Sitam JAGTE hain, KARAM So Rahe hain
Mohabat k JAH-O-HASHAM so rahe hain
Mery NUKTA SAZO ! Sukhan k KHUDAOO!
Pukaro…! K LOH-O-QALAM so rahe hain
Her ik ZEHAN mein hai KHUDAAI ka Daawa
Her ik Aasteen mein SANAM so rahe hain
Yahan Khawab-E- Rahat Faraib-e-Yaqeen hai
Na TUM so rahe ho na HUM so rahe hain
Wahan Chandni k Qadam Dolte hain
Jahan tere Naqsh-E-Qadam so rahe hain
Takhayyul mein hain Gieso’oon k Ba’haane
Nigahon mein “RANGEEN BHARAM” So rahe hain
Meri Ujjdi Ujjdi See Aankhon mein “SAGAR”
Zamany k RANG-O-Alam so rahe hai
No comments:
Post a Comment