suno! tum yaad mat karna

suno! tum yaad mat karna 

agar hum mar bhi jain tu 

dill-e nashaad ko phir sey 

na tum bar baad ab karna 

humain tum yaad mat karna 

k ye yaadain tu jism-o roh ka 

nasoor hoti hain 

humarey wastey jevan ko yoon 

be-noor mat karna 

humain tum yaad mat karna 

agar hum chor k tum ko 

manoo mati main so jain 

humaari aankh bojhal ho 

aur hum nendoo main kho jain 

humarey khwaab ko ankhoon main 

phir aabad mat karna 

suno! tum yaad mat karna 

humarey wastey jevan ko yoon 

barbaad mat karna

Jaanay kia mila yeh naseeb

Jaanay kia mila yeh naseeb

* Zindagi say ab yeh kah * Kah gum hua kion saza

* judai kaisay mili

* Her aas tute gai

* Na koi apna raha

* Jo aankhain dakhti thien

* Na ab woh sapna raha 

* Jo aansu pouchtay hain

* Chupaoon kaisay woh main

* Churaoon kaisay woh main

* Zindagi say ab yeh kaho

* Kah gum hua kion saza

* Yeh durion ka safar

* Akalay kaisay karoon

* Ajeeb dukh hain maray

* Jalaay dhoop mujay

* Na saya saath rahay

* Yeh aahaton ki sada

* Jo day rahi hay pata

* Yahan to koi nahi

* Kah khoo gai hay khushi

* Sanam tumharay liay

* Woh sub kia hum nay

* Jo koi ker na saka

* Huay badnaam bohat

* Phir bhi chaha hay tumhain

* Tum ko ehsaas nahi

* Jo maray pass thay kal

* Ab koi pass nahi

* Zindagi raas nahi

* Zindagi say ab yeh kaho

* Kah gum hua kion saza

* Jaanay kia mila yeh naseeb

buhat din se! mujhe kuch an-kahe al-faaz ne

buhat din se! 

mujhe kuch an-kahe al-faaz ne be-chain rakkha hai 

mujhe soone nahi dete 

mujhe hansne nahi dete 

mujhe roone nahi dete 

yuon lagta hai 

ke jese saans seene men kahen tehri hoi hai 

yuon lagta hai 

ke jese taiz garmi men 

zara si dair ko baarish baras kar ruk gaye ho 

ghutan chaaron taraf phaili hoi hai 

buhat din se 

meri aankhon men sapnon ki 

koi dooli nahi utri 

buhat din se 

khyaalon men,dabe paaon 

koi apna nahi aaya 

buhat din se 

mere jazbaat 

jo meri shaairy ke mousamon men rang bharte the 

kahen khoye huway hen 

mere alfaaz bhi soye huway hen 

men unko dhoondhne is zindagi ke dasht men nikla tou hon lekin, 

mujhe maloom hai, jazbay! 

agar ek baar kho jaain 

tou phir wapis nahi milte 

mujhe maloom hai phir bhi! 

abhi ek aas baaqi hai 

men ab is aas ki ungli pakar kar chal raha hon 

ba-zaahir shabnami thandak mujhe ghairay huway hai 

magar men jal raha hon 

men ab tak chal raha hon...!!!

Suno Jo Dil Mein Baat Hay Keh Do

Suno...

Jo Dil Mein Baat Hay Keh Do

k Kab Se Muntazir Hain Hum

Tumhary Chand Lafzoon k

Ajab Ik KashMakash Mein Hain

Ya To Tum Hum Ko Qaid Kar Do

Ya Phir Azad Kar Do

Jo Dil Mein Baat Hay Keh Do

k Jazba Koi b Ho

Izhaar Ka Muhtaaj Hota Hay

Suno...

Ab Bol b Do

Wagarna Yeh Moka

Hathoon Se Kho Baithy

To Pachtao Ge

Chalo Ab Keh b Do Hum Se

Karo Ab Tum Humy Saraab

Apny Lafzoon Ki Barish Se

Suno...

Hum Muntazir Hain...!!!

tumhen jab kabhi milay fursat mere dil se bojh utar do

tumhen jab kabhi milay fursat mere dil se bojh utar do,

mein boht dino se udas hun mujhe koi sham udhar do,

*mujhe apne roop ki dhoop do,ke chamak sakein mere khad-o-khal,

mujhe apne rung mein rung do,mere sare rung utar do,

*kisi or ko mere hal se na gharz hai na koi wasta,

mein bikher gya hun samait lo,biger gya hun sanwar do,

*meri weh'shaton ko badha diya hai,judaiyon ke azab ne,

mere dil pe hath rakho zra,meri dharkano ko qarar do,

*tumhen subha kaisi lagi kaho meri khuahishon ke diyar ki,

jo bhali lagi to yahin raho isay chahaton se sanwar do,

*koi baat kerni hai chaand se kisi shakhsar ki oat mein,

mujhe raaste mein yahin kahin kisi kunj-e-gul mein utar do...

sochate aur jagate sansoun ka ik dariya huun main

sochate aur jagate sansoun ka ik dariya huun main 

apane gumgashta kinaroun k liye bahata huun main 

jal gaya saaraa badan in mausamoun kii aag mein 

ek mausam ruuh ka hai jis mein ab zinda huun main 

mere honthoun ka tabassum de gaya dhokhaa tujhe 

tuune mujhako bagh jana dekh le sehara huun main 

dekhiye merii paziraaii ko ab aataa hai kaun 

lamha bhar ko vaqt kii dahaliiz par aayaa huun main

Kitaabein jhaankti hain band almaari ke sheeshon se

Kitaabein jhaankti hain band almaari ke sheeshon se 

badi hasrat se takti hain 

mahino ab mulakaatein nahin hoti 

jo shaamein inki sohbat mein kata karti thi 

ab aksar 

guzar jaati hai computer ke parde par 

badi baichen rehti hain kitaabein 

inhein ab neend me chalne ki aadat ho gayee hai 

badi hasrat se takti hain 

Jo kadrein wo sunaati theen 

ki jin ke Cell kabhi marte nahin the 

wo kadrein ab nazar aati nahin ghar mein 

jo rishte sunati theen 

woh saare udhade udhade hain 

koi safahaa palat-ta hoon to is siski nikalti hai 

kai lafzon ke maane gir pade hain 

bina patton ke sookhe tund lagte hain wo sab alfaaz 

jin par ab koi maane nahin ugte 

bahut si istalaahein hain 

jo mitti ki sikoron ki tarah bikhri padee hain 

gilaason ne unhein matrook kar daala 

zubaan par zaaika aata tha jo safahe palatane ka 

ab unglee click karne se bas ik 

jhapkee guzarti hai 

bahut kuchh tah-b-tah khulta chala jaata hai parde par 

Kitaabo se jo zaati raabta tha, kat gaya hai 

kabhi seene pe rakh ke lait jaate the 

kabhi goud mein le lete 

kabhi ghutno ko apne rihal ki surat bana kar 

neem sajde mein padha karte the, chhote the zabeen se 

wo saara ilm to milta rahega baad mein bhi 

magar wo jo kitaabo mein mila karte the sookhe phool 

aur mahke hue rukke 

kitaabe mangne, girne, uthane ke bahaane rishte bante the 

unka kya hoga 

wo shayad ab nahin honge

Kuch din pehle mohabbat ko mohabbat samjha hum ne

Kuch din pehle mohabbat ko mohabbat samjha hum ne..

