Roshni mizajon ka kiya ajab muqadder hai

Roshni mizajon ka kiya ajab muqadder hai 

Zindagi k rastey main bichney waley kanton ko 

Rah sey hataney main 

Aik aik tinkey sey ashiaaaan bananey main 

Khushboain pakerney main 

Gulistan sajaney main 

Umer kat detain hain 

Or apney hisey k phool bant detain hain 

Kaisi kaisi khwaishon ko qatal kertey jatey hain 

Derguzer k gulshan main aber ban k rehtein hain 

Saber k samunder main kashtian chalatey hain 

Yeh nahin k in ko roz-o-shab ki kawish ka 

Kuch sila nahin milta 

Merney wali ahon ka khoon baha nahin milta 

Zindagi k daman main jis qadar bhi khushian hain 

Sab hi hath atin hai 

Sab hi mil bhi jati hain 

Waqt per nahin miltin 

Waqt per nahin atin 

Yani un ko mehnat ka ajer mil to jata hai 

Lakin is tarah jaisey 

Qerz ki koi reqm qist qist ho jaey 

Asal jo ibarat ho pass-e-nawisht ho jaey 

Fasl-e-gul k akhir main phool un k khiltey hain 

Jin k sehn main soorej dair sey nikaltey hain

ab naye saal kii mohalat nahii.n milane vaalii

ab naye saal kii mohalat nahii.n milane vaalii 

aa chuke ab to shab-o-roz azaabo.n vaale 

ab to sab dashnaa-o-Khanjar kii zubaa.N bolate hai.n 

ab kahaa.N log muhabbat ke nisaabo.n vaale 

zindaa rahane kii tamannaa ho to ho jaate hai.n 

faaKhtaao.n ke bhii kirdaar uqaabo.n vaale 

na mere zaKhm khile hai.n na teraa rang-e-hinaa 

mausam aaye hii nahii.n ab ke gulaabo.n vaale

ab kis kaa jashn manaate ho us des kaa jo taqsiim huaa

ab kis kaa jashn manaate ho us des kaa jo taqsiim huaa 

ab kis ke giit sunaate ho us tan-man kaa jo do-niim huaa 

us Khvaab kaa jo rezaa rezaa un aa.Nkho.n kii taqadiir huaa 

us naam kaa jo Tuka.Daa Tuka.Daa galiyo.n me.n be-tauqiir huaa 

us parcham kaa jis kii hurmat baazaaro.n me.n niilaam hu_ii 

us miTTii kaa jis kii hurmat mansuub uduu ke naam hu_ii 

us jang ko jo tum haar chuke us rasm kaa jo jaarii bhii nahii.n 

us zaKhm kaa jo siine pe na thaa us jaan kaa jo vaarii bhii nahii.n 

us Khuun kaa jo bad_qismat thaa raaho.n me.n bahaayaa tan me.n rahaa 

us phuul kaa jo beqiimat thaa aa.Ngan me.n khilaa yaa ban me.n rahaa 

us mashriq kaa jis ko tum ne neze kii anii marham samajhaa 

us maGarib kaa jis ko tum ne jitana bhii luuTaa kam samajhaa 

un maasuumo.n kaa jin ke lahuu se tum ne farozaa.N raate.n kii.n 

yaa un mazaluumo.n kaa jis se Khanjar kii zubaa.N me.n baate.n kii.n 

us mariyam kaa jis kii iffat luTatii hai bhare baazaaro.n me.n 

us iisaa kaa jo qaatil hai aur shaamil hai Gam_Khvaaro.n me.n 

in nauhaagaro.n kaa jin ne hame.n Khud qatl kiyaa Khud rote hai.n 

aise bhii kahii.n dam_saaz hue aise jallaad bhii hote hai.n 

un bhuuke nange Dhaa.Ncho.n kaa jo raqs sar-e-baazaar kare.n 

yaa un zaalim qazzaaqo.n kaa jo bhes badal kar vaar kare.n 

yaa un JhuuTe iqaraaro.n kaa jo aaj talak aifaa na hue 

yaa un bebas laachaaro.n kaa jo aur bhii dukh kaa nishaanaa hue 

is shaahii kaa jo dast-ba-dast aa_ii hai tumhaare hisse me.n 

kyo.n nang-e-vatan kii baat karo kyaa rakhaa hai is qisse me.n 

aa.Nkho.n me.n chhupaaye ashko.n ko ho.nTho.n me.n vafaa ke bol liye 

is jashn me.n bhii shaamil huu.N nauho.n se bharaa kashkol liye 

aashiqii be-dilii se mushkil hai

aashiqii be-dilii se mushkil hai 

phir muhabbat usii se mushkil hai 

ishq aaGaaz hii se mushkil hai 

sabr karanaa abhii se mushkil hai 

ham ?? aasaa.N hai.n aur hamaare liye 

dushmanii dostii se mushkil hai 

jis ko sab be-vafaa samajhate ho.n 

bevafaa_ii usii se mushkil hai 

ek do duusare se sahel na jaan 

har ko_ii har kisii se mushkil hai 

tuu baa-zid hai to jaa 'Faraz' magar 

vaapasii us galii se mushkil hai

Tum ko aata hi nahin shikwa shikayat karna

Tum ko aata hi nahin shikwa shikayat karna

Meri mano tum kisi say na mohabat karna

Abh kay bikhra to mushkil say samaito gai mujhay

Phir na aisi mujh say shararat karna

Zulm sahnay say haalat nahin badlain gai kabhi

Abh zarori hai ameer-e-shehr say baghawat karna

Zuban jo kholi to uljhain gai zamanay walay

Chup rehna izhaar kin a himmat karna

Tum nay daikha meri ghar ki udasi ko Faraz

Ho sakay to kisi sham zara zehmat karna

Zulf raton si hai rangat hai ujalon jaisi

Zulf raton si hai rangat hai ujalon jaisi

par tabiat wohi hai bhoolnay walon jaisi

Ik zamanay ki rifaqat pe bhi ram-khorda hai

us kam aamaiz ki khu bu hai ghazalon jaisi

Dhoondta phirta hoon logon mein shabahat uski

ke woh khuabon mein bhi lagti hai khayalon jaisi

Kis dil azaar musafat se mein lauta hoon ke hai

aanso-on mein bhi tapak paoon ke chalon jaisi

Uski batain bhi dil awaiz hain surat ki tarah

meri sochain bhi paraishan mere balon jaisi

Uski ankhon ko kabhi ghor se daikha hai Faraz

sonay walon ki tarah jagnay walon jaisi

Guftagoo achhi lagi zauke nazer achha laga

Guftagoo achhi lagi zauke nazer achha laga

muddaton ke baad koi humsafar achha laga

dil ka dukh jana to dil ka mas'ala hai per hamein

uska hans dena hamare haal per achha laga

is terha ki be-saro- samaniyon ke bawajood

aaj woh aaya to mujhko apna ghar achha laga

kya bura tha ger pada rehta teri dehleez per

tu hi batla kya tujhe woh der -ba-der achha laga

kon maktal mein na pahoncha kon zalim tha jise

tere katil se zyada apna ser achha laga

hum bhi kayal hain wafa-e-ustavari ke magar

koi poochhe kon kisko umr bher achha laga

'Meer' ki manind gerche zeest kerta tha "Faraz"

humko woh aashufta-khoo shayer mager achha laga.

