Ab dard ka sooraj kabhi dhalta hi nahi hay
ab dil koi pehloo ho sambhalta hi nahi hay
bay chain kiya rehti hay jis ki talab-e-deed
ab baam pay woh chaand nikalta hi nahi hay
aik umer say duniya ka bas aik hi aalam hay
ye kiya kay falak rang badalta hi nahi hay
nakaam raha un ki nighaahon ka fasoon bhi
is waqt tu jaado koi chalta hi nahi hay
jazbay ki karee dhoop ho tu kiya nahi mumkin
ye kis nay kaha sung pighalta hi nahi hay
No comments:
Post a Comment