Lamhay Kuch bhi tu nahee mere paas

Lamhay

Kuch bhi tu nahee mere paas

Teri yaadoon ke siwa

Teri pyaar bhari baatoon ke siwa

Mujhe yaad hai sab kuch

Tera woh kehna ke

kitni khobsurat hain aankhain tumhari

Kitne rung hain in main

Yeh kitna muskuraati hain

Yeh kitni baatain karti hain

Main thori door hojaoon tau

Mujhe waapis bulaati hain

Yeh mujh ko aazmaati hain

Magar

Ab kuch bhi tu nahee bacha in mein

Tere khwaaboon ke siwa

Teri yaadoon ke siwa...

Taalloq is tarah toora nahin kartay

Taalloq is tarah toora nahin kartay

Keh phir say jorna dushwaar ho jaye

Hayat ik zehar main dobi hoi talwaar ki manind

Mohabbat is tarah chora nahin kartay

Rawadari ka hergiz rasta chora nahin kartay

Mohabbat main sabhi aik dosray ko aazmatay hain

Magar aisa nahin kartay

Keh her omeed her imkaan toot jaye

Kahan tak khinchi ho dory yeh andaza rakhtay hain

Hamesha char deewari main ik darwaza rakhtay hain

Judai mustaqil ho tu zindgee zindaan ho jaye

Tu sonno !

Jeenay say moon mora nahin kartay

Mohabbat is tarah chora nahin kartay….

Subah k ujalo.n mei jab bhi Aankh khulti hai

Subah k ujalo.n mei jab bhi Aankh khulti hai 

Main tere Khayalon se 

Aetraaz karne ka Ahed kar ke ut tha hoon 

Yunhi be-Khiyali mein 

Jab Saeed ka koi Shair Gungunata hoon 

Rooh Jag utth.ti hai Dil Sakoon pata hai 

Lekin os ke Shairon par jab bhi Ghaur karta hoon 

Mujh ko Eisa lagta hai 

Wo Sitam Gazeeda bhi Apni Sari Ghazlon mein 

Tera Zikr karta hai 

Main Tere Khiyalon se Sar Jatak ke utth.ta hoon 

Taiz Taiz Qadmon se Shehar ko nikhalta hoon 

Pur hajoom Galiun mein har jaga Dukano.n par 

Be-Qaraar Phirta hoon Tujh ko bhool jata hoon 

be-Niaz Lamhon mein 

jab Koi Pari pekar Paass se Guzarti hai 

Mera Dil machalta hai Zor se dharakta hai 

Aur Wo pari pekar Tera Aks lagti hai 

Phir Wohi Teri Yadein.....Phir Shikast khata hoon 

Aur main teri yadon se Door bhag jane ko 

Sabz Posh Baghon mein Sair ko nikhalta hoon 

Sabz Chader par Sar jhukaey chalta hoon 

be-Shumaar pholon ke Rang aur khoshbu se 

Dil Zara behalta hai 

Phir kahein Darakhton ke Pursakoon Saaye mein 

Piyaar karne Walon ko 

Pur Khumaar lehjay mein Hum-kalaam pata hoon 

Phir Teri Qurbat mein Kat chuky Haseen Lamhe 

Mujh ko yaad Atay hai , Phir Shikast hoti hai 

Aur Main Thaka hara Ghar ko Laut Ata hoon 

Shaam ke Andhere jab Shab-Taraaz hotay hai 

Aur Mera Akhela Pan Soone Soone Bistar par 

Phir se Teri yadon ki Chadarein bichata hai 

Tab mere Iraday bhi Haar maan letay hai 

Main Tere khiyalon ko Odhna bana ta hoon...!!!

Mein jab bhi zindagi ki chilchilaati dhoop mein tap kar

Mein jab bhi 

zindagi ki chilchilaati dhoop mein tap kar.... 

Mein jab bhi 

doosron ke aur apney jhooth se thak kar... 

mein sabse lad ke, khud se haar ke, 

jab bhi us ek kamrey mein jaata tha... 

Woh halke aur gehrey kathaii rangon ka kamra, 

woh behadd meharbaan kamra... 

jo apni narm muthii mein mujhe aise chupa leta tha 

jaise koii maa... 

bachhe ko aanchal mein chupa le 

pyaar se daantey... 

yeh kya aadat hai 

jaltii dopahar mein maare maare ghoomtey ho tum 

Woh kamraa yaad aata hai... 

Dabeez aur khaasa bhaari 

kuch zara mushkil se khulney waala 

woh sheesham ka darwaazaa 

ki jaise koii akhad baap 

apney khurdurey seene mein 

shafkat ke samader ko chupaaye ho.... 

Woh kursii 

aur uskey saath woh judwaan behan uskii 

woh dono dost thi merii 

woh ek gustaakh muhfat aaiina 

jo dil ka achha tha 

woh behangam si almaari 

jo koney mein khadi 

ek boodhii annaa ki tarah 

aaiiney ko tanveeh karti thi 

woh ek guldaan 

nanha sa 

bahut shaitaan 

un dono pe hansta tha 

Dareecha, ya zahaanat se bhari ek muskuraahat 

aur dareechey per jhukii woh bel 

koii sabz sagoshii 

Kitaabein, 

Taaq mein aur shelf per 

sanjeeda ustaani bani baithi 

magar sab muntazir is baat ki 

mein unsey kuch poochun 

sirhaaney neend ka saathi 

thakan ka chaaragar 

woh naram dil taqiyaa 

mein jiski Goad mein sar rakhkar 

chat ko dekhta tha 

chat ki kadiyon mein 

na jaane kitney afsaano ki kadiyaan thi 

woh chotii mez per 

aur saamney deewar per 

aavezaan tasveerein 

mujhe apnaaiiyat aur yakeen se dekhtii thi 

muskuraati thi 

unhey shaq bhi nahi tha 

ek din.... 

mein unko aise choor jaaoonga 

mein ek din yuun bhi jaaoonga 

ki phir waapas na aaoonga.... 

Mein ab jis ghar mein rehta huun 

bahut hi khoobsurat hai 

magar aksar yahaan khaamosh baitha yaad karta huun 

Woh kamraa baat karta tha....

