Maan lay ab bhi meri jan-e-ada ,Dard na chun

Maan lay ab bhi meri jan-e-ada ,Dard na chun
Kam aati nahi phir koi DUA, Dard na chun...

Aur kuch der main mujh ko chalay jana hoga
Aur kuch der mujhay khuwab dikha ,Dard na chun...

Aik bhi dard na kam hoga kai sadiyon main
Ab bhi kehta hoon tujhay waqt bacha,Dard na chun...

Woh jo likha hai kisi tor nahi tal sakta
Aa meray dil main koi deep jala,Dard na chun....

Main teray lams say mehroom reh na jaon kahin
Aakhri bar mujhay khud say laga,Dard na chun...

Ab to yeh reshmi poorain bhi chidi jati hain
Khud ko ab bakhsh day,Zulam na dha,Dard na chun...

Yeh nahi hoon gay to khali nahi ho jaon ga main
Meray zakhmon say koi geet bana ,Dard na chun...

Kuch na day ga yeh masail say ulajhtay rehna
Chor sab kuch meri bahoon main sama ,Drad na chun...