jab tere shahar se guzarata hun

jab tere shahar se guzarata hun
dil bhii karataa hai yaad chhup ke tujhe
naam letii nahii zubaan teraa

ye bhii nahi mujhe maalum
kis mohalle main hai makaan teraa
kaun sii shaaKh-e-gul pe raqsaan hai
rashk-e-firdaus aashiyaan teraa
jaane kin vaadiyon men Theharaa hai
Girat-e-husn kaaravaan teraa
kis se puchun gaa main Khabar terii
kaun batalayega nishan teraa

terii rusvaa_iiyon se Darataa hun
jab tere shahar se guzarataa hun

haal-e-dil bhii na kah sakaa garche
tu rahii muddaton qariib mere
kuch terii azmaton kaa Dar bhii thaa
kuch Khayalat the ajiib mere
aaKhir kaar vo gharti aaie
baar-e-dar ho gaye raqiib mere
tuu mujhe cho.D ke chalii bhii gaie
Khair qismat merii nasiib mere

ab main kyon tujh se pyaar kartaa hun
jab tere shahar se guzarataa hun

vo zamana terii muhabbat kaa
ek bhuli hui kahani hai
tere kuche men umr bhar na gaye
sari duniya kii Khaak chani hai
lazzat-e-qarb ho ke zaKhm-e-firaaq
jo bhii hai terii meharabani hai
kis tamanna se tujh ko chaha thaa
kis muhabbat se haar maanii hai

apanii qismat pe naaz karta hun
jab tere shahar se guzarata hun

Hum tere shehar mein aaye hain musaafir ki tarha

Hum tere shehar mein aaye hain musaafir ki tarha
Sirf ek baar mulaakat ka mouka de day...

Meri manzil hai kahaan, mera tikhaana hai kahaan
Subha tak tujh se bichar kar mujhe jaana hai kahaan
Sochne ke liye ik raat ka mouka de day...

Apni aankhoon mein chuppa rakhay hain jugnoo mein ne
Apni palkoon pe saja rakhay hain aansoo mein ne
Meri aankhoon ko bhi barsaat ka mouka de day...

Aaj ki raat mera dard-e-muhabbat sun lay
Kap'kapaatay huwe hontoon ki shikaayat sun lay
Aaj izhaar-e-khayaalaat ka mouka de day...

Bhoolna thaa tu yeh iqraar kiya hi kyon thaa
Bewafa tu ne mujhe pyar kiya hi kyon thaa
Sirf do chaar sawaalaat ka mouka de day...

Hum tere shehar mein aaye hain musaafir ki tarha...
Sirf ek baar mulaakat ka mouka de day...

EID MUBARAK!

EID MUBARAK!

~*~*~*~*~*~*~*~*~*~*~*~*~*~*~*~*~*~*~

Hum nay Hilal e Eid kay haath bihjwaya yeh sandesa
Kerta hay koi yaad tumhain baar baar kahna !!!!!!!!!
~*~*~*~*~*~*~*~*~*~*~*~*~*~*~*~*~*~*~

Gaeroon main hay Shaad ussay Eid Mubarak
Jis ko nahi hum yaad ussay Eid Mubarak

Masoom say Armanoon ki Masoom si dunya
Jo ker gaya barbaad ussay Eid Mubarak
~*~*~*~*~*~*~*~*~*~*~*~*~*~*~*~*~*~*~

Daaman main jitnay mohabat kay phool hain
Tum ko khoshi main EID ki kerta hoon pesh
~*~*~*~*~*~*~*~*~*~*~*~*~*~*~*~*~*~*~

Ankh Num ker gaya bichartay hoyay logoon ka khyal
Dard e dil day kay humain doob gaya EID ka chand
~*~*~*~*~*~*~*~*~*~*~*~*~*~*~*~*~*~*~

EID ki her bahar dekho tum
Aish e lail o nahar dekho tum

Eik iss EID per kiya hay Moqoof?
Esi Eideen hazar dekho tuum
~*~*~*~*~*~*~*~*~*~*~*~*~*~*~*~*~*~*~

Aey shaam..........