Shagaf nahi tha zara b mujhe perhanay main

Shagaf nahi tha zara b mujhe perhanay main 

magar wo rooz sar e sham us ka aa jana 

kitab le ke mere samnay bahanay se 

koi too soch thi jo sochti wo rehti thi 

jhuka ke sir ko mere pass aa ke kehti thi 

kai sawal samjhnay hain aap se main nay 

na hoo ke aap mujhe lajawab hi ker dain 

meri nigah ko pamal e khawab hi ker dain 

haseen aankhon main wo aarzoo ke doray thay 

wo us ke gaal thay ya khoon ke katooray thay 

paseena tha ka tapakta tha us ke pathay se 

nigahain ashk e haya se bhari bhari us ki 

wafoor e sharm se wo hont kapkapatay thay 

qadam zamee-n pe jo dharti too larkharatay hoay 

kitab mujh ko thama ker wo samnay baithi 

thamai mujh ko laboon se nikal ker pencil 

nahitha farq kitaab aur us ke cheray main 

main us ko dekhta aur dekhta hi reh gia tha 

wo us ka dast e gulabi warq palat-ta hoa 

wo aanchal us ka mere samnay sarakta hoa 

haroof bhi meri nadanion pe hastay thay 

wo apnay seenay se note book hata leti 

ik aarzoo meri aaghoosh main lata deti 

khala main taktay hoay rukh jab us nay moora tha 

khamosh tha main usi nay sakoot tora tha 

hisaab aap ko aata nahi ye janti hon main 

sawal chorainkoi shair hi karain tehreer 

yehi hai mera assasa yahi meri taqdeer 

main us ki batoon ki gehraian samjta tha 

sawad e bazm main tanhaian samjhta tha 

qalam, kitab sabhi main nay us ko lootaya 

ke jaise paishkash e aaroo ko thukraya 

chali gai wo kisi khawab e khoobroo ki tarah 

kai baras hoay is ko  

main us ko yaad b kerta hoon aur sochta hoon 

hazaa shair ki aik ghazal likhon us per 

mainapnay yaad khazanay fida karon us per 

jo sochta hoon too dil se jawab aata hai 

usay too mujh se ziada hisaab aata hai

lamha lamha behti yeh zindagi

lamha lamha behti yeh zindagi,

na janay kis taraf ja rahi hai,

pal pal mujh say keh rahi hai,

aao mere saath chalo mere hamsafar,

lakin mere qadmon main kaise zanjeerain hain,

jo mujhay janay say rookti hain,

anjaan say rishton main mujhay baandhti hain,

kuch rishtay jo mujhay mere apno nay diye hain,

kuch rishtay jo is dil say vabasta hain,

har rishtay ki apni talab hai taqaza hai,

batta hua mera wajood aadha aadha hai,

main kaise insaaf karu inkay saath,

har koi apna haq mangta hai,

kam nahi bohat ziyada mangta hai,

ek rishta jo mera tujh say hai,

wo khamosh hai mujh say kuch nahi mangta,

khud jal kay mujhay sakoon deta hai,

mere saath sanso ki tarha rawa'n hai,

mujh say har waqt yahi kehta hai,

mujhay tumsay kuch nahin chhahiye,

bass mujhay yu'n hee qayam rakhna,

meri garmi ko thandi mat parnay dena,

apnay ehsas say mujhay zinda rakhna,

tamaam rishton ko main nibha raha hoon,

sabko sabka haq de raha hoon,

pal pal jee raha hoon mar raha hoon,

sab kay saath insaaf kar raha hoon,

lakin jo rishta tera mera hai,

wo rishta khamosh hai......wo rishta khamosh hai......

raat roti hai bichad kar tum se

raat roti hai bichad kar tum se 

chand gum sum hai hawa band fizaon ki tarah 

ungliyan kampti hain 

hont yak-lakht kisi zalim o be-rahm tashanuj se lipat jate hain 

jab kabhi band darichon ki taraf dekta hoon 

hook uth-ti hai mere seenay ki gehrayi se 

barishein bichrhay hoye logo ki 

kis kadar dost howa karti hain' 

barf kar deti hain jaltay hoowe angaron ko 

aur kabi barf ko aatish mien badal deti hain 

meri veerani 

meri be-chaini 

teri jaan soz judai ki alam-naki mein 

iss tarah uljey hoowe hain ke sulajtey he nahi 

jis tarah kaanton bari shakh mein aanchal koi 

thoda kichta hai to kuch aur ulaj jata hai 

din bilakta hai tere hijr ke soonay pan mien 

shaam ghabra ke sisak uthti hai 

RAAT ROTI HAI BICHAR KAR TUM SE 

ungliyan kampti hain 

hont yak-lakht kisi zalim o be-rahm tashanuj se lipat jatey hain

Muhabbat ke Musam

Muhabbat........ke..........Musam 

zamanay ke sab musamoN se niralay 

bahar-o-khizan unke sab se judaa 

alag unka jhonkha alag hai ghataa 

Muhabbat ke khitay ke aab-o-hawa 

maawraa,....un anasir se joooo 

musamoN ke tageur ke bunyaad hain 

yee zameen-o-makaN ke kam-o-beesh se 

aisay............azad.............hain 

jesay subha-e-azal...jesay shaam-e-fana 

shab-e-rooz ke aalam ke aihkaam ko 

yee muhabbat ke musam nahe mantay! 

zindagi ke musafat ke anjaam koo 

yee muhabbat ke musam nahe mantay 

rafaqat ke khushbo se khali ho jo 

yee koi aisa manzar nahe dekhtay, 

WAFA...ke ailawa kisi kaam kooo 

yee muhabbat ke musam nahe mantay!

Yeh din to katt he jata hai talash-e-rukht me lekin

Yeh din to katt he jata hai

talash-e-rukht me lekin

samandar shaam hoti hai

to main ghabra sa jata hon

shajar gum sum say hotay hain

hawa bhi tham si jati hai

wo kaali raat k sayay

tumhari yaad dilatay hain

bara numnaak hota hai 

tumhari yaad ka mausum

badan bhi toot jata hai

buhat si karwatain lay kar

to bistar thak sa jata hai

buhat si salwatain lay kar

tarasta kiss tarah say hai

dil-e-baitaab kia likhoon

phir kaisay dil jalatay hain

sulagtay khwabb kia likhoon

main shayir hoon magar jana

sabhi kuch likh nahi paataa

phir aksar aisa karta hoon

tumhara dard, tumhara ghum

saray karb k lamhay

main apnay naam karta hoon

mujhay adat si hai

apnay watan say dour rehnay ki

yeh saray karb sehnay ki

tumhain to choo bhi na payay

yeh saray dard k sayay

dua yeh lab pe ati hai

tumharay naam hoti hai

SAMANDAR SHAAM HOTI HAI

SAMANDAR SHAAM HOTI HAI~!!

Jeenay waalay qaza say dartay hain

Jeenay waalay qaza say dartay hain

Zehar pi kar dawa say dartay hain

Zaahidon ko kisi ka khauf nahi

Sirf kaali ghata say dartay hain

Ahh!!--jo kuch kahay humain manzoor

Naik banday khuda say dartay hain

Dushmanon kay sitam ka khauf nahi

Doston ki wafa say dartay hain

Azm-o-himmat kay bawajood 

Ishq ki ibteda say dartay hain

Aaj ki raat yaadoN kay kuch mehmaaN aanay waalay haiN

Aaj ki raat yaadoN kay kuch mehmaaN aanay waalay haiN

Aaj udaasi nay phir chheRaa hai saaz

Aaj dard phir kuch sunaayega

Tanhaayiii nay baaNdhay haiN ghuNgroo

Aaj waqt bhi thahar jaayega

ChaaNd ! apni chaaNdni idhar rakh jaanaa

Aanay haiN aaj kuchh bhoolay huay say chehray

Ashko ! aaj tum bhi ji bhar kay beh lenaa

Behal jaayeN aisay hi shaayad ahsaasoN kay safeenay

Naghmo !Aaj qadam saMbhal saMbhal kay rakhna

Aaj ki raat khwaaboN kay naam hai

In lamhoN ka hai chalan aisaa

Ki aaj tarpaygi takhleeq lefz dar lafz

Khaamoshi ka zehr subko pilaayaa jaayega

Aaj ki raat zindagi pay bhaari hai

Aaj jalaiNgay khwaahishoN kay alaav

HaNstay haNstay hoga aaj umeedoN ka qatl

Meri zindagi aaj phir mayzbaan bani hai

Woh baras jab jazbaat nay li thi pehli angRaayii

Us baras ki yaad aaj mehmaan bani hai

Woh door ufaq pay uthtay haiN ghubaar

MehmaanoN kay qaafily pahuNchnay waalay haiN

Dard-e-dil ko saMbhaaluN ab main

Ai faza'oN tum hawaaoN pay likh lena

BehoshioN main nazm jo banaa loon ab main  

mohabat aur khuwahish mein kaee bay naam rishte hein

mohabat aur khuwahish mein kaee bay naam rishte hein.. 

magar jo ghor se deekhein.. 

tu donoon mein bohat se fasalle bhee iss tarhan mojood hein jaise.. 

samandar eik hota hai.. 

magar uss ke kinarre.. eik dojje se sarasar.. 

ajnabi aur mukhtalif rastoon ko chotte hein.. 

