Ham par tumhari chaah ka ilzaam hi to hai

Ham par tumhari chaah ka ilzaam hi to hai Dushnaam to nahin hai ye ikaraam hi to hai
Karte hain jis pe taa'n, koi jurm to nahin Shauq-e-fuzool-o-ulfat-e-nakaam hi to hai
Dil muddai ke harf-e-malaamat se shaad hai Aey jaan-e-jaan ye harf tera naam hi to hai
Dil na-umeed to nahin, na-kaam hi to hai Lambi hai ghum ki shaam, magar shaam hi to hai
Dast-e-falak mein, gardish-e-taqdeer to nahin Dast-e-falak mein, gardish-e-ayyaam hi to hai
Aakhir to ek roz karegi nazar wafaa Wo yaar-e-khush_khasaal sar-e-baam hi to hai
Bheegi hai raat 'faiz' gazal ebtida karo Waqt-e-sarod dard ka hungaam hi to hai
--------------