Muhabbat hui mohabbat ko apna samjha hum ne..

Mohabbat main is qadar madhosh ho Gaye..

Is ki bewafai ko wafa samjha hum ne..

Zakham is qadar mohabbat ne diye..

In zakhmo ko phool samjha hum ne..

Mohabbat ki chikh o pukaar is qadar thi..

 pass ke logo ki roone ko asna samjha hum ne..

Mohabbat ki shidat main aankhen iskadar chandiya Gaye..

Har chamakti hui chiz ko sona samjha hum ne..

Dewaana is qadar mohabbat ne bannaya humko..

Apno ko begana aur un ko apna samjha hum ne..

Mohabbat ki yaadein dil par kuch yon naksh kar Gaye..

Bhulane ki khoshish main Khod ko hi bhula diya hum ne.......

Kabhi tum ne nahi socha

Kabhi tum ne nahi socha...! 

Yeh Aankhain chor hoti hain 

zabaan-e-shoq ban jati hain 

Kanoo'n mein Dharakti hain 

Kahi'n likkhaa nahi jo aaj tak 

Yeh Woh bhi parhti hain 

Magar jab Zabt ka lamha 

Koi humko Nibhana ho 

Tou bilkul Haaar jati hain 

Bohat kamzoor hoti hain 

Yeh Aaankhai'n Chor hoti hain...! 

kabhi tum ne nahi socha ...????

Amar Kar Lo Wo Sab Lamhe

Amar Kar Lo Wo Sab Lamhe,

Jo Hune Yun Guzare Hai, 

Saher Kar Lo Wo Sab Raatein,

Jahan Apni Hi Duniya Thi, 

Jahan Saansein Bhi Apni Thi, 

Jahan Sapne Bhi Apne The, 

Safar Kar Lo Wo Sab Raste, 

Jahan Kuch Bhi Wafayein Hai, 

Jahan Khushbu Hai Pyaron Ki, 

Jahan Yaadein Hai Yaaron Ki, 

Fikr Kar Lo Zara Ek Pal 

Ke Tumne Kisko Khoya Hai, 

Use Tum Tum Dhund Paoge

Kabhi Phir Dekh Paoge

Thaher Jao Jahan Ho Tum, 

Ke Us Din Tum Adhure Ho, 

Kabhi Phir Mil Na Paoge,

Use Dhundoge Yaadon Mein,

Use Is Pal Bula Lo Tum, 

Ke Ye Lamhe Tumhare Hai...

Shaam Furqat Dhalay Hum Nahi Chahtay

Shaam Furqat Dhalay Hum Nahi Chahtay

Ghum Say Fursat Milay Hum Nahi Chahtay

Phir Naya Waar Sehnay Ko Tayar Hain

Tu Parishan Rahay Hum Nahi Chahtay

Aaj Ansoo Bahanay say Maat Rookay

Aaj Barish Tamay Hum Nahi Chahtay

Hum Teray Baad Ujray Hoay Thik Hain

Ab Kahin Dil Lagay Hum Nahi Chahtay

Teray Pekar Ko Hum Dekhtay Hi Rahain

Tu Nazar Say Hatay Hum Nahi Chahtay

Kis Qadar Dil Nasheen Hai Yeh Mojon Ka Shoor

Ghum Ka Darya Rukay Hum Nahi Chahtay

Iss Qadar Pyar say Tu Pukara na Kar

Aag Dil Ko Lagay Hum Nahi Chahtay~!!

us nay jo dikhaye thay be khawab aankhon ko

us nay jo dikhaye thay 

be khawab aankhon ko 

khawab ab ke wo saray 

is tarah se tootay hain 

jis tarah koi shesha 

hath se *** ker 

kirchi kirchi ho jaye 

ja-baja bikhar jaye 

ab aisay khawaboon ko 

chun ke hum nay kia kerna 

kirchioon ko chun-nay se 

poorain zakhmi kia kerna 

tootay hoay khawaboon ko 

aankhoon main ab kia bharna 

ab jo in khawaboon ko 

aankh main basaya too 

aankhain andhi ker baitho gay 

khud ko tanha ker baitho gay 

aao ke yoon kertay hain 

phir se dil ki suntay hain 

tootnay bikarnay ko 

koi ehd kertay hain 

phir se khawab buntay hian

sabr ka payaam aur besabr insaan

sabr ka payaam aur besabr insaan, 

yeh sabr hi hamein tarpaata hai 

mausam badalte rehte hain, 

aur waqt guzarta jaata hai 

mayoosi mein hum baithe hain, 

har khoya lamha dil dukhaata hai 

sab kaam adhure rehte hain, 

ab kaam se kaun dil lagaata hai? 

log hum pe haste hain, 

aur yeh zaalim zamana rulaata hai 

kehte hain log hum se aksar, 

insaan khud apni takdeer banaata hai 

jab sab raaste band hote hain, 

to Khuda ka raasta dil bhehlaata hai 

wo Furqan ko hum na pehchaan sake, 

hum andhon ko kya nazar aata hai? 

mai dil dimaag se mazoor hoon, 

mujhe rone ke siwa kuch nahin aata hai 

koi nahin sunnaa chahta Mousey, 

yeh fasana tu kisko sunaata hai?

maine dekha tha un dino mien usse

maine dekha tha un dino mien usse 

jab wo khiltay gulab jesa tha 

uski palkoon se neend chanti thi 

us ka lahja sharab jesa tha 

us ki zulfoon se bhegti thi ghatta 

us ka rukh mahtaab jesa tha 

log parhtay thay khal o khad us ke 

wo adab ki kitab jesa tha 

bolta tha zaban khushbu ki 

log suntay thay dharkanooon mien usse 

mien dekha tha un dino mien usse 

sari ankhien thein aainay uske 

saray chahroon mien intekhab tha wo 

ye haqeqat hai ke koi khawab tha wo 

sab se ghul mil ker ajnabi rahna 

ek dariya numa serab tha wo 

meri neendien bhi uski nazr hoein 

meine paya tha ratjagoon mein usse 

meine dekha tha un dino mien usse 

jab wo hans hans ke raat karta tha 

dil ke khemay mein raat karta tha 

rang parhtay thay aanchaloon mien usse 

miene dekha tha un dino mien usse 

ye magar daer ki kahani hai 

ye magar daer ka fasana hai 

abh us ke aur mere milaap ke haail 

sadiyon bhara zamana hai 

abh ke haal apna bhi dasht e hijra ki shaam jesa hai 

najanay in dino wo kesa hoga?? 

men dekha tha un dino mein usse

Khubsoorat tum bhi lag rahi hogi

Khubsoorat tum bhi lag rahi hogi

Khubsoorat main bhi lag raha honga

Marne Ki Duaein Koun Mangoon,

jeenay Ki Tamana Kon Karain..