so aaisa hai.. 

samme ke iss samandar mein.. 

jahan her shai badalti hai.. 

wahan hum tum bhee badalle hein.. badalna tha.. 

keh rishte bhee humarre aks ki surat.. 

bohat ahistagi se iss tarhan karhwat badalte hein.. 

basa aukat bistar per perhi chadar peh silwat tak nahin perhti.. 

na aankhoon mein safar karte puranne rang hi tabdeel hote hein.. 

na baatoon ke tasalsul mein koee dewar aati hai.. 

bus itna hai.. 

keh khuwahish ki bandh muthi se woh jo reet si pul pul.. 

phisalti hai ussi ke beech mein shayad woh jazba bhee kaheen hota hai.. 

jisko pyar kehte hein.. 

mohabat naam hai jiska.. 

kabhi aaisa bhee hota hai.. 

humein khud aapne haathon se pheesalti reet ki.. 

reezish ka andaza nahin hota.. 

magar woh girti rehti hai.. 

kabhi hum usko phir se jamma karne aur othanne ke liye.. 

koshish bhee karte hein.. 

magar dinn raat ki sarkish hawaein.. 

iss qadar mitti orhati hein keh kuch bhee ho nahin pata.. 

yeh dil faryad tu karta hai laikin ro nahin pata.. 

tu woh aanso.. 

keh jinko iss phisilti reet mein bikhari mohabat ko.. 

dobara zindagi daina tha aur shadab karna tha.. 

nahin behte.. 

wohi aankhein keh jin mein her gharhi shamein se jalti theen.. 

onhein chehroon peh hoti hein magar onn mein.. 

mohabat aur tailooq ki purai lo nahin hoti.. 

zamana.. onn ke andar se guzar kar khud tu janne kis taraf jata.. 

kahan bisraam karta hai.. 

magar uss ke.. gubar-e raah mein uljhe raste.. 

kaee chehre badalte hein.. 

mohabat karne wallay shaks aur onn ki mohabat bhee.. 

badalte waqt ki yalghar se bachne ki khatir eik.. 

naee surat mein dhalte hein.. 

wafa.. harre howe maidan se jo parchum othati hai.. 

onhein lashkar nahin milta.. 

guzarte waqt ke aashoob mein chehra badalta hai.. 

tu phir paikar nahin milta... 

so jaan-e ja'an.. agar hum tum.. 

badalte waqt ki iss teez andhi mein abhi tak eik hein.. 

aur eik dojje ke liye be chaein rehte hein.. 

tu shayad yeh humare bakht ki khobbi.. humari khushnaseebi hai.. 

keh hum donno guzarte waqt ki sarkash rawani mein.. 

bahe.. batakte tu hein laikin.. 

humare sahiloon ka rukh kissi lahme nahin badalla.. 

yeh husn-e itafaq aaisa hai jo qismat se milta hai.. 

bohat karhwa sahee laikin yehi saab se barha saach hai.. 

keh jo lamha guzar jaee.. 

woh kitna bhee moqadus.. qeemati ya khubsurat ho.. 

kabhi wapis nahin aata.. 

mohabat aur khuwahish aur onn ke darmiyaan phaeele howe.. 

bay naam rishte bhee.. inheen cheezoon mein shamil hein.. 

jinhein yeh waqt ka darya.. 

humare chahne.. na chahne se bay niaz-o bay khabar ho kaar.. 

purani diary.. pichle calendaroon ki tarhan tabdeel karta hai.. 

isse eik mojza kahiye.. 

keh khwahish ke safar mein humne jitne morh katte.. 

jis qadar rahwar badle hein,, 

woh sab eik saath badle hein.. 

na girti reet badli hai.. na aapne haath badle hein.. 

isse eik mojza kahiye..

Zindagi hum teri dehleez pe aa baithey haiN

Zindagi hum teri dehleez pe aa baithey haiN

hath meiN kasa-e-tadbeer he, aankhooN meiN ki mousm-e-gulrang ki khwahish he

labooN pe tery bemuhar zamanooN key liye shikwey haiN

zindagi hum teri dehleez pe aa baithey haiN

ik zara dekh keh hum narm-mizajooN key liye

koonsi raat he, jis raat key aanchal meiN hawa

khwaab ko aaina-e-khwaab meiN sar karti he

koonsa din he keh jis din ka zahoor

harf-e-dil key liye sehra-e-tamanna ka safar karta he

ik tery lams ki khatir hum ney

khaima-e-dil meiN jalaye tery honey key charagh

haaN magar koyi suraagh

teri aahat, teri aawaz, teri qad-o-qamat-o-khushboo ka suraagh

jaaNbelab haiN ....magar ik harf-e-tassali key liye

zindagi, hum teri dehleez pe aa baithey

hath meiN kasa-e-tadbeer liye

Zindagi hum teri dehleez pe aa baithey....

awal-e-shab wo bazm ki raunaq shamaa bhi thi parwanaa bhi

awal-e-shab wo bazm ki raunaq shamaa bhi thi parwanaa bhi

raat ke aakhir hote hote Khatm thaa ye afasaanaa bhi

qaid ko to.D ke nikalaa jab mai.n uThake baguule saath hue 

dasht-e-adam tak jangal jangal bhaag chalaa viiraanaa bhi

haath se kis ne saaGar paTakaa mausam kii bekaifii par 

itanaa barasaa TuuT ke baadal Duub chalaa maiKhaanaa bhi

Khuun hii kii shirkat vo kyo.n na ho shirkat chiiz hai jhaga.De ki

apnon se wo dekh rahaa hoon jo na kare begaanaa bhi

ek lagii ke do hai.n asar aur dono.n hasb-e-maraatib hain 

lau jo lagaaye shammaa kha.Di hai raqs me.n hai paravaanaa bhi

zamaanaa yaad teraa ai dil-e-naakaam aataa hai

zamaanaa yaad teraa ai dil-e-naakaam aataa hai 

Tapak pa.Date hai.n aa.Nsuu jab vafaa kaa naam aataa hai 

vafaa tum se kare.nge dukh sahe.nge naaz uThaaye.nge 

jise aataa hai dil denaa use har kaam aataa hai  

akele karavaTe.n hai.n raat bhar bistar pe aur ham hai.n 

kahaa.N pahaluu ko Khaalii dekh kar aaraam aataa hai 

hasiino.n me.n basar kar dii javaanii 'Arzoo' ham ne 

lagaanaa dil kaa siikhe hai.n yahii ik kaam aataa hai

na aamad ki aahat aur na janay ki toh milti hay

na aamad ki aahat aur na janay ki toh milti hay 

kab aatay ho??.....kab jatay ho?? 

kabhi kabhi aangan main laga jab...... 

imli ka yah pair hawa main hilta hay to.....,, 

eento ki deewar pe parchayee ka cheenta parta hay....aur... 

jazb ho jata hay jaisay sokhi mitti par.... 

koi pani k katray se phaink gaya ho...... 

dheery dheery angan main phir dhop sisakti rahti hay! 

band kamray main...... 

kabhi kabhi jab diye ki lo hil jati hay to, 

aik bara sa saya mujh ko 

ghont ghont peenay lagta hay 

aankhain mujh se door bhaith k 

mujh ko takti rahti hain 

kab aatay ho??......kab jatay ho???....... 

din main kitni baar mujhy tum yaad aatay ho!

Fursatoon main phir milna Beshumar batain hain

Fursatoon main phir milna 

Beshumar batain hain 

Jo tumhain batana hain 

Aur tum ko jana he 

Is tarhan ki BAtain to fursatoon main hoti hain 

Fursatoon main phir milna 

Tum ko kia batain hum 

Aur kia chupain hum 

BAat chund lafzoon main 

Ye khatam nahi hogi 

Dastaan-e-gham hai ye 

Jitna muqtasir kerlo 

Itne kum nahi hogi 

khuwab kaise hote hain 

Inko kaise bunte hain 

zindagi ke naqshe main 

rang kaise bherte hain 

Roozo shab khayaloon main 

kis tarhan guzertay hain 

aur phir lamhoon main............ 

