Saturday, June 19, 2010

Kisi ko hum say hain chand shikway kisi ko beyhud shikayatain hain

Kisi ko hum say hain chand shikway kisi ko beyhud shikayatain hain 
hamarey hissey main sirf apni safaiyaan hain, wazahatain hain 

qadam qadam par badal rahey hain musaafiroun ki talab k raastey 
hawayoun jaisi mohabbatain hain, sadayoun jaisi rafaqatain hain 

kisi ka maqrooz main nahin par meray girebaan pay haath sub k 
koi meri chahatoun ka dushman kisi ko darkaar chahatain hain 

teri judaayi k kitney sooraj ufaq pay doobey magar abhi tuk 
khalish hay seenay main pehlay din si lahoo main wesi hi wehshatain hain 

meri muhabbat k raazdaan nay yeh keh k lautadia mera khat 
k bheegi bheegi see aansooun main tamaam gunjalak ibaaratain hain 

main doosroun ki khushi ki khaatir ghubaar bun kar bikhar gaya hoon 
magar kisi nay yeh huq naa maana k meri bhi kuch zarooratain hain

No comments:

Popular Posts