sar-e-raah kuch bi kaha nahin

sar-e-raah kuch bi kaha nahin, kabhi us ke ghar main gay nahin
ham janam janam say usi kay hain, usay aaj tak ye khabar nahin 

usay paak nazron say choomna, bhi ibadton main shumar hay
koi phool lakh qareeb ho, kabi mene usko chuwa nahin

ye khudai den bhi ajeeb he , ke usi ka naam naseeb hay
jise tum ne chaha woh mil gya, jise mene chaha woh mila nahin

isi shehar main kai saal se, mere kuch qareebi aziz hain
unhain meri kuch bhi khabar nahin, mujhe unka koi pata nahin