Aey shaam..........

Yeh tu bata kay tu kun roz aa jati hay

Teray aatay hee kisi kay

Hontono ki surkhi, woh masoom chahra

Uss ka bohla pan

Kun yaad aa jata hay

Tub hum teray nasheman ki truf

Munh ker kay

Hawaoon main.. milay teray

Sansoon ki khoshboo say batain kertay hain

Kiya batain kertay hain?

Yeh kay kiya hoa hay tum ko, Janay bhi day.. Kun kay

Teray jesay, our bhi hain, our bhi hain

kathin hai zindagi kitni

kathin hai zindagi kitni

safar dushwar hai kitna

kbi paaon nahi chaltay

kbi rasta nahi chalta

hamra sath de payee

koi aisa nahi milta

fakat aisae guzaron tau

ye roz-o-shab nahi kat'tay

ye kat'tay thay kbi pehlay

magr haan ab nahi kat'tay

k ab har sans pe jana'n

hamari jaan nikati hai

muje phir b mere malik

koi shikwa nahi tuj se

main jaan pe khail sakti hon

sabhi dukh jhail sakti hon

agr tu aaj he kar de

muhabbat hamsafar meri


muhabbat hamsafar meri

meray liyee tu apnay muqadar sy maat ulaahj

meray liyee tu apnay muqadar sy maat ulaahj
meri koi lakeer tery hath may kahaa

muhj sy mera sitara-e-tukdeer tang hai
muhj gurdishi ku seel-e-hawadaas kee dur kahaan

behaty hu meray saamny jaari hai guftagoo .....
lykin chulay gaaye hu mujay choor ker kahaan


dunoon jahaan ghum thay tumari nigah may ....
jata tum ku choor k jata magar kahaan


meray liyee tu muj sy ziada koi nhi .......
apna nhi hai khouf tu duniyaa ka der kahaan

ye jaanany k unn ka tahakub keroon ga may ....
.ye loag ja rahay hain mujay choor ker kahaan

Ab ke hum bichre to shayad kabhi khwabon mein milein

Ab ke hum bichre to shayad kabhi khwabon mein milein
Jis tarah sookhey hue phool kitabon mein milein

Dhoond ujray hue logon mein wafa ke moti
Yeh khazane tujhe mumkin hai kharabon mein milein

Ghum-e-duniya bhi ghum-e-yaar mein shamil karloon
Nasha barhta hai sharabein jo sharabon mein milein

Tu Khudah hai na mera ishq Farishton jaisa
Dono insaan hain to kyun hijabon mein milein

Aaj hum dar yeh khainchein ge jin baaton par
Kya ajab kal woh zamane ko naseebon mein milein

Ab na woh hain, na woh tu hai, na woh mazzey hain  

Jaise do shakhs tamanna ke sailabon mein milein

Sard shamoo’n si uski yaadein hoon

sard shamoo’n si uski yaadein hoon
jo pal mey dhal jaaein,

aur mujhey ta daer…
un aziyyat bharey lamhoo’n ko na jeena parey

jo mujh sey meray jeenay ki
taaqat chheentey hein,

mujhey dar lagta hey!!!
main peeghal na jaaoo’n…

khud sey keyey waa’doo’n ka paas keyey bina
na uski nafrat mey jal jaaoo’n,

k main ab toot chuki hoon

uski chahat thi meri taaqat…
uski duuri hey kamzori,

so kaash uski yaadein
sard shaamoo’n si ho jaaein…
jo pal mey dhal jaaein,

__________________

USSAY MUJH SE MUHABBAT HAI..!!

wohi andeshay farqat ke
wohi gumnaam se kasak
wohi har baat per ranjish
wohi har baat per larna
wohi likhna humaray naam ko bay reham mojon per
wohi apni kitabon mai gulabi titlian rakhna
wohi bay mani baton mai humara zikr lai aana
humay pardai se chup ker dekhna aur muskura dena
wohi muskan dheemi se
wohi kuch bolti aankhein
wohi chup chaap sa lehja
wohi bechain se halchal
wohi sayai se ghubrana
wohi sakhion se katrana
wohi kehnay se kuch derna
whi be wajah uthlana
sab hi aasaar keh tay hain

USSAY MUJH SE MUHABBAT HAI..!!   