Ye kyaa ke sab se bayaan dil ki haalaten karani

Ye kyaa ke sab se bayaan dil ki haalaten karani

`Khushi` tujh ko na aain muhabbaten karani

Ye qurb kyaa hai ke tuu saamane hai aur hamen

Shumaar abhi se judaai ki sa`aten karani

Koi khudaa ho ke patthar jise bhi ham chaahen

Tamaam umr usi ki ibaadaten karani

Sab apane apanee qarine se muntazir us ke

Kisi ko shukr kisi ko shikaayaten karani

Ham apane dil se hain majabuur aur logon ko

Zaraa si baat pe barpaa qayaamaten karani

Milen jab un se to mubaham si guftaguu karanaa

Phir apane aap se sau-sau vazaahaten karani

Ye log kaise magar dushmani nibhaaten hain

Hamin ko raas na aain muhabbaten karani

Kabhi `Khushi` naye mausamon men ro denaa

Kabhi talaash puraani raqaabaten karani

ab kis ka jashn manate ho us des ka jo taqsim hua

ab kis ka jashn manate ho us des ka jo taqsim hua

ab kis k git sunate ho us tan-man ka jo do-nim hua

us khvab ka jo reza reza un ankhon ki taqdir hua

us nam ka jo tukra tukra galiyon main be-tauqir hua

us parcham ka jis ki hurmat bazaron main nilam hui

us mitti ka jis ki hurmat mansub udu k nam hui

us jang ko jo tum har chuk us rasm ka jo jari bhi nahin

us zakhm ka jo sine pe na tha us jan ka jo vari bhi nahin

us khun ka jo badqismat tha rahon main bahaya tan main raha

us phul ka jo beqimat tha angan main khila ya ban main raha

us mashriq ka jis ko tum ne neze ki ani marham samajha

us magrib ka jis ko tum ne jitna bhi luta kam samajha

un masumon ka jin k lahu se tum ne farozan raten kin

ya un mazlumon ka jis se khanjar ki zuban main baten kin

us mariyam ka jis ki iffat lutti hai bhare bazaron main

us isa ka jo qatil hai aur shamil hai gamkhvaron main

in nauhagaron ka jin ne hamain khud qatl kiya khud rote hain

aise bhi kahin damsaz hue aise jallad bhi hote hain

un bhuk nange dhanchon ka jo raqs sar-e-bazar karain

ya un zalim qazzaqon ka jo bhes badal kar var karain

ya un Jhute iqraron ka jo aj talak aifa na hue

ya un bebas lacharon ka jo aur bhi dukh ka nishana hue

is shahi ka jo dast-ba-dast ai hai tumhare hisse main

kyon nang-e-vatan ki bat karo kya rakha hai is qisse main

ankhon main chupaye ashkon ko honthon main vafa k bol liye

is jashn main bhi shamil hun nauhon se bhara kashkol liye

Kahan gum hain woh mery sarey udas sapney

Kahan gum hain woh mery sarey udas sapney

Kahan kho gaey hian woh sab mery apney

Kiun hain meri ratain itni udas aaj bhi

Kiun parey hain mujh ko fasley mapney

Chaman ko mery faqat chahye thi aab pashi

Kiun silab berpa ker diye hain sahab ney

Meri rat ko faqt chahat thi ik diye ki

Kiun roshnian he roshnian ker di hian mahtab ney

Ger farz bhi ker lia jaey kay mujrim main tha us ka

Kiun bhar di hain maqtal gahain us kay shabab ney

Aankhian hi kafi thi us ki, hamari madhoshi ko

Kiun itnay nashay charha diye hian sharab ney

Hamari khata he kia thi aakhir hamain pata tou chalay

Kiun ujar diye hian gulistan sarey arbab ney

Na dilon ka hal jan saka, na ban saka jogi

Kitnay he kafir chupa rakhay hain mehrab ney

Ajeeb bat hai woh qatal ker kay bhi masoom thehra

Kitnay he raz chupa rakhay hain us kay mehrab ney

Tallab jannat ki Nazir kabhi na kerta

Ger daraya na hota khuda kay azab ney

Janay Walay Ja Chukay

Janay Walay Ja Chukay 

Yaad Kay Badal Cha Chukay

Rota Kia Hai Manzil Ko 

Panay Walay Pa Chukay 

Apne Mukadar Ka Dana

Panchi Bhi Sub Kha Chukay

Khud Ko Aab Tuo Khaak Mein 

Milanay Walay Mila Chukay 

Dunia Say Rishta Keisa 

Bhoolnay Walay Bhula Chukay

Apni Har Nishani Ko 

