Sadma to hai mujhe bhi

Sadma to hai mujhe bhi ke tujhse judaa hoon mein 

Lekin ye sochta hoon, Ke aab tera kyaa hoon mien

Mein Khudkushi ke jurm ka karta hoon aitraaf 

Apne Badan ki kabr mein, Kab se Gadhaa hoon mein

Kis kis ka naam laao Zubaan par ke tere saath 

Har roz ek shaks naya Dekhta hoon mien

Kyaa jaane kis adaa se liya tu ne mera naam 

Duniyaa Samajh rahi hai, ke sab kuch tera hoon mein

Le mere Tajrubo(n) se sabak, aye mere raqeeb 

Do-Chaar saal umr mein, Tujhse bada hoon mien

Jagaa huwa zameer woh aiyeena hai "Qateel" 

Sone se pehlay roz, jise dekha thoon mein

har bezabaa.N ko sholaa_navaa kah liyaa karo

har bezabaa.N ko sholaa_navaa kah liyaa karo

yaaro sukuut hii ko sadaa kah liyaa karo 

Khud ko fareb do ki na ho talKh zindagii

har sangdil ko jaane-e-vafaa kah liyaa karo

gar chaahate ho Khush rahe.n kuchh bandagaan-e-Khaas

jitane sanam hai.n un ko Khudaa kah liyaa karo 

insaan kaa agar qad-o-qaamat na ba.Dh sake

tum is ko nuqs-e-aab-o-havaa kah liyaa karo

apane liye ab ek hii raah-e-nijaat hai

har zulm ko razaa-e-Khudaa kah liyaa karo

le de ke ab yahii hai nishaan-e-ziyaa "Qateel"

jab dil jale to us ko diyaa kah liyaa karo

na tujhey choor saktey hai tere ho bhi nahin skatey

na tujhey choor saktey hai tere ho bhi nahin skatey

yeh kase bebasi hai aj hum khul k roo bhii nahin saktye 

yeh kasa dard hai pal pal hume turpaye rakhta hai

tumhare yaad ati hain tu phir so bhi nahin saktey  

chupa saktey hain aur na hum dekha saktey hain logo ko

kuch asae dagh hain dil per jo hum dho bhi nahin saktey 

kaha tha choor de gey yeh nagar phir ruk gaye lakin

tumhe paa nahin saktey magar khoo bhi nahin saktey 

humar aik hona bhi nahi mumkkin raha ab tu

jiye kase k tum se durr ab ho bhi nahin saktey 

Dil munaafiq tha shab-e-hijar main soya kaisa

>Dil munaafiq tha shab-e-hijar main soya kaisa

> Aur jab tuj say mila toot kay roya kaisa

> 

> Zindaghy maiN bhi ghazal hi ka kareena rakha

> Khawab dar khawab teray gham ko paroya kaisa

> 

> Ab toH chehruN pay bhi katbuH ka ghumaaN hota hai

> AankhaiN pathraey hoi haiN lab-e-goya kaisa

> 

> Dekh ab qurb ka mousam bhi na sar sabz laghay

> Hijar hi hijar marasim main samoya kaisa

> 

> Aik aansoo tha kay dariya-e-nidamat tha FARAZ

> Dil say baibaak shanawar ko daboya kaisa 

Yun Us Dil Ruba Say Mere Nazar Milay Kabhi

Yun Us Dil Ruba Say Mere Nazar Milay Kabhi 

Apnay Zuban Say Mujhay Dilbar Kahay Kabhi 

Woh Mere Waham Main Mere Gumaan Main Rahay 

Jab Raat Kay Pahar Say Sahar Milay Kabhi 

Woh Mere To Kabhi Na Tha Magar Aisa Laga 

Kay Uskay Bina Zeest Bhi Abtar Lagay Kabhi 

Yak Sar Gum Sum Hon Apni Yaad Dashton Main 

Uski Gali Tak Us Ka Dar Yun Dikhay Kabhi 

Uska Wujood Mere Rooh Main Mahlool Hogia 

Rooh Ab Sab Arwah Say Akbar Lagay Kabhi 

Kia Khushbu Ke Rangon Say Baat Ho

Kia Khushbu Ke Rangon Say Baat Ho 

Jo Woh Na Kabhi Mere Saath Ho 

Dil Na Dharkay Aur Sans Tham Jai 

Jis Shab Na Tujh Say Mulaqaat Ho 

Kitni He Khushian Aur Behisaab Jashan Mana Chukay 

Yun Hum Khud Ko He Apnay Aap Say Ganwa Chukay 

Main Aur Kia Kahon? 

Kaun Hay Jo Sunay Gaa 

Jo Bhi Nazron Say Guzar Chuka 

Woh Sab Is Dil Main Jazb Ho Chuka 

To Dil Ko Kureedon Kis Kay Liye 

Waqt Ko Khareedon Kis Kay Liye? 

Uskay Liye Jo Qadar-Daan Hain? 

Ya Unkay Liye Jo Anjaan Hain ? 

Main Aur Kia Kahon ? 

Tum Chaho To Mujhay Apnay Seenay Main Chupa Saktey Ho

Tum Chaho To Mujhay Apnay Seenay Main Chupa Saktey Ho

Tum Chaho To Mujhay Apnay Dil Ki Har Baat Bata Saktey Ho 

Tum Chaho To Mujhay Sahra Say Nikal Saktey Ho 

Tum Chaho To Mujhay Saiban Day Saktey Ho 

Tum Chaho To Mujhay Tapte Dhoop Say Bacha Saktey Ho 

Tum Chaho To Mujhay Apnay Wajood Main Chupa Saktey Ho 

Tum Chaho To Andairee Raat Ki Chadar Parh Kar 

Tum Chaho To Ik Diya Roshni Ka Jala Saktey Ho 

Tumhay Malom Hai Kay Yah Zinadagi Kuch Dino Ki Hai 

Tum Chaho To Isay Hans Kar Guzar Saktey Ho 

Tum Chaho To Mujhay Apne Zindagi Bana Saktey Ho 

Tum Chaho To Mujhay Apnay Seenay Main Chupa Saktey Ho 

Tum Chao To Mujhay Apnay Dil Ki Har Baat Bata Saktey Ho 

Tum Chaho To Kia Nahi Kar Saktey ho

Tum Chaho To Sub Kuch Kar Saktey Ho.... 

Kar k mujhay barbad jo hans rahee thee

Kar k mujhay barbad jo hans rahee thee

tanhai may bethe wo ro rahe thee,

maloom tha humain tumhare bay los mohobbat ka

rasam o rewaj ke wo lajj rakh rahe thee,

shyad mohobbat may is k bhool ho gai

apni nadani per shrm sar to thee,

shyad duniya nay issay sochnay ki mohlat na de

mohobbat k liye baghawat per tayar to thee,

kiu hote hay mohobbat pe rasm o rewaj 

do dewano k darmiyan yeh takrar to theee....

Teri Ankhoon Si Ankhien aaj aik chehray pe dekhi hien

Teri Ankhoon Si Ankhien

aaj aik chehray pe dekhi hien

Wuhi rungut ' banawat

aur waisi beyrukhi un mien

bichurtay waqt ju main ne

Teri ankhoon mein dekhi thi

Teri ankhoon si ankhoon ne

mujeh aik PuL ko dekha tha

wuh puL aik aam sa puL tha

mager os aam se puL mien

puraanay kitnay mausum' kitnay munzur main ne dekhay thay

Meri jaa'n main samjha tha

teri ankhoon si ankhien jub

meri ankhoon ko dekheingi

tao ik Lumhay ko soochaingi

keh in ankhoon ko pehLay bhi

kisi chehray pe dekha hai

Mager in jheeL ankhoon mein

shanasaayi nahi jaagi

Meri Ankhien ~!!