__________________

Dua hai meri khuda say kayh !!!

Dua hai meri khuda say kayh !!!

Har qadam tumhara manzil ki taraf uthay
Aakash kay sitaro ko choo lo tum
Khushiyan har dam tumhari raha takay
Jugnuoo ki tarah jhilmilaoo tum

Kaash kay aisa ho jaye!

Kisi qadam par mehsoos na ho kami meri
Kisi maqam per mujh ko yaad na karo tum
Khushiyo may aisay apni magan raho
Kabhi mazi kay warq na palto tum

Magar yeh bhi yaad rakhna!

Agar kisi manzil per pahaunch kar koi dard mil jaye
Aankh tumhari jo kabhi pur nam ho jaye
Kabhi kisi apnay ki kami mehsoos karo to
To tum mujhay pukar laina

Aur agar yeh bhi na kar pao to!

Dil ko apnay simayt laina
Aur bas yaad mujhay tum kar laina
Aankho kay duwaro ko band kar laina
Mehsoos mujhay tum kar laina

Aur phir yun karna kay!

Saray raaz apnay dil kay
Tum mujh say keh laina
Saray dard apnay dil kay
Tum mujh say baant laina

Bas meri ek aakhri khuwaish yaad rakhna!

Jab meri hayat ka safar tamam honay lagay
Meray qadam meri akhri manzil ki taraf rawan honay lagay
Mujhay lahayd tak lay janay walay chaar apnay kandho may
Ek kanhdha tumhara bhi ho!

__________________

dil aaj bhi hai tumhain chahta

dil aaj bhi hai tumhain chahta
Aaj bhi is dil main basi hai chahat us ki

Jo beech bhanwar main tanha chor gaya hai mujhay
Lagta hai mujh ko aisay

Us say bechray huae jaisay sadiyan beet gain
Kay ek wo hi to tha hasil mera

Main kaisay samjhaon is dil ko………
Jo kisi pal manta hi nahi kay woh meri zindagi say door jaa chukka haii

Aaj main kisay apna mujrim kahoon?
Is dil ko jis nay chaha hai us ko?

Phir kisi yad nay shab bhar hay jagaya mujh ko

Phir kisi yad nay shab bhar hay jagaya mujh ko
Kiya saza di hay mohabat nay khudaya mujh ko


Din ko aaram hay na rat ko hay chain kabhi
Janay kis khaak say qudrat nay banaya mujh ko

Dukh to yeh hay keh zamanay main milay ghair sabhi
Jo mila hay woh mila ban kay paraya mujh ko

Jab koi bhi na raha kandha meray ronay ko
Ghar ki deewaron nay seenay say lagaya mujh ko

Uoon to umeed-e-wafa tum say nahein hay koi
Phir charaghon ki tarah kis nay jalaya mujh ko

Kabhi Kabhi Merey DIL Mein.......

Kabhi Kabhi Merey DIL Mein.......

