Hamaarey paas aanaa bhi unhain achchhaa naheen lagtaa!Hamaaraa muskuraanaa bhi unhain achchhaa naheen lagtaa!!
Yahaan ham wasl ko beychain they, khwaaboun ki duniyaan mein!Kareyn kyaa, yeh fasaanah hi unhain achchhaa naheen lagtaa?
Hamaaree raat kat jaatee hai yuun hi jaagtey-rotey;Hamain sapney dikhaanaa bhi unhain achchhaa naheen lagtaa!!
Hamain lagtaa hai, royengey akeyley hi, kaheen chhup kar;Galey milkar, rulaanaa bhi unhain achchhaa naheen lagtaa!!
Na jaaney ham mein aisee baat kyaa hai, chhitaktey hain who?Uthhaa, nazareyn milaanaa bhi unhain achchhaa naheen lagtaa!!
Kisey maaloom thaa, yeh dil-lagee zaalim hai khaaroun-see;Diloun key gul khilaanaa bhi unhain achchhaa naheen lagtaa!!
Bahut mushtaaq they, gaatey suneyngey aaj ham jinko:Hamaaraa gungunaanaa bhi unhain achchhaa naheen lagtaa!!
Bahut maayuus hain; par, giley shikwey kareyn, to kaisey?Hamain ghar par bulaanaa bhi unhain achchhaa naheen lagtaa!!
Kaheen mahshar na aa pahunchey, ki, bas, ham yuun hi mar jaayen?‘Abd’ sey dil lagaanaa hi unhain achchhaa naheen lagtaa!!
Sunday, March 1, 2009
Subscribe to:
Post Comments (Atom)
Popular Posts
-
Wo Kehti hai Suno Jana Mohabbat Moom Ka Ghar Hai Tabish Bad Gumani Ki Kahin Pighla Na De iss ko Main Kehta Hoon Jis Dil ... -
Koi tumse pooche kaun hoon main, Tum keh dena koi khaas nahi. Ek dost hai kaccha pakka sa, Ek jhooth hai aadha saccha sa. jazba... -
Main aur meri tanhaai aksar yeh baatein karte hain Tum hoti to kaisa hota, tum yeh kehti, tum voh kehti Tum is baat pe hairaan hoti, ... -
Dost Kya Khoob Wafaon Ka Sila Dete Hain, Har Naye Mod Par Ek Zakhm Naya Dete Hain, Tum Se To Khair Ghadi Bhar Ki Mulakat Rahi, Log Bars... -
ek shakhs ko dekha tha taroon ki tarha hum ne ek shakhs ko chaha tha apno ki tarha hum ne ek shakhs ko samja tha phoolon ki ... -
Main hosh mein tha to phir us pay mar gaya kaisay yeh zeher meray laho mein utr gaya kaisay kuch us dil mein lagawat zaroor thi wer... -
Kal Halki Halki Barish thi, Kal Sard Hawa ka Ruqs Bhi Tha. Kal Phool bhi Nikhray Nikhray Thay, Kal Un Me Aap Ka Aks bhi Tha, Kal Bada... -
Kash Main Teray Haseen Hath Ka Kangan Hota Tu Baray Pyaar Say, Chao Say , Baray Maan Kay Sath Apni Nazuk Se Kalaee Main Charhate Mujh Ko O... -
Woh Boli Dil Ko Koi Be-Yakeeni Hai Mohabbat Mein Main Bola, Theek Hai Per Ishq To Imaan Hota Hai Woh Boli, Aarzuein Dil Ke Andsar... -
Chhoota Jo Tera Haath Tou Hum Toot Ke Roye Tum Jo Na Rahay Saath Tou Hum Toot Ke Roye Chaahat Ki Taman'na Thi Aur Zakhm Diye Tum...
No comments:
Post a Comment