shehr-e-dil ki galiyun main

shehr-e-dil ki galiyun maiN

shaam sey bhataktey haiN

chaand ke tamanayi

be-qaraar sodayi

dil gudaaz tareeki

jaaN gudaaz tanhayi

rooh-o-jaaN ko dasti he

rooh-o-jaaN maiN basti he

shehr-e-dil ki galyooN maiN

taak shab ki belooN per

shabnami sarkashooN ki

be-qaraar logooN ne

be-shumaar logoN ne

yaadgaar chorhi he

itni baat thorhi he

sad hazaar bataiN thiiN

heela-e-shakibayi

sooratooN ki zebayi

qamatooN ki ra'anayi

in siyah ratooN maiN

aik bhi na yaad aayi

ja-ba-ja bhataktey haiN

kis ki raah taktey haiN

chaand ke tamanayi

ye nagar kabhi pehley

is qadar na viraaN tha

kehney waley kehtey haiN

qiryaa-e-nigaraaN tha

khair apney jiney ka

ye bhi aik samaaN tha

aaj dil maiN virani

abr ban ke ghar aayi

aaj dil ko kia kehye

ba-wafa na herjayi

phir bhi loog diwaney

aa gaye haiN samjhaney

apni vehshat-e-dil ke

bun liye haiN afsaney

khush khayal dunya ne

germiyaaN to jati haiN

wo ruteeN bhi aati haiN

jab malool ratooN maiN

dostooN ki batooN maiN

ji na chain paye ga

or aub jaye ga

aahatooN se gonjey gi

shehr-e-dil ki pehnayi

or chaand ratooN maiN

chandni ke shedayi

her bahaney niklaiN gey

aazmaney niklaiN gey

aarzo ki gerayi

dhoondhney ko ruswayi

sard sard ratooN ko

zard chaand bakhshey ga

be-hisaab tanhayi

be-hijaab tanhayi

shehr-e-sil ki galyooN maiN