Rang kion bikhertay hain 

khwab kaise mertay hain 

rooh se siwa hoker 

jaan o dil juda hoker 

saans kaise laite hain 

choor hoke zakhmoon se 

kaise muskurate hain 

zindagi bina marzi 

kis tarhan bitate hain 

Is tarhan ki batain to 

fursaatoon main hoti hain 

aur tum ko jaldi he 

fursatoon main phir milna

Koi Nazm Aysee Likhoon Kabhi

Koi Nazm Aysee Likhoon Kabhi

Teri Baat Baat Ki Roshni

Merey Harf Harf Main Bhar Sakey

Tere Lams Ki Yeh Shaguftagi

Merey Jism O Jaan Main Utar Sakey

Koi Chandani Kisi Gehrey Rang Key Raaz Ki

MereY RastooN Main Bikhar Sakey

Teri Guftagu Se Banaoun Main

Koi DastaaN Koi KehkashaaN

HoN MuhabbatoN Ki Tamazatey Bhi Kamaal Tarha Sey MeherbaaN

Terey BazouN Bahaar Main

Kabhi Jhultey Howe GaoN Main

Teri Justaju Ke Chiraag Ko Sar-e-Shaam Dil Main JalaoN Main

Isi Jhilmilati Si Shaam Main

LikhoN Nazm JO Tera Rup Ho

KahiN Sakht JaroN Main Ek Dum Jo Chamak Uthey

Koi Khusgawaar Si Dhoop Ho

Jo Wafa Ki Taal Key Raqs Ka

Koi Jeeta Jaagta Aqs Ho

Koi Nazm Aysee LikhoN Kabhi

Key Har Lafz Key Hath Main

Tere Naam Key

Tere Harf taza Kalaam Key

Kaiy Raaz HoN

Jinhain Munkashif Bhi KaroN Agar

To Jahan-E-Sheir Key Baab Main

merey Dil Pey Rakhi Kitaab Main

TereY Chashm O Lab Bhi Chamak UthaiN

Mujhey Roshni Ki FizaoN Main KahiN Ghair LaiN

Koi Nazm Aysee LikhoN Kabhi

kuchh is adaa se milate ho jaanaa.N kabhii kabhii

kuchh is adaa se milate ho jaanaa.N kabhii kabhii 

kaa.NTe bhii lagane lagate hai.n kaliyaa.N kabhii kabhii 

jab zabt-e-Gam dil pe na jaanaa.N ko_ii rahaa 

motii sajaa liye hai.n sar-e-mizsh_gaa.N kabhi kabhii 

shaayad ke naaKhudaa ko bhii logo Khabar na thii 

ruKh apanaa mo.D letaa hai tuufaa.N kabhii kabhii 

kuchh yuu.N lagaa ki husn sitaaro.n me.n ghir gayaa 

dekhii jo un kii maa.Ng me.n afshaa.N kabhii kabhii 

dil par lagii jo choTT to jii bhar ke ro liye 

yuu.N bhii kiyaa hai dard kaa daramaa.N kabhii kabhii 

naadaa.N ho is qadar tumhe ye bhii Khabar nahii.n 

chalataa hai masalehat se biii insaa.N kabhii kabhii 

tum un ko kyaa kahoge jo jhuuThii anaa ke saath 

dekhe gaye libaas me.n uriyaa.N kabhii kabhii 

iisaar me.n vafaa me.n aqiidat me.n pyaar me.n 

vo lagaa hai numaayaa.N kabhii kabhii

Zindgi youn bitaa raha hai koi

Zindgi youn bitaa raha hai koi 

Karz jaise chukaa raha hai koi 

Dushmano ko bhi daya aa jaaye 

Dosti youn nibha raha hai koi 

Mehfilon me khushi ki jaana hai 

Bojh gum ka uttha raha hai koi 

Saari duniya he jaise usski hai 

Youn muhobbat lutaa raha hai koi 

Bhool baithe hain hum zamaane ko 

Youn hume yaad aa raha hai koi 

Tanhai ki zulmat ko mitaane ke liye 

Teri yaaden jalaa raha hai koi

Kya aah bharay koi Jab aah nahin jati

Kya aah bharay koi 

Jab aah nahin jati 

Dil say bhi zara gehri 

Aur arsh say kuch oonchi 

Kya nazm likhay koi 

Jab khwab ki qeemat mein 

Aadarsh ki soorat mein 

Kashkoal gada'ei ka 

Shaa'ir ko diya jaey 

Aur roak liya jaey 

Jab shair utarnay say 

Badal say zara oopar 

Taaron say zara neechay 

Kya khaak likhay koi 

Jab khaak kay medaan par 

Ungli ko hilanay say 

Toofan nahin uth'ta 

Jab shakh pay imkan ki 

Is dasht-e-tamanna mein 

Ik phool nahin khilta 

Rahbar nahin ruktay 

Mohoam si manzil par 

Aankhon kay isharay say 

Aur noor ki boondon ki 

Bochhar nahin hoti

Ik neelay sitaray say 

Jab dil kay bulaway par 

Iss jheel kanaray par 

Peghaam nahin aata 

Ik door ka bashinda 

Ik khwab ka shehzada 

Gulfaam nahin aata 

Basti mein koi aurat 

Raaton ko nahin soati 

Jaagi huwi aurat ki 

Soi hui qismat par 

Jab koi bhi deewana 

Be chain nahin hota 

Dehleez kay pathar say 

Takra kay jabeen apni 

Ik shakhs nahin rota 

Jab neend kay shedaei 

Khwabon ko tarastay hain 

Aur dekhnay kay aadi 

Binaei say dartay hain 

Reh reh kay andheray say 

Aankhon mein utartay hain 

Aankhon kay ujalon say 

In phool say bachchon say 

Keh do keh na ab nangay 

Paa'on say chalein ghar mein 

Is farsh pay mitti kay 

Ab ghaas nahin ugti 

Ab saamp nikaltay hain 

Deewar say aur dar say 

Ab noor ki boondon say 

Mehki hui mitti mein 

Anmol ujalay kay 

Woh phool nahin khiltay 

Ab jheel kanaray par 

Bichhray bhi nahin miltay 

Basti mein koi aurat 

Raton ko nahin soti 

Aur jagnay walon say 

Ab nazm nahin hoti 

Kya nazm likhay koi 

Jab jagnay, sonay mein 

Pa lenay mein, khonay mein 

Jab baat kay honay mein 

Aur baat na honay mein 

Kuch farq na reh jaey 

Kya baat karay koi !

Fursatoon main phir milna Beshumar batain hain

Fursatoon main phir milna 

Beshumar batain hain 

Jo tumhain batana hain 

Aur tum ko jana he 

Is tarhan ki BAtain to fursatoon main hoti hain 

Fursatoon main phir milna 

Tum ko kia batain hum 

Aur kia chupain hum 

BAat chund lafzoon main 

Ye khatam nahi hogi 

Dastaan-e-gham hai ye 

Jitna muqtasir kerlo 

Itne kum nahi hogi 

khuwab kaise hote hain 

Inko kaise bunte hain 

zindagi ke naqshe main 

rang kaise bherte hain 

Roozo shab khayaloon main 

kis tarhan guzertay hain 

aur phir lamhoon main............ 