teri ankhoon si ankhoon ke Liey

kaab khaas ankhien thien

teri ankhoon ne shaayid yeh

kaayi chehroon per dekhi hoon

keh yeh to AAM ankhien hain

Main aisa sooch sakta tha

mager main kya keroon diL ka

ju ub yeh yaad rukheyga

teri ankhoon si ankhien

main ne aik chehray pe dekhi thien

phir os k baad kitnay din

meri ankhoon mein sawan tha

kyou chup kay say woh loag dil may utter jattay hai

kyou chup kay say woh loag dil may utter jattay hai

jin say kismat kay sittaray nahe miltay

kyou hummay un loaggo key aadat se ho jatty hai

jinhae hum pehly nazar may apna sub kuch maan laytay hai

jinhae hum na deakhae toa hummara din nahee guzarta

jinhae hum deakhae toa hummara dil kabu may nahee rehta

jinkay hum qareeb hokay be un kay hottay nahe

aur jin say duur ho kay be un say juda hottay nahee

jo duur reh kar be kushe deattay hai

aur joa pass ho kar be gaam daytay hai

phir woh he baat aajatty hai

kyou chup kay say woh loag dil may utter jattay hai

jin say kismat kay sittaray nahe miltay :(

NA FIKAR FARDA NA YAD MAZI

NA FIKAR FARDA NA YAD MAZI

NA CHAIN DIL KO NA BEQARARI

NA WISAL KI LARZISH NAZAR MAIN

NA BEBASI HIJAR K SAMAY KI

NA HUD SE GUZRA JANUN WOH

NA BE-KALI WOH PEHLE JAISI

BAS IK UDASI HAI DHEAMI DHEAMI

BAS IK KHAMOSHI HAI BEKARAN SI 

BAS IK BE-NAAM JALAN HAI

BAS IK BE-DARD SI THAKAN HAI

JO ZINDAGI K ADHUREY PAN KO

HADON SE AGY BARHA RAHI HAI 

kabhi is nagar tujhe deakhna, kabhi us nagar tujhe dhundna

kabhi is nagar tujhe deakhna, kabhi us nagar tujhe dhundna

kabhi raat bhar tujhe sochna, kabhi raat bhar tujhe dhudna

mujhe ja-ba-ja teri justajo, tujhe dhundta hun main ko-ba-ko

kahan khul saka tere robaro, mera is qadar tujhe dhudna

mera khuwab tha k khiyal tha, woh aruj tha k zawal tha

kabhi farsh pe tujhe deakhna, kabhi arsh pe tujhe dhundna

yahan har kisi se bair hai, tera shehr qarea -e- gair hai

yahan sehal b tu nahin koi, marey bekhaber tujhe dhundna

teri yad to roo diya, jo tu mil giya tujhe kho dia

mare silsaly b ajeeb hain, tujhe chor k tujhe dhundna

kab Tak tanha Raho gai

~~!~~kab Tak tanha Raho gai~~!~~

kab Tak tanha Raho gai

Kab tak rota raho gai

Logo ka Samne muskra ke

kab tanhai main rota raho gai

Dil mein sapno ki shahzaadi ka ghar banaye howe

Kab tak intizar kartee raho gai

Tum Akle bohat khush ho

kab tak yeh jhoot apna app se bolte raho gai

khud ko tum tanha kar ka 

kab tak dard-e-tanhai sahte rahoo gai

tum haste haste 

kab tak yeh tanhai ka zehar peta rahoo gai 

Kuch aise zakhm mile chupaye nahi jaate

Kuch aise zakhm mile chupaye nahi jaate,
Ye bojh muqaddar ke uthaye nahi jaate,

Sunne ko to betaab hai ye saara zamana,
Afsane mohabbat ke sunayen nahi jaate,

Kuch dair ko to aaya jawab jaa bhi chuka hai,
Yaadon ke deep magar bujhaye nahi jaate,

Tasveer hoon main zabt-e-musalsal ke janoon ki,
Par dil main jo armaan hain dabaye nahi jaate,

Nadaan hoon, Be aqal hoon, Kamzor hoon sab kuch....
Ye rang to har shakhs main paaye nahi jaaate,

Aadaab mujhe ishq ke aate nahi shayad,
Ruthe hain woh is tarha manaye nahi jaate,

Shiqwa hai shiqyata hai to phir saamne aayen,
Is tarha se to daaman bachaye nahi jaate,

Beqaar na mutalashi hoon raahon ki,
Ujre howe ghar phir se basaye nahi jaate...

kitna sehel jana tha barishon k mausam mein

kitna sehel jana tha

barishon k mausam mein

sham ka yeh aik manzar 

ghar mein qaid kar laina

khushbuon ko chhu laina

roshni sitaron ki

muthhiyon mein bhar laina

kitna sehel jana tha

khushbuon ko chhu laina

jugnuon si baton se

phool jaise aangan mein

roshni si kar laina

uski yad ka chehra, khuabnak aankhon mein

jheel k gulabon per dair tak saja laina

kitna sehel jana tha

ae dil ki khush-fehmi

is tarhan nahi hota

titliyan pakarne ko

door jana parta hai

is tarhan nahi hota

is tarhan nahi hota.......

Qalam uthaa ke socha.. kuch aisaa likhoon

Qalam uthaa ke socha.. 

kuch aisaa likhoon… 

kuch nayaa saa.. 

kuch nayaab.. 

kuch mere ehsasaat se labrez.. 

kuch mere jazbaat se chalakta hua… 

kuch mere khaahishon ka rang liye. 

Alfaaz ke muaamle main… 

pehli dafaa apni mehroomi se saamna huaa. 

Kyaa likh doon… 

jo tumhare dil main youn utar jaaye.. 

jaise khushboo kisi phool main samaa jaaye 

kuch aisaa jo tumhare honthon pe thirke to.. 

sargam ban jaaye… 

jisse tum gaao to ghazal ban jaaye. 

Kuch aisaa jisse tum odh sako… 

apni muattar jild ke itne nazdeek rakho.. 

ki main sharmaa jaoon. 

Dil chaahe.. 

ki kuch aisaa hi likh doon ki tumare chehre pe 

Vo tamaam rangat bikhar jaaye.. 

jo mere wujood ka haasil hai. 

Vo muskurahat.. 

jo jeene ka sabab bann chuki hai… 

vo hansi jo mere sukoon ka baais… 

tumhari ho jaaye.. 

tum main kho jaaye.. 

jabb tum paRho.. 

mere alfaaz ko 

Mehsoos karo unhen… 

us shiddat se.. 

jo mehsoos ki mere qalam ki jumbish ne. 

Us kaghaz ke purze main.. 

chupi meri duaaon ko tum apne daaman me chupaa lo… 

ik ansoo us pe tapkaao.. 

unhen zindaa karo do. 

Mere alfaaaz ko padh kar.. 

unhen zindagi bakhsho. 

Kabhi jo maazi main jhankoge Tumhain hum yaad aayenge

Kabhi jo maazi main jhankoge

Tumhain hum yaad aayenge

Kisi lamhe kuch jo sochoge

Tumhain hum yaad aayenge

Kabhi yun hi akele main

beet-e- dino ko soch ker

Koi geet jo gungunaoge

Tumhain hum yaad aayenge

Sab doston ki mehfil main

Kisi shokh si baat per

zer-e-lab jo muskuraoge

Tumhain hum yaad aayenge

Zindagi ke kisi morr per

Apne Dil ki baat ko

Kisi se keh na paoge

Tumhain hum yaad aayenge..

hum to shayad wahi hain lekin, kuch log badal gaye hain

hum to shayad wahi hain lekin, 

kuch log badal gaye hain.

girte the kal tak har mod par 

lekin aaj sambhal gaye hain

jo dete the humein khushiyan 

wo halaat badal gaye hain.

jo bane the mere humsafar 

aaj wahi bichad gaye hain

manzilein to aab bhi wohi hain 

lekin kuch raste badal gaye hain

tum kya gaye is dil se 

saare aarman bichad gaye hain

dekhe the kabhi humne woh saare 

khwab badal gaye hain.

na badla to "raaz" na badla 

na badla "raaz" ka dil  

baaki to is tute dil ke saare 

jazbaat badal gaye hain. 