Kabhi kabhi merey dil mein…..
Khayal aata hai….
Ke jaisey tujh ko…
Banaya gaya hai merey liyey

Toou iss se pehley sitaaron mein bus rahi thi kaheen
Tujhey zameen pe bulaaya gaya hai merey liyey

kabhi kabhi merey dil mein khayal aata hai
ke yeh badan ,yeh nigaahein meri amaanat hein
yeh gaisoo'oun ki ghani chaaon hai meri khatir
yeh hont aur yeh baanhein meri amaanut hain

kabhi kabhi merey dil mein kahayal aata hai….
Ke jaisey bajti hain sheh'naaiyaan si rahon mein

Suhaag raat hai,ghoonghat utha raha hoon mein
Simut rahi hai…tu sharma ke apni baanhon mein

Kabhi kabhi merey dil mein khayal aata hai
Ke jaisey toou mujhey chahey gee umer bhar yoonhi
Uthey gee meri taraf pyar ki nazar yoonhi
Mein janta hoon ke tu ghair hai ,magar yoonhin

Kabhi kabhi merey dil mein khayal ata hai
Kabhi kabhi….

Chandni tera naam aur chand ki roonaq tu hai

Chandni tera naam aur chand ki roonaq tu hai

Rashk khud per hai mujhe meri muhabat tu hai

Jab bhi soochon too khayaloon main tujhe hi soochon

Meri sooch samander aur is ki halchal tu hai

Tujh se qayem hai mere khuwaboon ki mehfil

Shab ki rahoon main mera sath mera humdam tu hai

Qayem hai tere hoone se meri sansoon ka rishta

Mera saya hai, meri zaat ke hisa tu hai

Sath *****e tera is tasawor se hi mer jaon ga

Merey Humdam,merey jeeney Ka Sahara tu Hay

Usay Matt Chhor Ke Jao

Suno!
Tum Azm Walay Ho
Bala Ka Zabt Rakhtay Ho
Tumhain Kuch Bhi Nahi Hoga
Magar Dekho
Jisay Tum Chhoray Jatay Ho
Usay Tou Theek Se Shayad
Bichharna Bhi Nahi Aata
Suno!
Tum Azam Walay Ho
Usay Matt Chhor Ke Jao

Nukta cheen hai, ghum-e-dil us ko sunaye na bane

Nukta cheen hai, ghum-e-dil us ko sunaye na bane
kia bane baat, jahan baaat banaye na bane

main bulata to hoon us ko, magar ae jazba-e-dil
us pe ban jaye kuch aisee, ke bin aaye na bane

khail samjha hai, kahin chor na de, bhool na jaye
kaash! yun bhi ho ke bin mere sataye na bane

gha'ir phirta hai liye yun tere khat ko keh agar
koi poochay ke ye kia hai, to chupaye na bane

is nazakat ka bura ho, wo bhale hain, to kia
haath aayen, to unhain haath lagaye na bane

keh sake ga kaun, ye jalwa gari kis ki hai
parda chora hai wo us ne ke uthaye na bane

maut ki rah na dekhoon? ke bin aaye na rahe
tum ko chahoon? ke na aao, to bulaye na bane

bolh wo sir se gira hai ke uthaye na uthe
kaam wo aan para hai ke banaye na bane

ishq par zor nahin, hai ye wo aatish
ke lagaye na lage, aur bujhaye na bane

__________________

Mohabat, Pyar, Chahat, Ishaq hotay hee adhuray hain

Adhuray Khoab kay ander

Kabhi palkain bichana maat

Adhuray khoab ankhoon ko bohat takleef detay hain

Adhuri yad ko dil ki zameen main maat bona

Adhuri yad dahrtkan main cubhti , siskati hay

Khalish ban ker kahtakti hay

Lahoo main bijlian ban ker bahtakti hay

Adhuray piyar ko......Lekin chlo tum janay do iss ko

Mohabat, Pyar, Chahat, Ishaq hotay hee adhuray hain

__________________

Kaash kay tum yeh jaan sako!

Kaash kay tum yeh jaan sako!

Tum bin kitnay tnha hain

Kaash kay tum yeh jaan sako

Khaeef her her lamha hain

Kaash kay tum yeh jaan sako

Aao kabhi chupkay say dekho

Jahank kay dil kay jhronkay say

Gum sum saray manzar hain

Kaash kay tum yeh jaan sako

Tumhari yaad kay saeay

Kitnay hain nazdeek hamaray

Jesay soonay jewan main

Aashaoon kay deep saharay

Kaash kay tum yeh jaan sako.........