Yeh Duniya Ho,Ya Wo Duniya

Ab Khuwahish Duniya Kon Karey.

jo Agg Lagaee Thi Tum Ne..

Us ko tuh Bhujaya Ashko'n Ne

jo Ashko'n Ne Bherkaee Hay,,

Us Agg Ko Thanda Kon Karey.

jab Kashti Sabit-o-Salim Thi,

Sahil Ki Tamana Kis Ko Thi.

Ab Aeise Shikista Kashti Per,

Sahil Ki Tamana Kon Karey..

Duniya Ne Humein Chora.

Hum Chor Na Dein Kiun Duniya Ko..

Duniya Ko Samajh Ker Bethay Hein,

Ab Duniya Duniya Kon Karey.......

main sochta hoon kuch uss se kahoon

main sochta hoon kuch uss se kahoon 

koyee baat mohabat ulfat ki 

koyee baat sunehrey khabon ki 

koyee baat ke jiss ki rag rag se 

bay-nam si khushbu poot-thi ho 

pir sochta hoon kya hasil hai 

gar uss ko sab kuch keh be diya 

ye lafz hakarat jayengey 

mai sochta hoon aik geet likoon 

unn komal pyarey hathon par 

uss poolon waley anchal par 

jisey oorh ke wo ik pari lagey 

kabi sochta hoon koyee nazm kahoon 

bas jiss mai uss ki baten hon 

unn gehri gehri ankon par 

jin ankon mai kayee sadiyon ke 

kayi qisey hain afsaney hain 

pir aksar yooun be sochta hoon 

mai kuch na kahoon ye behtar hai 

har zakham chupa kar seeney mai 

bas dukh he sahoon ye behtar hai 

jahan lafz yaqeen se khali hon 

wahan chup he rahoon ye behter hai

Judayi deney walay tum se umeed-e-wafa kaisi

Judayi deney walay tum se umeed-e-wafa kaisi

Ta'alluq toot jaye jab

Mohabbat rooth jaaye jab

Tu phir rasm-e-dua kaisi

Millan ki iltijaa kaisi

Bhanwar mein dolti kashti pe saahil ki tamanna kya

Ukhartey saans hoon tao zindagi ki aarzoo bhi kya

Jo manzil kho chuki ho us ki phir se justujoo bhi kyon

Razaye dost per acha sar-e-tasleem kham karna

Sisakney se yehi behtur hai naumeed hi marna

Magar dil ne tumhien kis waastay se yaad rakha hai

Tumhein kyon shaayiri mein aaj tak abaad rakha hai

Abhi tuk main ne kyon khud ko bahut barbaad rakha hai

Hawa ke dosh per kyon naghma-e-fareyaad rakha hai

Judayi deney walay aashnaii ki qasam tum ko

Tumhari bewafai, kaj addaii ki qasam tum ko

Mujhe itna bata dena..........

Wafa ki chaahatoon ki masha'llain kaise bhujaatay hain

Nishaan kaise mitaatay hain

Bholaana ho jinhain unko bhala kaise bhulaatay hain... !!!

buzurgoon ki kahawat hai

buzurgoon ki kahawat hai 

kisi bhi pal k ruk jaane ki khwahish 

dil men mat rakhna 

yaqeen aur was-wasay k beich 

kathin,aasaan rastoon men 

na jaane 

zeest k kitne hi lamhe hen 

k jin ko rokna chaaha 

magar hum rook na paai 

phir aise dasht bhi aaye 

k jin ko paar karne men 

laga,saari umer guzri 

shumaar waqt men lekin 

yeh sab utne hi lamhe thay 

k jin ko rokne ki aarzo men 

yeh riwayat bhool baithe thay 

kisi bhi pal k ruk jaane ki khwahish 

dil men mat rakhna 

k jab mousam tehar jaain 

udaasi ban k roohon men 

tou phir umer e rawaan k 

saare mousam 

aik hi rang 

aik hi qalb men dhaltey hen 

barshaa baras dil k gird 

anookhi dhund k yeh jaal buntay hen 

jahaan koi sunehri yaad 

andar ja nahi sakti 

yeh mousam gar guzar jaai 

ro pehli chaandni ko 

rooh men ummeed ki barsaat ka 

rasta jo mil jaai 

tou saari umer sajdah raiz ho kar 

yeh dua maangoon 

koi mousam na ab tehray...!!!

Kabhi meri raaton se milo

Kabhi meri raaton se milo

aor merey sitaray gino

aor merey chaand ke adhoray-pan ka

qarb jhailo

aor meri neend ke aas main weeran raston per

ugi hoi

jungly, nokeeli, ghas ke war saho

aor kabhi mujhe......

mujhe nahi rehne do

aor bas....

kabhi meri raaton say milo~!!

Mujhe hunar-mand samajhne wale log

Mujhe hunar-mand samajhne wale log 

Aksar kahte hai 

Ki mein kai martaba 

Apni kalam ki tahreer se 

Hayaat ke falsafein 

Bayaa karta hun! 

Aur unke dilo pe 

Jindagi k boont ko ghudh deta hun!! 

Sochta hun! 

dil khol k hasaa jaaye! 

par savaal hai ki 

kis par hasoon?????? 

Unke bholepan pe, 

ya phir apni bebasi par!!! 

Bebasi ki Kash!!!!! 

kisi surat-e-haal mein, 

aisa ho paata!! 

Kash ek sanam-taraash ki tarah 

ek hath mein chhaini 

aur ek hath mein hathode ko tham kar, 

kuch patthar-dilo pe 

zindagi aur haqikat 

ki ek surat taraash deta!!!

abhi kya kahen abhi kya sunayen

abhi kya kahen abhi kya sunayen 

ke sar-e-faseel-e-sukuut-e-jaan 

kuf-e-roz-o-shab pe sharar numaa 

wo jo harf harf chiraag thaa 

use kis hawa ne bujha diya 

kabhii lab hilenge to poochhnaa 

sar-e-sahar-e-ahad-e-visaal-e-dil 

wo jo nikahaton kaa hujoom thaa 

use dast-e-mauj-e-firaaq ne 

tah-e-Khaak kab se milaa diyaa 

kabhii gul khilenge to poochhnaa 

abhii kyaa kahen abhii kyaa sunaayen 

yunhi Khuwahishon ke fishaar mein 

kabhii be sabab kabhii beKhalal 

kahaan kaun kis se bichhar gayaa 

kise kis ne kaise ganvaa diyaa 

kabhii phir milenge to poochhnaa~!!

Kisi rut ka koi dukh ho koi sukh ho..