Dosti Ka Pehla Pegam Aap ke Naam

Dosti Ka Pehla Pegam Aap ke Naam 

Zindagi Ki Akhri Sham Aap ke NAam 

Iss Safar main humsafar Hain hum Dono

IS Dosti Ko Nibhana Hain Ap ke Naam 

IS Qadar humari Chahat Ka Imtehan Na LiJiye 

kyun hO humSe KhaFaa Bayaan tO KiJiye 

KAr DeJiye Mauf Agar hogaye humSe Khataa 

Yon Yaad Na KAr ke Saza Na diJiye 

RishToon Ki Yeh Duniya Hai NiraLi 

Sab Rishto0n Se Pyari Hai dOSti tUmhari 

ManZo0r Hai AanSu Bhi AanKho0n Main HumaRe 

Agar Aah JAye MusKan hont Pe TumhaRe 

KHUDA Se Tho0ra RaHam KhaReed Laite

Aap Ke ZakhMo0 Ka MArham Khareed LaiTe 

Agar Kahi Bikhti Kushiyaan Meri 

tU Sari Bech Kar Ap ka haR Ghum KhaReed LAiTe 

Jaam Pe Jaam Peenay Se Kia Faida 

ShaM kO Pi sUbha Utar JAye gi

Aray dO Bo0nd aPni dOSti Ka PiLa Dye 

ZindaGi Sari NAshe Main GhuzAr Jaye Gi 

FiZa Main Mehakti Ek Sham hO0 tUm 

Pyar Main ChaLakta JAam ho0 tUm 

SeeNay ChuPaye PhirTeHain hUm YAad tUmhaRi 

Meri ZindaGi Ka Do0sra Naam ho0 tUm 

Wade Pe wOh AitBAr Nahi KArTe 

Hum Zikr-e-MoHabbat Sar-e-BAazar Nahi KArTe 

Darta Hai Dil Unki Ruswai Se 

aUr wOh SoChTe Hain hUm UnSe PyaR Nahi Karte

HAr KAdam Par ImteHAn Laiti Hai ZindaGi 

HAr Waqt NAya Sadma DEti Hai Zindagi 

hUm zindagi Se Kia ShikWa KArain 

Aap JAiSe Dost Bhi Tu Daite hain ZindaGi!!!!! 

Main Nazar Se Pee Raha Hoon Ye Samaan Badal Na JAYE

Main Nazar Se Pee Raha Hoon Ye Samaan Badal Na JAYE,

Na Jhukao Tum Nigaahein Kaheen Raat Dhal Na Jaye.

Miray Ashk Bhee Hain Iss Mein Ye Sharaab Ubal Na Jaye,

Miray Jaam Choonay Walay Tera Haath Jal Na Jaye.

Abhee Raat Kuch Hai Baaqee, Na Utha Naqaab Saaqee,

Teray Anay Kee Khushee Mein Mera Dam Nikal Na Jaye.

Mujhe Phonknay Se Pehlay , Mera Dil Nikal Leyna,

Ye Kisee Kee Hai Amaanat, Meray Saath Jala Na Jaye.!!!

Jab haar dey himmat to muqadder nahi milta

Jab haar dey himmat to muqadder nahi milta,

Jungal main bhatakney say yahan kuch nahi milta, 

Heyran hain her shaks yahan sungey waffa hay, 

Kehtey hain terey sher main pather nahi milta, 

Ye khail muqadder ka samajh say hay meri bala,

Kho jata hay rasta mager rehber nahi milta, 

Jo mil na saka us ka gham main kis leyee karata,

Insane jo chahey usay akser nahi milta, 

Her saans ukherti hui ye puch rahi hay,

Pehley sa sukoon ab terey ander nahi milta. 

Aab Kay Yoon Dil Ko Saza Di Hum Nay

Aab Kay Yoon Dil Ko Saza Di Hum Nay 

Us Ki Her Baat Bhula Di Hum Nay 

Eik , Eik Phool Bohat Yaad Aaya 

Shakh-E-Gul Jab Woh Jala Di Hum Nay

Aaj Tak Jis Pay Woh Shermatay Hain 

Baat Woh Kab Ki Bhula Di Hum Nay 

Sheher-E-Jahan Rakh Say Abad Hua

Aag Jab Dil Ki Bujha Di Hum Nay 

Aaj Phir Yaad Bohat Aaya Woh 

Aaj Phir Us Ko Dua Di Hum Nay

Koi To Baat Hia Us Main Faiz 

Her Khushi Jis Pay Luta Di Hum Nay ... 

Abhi Aik Raat Adhoori Hai Meri Baat Adhoori Hai

Abhi Aik Raat Adhoori Hai 

Meri Baat Adhoori Hai 

Tum Sunn Lo To Main Keh Doon 

Jo Kehna Hai Tumhein 

Mujhe Kuch Barson Se 

Ke Tum Bin Meri Zindagi 

Meri Zaat Adhoori Hai 

Abhi Ek Raat Adhoori Hai 

Meri Baat Adhoori Hai 

Ek Pal Ko Thehar Jao 

Meri Aankh K Pemaney

Qabal Iss K Jhalak Jayen 

Meri Saanson Ki Doori Jo 

Qabal Ke Toot Jaye Jo 

Qabal Iss K Main Tum Se

Keh Na Paaon Jo 

Mujhe Itna He Kehne Do 

K Mere Pass 

Apni Yaadon Ko Rehne Do!!! 

Main Mar Mita to Wo Samjha Ye intiha thi Meri

Main Mar Mita to Wo Samjha Ye intiha thi Meri 

isse Khabar Hi Na thi, Khaak Keemya thi Meri

Main Chup Hua to wo Samjha ke Baat Khatam Hui 

Phir is ke baad to Aawaz ja baja thi Meri

Main us ko Yaad karoon bhi to yaad Aata Nahi 

Main Us ko Bhool Gaya Hoon, yahi Saza thi Meri

Shikast De gaya Apna Guroor Hi Us ko 

Wagarna Us ke MuQabil Bisaat kia thi Meri

Koi bhi Koo-e-Mohabbat Se Phir Nahi Guzra 

To Shahar-e-ishQ amin Kia Aakhri Sada thi Meri ?

Main Us ko Dekhta Rahta tha Hairaton Se "Faraz" 

Ye zindagi se Ta'Arruf ki ibdita thi Meri

Ho Ker Zameen Ka, Aasmaan Ki Chaah Kion Karoon

Ho Ker Zameen Ka, Aasmaan Ki Chaah Kion Karoon

Main Tujh ko Paanay Ki Tamanna Kion Karoon?

Mujh ko Khabar Hai Judai Tarpaaye Gi Tujhay Har Pal 

Issi liye Bata Day Main Tujh Say Wafa Kion Karoon?

Aemaan Ko Meray Chot Lagay Gi Gar Tu Na Mili Mujhay 

Tujhay Apna Bananay Ki Phir Dua Kion Karoon?

Teri Masoomiyat Ko Rab Nay Banaya Hai Mohabbat Kay liye 

Tujhay Na Chahnay Ki Phir Main Khata Kion Karoon?

Farishtay Bhi Tarap Jaatay Hain Jab Teri Aankh Say Ashk Chalaktay Hain

Yeh Dard Tujhay Day ker Main Koi Gunnah Kion Karoon?

Teri Meri Qismat Ki Raahain Hain Judaa Judaa 

Main Phir Tera Ban Jaanay Ki Aarzoo Kion Karoon?

Meri Hathoon Ki Lakeeron Main Nahin Hai Naam Tera 

Main Tera Naam Apnay Naam Se Milanay Ki Justajuu Kion Karoon?

Meri Baatain Teray Dil Mein Humesha Bass Jaati Hain 

Is Baat Ki Khabar Rakh Kar Main Koi Guftagoo Kion Karoon?

Baaton Baaton Main Baynaam Fasaanay Ban Jaatay Hain 

Aur Aisi Adhoori Kahaani Ko Main Shuroo Kion Karoon?

Joo Bhi Jazbaat Hain Dil Main Dil Tak Mehfooz Hain 

Yeh Bataoo K Main Un Ka Zikar Dobara Kion Karoon?

Maana K Mohabbat Bhari Nazar Dil Par Gehra Asar Karti Hai

Usay Pyaar Say Dekh Ker Us Par Koi Jaadoo Kion Karoon?

Meray Liye Yeh Mumkin Nahin K Main Tera Ban Jaoon Kabhi 

Laikin Main Tujh Say Mohabbat Ka Izhaar Kion Karoon?

Itna Dukhaaya Dil Ko Tu Nay Meray , Itna Rulaaya Hai Mujhay 

Sub Kuch Sahoon Phir Bhi Tujh Say Bay Inteha Pyaar Kion Karoon??

