Kuch Ye Ke Muddaton Se HuM Bhi Nahi Roye The

Kuch Ye Ke Muddaton Se HuM Bhi Nahi Roye The,
Kuch Zeher Mein Bujha Tha Ehbaab Ka Dilaasa,

Phir Yun Hua Ke Sawan Aankhon Mein Aa Base The,
Phir Yun Hua Ke Jaise Dil Bhi Tha Aabla Sa,

Ab Sach Kahein To Yaaron HuMko Khabar Nahi Thi,
Ban Jayega QayaMat Ek WaQiya Zara Sa,

Tewar The Berukhi Ke Andaz Dosti Ke,
Wo Ajnabi Tha Lekin Lagta Tha Aashna Sa,

HuM Dasht The Ke Dariya HuM Zeher The Ke AMrat,
NahaQ Tha Zo'aM HuM Jab Wo Nahi Tha Pyaasa,

HuMne Bhi Usko Dekha Kal ShaaM IttefaQan,
Apni Bhi Haal Hai Ab Logon Faraz Ka Sa...