agar talaash karo koi mil hii jaayegaa
magar meri tarah kaun tumhain chaahegaa
tumhain zaroor koi chaahaton se dekhegaa
magar vo ankhain hamaari kaha se laayegaa
naa jaane kab tere dil par naye si dastak ho
makaan Khaali huaa hai to koi aayegaa
main apani raah main divaar ban ke baitha hoon
agar vo aayaa to kis raaste se aayegaa
tumhaare saath ye mausam farishton jaisaa hai
tumhaare baad ye mausam bahut sataayegaa
No comments:
Post a Comment