Aansuon Ko Ankhonki Dehleez Pe Aaya Na Karo,
Ghar Ke Haalat ZaMane Ko Bataya Na Karo,
Log Mutthi Mein NaMak Leke Phirte Hai,
ZakhM TuM Apne Kisiko Bhi Dikhaya Na Karo,
Saanp Khushbuon Ke Ihaate Mein Rehte Hai,
Phool Ke Pairon Ko Aangan Mein Lagaya Na Karo,
Haath Aaye Usi LaMhe Ko GaniMat Jaano,
Apni Palkon Pe Koi Khwaab Sajaya Na Karo,
Yaas Ki Tapti Huidhoop Mein Jalne Do Mujhe,
Aas Ke Badalo Sar Pe Mere Aaya Na Karo,
Aaj Ke Daur Ka PaigaM Yehi Hai Talib,
Koi Gir Jaaye To Bhule Se Uthaya Na Karo...
No comments:
Post a Comment