Be Zameen Logon Ko Bekarar Aankhon Ko

Be Zameen Logon Ko
Bekarar Aankhon Ko,
Badnaseeb Qadmon Ko,
Jis Taraf Bhi Le Jayein
Raasto Ki Marzi Hai,

Be-Nishaan Jazeeron Par,
Badguman Shehron Mein,
Be-Zuban Musafir Ko
Jis Taraf Bhi Bhatka Dein,
Raaston Ki Marzi Hai,

Rok Dein Ya Badhne Dein,
Thaam Le Ya Girne Dein,
Wasal Ki Lakeeron Ko,
Tod Dein Ya Milne Dein,
Raston Ki Marzi Hai,

Ajnabi Koi Laa Kar Humsafar Bana Dein,
Saath Chalne Walon Ki Raakh Bhi Uda Dalein,
Ya Musaftein Saari
Khaak Mein Mila Dein,
Raaston Ki Marzi Hai...