__________________

Dil ki batain dil main reh jati hain

Dil ki batain dil main reh jati hain

Mulaqatain aduhuri reh jati hain

Batain rukti hain laboon pay aa kay

Esa tu siruf hamaray sath nahi hota

Yeh soch kay tasali ho jati hay

Ger kahna ho kuch tu mat sochana ziada

Warna sochain reh jati hain

Dil ki batain dil main reh jati hain

Mulaqatain adhuri reh jati hain

aik tasweer thi aur wo b kheen gum ker di

saanp hi saanp nazar atey hain khaboan main mujhey
zindgi gherney wali hai azaboan main mujhey


aik tasweer thi aur wo b kheen gum ker di
umer bhar dhundna ab apni kitaboan main mujhey

jab se utra hai terey dard ka nsha mujh main
lutf ata nhi dunya ki sharaboan main mujhey


wo mujhey chor'r gya tha kisi rangeeni main
wo jo ab dhundta rehta hai kharaboan main mujhey


tum ne ik umer kia hai nazar andaz Wasi
aur ab dhundtey phirtey ho saraboan main mujhey


zarb_o_taqseem  ishq main lahasil hai
janey q khojtey rehtey ho hisaboan main mujhey

hum ab jeene ki umeed chor baithe hain

hum ab jeene ki umeed chor baithe hain...
waqt main haton ki lakeer chor baithe hain

ye duniya kabhi raas aayi hi nahi ab tak
jawani budhape se pehle sans chor baithe hain

pyar kiya humene kisi ko gawara nahi hua
lo uski khatir ab ye jahan chor baithe hain...

maa ne sambhala nahi ... baap bechara lachar tha
aankhon mai rahe sapnon ki tabir chor baithe hain
bas ab waqt ginte hai sanson ke sath ..
tere aane ki ab hum umeed chor baithe hain

chalna hai na jane koun si ghadi main yahan se
"pari" ke jahan ke arman chor baithe hain...

ansoo aankh se girte hai...tujhpe "saccha_pyar"
apne rukhsaron pe angar chor baithe hain...

Sharmate Hue Wo Tera Paas Aana

Sharmate Hue Wo Tera Paas Aana,
Wo Nazre Milana Milake Jhukana,

Lajate Hue Teri Palkon Ka Pehra,
Bhule To Kaise Wo Chand Sa Chehra,

Wo Saawan Ki Baatein Pahadon Ka Jharna,
Un Geele Se Kapdon Mein Tera Aahein Bharna,

Saagar Si Aankhon Mein Main Utra Tha Gehra,
Bhule To Kaise Wo Chand Sa Chehra,

Wo Chhoti Si Baat Pe Tera Rooth Jaana,
Bichhadte Hue Tera Haath Chhut Jana,

Tere AshQon Mein Bujhta Wo Suraj Sunehra,
Bhule To Kaise Wo Chand Sa Chehra,

Wo Meethe Se Hothon Se Meethi Si Baatein,
Mohabbat Ke Nagmo Se Bheegi Si Raatein,

Teri Kami Se Jalta Ye Dil Ye Sehra,
Bhule To Kaise Wo Chand Sa Chehra...