Yun Hii Dosh Per SanbhaaLay GhHaNi ZuLf Kay Do-Shaanay

Yun Hii Dosh Per SanbhaaLay

GhHaNi ZuLf Kay Do-Shaanay

Wohi SanwaLi Sii RanGat

Wohi Nain Neend WaaLay

Wohi Man-Passand QaaMat

Wohi Khush-Numaa SeraaPa

Jo Badan Main Neem-Khaawbi

Tou Lahuu Main Rat-Jaga Sa

Kabhi Pyaas Ka Samandar

Kabhi AAas Ka Jazeera

Wahi Meharbaan Leh-Ja

Wahi Mezbaan Vateera

Tujeh Shaayree Say Rugg-bet

Ussay Shair Yaad Mairay

Wohi Uss Kay Bhi Kareenay

Jo Hain Khaas Wasf Tairay

KISI AUR HII SAFAR MAIN

Ser-Raah MiL Gayii Thii

Tujeh Aur Kia Bataaown

Woh Teri Tarah kOii Thii

Kisii Shehar-e-Bay-Imaan Main

Main Watan-Badar AkaiLa

Kabhi Maut Ka Safar Tha

Kabhi Zindagi Say KhaiLa

Mera Jism JaL raha Tha

Woh Ghuut Ka Saaibaan Thii

Main Rafaaqaton Ka Maara

Woh Meri Mizaaj-daan Thii

Mujeh DIL SAY USS Nay Pooja

Ussay Jaan say Main Chaaha

Issi Ham-rahi Main AaKhir

Kahiin Aa gaya Do-Raaha

Yahan Gum-Raahi Kay ImKaan

Ussay Rang-o-Bo Ka Lapka

Yahan Lagzishon Ka Saaman

Ussay Khaawhishon Nay Thapka

Yahan Daam Thay Hazaaron

Yahan Her Taraf Qafas Thay

Kahiin Zer-Zameen Ka DaL-DaL

Kahiin JaaL Thay Hawas Kay

WOH FIzaah Ki FaakhTa Thii

Woh Hawa Ki Raaj-Patrii

Kissi GHaat Ko Na Daikha

Kissi JheeeL Per Na Utrii

Phir IK SHAAM AISII AYEE

KEH WOH SHAAM AAKHRI THI

KOI ZAN-ZALAA SA AYAA

KOII BERQ SI GIRI THI

AJAB AANDHIAAN CHALIIN PHIR

KEH BIKHAR GAYAY DIL-O-JAAN

NA KAHIIN GUL-E-WAFA THAA

NA Chiraag-e-Ehad-o-Paimaan

WOh Jahaaz UTAR GAYA THA

Yeh Jahaaz Utar Raha Hai

Teri Aankh Main Hain Aansoo

Mera DiL Bikhar Raha Hai

TU Jahan Mujeh MiLi Hai

Woh Wohi Judaa Hui Thii

Tujeh Aur Kiaa Bataaown

WOH Teri Tarah Koii Thii....

mere jane per aay jana pershan tum nahi hona

mere jane per aay jana

pershan tum nahi hona

kabhi chup kar nahi rona

judai zehar hoti hai

mujhe maloom hai lekin

firaq-o-hijar ka mousam

yaqeenan beet jaye ga

yaqeenan visal k lamhe

dobara lout ayen gye

wohi shamain , wohi raatain

wohi qisse wohi baatain

wohi phir daastan hogi

mohabbat meharban ho gi

mohabbat meharban ho gi 

Waqt ki Raftaar Kay Saath Tu Bhi Chalna Seekh Lay

Waqt ki Raftaar Kay Saath Tu Bhi Chalna Seekh Lay

Dard Seh Ker Iss Jahan Main Muskuraana Seekh Lay

Doosron say Shikwa Kerna Aur Shika'ayat Chor Day

Her Kisi say Pyaar kerna Dil Lagaana Seekh Lay

Kaanch kay Tukray Parain Hain Zindagi ki Raah Per

Kaanch kay Tukron pay Chal Kay Tu Bhi Jeena Seekh Lay

Ghum Utha Ker Muskuraana Kaam Yeh Waliyon Ka Hai

Aow'Liya kay Naqsh-e-Pa Per Tu Bhi Chalna Seekh Lay

Kis Qadar Insaan Aajiz Hai Zamaanay Main 

Doosron Say Pyaar Ker Aur Khud say Lerna Seekh Lay 

khawab bhi aik musafir ki terha hote hai

khawab bhi aik musafir ki terha hote hai

chashm dar chashm sada in ko safar mein rehna

rang ki mojh mein khushbo ke asar mein rehna

un ki adat hi nhi

aik jaga pe rukna 

un ki kismat hi nhi

aik nagar mein rehna

hum bhi ik khawab hain aye jaan,teri ankhon mein 

chand lamhon ko jo theharen to humein

apni palkon ki amaan mein rakhna

saya abar-e-tawajo keh gumaan mein rakhna

dehan ke taak se hum ko na hatana,jab tak

raat keh baam pe taron keh diye jalte rahen

dekhna humko,humein dekhte jana,jab tak

hum teri ankh ki wadhi mein safar karte rahen

khawab ka shok yehi,khawab ki kismat bhi yehi

khalqa regh-e-rawan,gard-e-safar mein rehna

rang ki mojh mein,khushbo ke asar mein rehna

hum magar khawab hai kuch aur terha keh,humko

na koi shok-e-safar hai na talash-e-khusbho

teri ankhon mein jalen aur inhen mein bujh jayen

chashm dar chashm nhi humko safar mein rehna! 

humko hai teri nazar mein rehna! 

SAB KUCH TU TERE PASS HAI

SAB KUCH TU TERE PASS HAI 

Tu phir kiyon dil udass hai? 

Hai piyar bhi tere liye 

Khayal bhi tere liye 

Ye dil bhi tere pass hai 

Tu phir kiyon dil udass hai? 

Main sochta hoon bas tujhe 

Main dekhta hoon bas tujhe 

Jab mujh pe etebaar hai 

Tu phir kiyon dil udass hai? 

Hai zindagi tere liye Ye dil, khushi tere liye 

Ye sab jo tere pass hai 

Tu phir kiyon dil udaas hai? 

Too neend main, tu khwab main 

Too mere dasht-o-aab main 

Har pal too mere saath hai 

Tu phir kiyon dil udass hai? 

Har simt hain gul khile houe 

Hain dost bhi mile houe 

Har simt piyar hi piyar hai 

Tu phir kiyon dil udass hai? 

Ye dil, khushi or etebaar 

Ye dost, khwab or ye piyar 

Sab kuch tu tere pass hai 

Tu phir kiyon dil udass hai? 