Mitanay Walay Mita Chukay 

Jatay Jatay Har Ek Baat

Samjhanay Walay Samjha Chukay 

Weeran Es Sheir Say Aaj 

Muskanay Walay Ja Chukay 

Kia Karoon Mera Yeh Dil 

Bhelanay Walay Ja Chukay

Gheiron Ki Es Basti Mein 

Apnanay Walay Ja Chukay

Aab Zamanay Say Tujeh Ko 

Chahanay Walay Ja Chukay

Sambhal Mariam Aab Tujhe 

Thamnay Walay Ja Chuke

Janay Walay Ja Chuke

Dil udhaas hai bahut koyi paigaam hi likh do

Dil udhaas hai bahut koyi paigaam hi likh do

Tum apna naam na likho, gum-naam hi likh do

Meri qismat mein gham-e-tanhayi hai lekin

Tamaam umr na likho magar ek shaam hi likh do

Zuroori nahi ki mil jaaye sukoon har kisi ko

Sare-e-bazm na aao magar benaam hi likh do

Ye jaanta hoon ki umr bhar tanha mujhko rehna hai

Magar pal do pal, ghadi do ghadi, mere naam hi likh do

Chalo hum maan lete hai ke sazaa ke mustahiq thahre hum

Koyi enaam na likho koyi ilzaam hi likh do

Aye Khuda Tune Mohobbat Ye Banai Kyun Hai

Aye Khuda Tune Mohobbat Ye Banai Kyun Hai

Gar Banaye To Mohobbat Main Judai Kyun Hai

Kyun Diya Pyar Mujhe Iski Zaroorat Kya Thi

Meri Barbadi Me Shamil Teri Hikmat Kya Thi

Meri Raahon Me Khushbu Ka Safar Rahta Tha

Dil Me Aabaad Gulabo Ka Nagar Rahta Tha

Jindgi Khar Bhari Rahome Layi Kyun Hai

Aye Khuda Tune Mohobbat Ye Banai Kyun Hai

Mai Hoon Bikhra Hua Gardish Me Sitare

Mere

Gam Ke Tufan Mai Dube Hai Kinare Mere

Na Khatavaar Na Mujrim Na Gunahgar Hoon Main

Sach To Ye Hai Ki Muhobbat Ka Parastar Hu Main

Aye Saza Phir bhi Mere Hisse Mein Aye Kyun Hai

Aye Khuda Tune

Mohobaat Ye Banae Kyu Hai

Mai Agar Rou To Sahra Ko Samandar Kar

Doon

Sakht Ho Jaoon Agar Mome Ko Pathar Kar Doon

Raakh Ho Jaye Jaha Mai Jo Agar Aah Bharu

Aasma Tutpade Tujse Jo Fariyad Karu

Etni Gaherae Mere Ishq Mai Aai Kyun Hai

Aye Khuda Tune Mohabbat Ye

Banaye Kyun Hai

Agar Banaye To Mohabbat Me Judai Kyun Hai......... .!!!

Kisi Ko Dekhne Ki Tamanna Main Ashkbaar Yeh Anakehen

Kisi Ko Dekhne Ki Tamanna Main Ashkbaar Yeh Anakehen

Kisi Ke Aahat Sun Ne Taras Rahe Yeh Kaan

Kisi Ke Mehak Saht Liye Hawa Ka Woh Jhonke Se Surakh Huve Rukhsaar

Kise Ke Intezar Ke Ghadiyan Ginete Huve Muskrahat Sajaye Yeh Lub

Kisi Ke Pyar Ko Mehsoos Ker Ne Bechain Yeh Dil

Kisi Ko Chune Ke Tamanna Liye Bechain Yeh Najuk Hath

Kisi Ke Sath Pyar Ke Raahon Main Chalne Bechain Yeh Naajuk Paav

Yaa Khuda In Palkon Ko Bund Ker Ke Un Ansuon Ko Aazad Ker De Ab

Woh Nahi Ayega……!!!!!!!!!!!!

Ek Bewafa Ko Hum Ne Is Dil Mein Jaga Di Thi

Ek Bewafa Ko Hum Ne Is Dil Mein Jaga Di Thi

Khuwabon Ki Duniya Apni Us Se Hi Saja Di Thi

Chaha Tha Us Ko Hum Ne Khud Se Bhi Bohat Barh Kar

Us Chahat Mein Hum Ne Ye Hasti Hi Mita Di Thi

Maloom Nahi Tha Hum Ko Woh Bewafa Bhi Hoga

Us Per Bharosa Karke Khud Ko Hi Saza Di Thi

Socha Tha Sath Mil Ke Kaatenge Zindagi Ko

Us Ne To Ek Pal Main Har Baat Bhula Di Thi

Kaisa Sitam Hai Dekho Woh Kab Se Judda Hai Mujh Se

Apni Zindagi Jis Ka Saya Sa Bana Di Thi

Kiya Tha Us Per Bharosa Kyun Hadh Se Barh Kar

Us Ki Jafa Ne Dil Mein Ek Halchal Si Macha Di Thi

mohabbat hum nahin kartay

tumhen aisa kyun lgta hai kay hum khud dhoondtay hain apnay rishton ko,

suno jana! kabhi aisa nhin hota,

tumharay or mere chahnay se kuch nhin hota,

kay sab rishtay, sabhi bandhan kahin pehlay se rakhay hain,

woh saaray aanay walay pal jo aakhir beet jatay hain,

jo hum se jeet jatay hain,

woh sab pehlay se rakhay hain,

samjh kar soch kar rakhay hain saray pal, sabhi rishtay,sabhi mosam,

mohabbat bhi to lamha hai, mohabbat bhi to mosam hai,

yeh kis ke dil pay utray ga?

