Kabhi Aisa Bhi Ho Tumhari Koi Shaam Mere Naam Bhi Ho

Kabhi Aisa Bhi Ho,
Tumhari Koi Shaam Mere Naam Bhi Ho,
Tumhari Nigahein Mere Liye Sarapa Intezar Bhi Ho,

Tumhari Kisi Sochon Mein Mera Guzar Bhi Ho,
Tumhari Nazmon, Tumhari Gazlon Mein Meri Shakhsiyat Zer-E-Zikr Bhi Ho,

Tumhare Takallum Mein Mera Zikr Karte Samay Kisi Qadar Chaashni Bhi Ho,
Tumhare Dil Mein Mujhe Paa Lene Ki Justuju Bhi Ho,

Tumhari Koi Shab Bechain-O-Bekarar Bhi Ho,
Tumhare Hathon Ki Lakeeron Mein Mere Naam Ki Lakeer Bhi Ho...