In taiz sumandar ki lehroun say

In taiz sumandar ki lehroun say
kuch khamosh si batain kerti hoon
khuda janay is kismat ki
jo hum khud hi banaya kertay hain
kuch pal jo puranay guzr gaye
wo us sham ki baat kiya krtay hain
bus itna hi ab kehna hai
her Saans k saath tujhe yaad kiya karte hain
raat k angan main ab aksar
yunhi hasti gati phirti hoon
jab chand b tanha hota hai
aur chandni palkoun tak ati hai
ek ajab si ahat is dil main
betab si ker kay jati hai
main door khilay un pholoun ko
phr chup si baith k daikhti hoon
har taraf andhaira raatoun ka
aur dard ka alam hota hai
in urti hawaon mein aksar
aik sada si goonjh k jati hai
main phr say behak si jati hoon
aur tanha tanha rahoun per
us awaz k peechay jati hoon
achnak say kuch yad aya
main roti roti jati hoon
phr aik sanata sa cha jata hai
jab samnay ja kr daikhti hoon
to aik tariki si wo hoti hai
kuch siskian sunai si daiti hain
jo chand ki mehkti kirnoun main
wo jagah mai ja kr daikhti hn
to tarap si main b jati hn
aik qabr andhairi khali hai
pr ansoo girtay jatay hain
kuch bichray puranay apnay hi
un qabroun main soe hotay hain
mjhko to pukara tha usnay
mgr dair say main to phounchi thi
ab kia gila mai krti phiroun
anjan to tab dunia b thi
phr lout k wapis jati hoon
aur phr door akailay chaltay hoe
main chand k ghar mai jati hoon
In taiz sumandar ki lehroun say
kuch khamosh si batain kerti hoon
khuda janay is kismat ki
jo hum khud hi banaya kertay hain