Kisi rut ka koi dukh ho

koi sukh ho.. 

hamein mehsoos hota hai 

yehi "ehsaas" hone ki alamat hai 

hamari zindagani ki alamat hai.. 

tumhein hairaan hone ki zaroorat kia?? 

Chaley jao!! 

tumhein kia waasta is se?? 

ke hum tanhaiyon mein kis terah reh kar.. 

guzar auqaat karte hain?? 

tumhein ho kion gharaz is se.. 

ke jeete hain ke marte hein?? 

Chaley jao...!! 

hamare zakhm bharne ke nahi hain in dilason se.. 

koi daikhe tou kion daikhe?? 

ke kaise sabr aata hai..hamein tareek raaton mein.. 

koi daikhe tou kion daikhe? 

ke kaise mehev rehtey hain..hum apne saath baaton mein.. 

Chaley jao!! 

hamein mehsoos karne do.. 

hamara zakhm bharne do.. 

Mere humzaad aao tu..bhuja do roshniyan saari.. 

ghubar is dil ka nikle ga.. 

buhat tareek kamrey mein.. 

mujhe ab hichkiyan laite.. 

koi bhi daikh paey kion?? 

mere anjaam pae aakhir.. 

"wo chehra" muskuraey kion?? 

Chaley jao!! 

hamein to is samey ghar ke.. 

dar-o-deewar bhi achey nahi lagte.. 

Chaley jao!!

Mohabat main mohabat ko mohabat say sanvara hai

Mohabat main mohabat ko mohabat say sanvara hai 

Aye shayer-e-badnaam, yeh kahaaan tera ishara hai 

Jab utar hi gai hain ishq kah samandar main to phir 

Kissay hai parwa, kah milta kahaaan koi kinaara hai 

Kaisay kah doon man kah woh bewafa hai, jab kah 

Kuch hathon main likha hai kuch kismat ka sitara hai 

Kahta kiyun hai hazrat-e-naseh usay bhool janay ko 

Mudatton main to humnay unhai dil main uttara hai 

Aap millay hain itnay khaloos say hum par gai soch main 

Yeh hai meri ankhoon ka dhokka ya waqai koi hamara hai

Aankon me itne ask they k chupa bhi na pae

Aankon me itne ask they k chupa bhi na pae , 

koshish to boht ki magar usay bula bhi na paya; 

sanson ki dor jurhi thi kuch isterha se us se, 

k chah ker bhi usay me kabhi tor na paya; 

anaa k hathon kuch majboor hue me itna, 

k chah ker bhi me usay kabhi chah na paya; 

dil ne to boht chaha usey magar, 

khuda se mang ker bhi me usay mang na paya; 

us se to door ho gaya umer bhar k liye magar, 

dil se kabhi me usay utaar na paya; 

aankho me itne sapne sajaay thae kabhi, 

k chah ker bhi usko me kabhi mita na paya; 

dil ki diwaron per naam uska jara hai kuch isterha se, 

k chah ker bhi wakt ki dhool usay kabhi bhar na paya

Pehli pehli muhabbaton ka humaar

Pehli pehli muhabbaton ka humaar

baaton baaton me raat dhal jaaye

ab k dil me wo dard utra ha

gair mumkin ha aajkal jaaye

zindagi khush ha ter waadon per

jaise bache ka dil behel jaaye

hijr ki raat dhal gai "mohsin"

ab to dil se kaho sambhal jaaye ..

Ab Agar Aao To Jaane ke Liye Mat Aana

Ab Agar Aao To Jaane ke Liye Mat Aana 

Sirf Ahsaan Jataane ke Liye Mat Mana 

Maine Palkon Pe Tamannaen Saja Rakhi Hain 

Dil Par Umeed ki 100 Rasmen Jala Rakhi Hain 

Ye Hanseen Shamen Bujhaane ke Liye Mat Aana 

Pyar ki Aag Main Zanjeer Pighal Sakti Hai 

Chahne Walon ki Takdeer Badal Sakti Hai 

Hoon Bebas Ye Batane ke Liye Mat Aana 

Mujhse Milne ki Agar Tumko Nahi Chahat koi 

Tum Sirf Rasmen Nibhane ke Liye Mat Aana

Fursatoon main phir milna Beshumar batain hain

Fursatoon main phir milna 

Beshumar batain hain 

Jo tumhain batana hain 

Aur tum ko jana he 

Is tarhan ki BAtain to fursatoon main hoti hain 

Fursatoon main phir milna 

Tum ko kia batain hum 

Aur kia chupain hum 

BAat chund lafzoon main 

Ye khatam nahi hogi 

Dastaan-e-gham hai ye 

Jitna muqtasir kerlo 

Itne kum nahi hogi 

khuwab kaise hote hain 

Inko kaise bunte hain 

zindagi ke naqshe main 

rang kaise bherte hain 

Roozo shab khayaloon main 

kis tarhan guzertay hain 

aur phir lamhoon main............ 

Rang kion bikhertay hain 

khwab kaise mertay hain 

rooh se siwa hoker 

jaan o dil juda hoker 

saans kaise laite hain 

choor hoke zakhmoon se 

kaise muskurate hain 

zindagi bina marzi 

kis tarhan bitate hain 

Is tarhan ki batain to 

fursaatoon main hoti hain 

aur tum ko jaldi he 

fursatoon main phir milna

Tanha aesh kay khawab na bun

Tanha aesh kay khawab na bun

Kabhi humari bat bhi Sun

Thora ghum bhi utha piyare

Phool chune hain Khar bhi chun

Sukh ke Neendain Sone wale

Mehroomi kay rag bhi sun

Tanhai main teri yad

Jese aik sureli dhun

Jese chand ke thandi loo

Jese kiranoun ke gun mun

Jese jal pariyoun ka nach

Jese payal ke jhun jhun

Agar har chehre mein usika chehra nazar aata hain

Agar har chehre mein usika chehra nazar aata hain 

agar har baato par uski naam lete hain 

agar ise pyar kehte hain toh haan 

maine bhi kissi se pyar kiya tha.. 

agar kisike inthzaar karne mein samay nahin dykte 

agar vuski aane par dil jhoom uttha hain 

agar ise pyar kehte hain toh haan 

maine bhi kissi se pyar kiya tha.. 

agar kisike dhoor jane ke baadh unki yaad satati hain 

agar sab ke saat rehte huye bhi akele mehsoos kartein hain 

agar ise pyar kehte hain toh haan 

mane bhi kissi se pyar kiya tah.. 

khud mein khud baatein karna 

har pyarisi gaane par sirf hum donoka nazar aana 

agar ise pyar kehte hain toh haan 

Maine bhi kissi se pyar kiyahaah... 

agar uski dil mein pyar ki koyi jaga nahin 

phir bhi uski pyar ki intzaar karna 

agar ise pyar kehte hain to haan 

Maine bhi kissi se pyar kiya tha...