Os ke bina ab chup chap rehna acha lagta hai

Os ke bina ab chup chap rehna acha lagta hai,

Khamoshi sey dard ko sehna acha lagta hai,

Jis hasti ki yaad mein Aanso barstey hain,

Samne os ke kuch naa kehna acha lagta hai,

Mil kar os se Bichar naa jaaon darta rehta hon,

is liye bas door hi rehna acha lagta hai,

janta hon keh chahat mein bas Aanso milte hain,

Kuch bhi ho ab is zehar ko peena acha lagta hai,

Je chahey sab khushiyan laa kar os ko de doon,

Os ke pyaar mein sab kuch khona acha lagta hai,

Os ka milna naa milna Qismat ki baat hai,

Pal Pal os ki yaad mein roona acha lagta hai,

Os ke bina sab khushiyan  Ajab si lagti hain,

Roo Roo kar os ki yaad mein sona acha lagta hai,

mujhe hawaon mein urhna acha lagta hai

mujhe hawaon mein urhna acha lagta hai

mujhe pholon ko hathon mein le kar chumna acha lagta hai

mujhe titliyon ka baagon mein phirna acha lagta hai

mujhe baarish mein beeghti hui mati ki khushbo ko soonghna acha lagta hai

mujhe asman pe parindon ka azaad urhna acha lagta hai

mujhe chandni raat ko chath par ja kar chand ko takna acha lagta hai

mujhe kaanton ka yonh achanak daman thaam leina acha lagta hai

mujhe gheeli rait par nage paon chalna acha lagta hai

mujhe asman pe dhanak ke raango ka bikharna acha lagta hai

mujhe subha ka phoothna acha lagta hai

mujhe khushiyon ka har roop mein ana acha lagta hai

mujhe ghamon ko huns ka sehna acha lagta hai

mujhe tum se milna aur tumhara yaad ana acha lagta hai

Tere pyaar mein Rusva hona kitna acha lagta hai

Tere pyaar mein Rusva hona kitna acha lagta hai ,

Qadam Qadam par thokar khana kitna acha lagta hai ,

Roo leta hoon Hans leta hoon Tere aane jane par,

Tera ghar mein aana jana kitna acha lagta hai ,

Main apna fsaana khud hi kehta sunta rehta hoon ,

Achi Yaadon ka Duhrana kitna acha lagta hai ,

Buhat bura lagta hai Mujh ko Tera Gharon se milna,

Aur is ka iQrar naa karna kitna acha lagta hai,

Tere hi raste par chalna Teri hi manzil ko jana ,

Tere hi har Dam gun gana kitna acha lagta hai,

Jin Chashmon ka paani Dil duniya seerab kare,

Un Chashmon ka Paani peena kitna acha lagta hai ,

Sab logon ki batein sun na Aur chup rehna ,

Teri khatir har dukh sehna kitna acha lagta hai, 

Tum Ko Maloom Bhi Shayad Yeh Kabhi Ho Ke Na Ho

Meri Raatein Teri Yaadon Se Saji Rehti Hain 

Meri Saansein Teri Khushboo Main Bassi Rehti Hain 

Mairi Aankoon Main Tera Sapna Saja Rehta Hai 

Han Mere Dil Main Tera Aks Basa Rehta Hai 

Is Tarhan Mere Dil Ke Bohat Pass Ho Tum 

Jis Terha Pass Sheh Rag K Khuda Rehta hai 

Tum Ko Maloom Bhi Shayad Yeh Kabhi Ho Ke Na Ho 

Mere Aangan Main Lage Phool Gawahi Deen gye

Main ne Arse Se Kisi Phool Ko Dekha Bhi Nahi Hai 

Tujh Ko Socha Tu Phir Tujh Ko Hi Socha Hai Faqat 

main Ne Tere Siwa Kisi Or Ko Socha Bhi Nahi Hai

Nazar jab tum se milti hai main khud ko bhool jata hoon

Nazar jab tum se milti hai main khud ko bhool jata hoon 

Bas ek dharkan dharakti hai main khud ko bhool jata hoon 

Tumhain milne se pehle main bohat banta sanwarta ho 

Mager jab tum sanwarti ho main khud ko bhool jata hoon 

Main akser sochta rehta hoon kia hai ye sab??? 

Tu batain mujhe se kerti hai main sab kuch bhool jata hoon 

Main apni zaat main khud-dar hoon' khoya sa rehta hoon 

Mager jab teri chori khanakti hai main khud ko bhool jata hoon 

Tu gum hoti hai socho main' main takta he rehta hoon 

Jo tu pehlo badalti hai main khud ko bhool jata hoon 

Main akser kitabo pe tera naam likhta hoon 

Mager kuch tu jo likhti hai main khud ko bhool jata hoon 

Is shehar main tanha hoo magar tu hai mere pass

Is shehar main tanha hoo magar tu hai mere pass 

Jis shakal ko chahoo teri surat main badal doo  

Ye husn e tasawur hai ke jaadu hai mere pass 

Rakhta hai sada jo meri raaton ko muatar  

Wo tere badan ka gull e khushboo hai mere pass 

Kiya mujh ko pasand aye ge is shehar ke naghme  

Tu hai meri koil teri koo koo hai mere pass 

Kiyo thamoo gaa main jaan ! kisi aur ki bahain  

Pehne hue kangan tere bazoo hain mere pass 

Jab chahoo kateel us ke nagar tak mujhe le jaye 

Socho ka chamakta hua jugnoo hai mere pass 

dekh k tum ko hosh main aana

dekh k tum ko hosh main aana

bhool gaye,yaad rahe tum or zamana

bhool gaye

jab samne tum aajate hoo 

kia janiye kia hojata hai

kuch mil jata hai kuch khoo jata 

hai kia jani ye kia hojata hai

chaha tha ye kahein ge soocha tha wo kahein ge

aaye wo samne to kuch bhi na keh sake bas

dekha kiye unhein hum

dekh ker tum ko yakeen hota hai 

koi itna bhi haseen hota hai

dekh pate hain kahan hum tum ko 

dil kahien hosh kahien hota hai

aa ker chale na jana aese nahi satana

de ker hansi laboon ko aankhoon ko mat rulana

dildena na bekarari ka karar ban k

yadoon main khoo na jana tum intazaar ban k 

so bhool ker tum ko na ji pain ge

tum ho ge jahan jaein ge

hum koi waqt nahi hain DOST

jab bulao ge chale aaein ge

jab samne tum aajate hoo 

kia janiye kia hojata hai 

kuch mil jata hai kuch khoo jata hai 

kia janiye kia hojata hai 

Kaho ab kia kahon tum se

Kaho ab kia kahon tum se 

Batao kia likhon tum ko 

Mujhe tamheed do koi 

Mujhe umeed do koi 

Naya ik lafz ho koi 

Jahan se baat chal nikle 

Meri mushkil ka hal nikle 

Batao … Lejha kaisa ho? 

Keh Tum se baat karni hai 

Tum apni roshan ankhon ko agar kholo to mein likhon

Tumhare lab se aye ga sukhan mein ik katila pan 

Tumhari aankh de de gi 

Takhatub ko nashila pan 

Kaho ab kia irada hai 

Mujhe izhar karna hai 

Keh betabi ziyada hai

Jo bhi dil ke qareeb aata hai

Jo bhi dil ke qareeb aata hai

Eik naya zakhm de ke jata hai

Jab ke milti nahi khushi me khushi

Phir q har ghum mujhe rulaata hai

Jo tha sab kuch luta baithe hain

Aur ab kya wo hum se chahta hai

Ab bhi aage ki sochne bethoon

Mera maazi mujhe bulaata hai

De de thori si mohabbat mujhko

Is me aakhir kya uska jaata hai

Pyar hota nahi sada ke liye

Phool kesa bhi ho murjhaata hai

Ki mohabbat hai ya koi ahsaan

Jab bhi milta hai woh jatata hai

Main na chahte huwe bhi chahoon use

Kya kya kambakht dil karaata hai 

Anjaam agar yehi hai to phir ibtida na ho

Anjaam agar yehi hai to phir ibtida na ho,

Koi tumhari tarah kisi se juda na ho.

Manzil agar naseeb nahi hai to ai Khuda,

Main jis taraf badhau.n kadam, raasta na ho.

Khud par nigaah daale zamaane guzar gaye,

Darta hoon aaiine me koi doosara na ho.

Dono gunaah-e-ishq ke mujrim sahi magar,

Allah! uske vaaste aisi sazaa na ho.

Maayusiya.n kuchh aisi siwaar ho gayin ki bas,

Yon lag raha hai jaise kaheen par Khuda na ho. 

barishon ka mausam hai rooh ki fizaaon mein

barishon ka mausam hai 

rooh ki fizaaon mein 

ghamzada hawain hain 

be-sabab udaasi hai 

iss ajeeb mausam mein 

be-qarar raaton ki 

be-shumaar baatein hain 

an-ginat fasane hain 

jo bohat khamoshi se 

dil pe sehte phirte hain 

aur ba-amer-e majboori 

sub se kehte phirte hain 

aaj mausam acha hai 

AAJ hum bohat khush hain

chand sitare rooth gaye hain phool the hum

chand sitare rooth gaye hain

phool the hum

ab dhool huwe hain,

yaadon ke anmol khazane

aankhon mein hain dhundle dhundle

tera dheema dheema lehja

raat k pichle paher mein aksar

yaad ata hai......tarpata hai

lekin ab wapis mat aana,

mere balon ki raaton mein

baraf chamakti hai ab har soo,

aankhein bujhte taron jaise,

chehra bhi shadaab nahi hai,

saans bhi kuch kuch beyhangam hai,

honton ki laali bhi kam hai,

haar diya hai maine sub kuch

teri chahat mein dekha na!

ab mat aana, ab mat aana 

bikhar rahi hai meri zaat ... usay keh dena

bikhar rahi hai meri zaat ... usay keh dena ...

Kahin mile wo to yeh baat.. 

use keh dena!

use kehna k bina us k din nahi kat'ta

Sisak ke kat'ti hai har raat ...

use keh dena!

Woh saath tha to zamana tha humsfar mera..

Magar ab koi nahi saath 

use keh dena !

Woh jis ko sun k palat aaye meri duniya mein,

Hawaaon.... aisi koi baat 

use keh dena!

agar woh phir bhi naa loute to mehrbaan Qasid

Hamaari zeest k halaat 

use keh dena!

Har aik jeet us k naam kar rahi hoon main

main manti hoon apni maat...

use keh dena!

use pukaaron ya khud pohanch jaaon us k paas..

rahe hain bas mein kab halaat

use keh dena!

Baras baras k nigahein bhi ho gayein pathar,

Pari hai gham ki ajab raat ..

use keh dena!

wo sath tha to ..zamana tha humsafar mera 

hain ab tu khaali mere haath ...

use keh dena ! 