kahan par kab khileyga, konsi galiyon main mehkay ga?

najanay konsa dil iskay rangon main fana hoga?

najanay konsa dil is lamhay ko patay he ghani tareekh galiyon ki musafat say raha hoga?

wazahat hum nhin kartay,

mohabbat hum nhin krtay,

kay yeh to jadugarni hai jo humko dhoond leti hai,

humen pehchan leti hai,

kisi masroof kamray main pari beekaar chezon say yeh humko chaan leti hai,

kabhi jab zakhm khalta hai,

bason or daftaron ki bheer main bhi yeh hamaray sath chalti hai,

lahu ki dhoop main chup chaap jalti hai,

hina ki khusbuon main jab utari hai hamari jaan leti hai,

yeh hum main bandh deti hai naye mosam, naye soraj, naye tare or khusbo,

yeh hum ko sonp deti hai koi aizaaz jiska maan rakhna farz hota hai,

yeh hum par bojh banti hai,

yeh hum par qarz hota hai,

kahan, kis par nichawar jaan krni hai,

yeh chahat hum nhin kartay,

suno jana! mohabbat hum nhin krtay….

wo zindgi wo khawab tha wo ashiqui ik azab tha

wo zindgi wo khawab tha

wo ashiqui ik azab tha

kal aya tha wo mangnay

phir se apnay liye magar

mai kia karoon kaisay karoon

wo smjhta hi nai hai ye k 

her bar mai man laiti hn

her baat uski magar ye kia

k roz wo a jata hai

mujhse kuch hi mangnay

jo manga usnay kal ye dost

mai kaisay doon 

mai kion wo doon

jisk liye mai tarap gai

meri subah-o-sham b laraz gai

jise bhoolna mumkin nai

mri adatoun ko wo janta hai

hath khali kisi swali k

meray Dar se kabhi lotay nai

kal phr b us ne mang liya

itni asani s wo keh gea

k aj mai usko JUDAII doon

Karo gy yaad tum ik din mhbt k zamanay ko

Karo gy yaad tum ik din mhbt k zamanay ko,,

Chalay jaen gay jis din hum kabhe wapas na aanay ko,, 

Kise mehfil mein cheray ga hamara zikr jub koe,,

Chalay jao gay tum tanhae mein aansoo bahanay ko,, 

Ghataen parbaton pe ghuk k jb ulfat nibhaen ge,,

Taras jao gay sawan mein hamaray paas aanay ko,, 

Nazar k samnay jis ghare guzray ga kasid to,,

Hamaray khat puranay dhoondo gay dil se laganay ko,, 

KARO GAY yaad tum ik din mhbt k zamanay ko.

