Monday, June 7, 2010

abhi kya kahen abhi kya sunayen

abhi kya kahen abhi kya sunayen 
ke sar-e-faseel-e-sukuut-e-jaan 
kuf-e-roz-o-shab pe sharar numaa 
wo jo harf harf chiraag thaa 
use kis hawa ne bujha diya 
kabhii lab hilenge to poochhnaa 
sar-e-sahar-e-ahad-e-visaal-e-dil 
wo jo nikahaton kaa hujoom thaa 
use dast-e-mauj-e-firaaq ne 
tah-e-Khaak kab se milaa diyaa 
kabhii gul khilenge to poochhnaa 
abhii kyaa kahen abhii kyaa sunaayen 
yunhi Khuwahishon ke fishaar mein 
kabhii be sabab kabhii beKhalal 
kahaan kaun kis se bichhar gayaa 
kise kis ne kaise ganvaa diyaa 
kabhii phir milenge to poochhnaa~!!

No comments:

Popular Posts