Woh Ek Khuwahish Woh Ek Kasuk

Woh Ek Khuwahish

Woh Ek Kasuk

Woh Ek Sapna

Jo Ke Mere Dil Ki Atha Gehraiyon Main

Sakoot OrdayDum Sadhay Betha Hai

Or Us Din Ka Muntazir Hai

Jab Isse Zinda Hona Hai

Or Ek Tofaan Ki Manind

Her Shey Ko Baha Ker Lejana Hai

Mager Nahin......

Mujhey Usse Rookna Hoga

Apni Khuwahishon Ko Dabana Hoga

Apnay Sapnon Ko Tordna Hoga

Kahin Woh Apnay Saath

Mera Sab Khuch Na Baha Ker Le Jay

Kahin Mera Dost Na Mujhse Chin Jay

Kahin Woh Bhi Na Mujhse Chin Jay

Jo Kabhi Mujhe Mila Hi Nahin

Jo Ke Mera Apna Hai

Mera Sapna Hai

Kahin Aasa Na Ho

Is Tofaan Ke Bais

Meri Chahat Mujhse Chin Jay

Kahin Aasa Na Ho Kissi Ka Dil Toot Jay

Koi Rooth Jay

Haan Mujhe Aasa Hi Karna Hai

Is Juzbey Ko

Is Chahat Ko

Apnay Dil Main Qeed Karna Hai

Kiya Maloom

Uski Bhi Koi Chahat Ho

Uska Bhi Koi Piyaar Ho

Haan Main Yeh Ehsaas

Dil Ki Gehraiyon Main

Dafun Kar Longa

Or Usko Bhool Jaonga

Kiyon Ke Piyar Panay Ka Naam Nahin

Bulke Khone Ka Naam Bhi Piyar Hi Hai

Piyar....

Piyar Jo Qorbani Maangta Hai

Mujhe Qorbani Hi To Deni Hai

Apnay Juzbon Ki Qorbani

Apnay Sapnon Ki Qorbani

Or Sab Se Bard Ker

Apnay Piyar Ki Qorbani...

meine socha tha aap mileinge to ro doongi

meine socha tha

aap mileinge to ro doongi

aap poochienge to sab haal keh doongi

kehdoongi k kitne din hue soi nahi

woh konsi bhool hai jo hui nahi

kitaab firij mein shelf mein glass rakha

peer ka din tha diary mein jumerat likha

T.V pe geet tha azaan nahi

meine chonk k aanchal sar pe rakha

yeh kia haal kar dia hai mera

mujhe ksii kaam ka na rakha

aur jab aap ne poocha k kaisi ho

to mein sirf itna keh saki

"mein theek hoon" 

Tum Ne Apni Chahton Ka Iqrar Manga Hai Tu Suno!

Tum Ne Apni Chahton Ka Iqrar Manga Hai

Tu Suno!

Dil Ke Sache Jazbe

Izhar Ke Muh'taj Nahi Hote 

Yeh Tu Woh Jazbe Hain Jo Jugnu Ban Kar

Ankhon Mein Chamkte Hain

Hontoon Ke Naram Goshoon Mein Reh Kar

Dil Mein Baste Hain

Tum Mujh Mein Is Terhan Se Samaye Ho

Keh Jaisse

Phool Mein Khushbo,Taroon Mein Chamak

Teetli Mein Rang

Mera Tumhara Rishta Atoot Hai

Jism O Jaan Ki Terhan

Jo Jura Rahe Tu Zindagi 

Or Toot Jaye Tu Mout..... 

Raat Uss Na Poocha Tha Tum Ko Kaisi Lagti Hai

Raat Uss Na Poocha Tha

Tum Ko Kaisi Lagti Hai

Chandni December Ki !

Main Ne Kehna Chaha Tha 

Saal-O-Maah K Baray Main

Guftagu Ke Kiya Maani ?

Chahe Koi Manzar Ho

Dasht Ho , Samander Ho

June Ho , December Ho

Dharkano Ka Har Naghma

Manzaro Pe Bhaari Hai

Saath Jab Tumhara Ho

Dil Ko Ek Sahara Ho

Aisa Lagta Hai Jaisay

Ek Nasha Sa Taari Hai

Lakin Uss Ki Qurbat Main

Kuch Nahi Kaha Main Ne

Takti Reh Gayi Mujh Ko

Chandni December Ki ! 

Dil se dil ka rabta acha laga

Dil se dil ka rabta acha laga 

Aaj Us Ko Sochna Acha Laga 

Jate Jate Akhri Lamhain MaiN 

Mur ker usko daikhna acha laga  

Zindagi bhar us ne jo kuch bhi kia 

Us Ka Har Ek Faisla Acha Laga 

Her taraf thi bawafa logon ki bheer 

Aik Wo Hi Bewafa Acha Laga.. 

Wo haya ki her ada main so hijaab 

Paas rah ker bhi fasla Acha Laga 

Kiyon MohabbaT Ho Gaye baghi tujhe

Kya Bataaon,us main kia acha laga 

Kya chand ko dekh ker.. usey bhi un raaton ki

Kya chand ko dekh ker..

usey bhi un raaton ki yaad aatee hogee?

jo kabhi ankhon main..

khwab bhar deti theen

woh khwab.. 

jo sirf humaray aur tumharay thay

aur kabhi ankhon ko ratjagay baksh deti theen

woh ratjagay jin k gawah chand taaray thay

un ratjagon main kisi k baaray main

sochna aur sochtay chalay jaana

Mohabbat ki raah per..

bohat aagay tak nikal aana..

ab to na woh ratjagay rahay na woh khwab

sab kuch badal gaya

dil bhi kuch kuch sanbhal gaya

lekin jaanay kyun..??

chand ko dekh ker

yeh khayal aata hay

kya usey bhi un raaton ka khayal satata hay?

kya usey bhi chand ko dekh ker..

bichra shaks yaad aata hay..?? 

choo ker jo guzri wo hawa ho tum

choo ker jo guzri wo hawa ho tum 

main ne jo mangi wo dua ho tum 

kare mujh ko roshan wo dya ho tum 

dil yeh kahe mera jya ho tum 

kya main ne jo mehsoos wo ehsas ho tum 

meri bahoon ki aas ho tum 

meri nazer ka noor ho tum 

meri zameen ka aakash ho tum 

mere chehre ki kashish ho tum 

meri zindagi ka karar ho tum 

main ne jo chaha wo pyar ho tum 

mere intazar ki rahat ho tum 

mere dil ki chahat ho tum 

tum ho to dunia hai meri 

tum meri jaan.janu,pyar ho tum 

Tumhain kaisay bataain ham Mohabbat aur kahaani main

Tumhain kaisay bataain ham

Mohabbat aur kahaani main koi rishta nahi hota

Kahani main

To ham waapas bhi aate hain

Mohabbat main palatne ka koi rasta nahi hota

Zara socho !

Kahin dil main kharashain daalti yaadon ki saffaaki

Kahin

daaman say lipti hay kisi bhooli hui

Saa'at ki nam'naaki

Kahin aankhon kay khaimon main

Charagh-e-khuab gul karnay ki saazish ko

Hawa daiti hui raaton ki chaalaki

Magar main banda-e-khaaki

Na jaanay kitnay Firowno'n say uljhi hay

Mairay laihjay ki bay'baaki

Mujhay daikho

Mairay chaihray pay kitnay mousamon ki gard

Aur is gard ki teh main

Samain ki dhoop main rakha ik aaina

Aur aainay main ta hadd-e-nazar phailay

Mohabbat kay sitaray aks ban kay jhilmilatay hain

Nai dunyao'n ka rasta batatay hain

Isi manzar main aainay say uljhi kuch lakeerain hain

Lakeeron main kahaani hay

Kahani aur mohabbat main azal say jang jaari hay

Mohabbat main ik aisa mowr aata hay

Jaha'n aa'kar kahaani haar jaati hay

Kahaani main to kuch kirdar ham khud farz kartay hain

Mohabbat main koi kirdaar bhi farzi nahi hota

Kahani ko kai kirdaar

Mil jul kar kahin aagay chalatay hain

Mohabbat apnay kirdaron ko khud aagay barhaati hay

Kahaani main kai kirdaar

Zinda hi nahi rehtay

Mohabbat apnay kirdaro'n ko marnay hi nahi daiti

Kahaani kay safar main

Manzaron ki dhool urti hay

Mohabbat ki musaafat raah'geeron ko bikharnay hi nahi daiti

Mohabbat ik shajar hay

Aur shajar ko is say kiya matlab

Kay us kay sa'aiy main

Jo bhi thaka haara musaafir aa'kay baitha hay

Ab us ki nasl kiya hay rang kaisa hay

Kaha'n say aaya hay

Kis simt jaana hay

Shajar ka kaam to bas chaao'n daina 

Dhoop saihna hay

Usay is say gharaz kiya hay

Paraao daalnay waalon main kis nay

Chaao'n ki taqseem ka jhagra uthaaya hay

Kahaa'n kis aiyhad ko tora kahaan waada nibhaaya hay

Magar ham jaantay hain

Chaao'n jab taqseem ho ja'aiy

To aksar dhoop kay nayzay

Rag.o.paiy main utartay hain

Aur is kay zakhm khowrda loge

Jeetay hain na martay hain..... 