In Tanha Tanha Rahoun Per Mai Aksar Sochti Jati Hoon

In Tanha Tanha Rahoun Per 

Mai Aksar Sochti Jati Hoon

Jab Beeti Batain Yaad Aaein

Tu Khud Se Poochti Jati Hoon

Yeh Shehr Purana Lout Aya

Mehfil Mai Veerana Lout Aya

Ek Bheer Mai Logoun Ki Ab Mai

Kuch Dhondti Phirti Jati Hoon

In Tanha Tanha Rahoun Per

Mai Aksar Sochti Jati Hoon

Kaliyan,Phool,Shabnam Aur Mosam

Aj Bhi Buhat Suhanay Hain

Kuch Saal Pehlay Jo Daikha Tha

Sab Aj Bhi Waisay Anjanay Hain

Ehsas Bhi Ek Khilona Hai

Jab Chaho Jaisay Chor Hi Do

Is Dunia Mai Ek Khail Bhi Hai

Yeh Dil Hai Isko Tor Hi Do

Yunhi In Galiyoun Mai Aksar

Mai Akaili Sochti Jati Hoon

Jab Koi Humdam Na Milay To

Khud Ko Kosti Jati Hoon

In Tanha Tanha Rahoun Per

Mai Aksar Sochti Jati Hoon

Her Cheez Purani Waisi Hai

Bus Kuch Log Puranay Na Loutay

Kion Hoa Meray Sath Sitam

Mai Khud Se Poochti Jati Hoon

EK Rab Ka Hukam Samjh Ker Mai

Sab Kuch Bhoolti Jati Hoon

Phir Achanak Se Kuch Yaad Aya

Mai Phir Say Roti Jaati Hoon

In Tanha Tanha Rahoun Per 

Mai Aksar Sochti Jati Hoon

Logoun Ki Bheer Se Mera To

Ab Roz Guzarna Hota Hai 

Apna Guzra Kal Mai To 

In Mai Daikhti jati Hoon

Bachpan Mai Inhi Rahoun Se

Mai Parhnay Jaya Kerti Thi

Rastay Mai Her Ek Insan Se

Mai Khud Ko Uljhaya Kerti Thi

Chanchal Shok Adaen Thi

Paon To Hawa Mai Hotay Thay

Hasti Bhagti jati Thi

Mai Sab Ko Sataya Kerti Thi

Koi Dukh Meray Pas Na Tha

Mai Urti Fiza Ki Payal Thi

Jawani Ka Pehna Ker Taj Mujhko

Has Kay Lout Gea Bachpan

Ab Aksar Unhi Rahoun Per

Mai Chup Chap Chalti Jati Hoon

Apnay Masoom Bachpan Ko

Mai Khud Dhoraya Kerti Hoon

In Tanha Tanha Rahoun Per 

Mai Aksar Sochti Jati Hoon

Zindgi K Badaltay Is Andaz Ko

Mai Aksar Sochti Jati Hoon

Ansoun Ankhoun Mai Hotay Hain

Laboun Pay Muskurahat Sajati Hoon

Is Zamanay K Her Shaks K Agay

Mai To Bus Muskurati Hoon

Jo Bholoun Beetay Lamhoun Ko

To Khud se Larti Jati Hoon

Phir Kuch Waqt K Bad Hi

Phir Se Khud Ko Samjhati Hoon

Chaltay Chaltay Tanha Yunhi

Mujhko Phir Se Kuch Yaad Aya

Akaili Chalti Galiyoun Main

Mai Phir Se Roti Jati Hoon

In Tanha Tanha Rahoun Per 

Mai Aksar Sochti Jati Hoon

In Tanha Tanha.....

Jo chaha wo na mil saka jo na chaha wo mil gea

Jo chaha wo na mil saka

jo na chaha wo mil gea

aj bethi hoon is soch mai

k Khuda ko is se kia mil gea

wo jo chala gea

wo na a saka

wo jo a gea

wo na ja saka

meray husn ka gr kamal tha

mujhay hr ghum kion mil gea

daikho..!!

phir se mai sochti hoon

k Khuda ko is se kia mil gea..!!

NA YEH CHAHAT HAI MERI

NA YEH CHAHAT HAI MERI 

NA YE MUHABAT HAI MERI

HER KISI KO SAHARA DAINA

BUS YEH ADAT HAI MERI

KASH K TUM SAMJHO

MERAY DARD KI SHIDDAT KO

JIS ROZ CHAND PORA HO

CHANDNI CHEHRAY KO CHOTI HO

TUM BUS ITNA SAMJH LAINA

K AJ PHR HAWAON NAY

MERA ANCHAL URAYA HAI

yeh sach kaha tumnay k yeh achi hai mri ghazlain

yeh sach kaha tumnay 

k yeh achi hai mri ghazlain

likin itna to samjh jao

k koi ye kion likhta hai

kabhi khud se b pocha hai

tumhay ye kio pasand ai

is mai dard jo shaamil hai

tumharay seenay mai b dafan hai

mat bhago haqeqat se

yahi ik raz hai janam

jo teray dil mai chupa hai

mainay ye mehsos kia hai

zara tum tehar to jao

yun muskura kio rahay ho

chupana chahtay ho mujhse

tum zindgi apni

suno mai phir se kehti hoon

mai wo shaks hoon janam

jo tumhain bechain ker dayga

tumhain sonay nai day ga

tum majbor ho jaogay

mujhay sochnay per yar

mujse milnay ki chahat to 

teray dil mai hai ab jagi

likin yeh b tum sun lo

hum kabhi mil na paen gain..!!

bus yahi kehna hai humay tumsay ae dost

bus yahi kehna hai

humay tumsay ae dost

bharosa toot jae to

dil bechain hota

zindgi badal si jati hai

ansoun tarap se jatay hain

kabhi chahat jo kr bhaito

kisi shaks ko panay ki

na betab hona tum

bus mujhko pukar laina

chandni ka aks mai hoon jaan

tumharay pas aongi

tumhari mushkil mitaongi

suno ye na kehna tum

k kuch pal to ruk jao

mujhay buhat takleef hoti hai

jab mai hasnay lagti hon

kuch yad ata hai

mai phir tarapnay lagti hoon

buhat phir ronay kagti hoon

chandi bujh si jati hai

subah jag jati hai

bht hoti hai khush dunia

wo to yahi smjhtay hain

unhay neya din mila hai ik

magar koi na janay

beeti raat ka fasana..!!

Wo aks ban k meri chashm e tar main rehta hay

Wo aks ban k meri chashm e tar main rehta hay
Ajeeb shaks hay paani k ghar main rehta hay

Wohe to meri shab e gham ka ik sitara hay
Wo ik sitara jo chashm e seher main rehta hay

Jo mere hountoon pe aye to gungunao usey
Wo shair ban k biyaaz e nazar main rehta hay

Guzarta waqt mera gham gusaar kya hoga
Ye khud taaqub e shaam e seher main rehta hay

Mera he roop hay tu ghour se agar daikhe
Bagola sa jo teri rah guzar main rehta hay....!!!!!

jazb-e-kaamil ko asar apanaa dikhaa denaa thaa

jazb-e-kaamil ko asar apanaa dikhaa denaa thaa 

mere pahaluu me.n u.nhe.n laa ke biThaa denaa thaa 

kuchh to denaa thaa tere taGaaful kaa javaab 

yaa Khudaa ban ke tujhe dil se bhulaa denaa thaa 

tair-e-jaa.N ke sivaa kisako banaate qaasid 

us sitamgar ko paiGaam-e-qazaa denaa thaa 

dard mohataaj-e-davaa ho ye sitam hai yaa rab 

jab diyaa thaa to kuchh is se bhii savaa denaa thaa 

vo jo biga.De to Khafaa tum bhii hue kyo.n  

paa-e-nakhuvat pe sar-e-shauq jhukaa denaa thaa

na muhabaten na aadawaten humen kuch bhi yaad nahi raha

na muhabaten na aadawaten humen kuch bhi yaad nahi raha 
na sitam tera na navazishen humen kuch bhi yaad nhai raha 

teri dharkanoo ki rawaniyan teri dosti ki javaniyan 
na wo qurbaten na rafaqten humen kuch bhi yaad nahi raha 

humen zindagi ki haqiqatoon ne bhoola deye hein wo raat din 
na wo rahten na wo soobaten humen kuch bhi yaad nahi raha 

kahen badliyan kahen barishen kahen shokhiyan kahen nazishen 
tery shehr ki wo qyamten humen kuch bhi yaad nahi raha 

kabhi bhi parstesh-E-yaar mein na sawab tha na aazab thaa 
k na jany kiyun ki ibadaten humen kuch bhi yaad nahi raha 

kahen shaam ka tery aanchloon pe likha hova koi geet bhi 
kahen mosmoon ki ryazten humen kuch bhi yaad nhai raha 

usy dekhna use sochna usy chahna usy pojna 
dil-E-miztarib ki wo halten humen kuch bhi yaad nhai raha

