kahta hoon

Bewaja hoti hai mohabat…..

Abb kahan dost milein saath nibhaaney vaaley

Abb kahan dost milein saath nibhaaney vaaley,

Sab nay seekhay hain abb adaab zamaaney vaaley,

Dil jalao ya diye aankhon kay darvaazey par,

Waqt say pehlay tou aatey nhi aaney vaaley,

Ashq bann kay main nigaahon mein teri aaoongaa,

Ai mujhay apni nigaahon say giraaney vaaley,

Waqt badla tou uthaatey hain abb ungli mujh par,

Kall talaq haq mein merey haath utthaaney vaaley,

Waqt har zakham ka marham tou nhi bann sakta,

Dard kuchh hotay hain ta-umar rulaaney vaaley,

Ab jo bikhray to bikharnay ki shikayat kaisi

Ab jo bikhray to bikharnay ki shikayat kaisi

khushk patton ki hawaoon se rafaqat kaisi

main ne her dour main insaan se mohabbat ki hai,

jurm sangeen hai ab is main riayat kaisi

aik patta bhi ager shakh se juda hota hai

kya kahin dil pe guzarti hai qayamat kaisi

Zindagi tujh ko to lamhoon ka safr kehtay thay,

raah main aa gai sadiyon ki musafat kaisi

Barson ki chaht ko ik pal main badaltey dekha hum ne

Barson ki chaht ko ik pal main badaltey dekha hum ne,

Tuut kar chahney walon ko batt se mukartey dekha hum ne,

Naaz kartey the jo apni wafaon pr,

Unhi ko bewafai kartey dekha hum na,

Kaisey saja len sapney apni udaas aankhon mein,

Har khawab ko toot kr bekhrtey dekha hum ne,

Krty thy jo wadey hamesha saath chalne ka

Phir unhi ko rasta badaltey dekha hum ne,

Aitabar nahi raha kisi pr kya karen,

Is aitabar ko kai bar martey dekha hum ne

Meri Zindagi to firaq hai, woh azal se dil main makeen sahi

Meri Zindagi to firaq hai, woh azal se dil main makeen sahi

Woh nigah-e-shoq se door hain, rag-e-jaan se laakh qareeb sahi

Humain jaan deni hai aik din, woh kisi tarah woh kahin sahi

Humain ap khinchiye daar per, jo nahin koi to humi sahi

Sar-e-tur ho sar-e-hashr ho, humain intezaar qubool hai

Woh kabhi milain, woh kahin milain, woh kabhi sahi, woh kahin sahi

Huwa un pe jo mera bas nahin, ke yeh aashqi hai hawas nahin

Main un hi ka tha unhi ka hoon, woh merey nahin to nahin sahi

Jo ho faisla woh sunaiyye, isey hashr per na uthaiyye

Jo karain ge aap sitam wahan, woh abhi sahi woh yahin sahi

Gham-e-zindagi se farar kiya, yeh sukoon kiya yeh qara kiya

Gham-e-zindagi bhi hai zindagi, jo nahin chain to nahin sahi

Usey dekhney ki jo lou lagi, to Naseer dekh hi lain ge hum

Woh hazar aankh se door hon, woh hazar parda nasheen sahi

Wo jo shehar dil tha ujaar gaya

Wo jo shehar dil tha ujaar gaya

wo jo khawab tha bikhar gaya

Kabhi mousamo ki nazer lagi

kabhi wehmon ne dara diya

kabhi manzilon ke saraab ne

hamien rastey mei dagah dia

kabhi zindagi ki kitab se

hamien jisne chaha mita dia

Buss isii liye...

Wo jo ja raha tha to dooor tak

ussay dekhtey he rahey magar

nahi diii sadah...

Usaay roktey bhi to kiss liye ???

Sub tere wadon ka kasur nikla

Sub tere wadon ka kasur nikla

Main apnay ghar say ja bohat dur nikla

Sada day ke chup c lag gye us ko

Woh apnay ilfaz main lipta majbur nikla

Bikhar gya khaak main milta he gya

Jab bhi kisi pathar ka gharur nikla

Mujhay khabar the kay dost badlay ga lekin

Emaan badalna bhi ajab dastur nikla

Main to samja kay chup chap bichar gye dono

Magar ye to qisa bohat mashur nikla

ABHI BARISH NAHI HOGI

ABHI BARISH NAHI HOGI

Abhi musam nahi badla

Abhi bazaar-e-hasti main koi aisa saleebo'n per nahi utra

to phir kaise zameen ke korh per sater shifa utray

Abhi barish nahi ho gi

Samander ka koi paigam badal ko nahi pahuncha 

Ke qasid panio'n ko rait ke dariya se aana tha

Wohi dariya

sar-e-shail wohi bachi, wohi guriya

katay bazu, jalay rukhsaar aur kuch kaanch ka malba

Abhi galion main taaza jis ki mahkaar pheli hai 

Abhi musam nahi badla 

Abhi barish nahi ho gi....!!