Friday, June 11, 2010

Subh Ki Pehli Kiran Yoon Tau Jaga Deti Mujeh


Subh Ki Pehli Kiran Yoon Tau Jaga Deti Mujeh
Band Khirki Se Magar Kese Sada Deti Mujeh

Mein Teri Yaadon Mein Khoya Muntazir Hota Tera
Koi Khushboo Teri Amad Ka Pata Deti Mujeh

Sheher Se Urr Ker Bhi Tere Pass Aa Sakta Tha Mein
Gar Tera Pagiham Gaon Ki Hawa Deti Mujeh

Malgajay Kaghaz,kitabein,phool Patay Shairi
Zindagi Ke Pass Kia Tha Jo Sawa Deti Mujeh

Mere Lafzon Mein Ghina Ka Zaika Mojood Tha
Woh Kabhi Ik Sheir Tau Mera Suna Deti Mujeh

Uska Ghar Safdar Kahin Anghoor Ki Beilon Mein Tha
Zindagi Ki Dhoop Mein Yeh Tau Bata Deti Mujeh 

No comments:

Popular Posts