Rang kion bikhertay hain 

khwab kaise mertay hain 

rooh se siwa hoker 

jaan o dil juda hoker 

saans kaise laite hain 

choor hoke zakhmoon se 

kaise muskurate hain 

zindagi bina marzi 

kis tarhan bitate hain 

Is tarhan ki batain to 

fursaatoon main hoti hain 

aur tum ko jaldi he 

fursatoon main phir milna

Naam isi ka naam suwere shaam likha

Naam isi ka naam suwere shaam likha..

Shair likha ya khat iss ko gumnaam likha.. 

Iss dn pehla phool khila jab pat jhar ne..

Pati pati jor k tera naam likha.. 

Iss bache ki kapi aksar parhta hoon..

Sooraj k maathe pe jis ne shaam likha.. 

Kaise donoon waqt gale milte hain roz..

Ye manzar mein ne dushman k naam likha.. 

Saat zameenain aik sitara naya naya.. 

Sadiyoon baad ghazal ne koi naam likha.. 

Meer,kabeer,bashir isi maktab k hain..

Aah, dil k kutab mein apna naam likha..

Gham Mila To Roo Naa Sakai

Gham Mila To Roo Naa Sakai

Khushi Mili To Hans Na Sakai

Yeh Kaisa Raaz Hai Zindigi Ka

Hum Jisey Samaj Na Sakai

Jis Ko Chaha,Apna Na Bana Sakai

Aap Chalai Gai, Phir Bhi Dil Se Nikall Na Sakai

Par Jab Aap Thai, Pass Bhi Na Aa Sakai.

Ab Aapki Yaadon Ko Seenai Se Lagaa K Phirthey Hain

Saamne Aap Ko Paa Kar Bhi Galey Na Lagaa Sakai,

Yeh Kaisa Raaz Hai Zindigi Ka, Hum Na Samajh Sakai

Jiss Ko Chaha Apna Na Bana Sakai

Abb Palkoon Ko Band Karr K Pal Main Aap K Pass Hote Hain

Magar Jab Aankhon K Saamne Thai

Jee Bharr K Dekh Bhi Na Sakai

Dil Dard Se Bharaa Huaa Tha Lekin Roo Naa Sakai

Yeh Kaisa Raaz Hai Zindigi Ka

Hum Jisey Samaj Na Sakai

Na Chup Reh Sakai Na Pyar Jataa Sakai

Abb Aap K Saath K Liyai Harr Pall Tarhaptai Hain

Magar Jab Aap Tarhap Rahai Thai To Saath Na Dai Sakai

Dil To Rotaa Rahai Par Aankhain Aansoo Na Bahaain

Pyar K Iss Riwaaj Ko Na Samajh Sakai

Dostoon Main Hokar Hum Kho Jaatai Hain

Woh Kehtai Hain Hum Tanha Hain

Par Hum Kehtai Hain Hum Saath Hain

Yeh Tanhaai Main Saath Ko Koi Samajh Nahi Sakta

Meri Iss Zindigi K Raaz Ko Koi Na Jaan Sakai

Dil Itne Dard Seh Kar Bhi Aap Hi Ko Chahta Kyon Hai

Hum Iss Paheeli Ko Aaj Tak Samajh Na Sakai

Aap K Laakh Inkaaron Ke Baad Bhi

Aap Humare Nahin Hain Yeh Dil Ko Samjha Na Sakai

Laakh Chaha Humne Phir Bhi Aapko Bhula Na Sakai

Jaise Din Maheenai Hogai

Aap Humain Bhool Gai Magar Hum Na Bhool Sakai

Jaise Khuwaab Zindigi Zindigi Khuwaab Na Ho Sakai

Jaise Aap Hamare Nahi Ho Saktai

Waise Hi Hum Kisi Orr K Nahi Hosakte

Mohabbat Asmanon Ki Bulandi Tak Pohnchti Hey

Mohabbat Asmanon Ki Bulandi Tak Pohnchti Hey 

Magar Kuch Fasley AIsey Hain 

Jin Ko Khatam Kerney Per 

Ana Qaim Nahi Rehti 

Ana Ka Istehkam-E-Mustaqil 

Chahat Main Lazim Hey 

Mujhey TUm Sey Yeh Kehna Hey 

Keh Merey Or APney Darmiyan Ek Fasla Rakho 

Yehi Ek Fasla Chahat Ki Mazbooti Ka Zamin Hey 

Yeh Deewar Hum Donon Ko Apas Main 

Shaoor-E-Ihtiram-E-Arzoo Ka Darz Deti Hey 

Ana Ki In Faseelon Sey Parey 

Duniya Ki Jitni Apni Mantaq Hey 

Gawara Is Ko Mera Dil Nahi Kerta 

Mujhey Her Haal Main Apni Ana Qaim Bhi Rakhni Hey 

Or Is Key Sath 

Taqdees-E-Wafa Bhi Qaim Rakhni Hey 

Mujhey Bas Itna Kehna Hey 

Keh Merey Or Apney Darmiyan Ek Fasla Rakho

Macchal uth'ti hai shakhein, aur shagoofay raqss karte hain

Macchal uth'ti hai shakhein, aur shagoofay raqss karte hain
Hawa jab gudgudati hai tu pattay raqs karte hain

Jahan yak' rang ho jayen khudi aur behudi dono
Unhi sarshaar lamhoon mein farishtey raqs karte hain

Abhi sehraon ki whshat ka andaza nahi tumko
Inhein iss waqt dekho jab bagoley raqs karte hain

Yeh manzar tumne bhi shayed kabhi dekha ho kahsti se
Thehar jaati hain maujain aur kinaray raqs karte hain

Chiraaghon ki lau'ein yun thatharati hain andheron mein
Kay jaise shab kay angan main, ujalay raqs karte hain

Mahazab door hai lekin,yeh manzar aam hai ab bhi
Kay bismal jab tarapta hai, qabilay raqs karte hain

Main jab tak hoon, meri yeh arzoo'ein bhuj nahin saktiin
Mujhe jalna hai jab tak yeh shararay raqs karte hain

Jawaaz iska koi kya samjhayega mujhko ?
ke main gardish mein hoon gar sitaray raqs karte hain

ye noor kaisaa hai raaKh kaa saya rang pahne

ye noor kaisaa hai

raaKh kaa saya rang pahne

barf kii laash hai

laave kaa saa badan pahne

guuNgii chaahat hai

rusvaa’ii kaa kafan pahne

har ek qatraa muqaddas hai maile aaNsuu kaa

ek hujuum-e-apaahij hai aab-e-kausar par

ye kaisaa shor hai jo be-aavaaz phailaa hai

rupahlii chaaNv meN - badnaamioN kaa Deraa hai

ye kaisii jannat hai jo chaunk-chaunk jaatii hai

ek intizaar-e-mujassam ka naam - Khamoshii

aur ehsaas-e-bekaraaN pe ye sarhad kaisii?

dar-o-diivaar kahaaN ruuh kii aavaargii ke

nuur kii vaadii talak lams kaa ek safar-e-taviil

har ek moR pe bas do hii naam milte haiN

maut kah lo - jo muhabbat nahiiN kahne paa’o

Muhabbat Kay Sawaloon Ko Hawalay Mil Gaey Hotay

Muhabbat Kay Sawaloon Ko Hawalay Mil Gaey Hotay 

"Jahan Pholon Ko Khilna Tha Wahin Pay Khil Gaey Hotay" 

