Friday, June 11, 2010

Kabhi Jo Zeest Ka Apni Hisaab Kerna


Kabhi Jo Zeest Ka Apni Hisaab Kerna 
Deyhaan Rakhna,Khayaal Kerna 

Main Jo Tumhaari Aarzoo Mein 
Musaaftoon k Kathin Safar Mein 
Sitam Zareefi Ki Manziloon Ko 
Bey Aytnaai k Sarkhoi Sey 
Guzar k Jaanay Kahaan Khara Hoon 
Tumhaari Raah Tak Rahaa Hoon 
Kabhi Jo Qissey Sunaaney Betho 
Khud Ko Yunhi Dohraaney Betho 
Safar Karo Jo Maazioon Ka 
Kabhi Jo Waqt Ka Hisaab Kerna 

Khayaal Kerna, Dhyhaan Rakhna 

Main Jo Tumhaari ik Muskuraahat, 
Ik Ik Lafz k Hazaar Maaney 
Talaashta Hoon, Sanwaarta Hoon 
Diloon Mein Apney Utaarta Hoon 
Tumhaari Aankhoon k Jugnoun Ki Roshni Mein 
Ajab Nagar Mein Aa Gaya Hoon 
Na Manoosiyat, Bey Tawajjuhi Ka 
Azaab Sehtey Sehtey Uktaa Gayaa Hoon 
Andher Nagri Mein Aa Gayaa Hoon 
Talaash-e-Yaraan Mein Sergardaan 
Nishaan-e-Manzil Talaashta Hoon 

Suno ..... ! 

Agar Jo Diya Utha k Tum 
Kabhi Andheyri Raah Pey Niklo 
Khuda Karey Roshni k Humraah 
Usi Raastey Pey Nikal Paro k 
Jis Raah Pey Main Roshni Ki 
Talaash Mein 
Taweel Arsey Sey Muntazir Hoon 
Tumhaari Aankhoon k Jugnoun Ney 
Idher Ka Rasta Hi Bhula Diya Hai 
Bey Amaan Manzil, Be Nishaan Manzil 
Kisi Diye Ki Hi Muntazir Hai 

Suno ..... ! 

k Main Tumhaara Muntazir Hoon 
So, 
Kabhi Jo Raah Mein Ujaala Kerna 
Deyhaan Rakhna, Khayal Kerna 
Kabhi Jo Apna Ahteysaab Kerna 
Meri Wafa Ka Khaayal Rakhna ..... !!!!!

No comments:

Popular Posts