Hum nazuk nazuk dil waley

Hum nazuk nazuk dil waley, 

kabhi hanstey hein kabhi rotey hien, 

kabhi dil mein khawab protey hein, 

kabhi mehfil mehfil phirtey hein, 

kabhi zaat mein tanha hotey hien, 

kabhi chup ke mohar sajate hein, 

kabhi geet labon par hotey hien, 

kabh zaat mein tanha hotey hein, 

kabhi sub ka dil behlatey hien, 

kabhi shab bhar jagtey rehtey hein, 

kabhi lambi taan kar sotey hein, 

hum kahan kisi ka hotey hein, 

HUM NAZUK NAZUK DIL WALEY.

Aisi Hi Sard Shaam Thi Voh Bhi

Aisi Hi Sard Shaam Thi Voh Bhi 

Jab Voh Mahandii Rachaaye Haathon Mein 

Apani Aahat Key Khauf Sey Larazaan 

Surkh Aanchal Meen Muunh Chupaaye Hue 

Apaney Khat Mujh Sey Leney Aai Thi 

Us Ki Sehemi Hui Nigaahon Mein 

Kitni Khaamosh Iltijaayen Theen 

Us Key Chehrey Ki Zard Rangat Mein 

Kitni Majbuuriyon Key Saaye They 

Merey Haathon Sey Khat Pakadatey Hi 

Jaaney Kya Soch Kar Achaanak Voh 

Mera Shaana Pakad Kar Roi Thi 

Us Key Yaaquut Rang Honton Key 

Kap-Kapaatey Huey Kinaaron Per 

Sainkdon An-Kahey Fasaaney They 

Sard Shaamon Mein Der Tak Aksar 

Jab Yeh Manzar Dikhaai Deta Hai 

Ek Lamha Hinaai Haathon Sey 

Mujh Ko Apani Taraf Bulaata Hai 

Hum-Nashiin Ruuth Kar Na Jaa Mujh Sey 

Aisi Hi Sard Shaam Thi Voh Bhi

wo sadaa yaad aaye bhulaane ke baad

wo sadaa yaad aaye bhulaane ke baad 

zindagii badh gaii zahar khaane ke baad 

dil sulagataa rahaa aashiyaane ke baad 

aag thandii huii ik zamaane ke baad 

raushanii ke liye ghar jalaanaa padaa 

kaisii zulmat badhii tere jaane ke baad 

jab na kuchh ban padaa arz-e-gam kaa javaab 

vo khafaa ho gaye muskuraane ke baad 

dushmanoun se pasheman honaa padaa hai 

dostoun kaa khuluus aazamaane ke baad 

bakhsh de yaa rab ahal-e-havas ko bahisht 

mujh ko kyaa chaahiye tum ko paane ke baad 

kaise kaise gile yaad aaye 

un ke aane se qabl un ke jaane ke baad

Hum ne to khair tujh se shikayat kabhi na ki

Hum ne to khair tujh se shikayat kabhi na ki

Aisa nahin k dil nay baghavat kabhi na ki

Kis haal main hain tere satay huay ghereeb

Tu nay yeh poochnay ke zehmat kabhi na ki

Mehsoos kia keray ga wo auron k derd ko

Jis nay khud apnay aap say ulfat kabhi na ki

Chaha hai main jis ko bari shidaton k sath 

Oss terha say us nay mujh say mohabbat kabhi na ki

Her dastan teri bohut ghor say suni

Lakin bayan apni hakayat kabhi na ki

AIk khuab tha k apni shabon per raha muheet

Kiya khuab tha? kisi say wazahat kabhi na ki

Aik aag thi k jaltay rahay jis main umer bher

Aik dard tha k jis main khayanat kabhi na ki~!!

kabhi jo mujh ko talaash kerna

kabhi jo mujh ko talaash kerna 

tou chand raaton ki chandni main 

Gul-e-chaman say sawal kerna 

udaas kiun ho?? 

kiun oos-Qatron main apnay aanso 

chupaa rehay hoo 

haseen mousam main kis ki yadoon main 

apnay dil ko jala rehay hoo 

Gul-e-chaman yeh sawal sun ker 

tumhari aamad ka haal sun ker 

kehay ga tum jis ko khoojtay hoo 

woo in baharoon ki sari khushboo 

churaa kay abb ik nay chaman main 

Mehek raha hay 

udaas ker kay yahan pay hum ko 

kisi chaman main chehek raha hay 

Gul-e-chaman ka yeh haal sun ker 

tumhain lagay ga main baywafa hoon 

udaas kalioon ko choor ker main 

nai baharoon ko dhoondta hoon 

mager haqeeqat main is chaman kay 

tamaam phoolon ki khwahishon kaa 

aur in ki nakkam kavishoon ka 

haseen mousam ki barishoon ka 

naa meray dil per aser hoa tha 

naa meray dil per aser hoa hay 

main aaj bhi ik nay chaman main 

puranay qissay suna reha hoon 

joo mere chahat ka devtaa tha 

abhi bhi us ko hi poojta hoon 

yaqeen nahi tou palat kay dekho 

waheen khara tha,waheen khara hoon

Andheri raat main shama jalana bhool jatay ho

Andheri raat main shama jalana bhool jatay ho 

Hamari yaad aati hai bhulana bhool jatay ho 

Jo ahsan tum samajhte ho wo ahsan to nahi mugar 

Jab ahsan karte ho jatana bhool jatay ho 

Tumhari ik yehi adut pereshan hum ko rakhti hai 

Nazar main to aajate ho samana bhool jate ho 

Hamain mehsoos hota hai hamare qurb main aakar 

Jo tanhai main beeti hai sunana bhool jate ho 

Tumhare haath main aksar gulabi phool hota hai 

Hamari rah main lekin bichana bhool jate ho 

Tumhain to laut kar janay ki aksar fikar rehti hai 

Magur jab laut jatay ho to ana bhool jate ho 

Suna hai tum apni hatheli per hamara nam likhte ho 

Magar jab hum say milte ho dikhana bhool jate ho

Nahi hikayat muhabbaton ki Shikayatoon ki

Nahi hikayat muhabbaton ki 

Shikayatoon ki 

Bhujhe bhuje se haroof le kar 

Kohar mein doobi seyyahoon ki 

Warq warq per utaarna hai 

Udaas shamoo ke phool chun kar 

Suno December 

Ussay pukaaro 

Ussay bulaaoo 

Suno December ... Ussay mila do 

Ab is se pehlay ke saans niklay 

Ab is se pehlay ke saal guzray 

Wohi lakeerain wohi sitaara 

Meri lakeeroon mein qaid kar do 

Ya aakhri shab ke aakhri pal 

Koi bara ikhtitaam kar do 

Yeh zindagi bhi tamaam kar do 

Suno December ... Ussay mila do...

