Tuesday, May 11, 2010

Teri zat se nikalna chahta hai

Teri zat se nikalna chahta hai
ye dariya rukh badalana chahata hai

vo sapna jis ki surat hi nahi hai
meri ankhon main chalna chahta hai

dilon ki mandagi pe kya ta'ajjub
k suraj bhi to dhalna chahta hai

nashist-e-dard badali hai to ab dil
zara pahlu badalna chahta hai

mujhe bhi samana hai karbala ka
mera sar bhi uchalna chahta hai

nahi hai tarjuman-e-gam ye ansu
ye pani ab ubalna chahta hai

tabassum zer-e-lab kahta hai 'Amjad'
koi jazba machalna chahta hai

No comments:

Popular Posts