Woh subah kabhi to aayegi

Woh subah kabhi to aayegi 

In kaali sadiyon ke sar sey jab raat ka aanchal dhalkega 

Jab dukh ke badal pighalengey jab sukh ka saagar jhalkega 

Jab ambar jhoom ke nachega jab dharati naghame gayegi 

Woh subah kabhi to aayegi... 

Jis subah ki khaatir jug jug sey hum sab mar mar ke jeeten hain 

Jis subah ke amrit ki dhun mein hum zahar ke pyaale peeten hain 

In bhuki pyaasi ruhon par ik din to karam farmayegi 

Woh subah kabhi to aayegi... 

maana keh abhi terey merey armanon ki qimat kuch bhi nahin 

Mitti ka bhi hai kuch mol magar insanon ki qimat kuch bhi nahin 

Insanon ki izzat jab jhutey sikkon mein na toli jaayegi 

Woh subah kabhi to aayegi... 

Daulat ke liye jab aurat ki ismat ko na becha jayega 

Chaahat ko na kuchala jayega, izzat ko na becha jayega 

Apney kaaley kartuton par jab yeh duniya sharmaayegi 

Woh subah kabhi to aayegi... 

Beeten-gey kabhi to din aakhir yeh bhuk ke aur bekaari ke 

Tooten-gey kabhi to but aakhir daulat ki ijarahdari ke 

jab aik anokhi duniya ki buniyad uthai jayegi 

Woh subah kabhi to aayegi... 

Majboor burhapa jab sooni raahon ki dhool na phankega 

Maasoom larakpan jab gandi galiyon mein bhuk na mangega 

Haque mangne walon ko jis din suli na dikhaee jayegi 

Woh subah kabhi to aayegi... 

Faqon ki chitaaon par jis din insan na jalayen jayengen 

Seeney ke dahakatey dozakh mein armaan na jalaye jayengey 

Yeh narak sey bhi gandi duniya, jab swarg banaee jayegi 

Woh subah kabhi to aayegi...

Chaand Gehna Gaya Taqdeer Ki Peshaani Ka

Chaand Gehna Gaya Taqdeer Ki Peshaani Ka

Zindagi Teera.o.Tareek Shab-e-Taar Ki Hay

Koi Nannhi Si Ramaq Bhi Nahi Umeed Ki Ab

Koi Gul Khil Nahi Sakta, Yeh Fasl Khaar Ki Hay

Ham To Samjhay Thay Baharo'n Mai'n Milay Gi Manzil

Kisay Maloom Tha Yeh Raah, Soo-e-Daar Ki Hay

Kabhi Aankho'n Main Saja'ey Thay Bouhat Khuaab Magar

Ab Her Ik Khuaab, Her Ik Raat Be'Qaraar Si Hay

Teri Yaado'n Kay Tasalsul Mai'n Huway Gum Aesey

Thi Khiza'n Chaar Su, Samjhay Kay Rutt Bahaar Ki Hay

Umr Bhar Uss Say Jafao'n Kay Gilay Kartay Rahay

Tum Nay Yeh Bhi kabhi Dekha, Woh Sharmsaar Bhi Hay.?

soey hoey log achey hotey hain

soey hoey log achey hotey hain 

keh woh kuch bhi naheen poochtey 

na aalimon key be,maani alfaaz 

na hukm raanon ki maani khaiz harkaat 

un key kaan be khabar 

or hont be zarrar hotey hain 

jabhi to ziyada sey ziyada 

logon ko sula dia jata hey 

keh issi main 

jaagney waalon ki bhalaai hey

bohat kuch us se kehna hai bohat sara chupana hai

bohat kuch us se kehna hai 

bohat sara chupana hai 

usey ik din batana hai 

k tere husn k peechey 

meri deewnagi ka ik qissa hai 

tere haathon 

teri zulfon 

terey honton ki surkhi me mera bhi aik hissa hai 

usey ik din batana hai 

tmhari unglion ki surkh poron ko 

hatheli k katoron ko 

ye merey hont choo leney ki hasrat me tarastey hain 

k arman aankhon se barastey hain 

bohat sara chupana hai 

mager itna batana hai 

teri aankhon ki galion me merey din ka thikana hai 

ager is baat se naraz hota hai to hojaye 

meri raaton ko ashkhon me dubo jaye 

woh kho jaye!! 

mager itna to hojaye 

kisi iqdam se pehle 

usey me yaad to aaon 

kisi bhi naam se pehley 

usey me yaad to aaon ...!!!

bohat kuch us se kehna hai bohat sara chupana hai

bohat kuch us se kehna hai 

bohat sara chupana hai 

usey ik din batana hai 

k tere husn k peechey 

meri deewnagi ka ik qissa hai 

tere haathon 

teri zulfon 

terey honton ki surkhi me mera bhi aik hissa hai 

usey ik din batana hai 

tmhari unglion ki surkh poron ko 

hatheli k katoron ko 

ye merey hont choo leney ki hasrat me tarastey hain 

k arman aankhon se barastey hain 

bohat sara chupana hai 

mager itna batana hai 

teri aankhon ki galion me merey din ka thikana hai 

ager is baat se naraz hota hai to hojaye 

meri raaton ko ashkhon me dubo jaye 

woh kho jaye!! 

mager itna to hojaye 

kisi iqdam se pehle 

usey me yaad to aaon 

kisi bhi naam se pehley 

usey me yaad to aaon ...!!!