Hajoom-e-ghum say jis dam aadmi ghabra sa jata hai

Hajoom-e-ghum say jis dam aadmi ghabra sa jata hai

to aisay main

usay awaz pay qaboo nahi rehta

wo itnay say faryaad karta hai, cheekhta aur bilbilata hai

kay jaisay wo zameen par aur Khuda ho aasmanoon main

magar aisa bhi hota hai

keh uski cheekh ki awaz kay ruknay say pehlay hi

Khuda kuch is qadar nazdeek say aur is qadar

rehmat bhari muskaan say usko thapakta aur us ki baat sunta hai

keh faryadi ko apni cheekh ki shid'dat

sada ki baiyaqeeni par nadamat honay lagti hai~!!

hamara kyaa hai keh hum tou charagh-e-shab ki tarah

hamara kyaa hai keh hum tou charagh-e-shab ki tarah

agar jalay bhii tou bus itni roshnii hogi

keh jaisay tund andhairon kii raah main jugnoo

zara sii dair ko chamkay chamak kay khoo jaye

phir uss kay baad kisi ko na kuch sujhayee day

na shab katay na suragh-e-sehar dikhayee day

hamara kyaa hai keh hum tou pas-e-ghubaar-e-safar

agar chalay bhi tou bas itnii raah tay hog

keh jaisay taiz hawaon kii zad main naqsh-e-qadam

zara sii dair k ubhray ubhar kay mit jaaye

phir uss kay baad na rastaa na rah-guzar milay

had-e-nigah talak dasht-e-bekinaar milay

hamarii simt na dekho keh koii dair main hum

qabeela-e-dil-o-jaan say bicharrnay waalay hain

basay basaaye howay shehar apnii ankhon kay

misal-e-khaanaa-e-veeraan ujarrrnay walay hain

hawa kaa shor yehii hai tou dekhtay rehnaa

hamarii umar kay khaimay ukharrnay walay hain

Khuub pahachaan lo asrar huu.N mai.n

Khuub pahachaan lo asrar huu.N mai.n 

jins-e-ulfat kaa talab_gaar huu.N mai.n 

ishq hii ishq hai duniyaa merii 

fitanaa-e-aql se bezaar huu.N mai.n 

chhe.Datii hai jise mizaraab-e-alam 

saaz-e-fitarat kaa vahii taar huu.N mai.n 

aib jo haafiz-o-Khayyaam me.n thaa 

haa.N kuchh is kaa bhii gunah_gaar huu.N mai.n 

zindagii kyaa hai gunaah-e-aadam 

zindagii hai to gunah_gaar huu.N mai.n 

merii baato.n me.n masiihaa_ii hai 

log kahate hai.n ki biimaar huu.N mai.n 

ek lapakataa huaa sholaa huu.N mai.n 

ek chalatii hu_ii talavaar huu.N mai.n

mile kaise sadyoon ki pyass aur pani zara phir se kehna

mile kaise sadyoon ki pyass aur pani zara phir se kehna 

bari dilruba hai ye sari kahani zara phir se kehna  

kahan se chala tha judai ka saya nahi dekh paya 

ke raste me thi ansoon ki rawani zara phir se kehna  

hwa tu khabar ye sunati rahe aur me sunta rahoon 

ke badalne ko hai ab ye mausam khizani zara phir se kehna  

mukar jane wala zindagi me khushi phir na paye 

yunhi khatam karlein chalo ye kahani zara phir se kehna  

same ke samandar kha tune jobhi suna per na samjhe 

JAWANI ki naddi me tha teez pani zara phir se kehna

Kuch aesey log jo zehan sey bhulaaey nahi jaatey

Kuch aesey log jo zehan sey bhulaaey nahi jaatey 

kuch aesey lamhey jo dil sey mitaatey nahi jaatey 

dard ki chaadreiN meri ghazloN ko dhaaNp leti heiN 

mujh sey sheiroN meiN naey rang dikhaey nahi jatey 

be’basi barrh ke meri aaNkhoN meiN utar aati hey 

meri haNsi sey merey aaNsu chupaaey nahi jaatey 

teri tehreeroN sey aati hey terey haathoN ki mehak 

be’wafaa mujh sey terey khat jalaaey nahi jaatey 

wafaa ki raahoN meiN bujhney ke baad ye jaana hey 

sar-e-hawa deeye mohabbat ke sajaey nahi jaatey 

aey merey Khuda taqdeer ko itna to batayaa hota 

dukhoN ke pahaarr insaanoN pe giraaey nahi jaatey

Wo Lamhay Soch Kee Dahleez Pay Tahray Hoyee hain

Wo Lamhay 

Soch Kee Dahleez Pay Tahray Hoyee hain 

December Kay Mahinay Main 

Hazaroon Saal Pahlay Jab... 

Teray Waday Kay Honatoon Nay!! 

Meri Ankhoon Say Behtee Zindagi Kay Hanth Choomay Thay 

Meri Bayrang Batoon Kay Kinaray 

Tum Nay Kwabon Kay Sahary Aur Ashkon Kay Sitaray Rakh Diyee Thay......... 

Aur !!! 

Hawa Koo Apnee Cahat Kee Hifazat Kaa Ishara Kar Diya Thaa 

Hawa Kee Khunkiyon Main Abb Bhee Teri Naram Batain 

Ahatoon Kaa Jaal Buntee Hian 

Samauat Aab Bhee Teray Qahqahon Kaa Shoor Suntee Hay 

Khayal Aab Tak Tumhari Ungliyon Say 

Meray Dil Kay Surkh Ansoo Pochta Hay 

Nigahain Baraf Kay Phelay chamaktay Kenwas Par Jaa-Bajaa 

Teri Rifaqat Kee Zarorat Paint Kartee Hay 

Tehtartay Paniyon Kay Tan Pay Bikhree Dhoop....... 

Tera Baigar Rotee Hay 

Kahan Hotee Hay Too....... 

Muhabat Kee Sulagtee Rahguzar Kay Kinaray Pay 

~~**December Aab Bhe Tera Muntazir Hay**~~

shaam-e- tanhiyee aaye tum na aaye

shaam-e- tanhiyee aaye tum na aaye, 

phir howa teez chalee phir dil bhar aaye, 

aksar tanhayee mian sochta hoon jaise, 

koyee dil mian rah gya hoo koyee dard ban gya hoo, 

phir tum yaad aate hoo phir mughe rulate hoo, 

phir tum na jany kahan kho gyee thee , 

mere dil rog ban kar rah gye thee, 

tum nay bhuladya sadyoon ka safar chand he lamhoon mian, 

tum nay gira dya hum koo hee apni nazroon mian.