"Miray Eman Ki Takmeel Bhi Asan Ho Jati 

Farariyat Mujhay Bay-Simt Rastoon Par Na BhatKati 

Zaroorat Mujh Ko Bay-Awaz Chehron Say Na MilWati 

Hazaar Soratoon Main Yun Kabhi Tajseem Na Hota 

Agar Tum Pass Rehtay Too 

Main Yun TAQSEEM na Hota

Ab Jo gireh Toh sambhal na sakhe

Ab Jo gireh Toh sambhal na sakhe 

Apne hathon ki lakerien khod badal na sakhe 

Zakham kuch es tarha mile ke 

Hum has kar bhi has na sakhe 

Duniya ke deya zakham sah gaye per 

Tera deya ek ek zakham sah na sakhe 

Begano se kya wafa ki umeed rakhte 

Yaha toh apne hi wafa kar na sakhe 

Us ne rolaya bhi kuch es tarha se ke 

Aankhon mein aso the 

Per un aansowoh ko hum 

Baha bhi na sakhe 

Dard itna deya ke 

Yum yeh dard bhoola bhi na sakhe 

Kitne umeedo se sapne Sajaye the 

Yeh wo sapne the jo kabhi pura ho na sakhe 

Usey bhool jane ki koshish bohat ki 

Per khod ko bhool kar bhi usey bhoola na sakhe

merey sAhiR teri aankhain ye keysa dard rakhti hain

merey sAhiR teri aankhain 

ye keysa dard rakhti hain 

inhain likhney ki chahat main 

meri porain thakeen kitna 

inhain parhney ki chahat main 

meri aankhain jaleen kitna 

main likh likh kar teri aankhian 

sunati thi jo duniya ko 

zamana rukti sanson main 

teri aankhon ko sunta tha 

teri aankhon key sagar main 

zamanay doob jatey they 

jo tujh ko yaad rakhtey they 

wo khudh ko bhool jatey they 

kisi shab AIk saa'at main 

teri aankhon sey soi thi 

to jitney khuaab bhi dekhey 

main pehron in pey roi thi 

teri aankhon sey takra kar 

to sapney toot jatye hain 

merey sAhiR teri aankhain 

ye keysa dard rakhti hain ... 

ye sapney aurh bhi lain to 

kisi taabeer ka sooraj 

inhain soney nahi deyta 

kisi sheeshey sey manzar par 

teri aankhain jo uth jain 

wo sheesha zard ho jaye 

misaal e dard ho jaye 

teri aankhon ki mehroomi 

kisi chehrey ki doulat sey 

kion janey kam nahi hoti 

ye sadiyon ka safar aurhye 

larazti narm palkon main 

zamana saaz si aankhain 

na janey kab sey pathar hain 

kion janey nam nahi hoteen 

ye socha tha kabhi main ney 

yehi kuch main ney socha tha 

key chahon to faqat ik lams dey kar hi 

inhian phir sey jaga daloon 

main iss gum sum sey pathar ko 

mehz choo kar rulaa daloon 

main in aankhon main likha dard 

mohabat sey mita daloon 

magar jab roobaroo paya 

teri aankhon ko meri jaaN 

teri aankhain meri aankhon main 

jesey jazb hoti theen 

main khud ko bhool bethi thi 

mujhey TUM yaad rehtey they 

teri aankhon key dukh dariya 

meri aankhon sey behtey they 

meri aankhain bhi ab bilkul 

teri aankhon si lagti hain 

wohi hasrat wohi wehshat 

wohi chup chaap pathar si.... 

key jiss manzar par uth jain 

aseer e dard kar jain .. 

main jab sey soch main gum hoon 

mujhey kuch tu hi samjha dey 

merey sAhiR teri aankhain 

ye keysa dard rakhti hain ...?? 

ik roz yunhi mein aa nikla

ik roz yunhi mein aa nikla

us khwab nagar k paar kahin

ik chaand mila tanhai mein

kuch aankhon se samjhata tha

per mein anjaan tha basti mein

mein uski baat ko paa na saka

mein beth k usko takne laga

phir uski shabnami aankhon se

kuch teer chaley mere hont hile

mein apne labon ki junbish ko

kuch kehne se na rok saka

kuch ulte sidhey fiqre the

wo hansne laga mein hansne laga

wo aur hansa mein seham gya

phir ik chanchal si shokh hansi

jab us k labon per Phail gai

wo apni zulf k jhatke se

utha aur uth k kehne laga

aey saad!abhi tum bache ho

jo chaand se khela karte ho

Suna Hai Ke Barish Use Bhi Passand Hai

Suna Hai Ke Barish Use Bhi Passand Hai...

Woh Bhi Meri Tarhan...

Barasti Bundoon Ko Haathoon Mein Sameet Leta Hai...

Suna Hai Phool Use Bhi Passand Hein...

Woh Bhi Meri Tarhan...

Ghantoon Phooloon Se Baatein Karta Rehta Hai...

Suna Hai Chand Use Bhi Aacha Lagta Hai...

Woh Bhi Meri Tarhan...

Raat Raat Bhar Use Takta Rehta Hai...

Suna Hai Tanhai Use Bhi Bhaati Hai...

Woh Bhi Meri Tarhan...

Pehroon Tanha Beth Kar Kisi Ko Soocha Karta Hai...

Yeh Saari baatein Saachi Hein Magar...

Yeh Bhi Saach Hai...

Mein Jo Us Ke Bare Mein...

Har Baat Ki Khabar Rakhta Hoon...

Yeh Bhi Jaanta Hoon Ke Us Ki...

Sochoon Ka Mehwar Mein Nahein Hoon...!!!

Hai wohi aasmaan, zameen wohi

Hai wohi aasmaan, zameen wohi

Maah-o-anjum ussi tarah raushan

Kehkashaan ab bhi muskuraati hai

Phool kaleyaan mehak rahi hain yunhi

Baad muddat ke saaray pardesi

Apne apne gharoon ko aaye hain

Har taraf rang-o-bou ka mela hai

Aur tanha mein apne kamre mein

Kab se beta hoon aur soch raha hoon

Jaanay kya baat hai ke ghar mein mere

Jo guzashta barass thee raunaq

Ab woh kaheen bhi nazar nahee aati

Hai fiza mein ek ajeeb sa san'naatta

Haan faqat ek tere chale jaanay se

Aisa mehsoos horaha hai mujhe

Rutt khushi ki har taraf tu aee hai

Sirf chote se mere aangan mein

Eid ab ke baras nahee aee...

Akhri chand din december k

Akhri chand din december k

Har baras hi giraan guzartay hain

Khawahisho k nigaar khanay se

Kaise kaise gumaan guzarta hain

Ruftgaan k bikhray saayon ki

Aik mehfil si dil main sajti hai

Kitnay number pukartay hain mujhay

Jin se marboot bay nava ghanti

Ab fakat mere dil main bajti hai

Kis qadar pyaaray pyaaray naamon per

Raingti badnumaan si lakeerein

Meri aankhon main phail jaati hain

Dooriyaan dairay banati hain

Dihaan ki serrhiyon per kia kia aks

Mashalein dard ki jalatay hain

Naam jo kat gaaye hain unkay hurf

Aisay kaghaz per phail jaatay hain

Hadsay k muqaam per jaisay

Khoon sukhtay nishano per

Chawk se linay lagatay hain

Phir December k akhiri din main

Har baras ki tarhaan ab k bhi

Diary aik sawaal karti hai

Kya khabar uskay aagay tak

Meray un bay chiraagh safon se

Kitnay hi naam kat gaye hongay

Kitnay number bikhar kar raston per

Gard-e-maazi se aat gaye hongay

Khak k dhairon k daman main

Kitnay toogaan simat gaaye hongay

Har December main sochta hun

Aik din is tarhaan bhi hona hai

Rang ko roshni main khona hai

Apnay apnay gharon main rakhi hui

Diary dost dekhtay hongay

Un aankhon k khak daano main

Aik sehra sa phelta hoga

Aur kuch be nishaan safhon say

Naam mera bhi kat gaya hoga!

