Riwaj

agar maiN tum se kahuN falak k tamam tary,
tumhary qadmoN meiN Dhair kr duN,
damakta chand aur dekhakta suraj,
ye aabsharoN k geet sary,
samundroN k sabhi kinary,
ye leh'lahaaty haseeN nazary,
tumhary sadqy meiN daan kr duN,
to kesy mumkin tumhary ander khushi ki lehreN na mojzan hoN,
magar haqeeqat jo ham se pucho,
sarab hoti haiN Jaan-e-Ejaz aisi bateN,
magar kreN kya, k dukh to ye hy,
isi terha ki bohat si bateN (saraab haiN jo),
tumhary jesy bohat se logoN ki mang thehreiN,
ye rishty naty, ye dosti k aTooT bandhan,
isi terha ki munafiqat hi pe pal rahy haiN,
ajeeb ter haiN ye log sary,
qusoor tera nahiN hay pyary,
k khud ko dhoky meiN rakhy rehna,
zamany bher ka riwaaj sa banta ja raha hay.....

--------------------------