KUCH NA KAHOO K KIA ACHA LAGA

KUCH NA KAHOO K KIA ACHA LAGA 

US KI HAR BAT 

US KA HAR ANDAZ 

US KA HASSNA

US KA RONA 

OR KIA KAHOO WO Q ACHA LAGA

US KA CHALNA 

US KA MORNA

US KA KAHNA 

UUFFF US KI HAR ADA

BAS KIA KAHOO KIA ACHA LAGA

Mohabat ke sumandar mein uterney say zara pehlay

Mohabat
Mohabat ke sumandar mein
uterney say zara pehlay
Tumhain yeh soochna ho ga
Mohabat aik sehra hai
Jahan paoon bhranay say
Kadam chup-chap jultay hain
Mohabat aisi duniya hai
K is mein jis taraf ja'ain
Koi rusta nahin milta
Mohabat aag jaisi hai
Yeh seenon mein soolagti hai
Mohabat anso'on jaisi
Yeh palkoo pay chumakti hai
Mohabat dhoop jaisi hai
Kahin saya nahin milta
Mohabat barishoon jaisi
Mohabat key fizaoon mein
Hamisha dard milta hai
Mohabat k jazeeray per
Judaee bain karte hai
Mohabat ik diya sa hai
Jo jalta hai hawaoon mein
Mohabat hai saza jaisi
Mohabat hai khizan jaisi
Mohabat phool jaisi hai
Juda hoo shakh say jub yeh
bikhartee toot jati hai
Mohabat k sumandar mein
otarney say zara pehlay
Tumhain yeh soochna hoo ga
Tumhain yeh soochna hoo ga

Apne hothon par sajana chahta hoon

Apne hothon par sajana chahta hoon
Aa tujhe main gungunana chahta hoon

Koi aansoo tere daaman par gira gar,
Boond ko moti banana chahta hoon !

Thak gaya main karte karte yaad tujko,
Ab tujhe main yaad aana chahta hoon !

Cha raha hai saari basti mein andhera,
Roshni ko ghar jalana chahta hoon !


Aakhri hichki tere zaano pe aye,
Maut bhi main shayraana chahta hoon !

Apne hothon par sajana chahta hoon,
Aa tujhe main gungunana chahta hoon !

Woh Mujh Se Yeh Nahin Kehta

Woh Mujh Se Yeh Nahin Kehta
Use Mujh Se Mohabbat Hai
Mager woh Aaj Kal Aik Janoon ki Zid Main Rehta Hai
Ajab Aik Bekhudi Hai, jo Use Bechain Rakhti Hai
Woh Mujh Se Baat Karta Hai....
Bohat Hi Aam Si, Mosam Ki, Logon Ki
Mehaz Duniya Ki Rasmi Si
Woh Mujh Se Baat Karne Ke Bahane Dhondta Hai Un Hawalon Se
Samjhta Hai Main Us Ki Aam Si Baaton Ko
Buss "Yonhi" Samjhti Hoon
Woh Milta Hai Mujhe Aksar Bahano Se
Ke Main Guzra Yahan Se, Socha Baat Hi Kar Loon
Samjhta Hai Main Us Ke In Bahano Ko Na Jaano Gi
Kabhi Jo Phone Karta Hai
To Uski Mohabbat Us Ke Lehje Se Jhalkti Hai
Mujhe Bechain Karti Hai
Woh Mera Dhiyan Rakhta Hai
Meri Har Baat Ko Hi Bin kahe Woh Jaan Leyta Hai
Samjhta Hai Woh Yeh Phir Bhi
Us Ne Khud Ko Chupa Rakha Hai Khud Hi Se
Mager Aksar
Woh Khud Anjane Main Apna Yeh Parda Chaak Karta Hai
Ke Jab Meri Bohat Pehle Kahi Hue
Har Baat Ko Woh Yaad Rakhta Hai
Aur Unhi Lafzoon Ko Mere Samne Dohra Bhi Deta Hai
Yon Lagta Hai Ke
Us Ne Meri Kahi Har Baat Ko Yaad Rakha Hai
Woh Mujh Se Yeh Nahin Kehta
Keh Us Ki Khawaish Usko Bohat Bechain Rakhti Hai
Ya Shayad In Dinon Woh Khud Se Bhi Chupta Hai
Magar
Uski Nighain Aksar Use Nakaam Kartin Hain
Keh Sare Jaam Ulfat Ke Woh Bhar Bhar Kar Lutati Hain
Woh Darta Hai K Kahin Kho Na De Mujh Ko
Keh Koi Baat Uski Mujh Ko Us Se Door Na Kar De
Woh Mujh Ko Sochta Hai
Jagta Hai Raat Bhar Woh Bhi
Mager Shayad Abhi Usko Mohabbat Main
Khamoshi Se Hi Jalna Hai
Keh Woh Jab Tak Parh Nahin Leta
Yeh Aankhein Jis Main K Uska Naam Likha Hai
Keh Mere Laho Ki Gardishon Main Raqs Karti Chahtein Uski
Woh Jab Tak Paa Nahin Leita
Samjh Nahin Leita, Jab Tuk
Keh Main Bhi Gamzan Hoon
Khamoshi Se Us K Raaste Par
Main Bhi Jagti Hoon...Sochti Hoon Raat Bhar Us Ko
Magar Us se Nahin Kehti.
"Mujhe Us Se Mohabbat Hai"

Aey Khudaya Sun Meri Faryaad

"~*~Aey Khudaya Sun Meri Faryaad~*~
~*~Tu Tou Kehta Hai K Mujhay Pukar~*~

~*~Main Tu Insaan K Ziada Kareeb Hoon~*~
~*~Tu..........Sun Mere Maalik~*~

~*~Meri Qismat Ki Siyaa Bakhtii Par~*~
~*~Tere Karam Ki Baarish Kab Hogi~*~

~*~Meri Tu Sirf Itni Faryaad Hai~*~
~*~K..........Aaj Ki Shab..........~*~

~*~Ya Meri Manzil Ka Pata Bata~*~
~*~Ya Phir Hamesha K Liay Faryaad Karne Wali~*~

~*~Zabaan Khamoosh Karde~*~
~*~Kion K..........~*~

~*~Ab Asi Hayat Ki Mujhay Aarzoo Nahin~*~
~*~Jis Main Mohabbat Meri Manzil Na Ho~*~

kabhi apnati hai kabhi thukrati hai

kabhi apnati hai kabhi thukrati hai
zindagi kaise rang dekh lati hai
chaar din ki zindagi hai doston
teen din tu sirf yeh rulati hai
jis ke zindagi main pyar na ho
phir tu woh moot si ho jati hai
zindagi ke haar moor paar humain
sirf tanahi aur bebasi nazar ati hai
hum tu ab ghumon ke adi hain
humse tu koshiyan bhi door bhag jati hai
hum kabhi bhi samjh na sake
yeh zindagi kia chahti hai

kaheen ik masoom nazuk si larki boht khoobsoorat

kaheen ik masoom nazuk si larki boht khoobsoorat mager sanwali si mujhay
apnay khusabon ki bahoon main pa ker kabhi neend main muskurati to ho gi
badan dheemay dheemay sulagta to ho ga saansain thapkiyan day k sulati to
hoon gi wo hi khuwab din ki mundhairon pr aker usay man hi man main lubhatay
to hoon gay wo besaakhta dheemay dheemay suron main meri yaad main kuch
gungunati to ho gi chalo khat likahin ji main ata to ho ga mager ungaliyan
kapkapati to hoon gi kalam haath say choot jata to ho ga umangain kalam phir
uthati to hoon gi mera naam apni kitabon per likh kr wo daanton main ungali
chabati to ho gi kaheen ik maasoom nazuk si larki bohat khoobsoorat mager
saanwali si