tujhse harain k tujhay maaat karain

tujhse harain k tujhay maaat karain 

tujhse khushbo k marasim hain tujhse kaise kahain 

meri soochoon ka ufak teri mohabbat ka fasoon 

meray jazboon ka dil teri inayat ki nazar 

kaise khawaboon k jazeeron ko hum ta raaj karain 

tujhe ko bhool k kaise yaad karain 

ab koi aur nahi meri tamana ka dil 

ab to baqi hi nahi kuch ,jisay barbaad karain 

teri takseem kisi tor humain manzoor na thee 

phir sar zam jo aaye to tahi daman aaye 

chun liya dard maseeha 

teri dil dar nagahi k avoz 

hum ne jee har diye lut bhi gaye 

kaise mumkin hai bhala 

khud ko teri sehar se azad karain 

tujhe ko bhoolain k tujhey yaad karain 

iss kadar sahal nahi meri chahat ka safar 

hum ne kaantay bhi chunay roh k azaar bhi sahay 

hum se jazboon ki shara ho na saki kya kartay 

bas teri jeet ki khawahish ne kiya hum ko nidhaal 

ab iss sooch mein guzrain gaay mah o saal maray 

tujse harain k tujhey maat karain

suno ke raigzaar-e-umr ka yeh aakhri zarra

suno ke raigzaar-e-umr ka yeh aakhri zarra

meri be- jaaN hathaili sey…phisalta ja raha hey ab

meri guzri musafat ki thakan ab ood aai hey

merey qasid…suno..janay say pehlay itna kehna hey

mere ujary shehar ke un gali koochoN maiN jao tou

jahaN bachpan bitaya tha…jahaN sab kuch ganwaya tha

tou us weeran khandar ko..payaam-e-aakhri daina

waheeN aangan maiN dayeN hath pe…ik pairr daikho gay

usi boorhay shajar ke… sin raseeda say badan par tum

mere bay rang hathoN ki lakeeroN ki tarha…ik jaal daikho gay

usi peepal ki chaaooN maiN…

kisi masoom ke dil ne..kaii sapnay sajaye thay

kisi ki aankh ke aansu…kisi dil ne bahaaye thay

kisi ki jheel ankhoN ney…kaii saagar lutaye thay

bohat narmi say us peepal ko chuh kar..itna keh daina

ke ab aankhoN ke yeh darya…kahiN saagar nahiN rotay

muqaddar jinka sota hai….kabhi phir woh nahiN sotay

usay kehna mere qasid..!

jinhoN ne umr sari teri chaooN maiN basar kar di

woh aakhir pal tumharay pas aa kar..kuch na keh paye

lipat kar tum say ro laiN gay..agar duniya maiN reh paaye

suno qaasid..!!

wahaN say chand qadam ke faslay par…aik chokhat hey

wuhi chokhat hey yeh piyaray…

jahaN sajday kiye hum ney…jahaN par zindagi haari

jahaN kuch pal jiye hum ney….jahaN par jaan yeh waari

jawaaN margi pe meri shehr yeh maatam kunaaN hoga

magar…us aik chokhat par…ajab sa hi samaaN hoga..

wahaN raqsaaN sabhi chehroN pe kuch ra’aniyaaN hoNgi

wahaN bajti chaharoN su…bohat shehnaiyaN hoNgi

wahaN jiski nazar maiN jeet janay ki thakawat ho

magar…us dil nasheeN chehray pe..gehri muskurahat ho

samajh laina mere qaasid…yehi qatil mera thehra..!

meri aankhaiN yeh lay jao…mera yeh kaam kar daina

usay ji bhar ke takna tum….meri ankhoN maiN bhar laina

usay chupke say keh daina

“tumhari jeet ki khatir…yeh baazi jis ne haari hey….

nahiN tum ho sakay uske….woh mar kar bhi tumhari hey…

“nahiN…balkay…mere qaasid…

usay tum kuch nahiN kehna

Usey yeh kon samjhaye?

Usey yeh kon samjhaye????

Wo dasht-e-khamoshi mein

Ungliyon mein sipiyan pehne

Kisi sookhe samander ki

Adhoori pyas ki batein

Bohat chup chap sunta hai

Bohat khamosh rehta hai

Usey yeh kon samjhaye????

Khushi k aik aansoo se

Samander bhar bhi jate hain

Bohat khamosh rehne se

Ta'luq mar bhi jate hain...!!!

ay dost suno faryad meri kabi dunya thi abad meri

ay dost suno faryad meri kabi dunya thi abad meri,

main prem nagar ka basi tha,

or piyar ka itna aadi tha,

k sans b piyar se chalti thi,

dharkan b geet sunati thi,

na khana pina ishq siva,

na chalna phirna ishq bina,

jeevan main har su rang hi rang har pal main jeenay ki trung,

pher sapna mera toot gea,

wo dais b mujsay *** gea,

ab mara mara ghomta hun jeenay ka sahara dhondta hun,

ay dost agar tum sath chalo kisi morh pay mujsay aan milo,

is banjar zameen ko shadab karain,

wo dais yahen abad karain,

Dil Ney Teray Baarey Mein POocha tO bOht rOya

Dil Ney Teray Baarey Mein POocha tO bOht rOya

wO Shakhs jO Pathar Tha tOota tO bOhet rOya

Yeh Dil K jUdaaii Key Unwaan Pey BarsOn Sey

ChUp Tha tO bOht Chup Tha rOya tO bOht rOya

iK Harf Tasalii Ka iK LafZ mUhabbat Ka

KhUd Apney Liye Us Ney Likha tO bOht rOya

Pehlay Bhii ShikastOn Par Khaaii Thi Shikast Usney

Lekin wO Teray HaathOn Haara tO bOht rOya

jO Ehd Nibhaney Ki Daita Tha dUa, Us Ney

Kal Shaam mUjhey Tanha Dekha tO bOht rOya

Wo Bandagi Ki Aisi Misaal Deta Hai

Wo Bandagi Ki Aisi Misaal Deta Hai !!

Aawargi Ko Shariyat Mein Dhaal Deta Hai !!

Wo Khush Qalam Hai Is Darja Baat Karne Mein !!

Ke Harf Harf Ko Husno Jamal Deta Hai !!

Mein Us Ka Saath Jo Mangon Zindagi Bhar Ko !!

Bare Haseen Tareekay Se Usy Taal Deta Hai !!

Ye Jan Kar Bhi Ke Mera Wo Ho Nahi Sakta !!

Wo Daikhta Hai Yun Shasho Panj Mein Daal Deta Hai !!

Sawal Jese Ke Panaah Mangte Hon Aankhon Se !!

Jawab aankhon Se Aise Kamal Deta Hai !!