Humari ankh mea pani bohat hai

Humari ankh mea pani bohat hai 

k is darya mea tagyani bohat hai  

ujar k bhi nahi bhola yeh tujh ko 

humain is dil par herani bohat hai  

suna hai k besabab hum se bechar kar 

tujhay ahsasay nadani bohat hai  

najanay koon se khobhi hai tujh mea 

k dunya teri deyani bhi bohat hai  

mohabbat soch kar karna k is mea 

sakhoon kam hai pareshani bohat hai  

falakh par bhi tujay dhunda hai humnay 

zameh ke khak bhi chani bohathai

khuwab bhee ik musafir kee tarah hotay hain

khuwab bhee ik musafir kee tarah hotay hain

rang kee mauj main,khuhsboo keh asar main rehna

un kee adat hee nahin

ik jagah peh rukna

un kee qismat nahin

ik nagr main rehna

hum bhee ik khuwaab hain ay jaa.n! teri ankhon main

saya-e-abr tawajja keh guman main rakhna

un kee taaq se hum ko na hattana jab tak

rat keh baam peh taaron ke diye jaltay rehain

daikhna hum ko,daikhtay jaana jab tak

hum teri ankh kee wadi main safr kertay rehain

khuwab ka shoq yehi,khuwab kee qismat yehi

halqa raig rawan,gard-e-safr main rehna

rang kee mauj main,khuhsboo keh asar main rehna

na koi shoq-e-safr hay na koi talash khushboo

teri ankh main jalain aur inhi main bujh jayen

chashm dar chashm nahin hum ko safr main rehna

hum ko hay teri nazar main rehna~

Andhairi raah-guzaaroN maiN

Andhairi raah-guzaaroN maiN 

sitaarey ham ko mil jaatey 

kinaarey ham ko mil jaatey 

hazaaroN rang JeewaN maiN 

mehektay khilkhilaa uth'tay 

sabi shaa'maiN mehek uth'teeN 

sabi subhai'n chamak jaateeN 

meiN iss kam'zarf duniyaa say 

kinaara kar kay chal parta 

bina daikhay binaa samjhay 

maiN uss kay saath chal parta 

magar ye tab hi ho pataa..... 

agar woo saath day daitaa..!!!

bas ik jhijhak hai yahii haal-e-dil sunaane mein

bas ik jhijhak hai yahii haal-e-dil sunaane mein 

ki teraa zikr bhii aayegaa is fasaane mein 

baras parii thii jo ruKh se naqaab uThaane mein 

vo chaandanii hai abhii tak mere Gariib-Khaane mein 

isii mein ishq kii qismat badal bhii sakatii thii 

jo vaqt biit gayaa mujh ko aazamaane mein 

ye kah ke TuuT paraa shaaKh-e-gul se aaKhirii phuul 

ab aur der hai kitanii bahaar aane mein

main jab doob ke likhta hoon

main jab doob ke likhta hoon 

sab loog mujh se ye kehtay hain 

nazmoon se ishq khuda jaisa 

ghazloon main kaif udasi ka 

kis dost nay tum ko soompa hai 

mera ik jawab humesha hai 

ik shaks jo sher main aaya tha 

kuch rooz wo mere sath raha 

mujhe lehjay ki amrat ras main 

us nay kuch aisa rang dia 

her nazuk dil mooh lenay ka 

mere lafzoon ko aahang dia 

phir soch ke tanay banay main 

uljha ker mujh ko choor gia 

kuch din se us ki yaad yoon hi 

is dil pe dastak deti hai 

aur paoon main zanjeer pari 

kab hum ko janay deti hai 

kab dil main us ki aas nahi 

ye baat alag wo pass nahi

Naraaz Hoon Hum Se

Naraaz Hoon Hum Se?

Magar Hum Vo Hain Jin Ko To Manaana b Nahi Aata

Kisi Ne Aaj Tak Hum Se Muhabbat Jo Nahi Ki Hay

Muhabbat Kis Tarah Hotii Hay?

Hamary Shehar k Atraaf Mein To

Sakht Pehra Tha Khizaon Ka

Aur Iss Shehar-e-Preshan Ki Faseelein

Zard Bailoon Se Ladi Thin

Aur Un Mein Na Khushboo Thi,Na Koi Phool Tum Jaisa

Mehak Uthtey Hamary Deeda-o-Dil Jis Ki Qurbat Se

Hum Aisy Shehar Ki Sunsaan Galioon Mein

Kisi Sookhy Hoye Veeran Pattay Ki Tarah Se Thy

k Jab Zalim Hawa Hum Per Qadam Rakhti

To Uss k Paaon k Neechay Hamara Dam Nikal Jata

Magar Pat Jharr Ka Vo Mousam

Suna Hay Tal Chuka Ab To

Magar Jo Haar Hona Thi

So Vo To Ho Chukii Hum Ko

Suno.....

Haaray Hoye Logoon Se To Rootha Nahi Karty...!!!

phirate hain kab se darbadar, ab is nagar ab us nagar

phirate hain kab se darbadar, ab is nagar ab us nagar 

ek duusare ke ham_safar, main aur merii aavaaragii 

naa aashanaa har rah_guzar, naa mehar_baaN hai ek nazar 

jaayen to ab jaayen kidhar, main aur merii aavaaragii 

ham bhii kabhii aabaad the aise kahaaN bar_baad thay 

bifikr the aazaad the masaruur the dil_shaad thay 

vo chaal aisi chal gayaa ham bujh gaye dil jal gayaa 

nikale jalaa ke apanaa ghar main aur merii aavaaragii 

vo maah-e-vash vo maah-e-ruuh vo maah-e-kaamil huubahuu 

thiin jis kii baaten kuu_ba_kuu us se ajab thii guftaguu 

phir yuuN huaa vo kho gaii aur mujh ko zid sii ho gaii 

laayenge us ko DhuuND kar main aur merii aavaaragii 

ye dil hii thaa jo sah gayaa, wo baat aisii kah gayaa 

kahane ko phir kyaa rah gayaa ashkon kaa dariyaa bah gayaa 

jab kah kar wo dil_bar gayaa, teere liye main mar gayaa 

rote hain us ko raat bhar, main aur merii aavaaragii 

ab Gam utahaayen kis liye, ye dil jalaayen kis liye 

aaNsuu bahaayen kis liye, yuuN jaaN gavaayen kis liye 

peshaa na ho jis kaa sitam, DhuuNdenge ab aisaa sanam 

honge kahiin to kaar_gar, main aur merii aavaaragii 

aasaar hain sab khoT ke, imkaan hain sab *** ke 

ghar band hain sab koT ke, ab Khatm hai sab ToTake. 

qismat kaa sab ye khel hai, andher hii andher hai 

aise hue hain be_asar, main aur merii aavaaragii 

jab ham_dam-o-ham_raaz thaa, tab aur hii andaaz thaa 

ab soz hai tab saaz thaa, ab sharm hai tab naaz thaa 

ab mujh se ho to ho bhii kyaa, hai saath vo to vo bhii kyaa 

ek behunar ek besabar, main aur merii avragiiiii

sham ki haweli main subah k mehakney ki

sham ki haweli main

subah k mehakney ki, bay yaqeen si baten

kuch azab mazi k

guftagoo ka hisa thay

kuch sawal KHWABON k

kuch KHWAB ankhon nay

mushtarik say jazbon k 

aa'inon main dekhey thay

a'inay tu suchey thay

aur wo mulaqaten

char chhe mulaqaten

jin main teri baton ki barishon k mosam nay

jitnay jhoot boley thay

sham ki haweli main 

jitnay zehar gholey thay

tera bay wafa lehja dheyan main jub aata hay

tub sawal kerti hain

meri umer ki raten

ik baras k arsey main

char chhe mulaqaten~!!

