Hawa Ko Likhna Jo Aagaya Hai

Hawa Ko Likhna Jo Aagaya Hai,
Ab Uski Marzi Ke Wo Khizan Ko Bahar Likh De,
Bahar Ko Intezar Likh De,
Safar Ki Khwahish Ko WehMon Ke Azaab Se HaMkinaar Likh De,
Wafa Ke Raaston Par Chalne Walon Ki KisMatonMe Gubaar Likh De,
Hawa Ko Likhna Jo Aagaya Hai,
Hawa Ki Marzi Ke Wasal MausaM Me Hijr Ko Hissedaar Likh De,
Mohabbaton Ke Guzarne Wali Raaton Ko Na-Paidaar Likh De,
Shajar Ko KaM Sayadaar Likh De,
Hawa Ko Likhna Jo Aagaya Hai,
Ab Uski Marzi Ke Wo HaMare Diye Bujha Kar,
Shabon Ko Ba-Ikhtiyaar Kar Ke Seher Ko Be-Aitbaar Likh De,
Hawa Ko Likhna Sikhane Walo,
Hawa Ko Likhna Jo Aa Gaya Hai...
* * * * *