Koi Nazm Aysee Likhoon Kabhi

Koi Nazm Aysee Likhoon Kabhi

Teri Baat Baat Ki Roshni

Merey Harf Harf Main Bhar Sakey

Tere Lams Ki Yeh Shaguftagi

Merey Jism O Jaan Main Utar Sakey

Koi Chandani Kisi Gehrey Rang Key Raaz Ki

MereY RastooN Main Bikhar Sakey

Teri Guftagu Se Banaoun Main

Koi DastaaN Koi KehkashaaN

HoN MuhabbatoN Ki Tamazatey Bhi Kamaal Tarha Sey MeherbaaN

Terey BazouN Bahaar Main

Kabhi Jhultey Howe GaoN Main

Teri Justaju Ke Chiraag Ko Sar-e-Shaam Dil Main JalaoN Main

Isi Jhilmilati Si Shaam Main

LikhoN Nazm JO Tera Rup Ho

KahiN Sakht JaroN Main Ek Dum Jo Chamak Uthey

Koi Khusgawaar Si Dhoop Ho

Jo Wafa Ki Taal Key Raqs Ka

Koi Jeeta Jaagta Aqs Ho

Koi Nazm Aysee LikhoN Kabhi

Key Har Lafz Key Hath Main

Tere Naam Key

Tere Harf taza Kalaam Key

Kaiy Raaz HoN

Jinhain Munkashif Bhi KaroN Agar

To Jahan-E-Sheir Key Baab Main

merey Dil Pey Rakhi Kitaab Main

TereY Chashm O Lab Bhi Chamak UthaiN

Mujhey Roshni Ki FizaoN Main KahiN Ghair LaiN

Koi Nazm Aysee LikhoN Kabhi

Chand sa badn koi aankh ki haveli main

Chand sa badn koi

aankh ki haveli main

roz aise aata hai

noor phail jata hai

roshni si hoti hai

aankh ki siahi main

aankh khulne lagti hai

aur hamari palkun ka saath choat jata hai

......................khaab toot jata hai

Khaab toot jana bhi

ek ajab aziyyat hai

neend aksar ankhun me

bain karne lagti hai

matmi si ankhun me

ek shakal ubharti hai

ajnabi se chehre ko kaun yaad rakhta hai

yaad phir bhi karna hai

aik khaab utrna hai

aik khaab ki khatir

raat waza karte hai

aur sone lagte hain

khahishun k jangal me

phir se chalne lagte hain

khahishun k jangal me

raste nahin hote

bhoolne k dar se ham

khud hi laut aate hain

khahishun k jangal se

tab koi bulata hai

bhoolne k dar se ham

phir wahan nahin jate

ham wahan na jain to koi rooth jata hai

aur phir achanak hi khaab toot jata hai

Agr wo pyar kar leta, Mera daman pakar leta

Agr wo pyar kar leta, Mera daman pakar leta, 

Tou... 

Jeewan me faqat us se, 

Mohabt farz ho jaati, Mohabt qarz ho jaati, 

Magar... 

Acha kia us ne, 

Mujhe samjha k chal nikla, Muje thukra k chal nikla, 

Bahut nadan sa he wo, Abi anjaan sa he wo, 

Kahan maloom he us ko, 

Mohabt zindgi me bus faqt ik baar milti he, 

Agar thukra k chal niklein, 

To umrain beet jaati hain, Mohabt ki tamanna me 

Magr, 

Har aik rasty par, Bahut ruswai milti hy, 

Faqat tanhai milti hy...

mujhay aksar woh kehti thi mohabbat kuch nahi hoti

mujhay aksar woh kehti thi mohabbat kuch nahi hoti

hijr ka khauf be-matlab vasl k khawab be-maani

koi soorat nigahon main kahan din raat rehti hay

usay kiun khamoshi kahiye k jis main baat rehti hay

yeh aansoo be-zuban aansoo bhala kia bol saktay hain

kahan dil main kisi ki yaad se toofaan uthtay hain

kahan palkon k saaye main nami din raat rehti hay

kahan hoti hain woh aankhain jahan barsaat rehti hay

mujhay aksar woh kehti thi mohabbat kuch nahi hoti

magar jab aaj barson baad main ne us ko dekha hay

k us ki jheel aankhon main hijr ka khauf rehta hay

vasl k khawab rehte hain wahan barsaat rehti hay

yun lagta hay kayee raaton se woh soyee nahi shayad

yun lagta hay kisi ki yaad ab din raat rehti hay

or us ki narm palkon k haseen saye bhi geelay hain

or us ki khamoshi aisi k jis main baat rehti hay

mujhay ab woh nahi kehti mohabbat kuch nahi hoti

k ab shayad mohabbat ki woh sab ramzain samajhti hay......!!!

sochta hoon ke bohot sadaa'o masoom hai woh

sochta hoon ke bohot sadaa'o masoom hai woh 

main abhi us ko shanasaa'e muhabbat na karoon 

rooh ko us ki aseer'e gham'e ulfaat na karoon 

us ko ruswa na karoon, waqif'e muhabbat na karoon 

sochta hon ke abhi ranj se azaad hai woh 

waqif'e dard nahi, khoogar'e alaam nahi 

sehr'e ayish main us ki aseer shaam nahi 

zindagi us ke liye zehr bhara jaam nahi! 

sochta hoon ke muhabbat hai jawani ki khizaaN 

us ne dekha hi nahi dunya main baharoon ke siwa 

nikhaat'o noor se labreez nazaroon ke siwa 

sabzaaH zaroon ke siwaa aur sitaroon ke siwa ! 

sochta hoon ke gham'e dil na sunaoon us ko 

samnay us ke kabhi raaz ko uryaan na karoon 

khalish'e dil se usay dast'o gereebaN na karoon 

uskay jazbaat ko main shula'e bad' amaaN na karoon! 

sochta hoon ke jala de gi muhabbat us ko 

woh muhabbat ki bhala taab kahaan layei gi 

khud to woh aatish'e jazbat main jal jayegi 

aur dunya ko us ke anjaam pe tarpaeye gi 

sochta hoon ke bohot sadaa'o masoom hai woh 

main usay waqif'e ulfaat na karoon! 

aaj har koi iske nashe mein giraftaar hain

aaj har koi iske nashe mein giraftaar hain, 

zindagi koh bhool gaye itne talabgaar hain, 

majbooriyon seh peecha nahi *** sake, 

ek seh nikale toh doosri ka shikaar hain, 

kaunsi buniyaad par tum ab aagey badoge, 

phool ek nahi magar kaante hazaar hain, 

sabh kuch lut gayaa, sabh kuch mit gaya, 

aur kisi toofaan ke aane ka intezaar hain?, 

jab kuch bhi nahi miltaa hain is ishq mein, 

kyun har insaan is tarah lutne tayyaar hain, 

joh kabhi bhi doob jaayegi majdhaar mein, 

mohabbat ki aisi kashti mein savaar hain, 

mohabbat chaahat yeh kya laga rakha hain, 

khushi ke naam par gham be_shumaar hain, 

Is raastey par khushiyaan toh milti he nahi, 

kuch agar mil jaaye toh kisey inkaar hain, 

Mohhabbat seh agar pet bhare toh bataao, 

yahaan aaj kal hum bhi be_rozgaar hain.

Ham Nay Bhi Mohabbat Ke Thi Mager

Ham Nay Bhi Mohabbat Ke Thi Mager

Kuch Bhi Na Mela Hasrat Kay Sewa

Tum Nay Bhi Hamay Elzaam Dia 

Kia Kahay Esay Qismat Kay Sewa

Suntay Thay Wafa Jo Kartay Hain

Inaam -e- Wafa Pa Jatay Hain

Chahat Ke Nazar Rakhnay Walay

Chahat Ka Sela Pa Jatay Hain

Dekha Tu Koee Anjaam Nahi

Ulfat Ka Ak Nafrat Kay Sewa

Easa Tu Kabhi Socha Bhi Na Tha

Tum Ham Say Juda Ho Saktay Ho

Chaha Tha Tumhara Pyaar Mager

Kuch Pa Na Sakay Tohmat Kay Sewa

KIS QADAR ZULM DHAYA KARTE HO

KIS QADAR ZULM DHAYA KARTE HO

YE JO TUM BHOOL JAYA KARTE HO

KIS KA AB HATH RAKH KAR SENE PAR 

DIL KI DHARKAN SUNAYA KARTE HO 

HUM JAHAN CHAYE (tea) PEENE JATE THE 

KIA WAHAN AB BHI JAAYA KARTE HO 

KAUN HAI AB K JIS K CHEHRE PAR 

APNI PALKOON KA SAAYA KARTE HO 

KEUN MERE DIL MEIN RAKH NAHI DETE 

KIS LIYE ZULM UTHAAYA KARTE HO

FONE PAR GEET JO SUNAATE THE 

AB WO KIS KO SUNAYA KARTE HO 

AKHRI KHAT MEIN US NE LIKHA THA 

TUM MUJHE YAAD AAYA KARTE HO