Main girrah mein bandh k haadsat,nikal para tairee khoj mein

Main girrah mein bandh k haadsat,nikal para tairee khoj mein 

Kahi'n tarkol ki thi sadak jahan aag bant-ti dhoop thi 

Kabhi kachi rah ki dhool mein jahan saans laina muhaal tha 

Sir-e-rizm-e-jaa'n kabhi dil k dard say haar ker 

Main to khanqaoo'n pay mangta phira man-ntain 

Kabhi raat raat basar duaoo'n main ho gaee 

Kabhi qaaflay mairee aas k kisi dasht-e-yaas main kho gay 

Mara pairhan tha phata howa kahi'n gard gard atta howa 

Main adhooray pan k saraab main 

Tujhay dhondta phira dar badar 

Kisee ajnabi k diyaar main 

Koi dukh mila kisee mod pay,koi gham mila kisi chok main 

Kisi rah guzar k sakoot main koi dard aa k dara giya 

Kabhi chal para,kabhi ruk giya,kisi kashmakash k ghubar mein 

Mujhay kia mila tairay piyar mein 

Main girrah main bandh k haadsat 

Kahi'n gum howa tairee khoj main!!

ek cheharaa saath saath rahaa jo milaa nahii.n

ek cheharaa saath saath rahaa jo milaa nahii.n 

kisako talaash karate rahe kuchh pataa nahii.n 

shiddat kii dhuup tez havaao.n ke baavajuud 

mai.n shaaKh se giraa huu.N nazar se giraa nahii.n 

aaKhir Gazal kaa taajamahal bhii hai makabaraa 

ham zindagii the hamako kisii ne jiyaa nahii.n 

jisakii mukhaalafat hu_ii mashahuur ho gayaa 

in pattharo.n se ko_ii pari.ndaa giraa nahii.n 

taariikiyo.n me.n aur chamakatii hai dil kii dhuup 

suuraj tamaam raat yahaa.n Duubataa nahii.n

wafaa ke Khvaab muhabbat kaa aasara le jaa

vafaa ke Khvaab muhabbat kaa aasara le jaa 

agar chalaa hai to jo kuchh mujhe diyaa le jaa 

maqaam-e-suud-o-ziyaa.N aa gayaa hai phir jaanaa.N 

ye zaKhm mere sahii tiir to uThaa le jaa 

yahii hai qismat-e-saharaa yahii karam teraa 

ki buu.Nd buu.Nd ataa kar ghaTaa ghaTaa le jaa 

Guruur-e-dost se itanaa bhii dil_shikastaa na ho 

phir uTh ke saamane daaman-e-iltajaa le jaa 

nadaamate.n ho.n to sar baar-e-dosh hotaa hai 

'Faraz' jaa.N ke evaz aabaruu bachaa le jaa

Phir wohi subha Phir wohi shaam

Phir wohi subha 

Phir wohi shaam 

Phir wohi raat 

wohi Sapna 

Her pal mein 

Tera rusta dekhta rehta hon 

Mien Pehroon taktey rehta hon 

Laikin aik anokhay wahum ka jhonka 

Meri neend urra daita hai 

Ankh khooli tu tujhe na paa ker 

Mein kitna baichain hota hon 

Ab na woh ghar,na woh shaam ka tara 

Ab na woh raat, na woh sapna 

Aaj woh seaari saanp bani hai 

Kal jahan khushboo ka pehra tha 

Bhoola nahin woh shamm-e juddai 

Mein iss janab tu uss janab 

Bhoola nahin uss raat ki dahshat 

Jab patta patta pather ka bana 

yuoun ghuzri woh raat bhi jaise 

Sapney mein sapna dekha shaaid!

