Teri Warfta Nigahen Teri Be-Baak Ada

Teri Warfta Nigahen Teri Be-Baak Ada
Main tere Shauq-Tajasus ka Sabab janta hoon
Aur ye Pur lutf Tabasum ki barasti Boonden
Be- Khabar Sunta hoon har chand ke sub Jaanta hoon
Main ke Na waqif-e-Aadab-e-Sukhan lagta hoon
Mujh Ko Dildari-e-Khoobaan ka hunar ata hai
Baat Arza-e-Takaluf bhi nahi Ho sakti
Dekhne Walon ko kuch Aur Nazar Ata hai
Meri Har Sans Amanat hi kisi Aru ki hai
Mujh se tum shoq ke Azhaar ki Koshish na karo
Mere Atwaar O Khad-o-Khaal pay Jaan deti ho
Main kisi Aur ka hoon Tum meri Khowahish na Karo