Kabhi Palkoon Pay Ansoo Hain Kabhi Lab Per Shikayat Hay

Kabhi Palkoon Pay Ansoo Hain Kabhi Lab Per Shikayat Hay
Mager Ay Zindagee Phir Bhi Mujha Tujh Say Mohabbat HAY

Jo AAta hay WOh Ja Taa Hay Ya Dunya Ani Jaa Ni Hay
Yahan Her Shey Musafir Hay Safer Main Zindaagane HAY
Ujaloon Ki Zaroorat Hay Andhera Meri Kismat Hay

Kabhi Palkoon Pay Ansoo Hain Kabhi Lab Per Shikayat Hay
Mager Ay Zindagee Phir Bhi Mujha Tujh Say Mohabbat HAY

Zara Aye Zindagee Dum Lay Tera Deedar Tu Ker Lon
Kabhee Dekha Nahin Jis ko Uska Deedaar Tu Ker Loon
Abhi Say Choor Ker Maat Jaa Abhi Teri Zaroorat Hay

Kabhi Palkoon Pay Ansoo Hain Kabhi Lab Per Shikayat Hay
Mager Ay Zindagee Phir Bhi Mujha Tujh Say Mohabbat HAY

Koi Anjaan Sa Chehraa Obher Taa hay Fizaaon Main
Ya Kis Ki AAhatain Jageen Meri Khamoosh Rahon Main
Abhi Aye Mout Naa AAnaa Mera Thikaana janat Hay

Kabhi Palkoon Pay Ansoo Hain Kabhi Lab Per Shikayat Hay
Mager Ay Zindagee Phir Bhi Mujha Tujh Say Mohabbat HAY

Khaamoshi... Mere haal ki khamoshi

Khaamoshi...
Mere haal ki khamoshi
Alfaaz ki yahan koi jagah nahi
Uljhi uljhi aur be'sukhan
Maflooj hua takhayul
Aur bazm-e-khayaal
Bilkul akeli
Aur saakin.

Khaamoshi...
Mere haal ki khamoshi
Jo taareekh me maratab ker paati
Phir se likhti apna istaqbaal
Sudhaar leti me apna dehakta salf
Aur mann-harran haal
Her yaad pe ek aansoo.. jub
Maa'ney rakhti hai.. na koi shay, na insaan.

Khaamoshi...
Mere haal ki khaamsohi
Kuch nahi naz-o-namood ke waastey
Na koi fail, na kirdaar
Be-langar.. behti hui
Reza reza huay khayaali paiker
Dhundla gay sub aks.. be'nuqta sub haal ke saath
Hai ye waqt-e-baazgasht ya hai waqt-e-maraj'aat?

Khaamsohi...
Mere haal ki khaamoshi
Rokay rakha in muzahmaton ne
Samjhoton-o-makaariyon ne
Khud'azeeyatain aur Khud'aazariyan
Un'kahe khayalaat..
Jokh-e-waadi-e-margazar me
Her dam rahe mere saath.

Khaamoshi...
Mere haal ki khaamoshi
Kyun de rahi hoon khud ko saza
Jub mera khayaal tera khayaal nahi
Aur mere khwaab tere khwaab nahi
Bhatakne do..
Inhein asoodgi me
Khaamoshi ki dehshat me.

Zindagi kia hai?....kis ne jana hai

Zindagi kia hai?....kis ne jana hai
sirf jeene ka aik bahana hai
ik tere samne faqat main hoon
per mere samne zamana hai
tum ko dekha hai pehli bar mager
yuoon lage silsla poorana hai
wo to batoon ma ker gia manoos
agnabi hai wo hum ne mana hai
dost acha na roothne pai
rooth jai to phir manana hai
aao kuch shairi hi kerte hain
aaj mosam bada suhana hai
mujh se jo ziada aashna tha mera
aaj wo shaks kouion begana hai
sirf itni si aarzo hai sahab
pyar dena hai pyar pana hai

Mundamil ho gay sub ghaao Koi daagh nahi hai baaqi

Mundamil ho gay sub ghaao
Koi daagh nahi hai baaqi
Reh gai mosam-e-khizaan ki
Faqat ek dhundli yaad.
Kia dukhta hai phir?
Kia rista hai phir?
Athaah baatni gehrai me
Ek pheeki Tees..
Jalti hui..
Sard aag.. badalti..
Raakh me.
Vo jo mudat hui
Sub marr chuka thaa
Ranjeeda hai ab..
Surat-e-khayaali
Jahan kabhi tha, ek
Dharakta hua dil!

Yeh jii Chahta hai Tumhein khat Likhon

Yeh jii Chahta hai Tumhein khat Likhon
Magar sochta hon kay khat Main Tumhain
Wafaa Aashna, be-Murrawat Likhon
Likhon kiya Agar main Tumhain khat Likhon...
Woh Waadey Likhon yah woh Qasmein Likhon
Woh Milnay Milaanay ki Rasmain Likhon
Un Aankhon kay Woh surkh Dooray Likhon
Larztay Labon kay Katoray Likhon
Tabassum kay Sholay Shararay Likhon
Shararat kay Rangeen ishaaray Likhon
Hoee Baat khaamoshyon Main Likhon
Katii Raat Sargoshyon Main Likhon
Fasaana Likhon yah Haqeeqat Likhon
Likhon kiya Agar Main Tumhain khat Likhon...
Nazar Rah Guzar Dar Dareechay Likhon
Haram Farsh Chilman Ghaleechay Likhon
Khalish karb Zakhm-e-Tammanna Likhon
Junon Bekhudi Jaam-o-Meena Likhon
Jafa Berukhi Bainiyaazi Likhon
Haqeeqi Muraadi Majaazi Likhon
Dil aaraa Dil Aazaar Dilbar Likhon
Sanam Sangpaara Sitamgar Likhon
Tumhaari Adaa Apni Wehshat Likhon
Likhon Kiya Agar Main Tumhain khat Likhon...
Mulaqaat ka Aakhri Pal Likhon
Main Daaman Likhon yah kay Aanchal Likhon
Glogeer Afsurdaa Gharyaan Likhon
Woh Namnaak Palkon ki Ladyaan Likhon
Kashakash Hawaadis Salasil Likhon
Hayaat-o-Ajal ka Main Haasil Likhon
Ghazal, Nazm, Qata, Rubaii Likhon
Hadees-e-Dam-e-Alwidaai Likhon
koi khat Likhon yah Wassiyat Likhon
khon kiya agar Main Tumhain khat Likhon.

chehra mera tha nigahin us ki

chehra mera tha nigahin us ki
khamshi main bhi woh baatain us ki

meray chahray pay ghazal likhti gain
shair kahti hoi aankahain us ki

aisay mausam bhi guzaray hum nay
subhain jub apni theen, shaamain us ki

faisla mauj-e-hawa nay likha
aandhian meri, baharain us ki

neend ye sauch kur tooti aksar
kis tarah kut-ti hain raatain us ki

door rah kur bhi sada rahti hain
mujh ko thamay huay bahain us ki

Gum Apni Mohabbat Mein Dono

Gum Apni Mohabbat Mein Dono
Nayab Ho Tum Nayab Hain Hum
Kiya Hum Ko Khuli Aankhein Dekhein
ik Khawab Ho Tum ik Khawab Hain Hum
Kiya Mehsher Khaiz Judai Hai
Kiya wasl Qayamat Ka Ho Ga
Jazbat Ka ik Sailab Ho Tum
Jazbat Ka ik Sailab Hain Hum
ik Haans Purani Yaadoon Ka
Betha Hua Kanker Chunta Hai
Tapti Hui Hijr Ki Ghariyoon Main
Sookha Hua ik Talab Hain Hum
ik Waqat-e-Talatum Khaiz Hain Hum
Gardish Main Tumhe Bhi liye Lein Gye
Is Waqt Na Tair Aay Kishti-e-Dil
Is Waqat To Khud Girdaab Hain Hum
Aay Chasham-e-Falak Aay Chasham-e-Zameen
Hum Loog tou Phir Aanay Kay Nahin
Do Chaar Gharee Ka Sapna Hain
Do Chaar Gharee Ka Khawab Hain Hum