suno pagal lerki

suno pagal lerki
Muejh paaney ke khwaab na dekho
ager meri yaadon ke kaanch
tumhari ankhoon mein reh gaey tao
tamaam umur tum rooti rahogi

suno pagal lerki
main awara badul
hurjaayi howa hoon
mujeh muthiyoon mein
qaid kerne ki koshish na kero
kahein aisa na ho ke
khaali hataeliyoon ka dukh
tumhey maar daley

suno pagal lerki
main sahil ki rait hoon
mujh per apna naam likhney k i
koshish na kerna
kahein aisa na ho keh
waqt ki koyi lehur aaker
isey mita dey
aur tum khud ko dhoondti reh jao

suno pagal lerki
mujeh gulaab ki manind
dil ki kitaab mein na rukho
kahein aisa na ho keh
jub kabhi
is kushk phool ko uthao
tao pati pati bikhur jaey
aur os k bikhurne ka dukh
tumhe raiza raiza kerdey

suno pagal lerki
meri yadoon ke suraj
apni ankhoon mein na basao
kahein aisa na ho keh
in ki tapish se
tumhari ankhein pighul jayen
aur
tum janti ho keh tumhari ankhein
mujeh apni jaan se burh ker azeez hein ........ ... ...