Jo baat nahi kertay un boltay rangoon main

Jo baat nahi kertay 

un boltay rangoon main 

main nay tumhain socha hai 

jo dil se guzartay hain 

un ajnabi rastoon main 

main nay tumhain dekha hai 

kehnay ke liye tum se 

batain too bohat se hain 

ilfaz nahi miltay 

jo meri nazar main hain 

is sher ke baghoon main 

wo phool nahi khiltay 

main nay tumhain jana hai 

izhar ke rishtoon se 

is tarah juda ho ke 

jis tarah koi banda 

dharti pe nazar dalay 

ik baar Khuda ho ke

Tumhein waapis bulaati hain Hum apne aap ko

Tumhein waapis bulaati hain

Hum apne aap ko

Patthar anaa ke khauf se

Jitna bazaahir pur-sukoon rehne ke aadat daal lain

Per hijer ki bechain yakh basta hawa se

Raakh mein dhalti tamannayain bhi

Aakhir kap'kapaati hain

Sadaayain lar'kharaati hain

Tumhein maloom tu hoga

Ke katchi umer ki chaahat

Hazaroon saal bhi dil se kisi ghehre samundar mein 

Rahay paband per

Phir bhi kabhi marti nahee

Mein ne bahut arsa tumhein

Yaadoon, khayaloon aur khwaboon ki 

Nigahoon se kiya oujhal

Magar janaan ... !

Mein apne aap se ab larte larte thak gaya hoon

Aur

Akele pan ke weeraan shehar mein jab shaam dhalti hai

Tu muddat se thaki haari wafaayain

Saug mein doobe huwe kuch geet gaati hain

Tumhein waapis bulaati hain...

Mila Jo Teri Mohabbat Mein Woh Ghum Seh Na Sakay

Mila Jo Teri Mohabbat Mein Woh Ghum Seh Na Sakay

Door Reh Kay Bhi Tujh Say Dhoor Maghar Reh Na Sakay 

Hum Apnay Ghaam Ki Kahani Sunaa Nay Aayeh Thay

Sunee Jo Tairee Kahani Tho Apni Keh Na Sakay 

Tumharay Pyaar Mein Marna Tu Bohat Dhoor Ki Baat 

Tairay Ashkoon Ke Samandar Mein Bhi Hum Beh Na Sakay 

Dil Nay Chaha Kay Tumhain Pyaar Ka Izhaar Karoon

Zaaban Pay Ayee Huee Baat Maghar Keh Na Sakay 

Tumharee Bazam Mein Haalaat Hi Kuch Aisay Tay Kay 

Na Hum Bol Sakay Aur Chup Bhi Reh Na Sakay

Wo saari baatein khaab huien

Wo saari baatein khaab huien 

Aur khaab se phir azaab huien 

Jub tum ko saba ke jhonkay se 

Paigham hamara milta tha 

Jub meri aik nazer se hee 

Chehra ye tumhara khilta tha 

Kuch yaad sa tum ko hai janan 

Jub phone ki aadat roz ki thi 

Kuch daer jo mujh ko ho jati 

Tum ghanton rootha kertay thay 

Kabhi geeton ki kabhi sheron ki 

Tum khawahish mujh se kertay thay 

Kabhi pyar tha meri baton se 

Meray chehre se meri aankhon se 

Aur jhank ke meri aankhon mey 

Tum khud ko dhonda kertay tha 

Ak doo din dekh na pao tow 

Tum bekul bekul rehtay thay 

Aur ab tow aisa aalam hai 

Koi chahat hai na ulfat hai 

Kya pyar mohabbat aur wafa 

Is zikr se tum ko vehshat hai 

Mein laakh tussalli khud ko doun 

Keh ab bhi teri khawahish hon 

Anjaan bazahir lagtay ho 

Mein ab bhi tera mehvar hon 

Per dhoka aakhir dhoka hai 

Kab tuk dil ko behlaye ga 

Doo pal ki khushiyan de ker ye 

Mujhe sadiyan lahu rulaye ga 

Kion tum taqdeer se larti ho 

Kion khud ko dhoka deity ho 

Khabon ke tukre chun ke ab 

Kion khud ko ghayal kerti ho 

Ye baat tumhein maloom tow hai 

Kab beiti yadein lauti hai 

Jo baatein khawab si ho jayein 

Wo baatein khawab hee rehti hain

kholo kholo apni ankhen aur gor se suno

kholo kholo apni ankhen aur gor se suno

dene ko to bohat kuch hai par apna sa kuch dena chahti hon

aik boond suraj ki

aik qatra aasman ka

koyal ki adhi kook

aur kuch sapne jagmagate

acha lage to aur mango dena ko to bohat kuch hai

par apna sa kuch dena chahti hon

aasman sa aaieena

aik dibbi titliyon ki

aik chamach nadi ki dhar

aur aik muthi zindagi

acha lage to aur mango dene ko to bohat kuch hai

par apna sab kuch dena chahti hon

justajuu khoye huon kii umr bhar karate rahe

justajuu khoye huon kii umr bhar karate rahe 

chaand ke ham_raah ham har shab safar karate rahe 

raaston kaa ilm thaa ham ko na simton kii Khabar 

shahar-e-naamaaluum kii chaahat magar karate rahe 

ham ne Khud se bhii chhupaayaa aur saare shahar se 

tere jaane kii Khabar dar-o-divaar karate rahe 

vo na aayegaa hamen maaluum thaa us shaam bhii 

intazaar us ka magar kuchh soch kar karate rahe 

aaj aayaa hai hamen bhii un uraanon kaa Khayaal 

jin ko tere zaum mein be-baal-o-par karate rahe

Chalo ye raat ham ik dosray ke naam kartay hain

Chalo ye raat ham ik dosray ke naam kartay hain,

Chalo ik dosray ke aj ham dukh dard suntay hain,

Bhataktay ho kiun tum tanha sitaron ke jhamelon men,

kaho jo dil men aata hay hamatan gosh sunte hain,

Buhat ghamgen rehtay ho hazaron dard sehtay ho, 

tumhari dharkanon men ik ajab sa shor suntay hain,

Chalo acha yon kartay hain,

Suno tum ham sunatay hain,

Ham apnay dil k har ik zakhm se parda uthatay hain,

Dikhatay hain tumhen tanhiyan kia zulm dhati hain,

Jhalak har pal daro dewar men uski dikhati hain,

Hamen har pal satati hain har ik lamha rulati hain,

Hamri sanson men tehlil hay khushbo wohi ab tak,

Hamen har phol se mehkar un sanson ki ati hay,

Buhat mushkil si hoti ja rahi hay zindagi mere,

Taraptay hain sulagtay hain magar khamosh rehtay hain,

Chalo ye rat ham ik dosray ke naam kartay hain,

Chalo ik dosray ki aj ham tanhaiyan banten~!!