Dil ki dharkan hai khayaloon main merey rehta hai

Dil ki dharkan hai khayaloon main merey rehta hai

koun hai wo jo sawaaloon main merey rehta hai

jisko dekha na kabhi us sey wafa karta hoon

dil ke aainey mai main us sey mila karta hoon

main nahi jaanta ye kis ki talab hai mujhko

kis ka armaan iraadon main merey rehta hai

khawaab hai wo mera taabeer dilaoun kesey

apni hasrat ko main taqdeer banaun kaisey

mujh ko milta hai sakoon uska tassawar karke

wo ishara jo isharoon main merey rehta hai

kiski tareef main likhi ye ghazal kiya janoo

kisko kehta hoon mohabat ka kanwal kiya janoo

main tu bas aik hi umeed main rahta hoon sada

usko dekhoon jo nazaroon main merey rehta hai

Teri aakhon se hi Khulte hain saveroN ke ufaq

Teri aakhon se hi Khulte hain saveroN ke ufaq 

Teri aakhoN se hi band hoti hai ye seep ki raat 

Teri aakheiN hain ya sajday mein ho Masoom namazee 

Palkein Jhukti haiN to yuN goonj ke uthti hai Nazar 

Ki mandir se jaras ki chale namnaaq hawa 

Aur Band hoti hain to yuN lagta hai ki aazaan Khatm hui ho 

Teri sahmi hui Thahri hui ye jheel si aakhein 

Teri aakhoN se hi takhleeq hui hai Sachai 

Teri aakhoN se hi takhleeq hui hai ye hayat

Woh apna to hai par usay apna keh nahi sakta

Woh apna to hai par usay apna keh nahi sakta, 

Woh ik pal ko bhi rothe main seh nahi sakta 

Pyar jitna bhi ho pyar hee rehta hai, 

Samandar kabhi nadee main beh nahi sakta 

Jo aaj hai us main he khush raho usko he jyo, 

Kal kaisa ho aur kia ho koe kuch keh nahi sakta 

woh tujhay milay na milay yeh baat sach hai, 

Tuu uske bina woh teray bina reh nahi sakta

Main hoon suraj ki paristar mere sath na chal

Main hoon suraj ki paristar mere sath na chal

Dekh le ai saya-e-dewaar mere sath na chal 

Faisla kerne main takhir hoi hai tujh se

Dobti nao main mere sath us paar na chal 

Tere hote meri pazaib ko kuch hota hai

Koi sun le na ye jhankar mere sath na chal 

Mujh ko tanhai ke jangal se guzerna hai

Tujh ko khauf aye ga is bar mere sath na chal

Kuch Masoom Say Jazbey Hain

Kuch Masoom Say Jazbey Hain, 

Kuch Un-dekhay Sapney Hain, 

Mager Woh Naheen Janta Shayad...!!! 

Meri bhi Zindagi To ............ .Hai..!!! !!! 

Tufan mein kashti ko kinare bhi milte hain 

jahaan mein logon ko sahare bhi milte hain 

duniya mein sabse pyari hai zindagi 

kuch log zindagi se pyare bhi milte hain. 

Har kadam pe imtihaan leti hai Zindagi 

Her waqt naye sadme deti hai Zindagi 

Hum Zindagi se shikwa kaise kare? 

Aap Jaise Pyaare Dost Bi tho deti hai Zindagi. 

Zindagi mein hamesha naye log milenge 

Kahi Zyaada tho kahi kam milenge 

Aitbaar zara sochkar karna 

Mumkin nahi her jagah tumhe hum jay sa hi dost milegi

bikharate Tootate lamhon ko apanaa ham-safar jaanaa

bikharate Tootate lamhon ko apanaa ham-safar jaanaa 

thaa is raah mein aaKhir hamein khud bhee bikhar jaanaa 

havaa ke dosh par baadal ke Tukarhe kee tarah ham hain 

kisee jhonke se poochheinge ki hai ham ko kidhar jaanaa 

mere jalate hue ghar kee nishaanee bas yahee hogee 

jahaan is shahar mein raushanee dekho Thahar jaanaa 

pas-e-zulmat koee suuraj hamaaraa muntazir hogaa 

isee ek vaham ko ham ne chiraag-e-rahguzar jaanaa 

dayaar-e-Khaamosh se koee rah-rah kar bulaataa hai 

hamein "Makhmoor" ek din hai isee aavaaz par jaanaa

Main kisi kamsin ki aankho ka khwab hun

Main kisi kamsin ki aankho ka khwab hun,

Mujhko sharaab na do main khud sharaab hun.

Jalwa tujhe mila hai to husn e nazar mujhe,

Mera jawab tu hai main tera jawab hun.

Tujhko sukun naseeb mujhe beqaraariyan,

Tu chand hai, main jalta hua aaftaab hun.

Dil ka warak warak hai tumhara hi aaina,

Jisme tumhara zikr hai main wo kitaab hun.

shahar shahar me ruswa hu isliye

Kuch to mijaz shokh hain kuch behijab hun

tujhe izhar mohabbat se agar nafrat hai

tujhe izhar mohabbat se agar nafrat hai

tu ne honton ko larazne se to roka hota

be niyazi se magar kanpti awaz ke sath

tu ne ghabra ke mera naam na poocha hota

tere bas mein thee agar mashal jazbat ki lau

tere rukhsar mein gulzar na bharka hota

yon to mujh se hoyen sirf ab-o-hawa ke baten

apne toote hoye fiqron ko to parkha hota

yonhi be wajhe thithakne ki zaroorat kya thee

dam kukhsat agar yaad na aya hota

tera gamaz bana khud tera andaz khiram

dil na sambhla tha to qadmon ko sambhala hota

apne badle meri tasveer nazar aa jati

tu ne us waqt agar aaiina dekha hota

hosla tujh ko na tha mujh se juda hone ka

warna kajal teri ankhon mein na phaila hota

ye kyaa ke ek jahaan ko karo vaqf-e-iztaraab

ye kyaa ke ek jahaan ko karo vaqf-e-iztaraab 

ye kyaa ke ek dil ko shakebaan na kar sako 

aisaa na ho ye dard bane dard-e-laazaval 

aisaa na ho ke tum bhii mudaavaa na kar sako 

shaayad tumhen bhii chain na aaye mere baGair 

shaayad ye baat tum bhii gavaaraa na kar sako 

kyaa jaane phir sitam bhii mayassar ho na ho 

kyaa jaane ye karam bhii karo yaa na kar sako 

allaah kare jahaan ko merii yaad bhuul jaaye 

allaah kare ke tum kabhii aisaa na kar sako 

mere sivaa kisii kii na ho tum ko justajuu 

mere sivaa kisii kii tamannaa na kar sako 

ye kyaa ke ek jahaan ko karo vaqf-e-iztaraab

ye kyaa ke ek jahaan ko karo vaqf-e-iztaraab 

ye kyaa ke ek dil ko shakebaan na kar sako 

aisaa na ho ye dard bane dard-e-laazaval 

aisaa na ho ke tum bhii mudaavaa na kar sako 

shaayad tumhen bhii chain na aaye mere baGair 

shaayad ye baat tum bhii gavaaraa na kar sako 

kyaa jaane phir sitam bhii mayassar ho na ho 

kyaa jaane ye karam bhii karo yaa na kar sako 

allaah kare jahaan ko merii yaad bhuul jaaye 

allaah kare ke tum kabhii aisaa na kar sako 

mere sivaa kisii kii na ho tum ko justajuu 

mere sivaa kisii kii tamannaa na kar sako