Paa-Ba-Gil Sab Hai Rihayi Ki Kare Tadabir Kaun

Paa-Ba-Gil Sab Hai Rihayi Ki Kare Tadabir Kaun,
Dast-Basta Sheher Mein Khole Meri Zanjeer Kaun,

Mera Sar Haazir Hai Lekin Mera Munsif Dekh Le,
Kar Raha Ha Imere Fard-E-Jurm Ki Taharir Kaun,

Aaj Darwazon Pe Dastak Jaani Pehchani Si Hai,
Aaj Mere Naam Lata Hai Meri Taazir Kaun,

Neend Jab Khwabon Se Pyaari Ho To Aise Ahad Mein,
Khwaab Dekhe Kaun Aur Khwabon Ko De Taabir Kaun,

Ret Abhi Pichhle Makano Ki Na Waapas Aayi Thi,
Phir Lab-E-Saahil Gharaunda Kar Gaya Taamir Kaun,

Saare Rishte Hijraton Mein Saath Dete Hai To Phir
Sheher Se Jaate Hue Hota Hai Daamangeer Kaun,

Meri Chadar To Chhini Thi Shaam Ki Tanhayi Ne,
Beridayi Ko Meri Phir De Gaya Tashaheer Kaun,

Dushamno Ke Sath Mere Dost Bhi Aazaad Hai,
Dekhna Hai Khichta Hai Mujhpe Pehla Teer Kaun...

Tumne Dil Ki Baat Keh Di Aaj Ye Achha Hua

Tumne Dil Ki Baat Keh Di Aaj Ye Achha Hua,
Hum Tumhe Achha Samajhte The Bada Dhoka Hua,

Jab Bhi Humne Kuch Kaha Uska Asar Ulta Hua,
Aap Shayad Bhulte Hai Baraha Aisa Hua,

Aapki Aankhon Mein Ye Aansu Kahan Se Aagaye,
Hum To Deewane Hai Magar Aapko Ye Kya Hua,

Aap Kisise Kya Kahein Hum Apni Daastan,
Bas KHUDA Ka Shukr Hai Jo Bhi Hua Achha Hua...

Sanam Ne Chashm Ko Jis Raah Ka Intezaar Diya

Sanam Ne Chashm Ko Jis Raah Ka Intezaar Diya,
Hum Aise The Ke Ye Jeewan Wahin Guzar Diya,

Gayi Wo Umr Magar Tees Na Gayi Dilse,
Diya Jo Zakhm Wafa Ne So Yaadgaar Diya,

Jigar Ke Waaste Paida Sharaab Kar Daali,
Khuda Ne Dil Ko Na Koi Bhi Gam-Gusaar Diya,

Jahan Kisiko Lagaya Hai Apne Seene Se,
Usi Ne Taak Ke Khanjar Wahin Utaar Diya,

Bhale Hi Chhod Diya Raaste Mein Yaaron Ne,
Hamari Zaat Ka Aakhir Koi Aitbaar Diya,

Dhula Dhula Sa Ye Chehra, Ye Surkh Si Aankhein,
Tumhare Gam Ne Hamein Aur Bhi Nikhaar Diya,

Mere Badan Pe Ye Aankhein Kuch Aisi Lagti Hai,
Kisi Ki Qabr Pe Jaise Ho Sogwaar Diya,

Dilon Se Khelna Aadat Badi Kharab Thi,
Kisi Ne Khel Ke Tumse Tumhe Sudhaar Diya...

Haath Mera Aye Meri Parchhayi Tu Hi Thaam Le

Haath Mera Aye Meri Parchhayi Tu Hi Thaam Le,
Ek Muddat Se Mujhe To Soojhta Kuch Bhi Nahi,

Shaher-E-Shab Mein Kaunsa Ghar Tha Jispar Na Di Sada,
Neend Ke Andhe Musaafir Ko Mila Kuch Bhi Nahi,

Umar Bhar Umar-E-Gurezaan Se Na Meri Ban Saki,
Jo Kare Karti Rahe Main Puchhta Kuch Bhi Nahi,

Wo Bhi Shayad Ro Pade Veeran Kagaz Dekh Kar,
Maine Usko Aakhri Khat Mein Likha Kuch Bhi Nahi

Zulmat-E-Shab Mein Ujaalo Ki Tamanna Na Karo

Zulmat-E-Shab Mein Ujaalo Ki Tamanna Na Karo,
Khwaab Dekha Hai To Ab Khwaab Ko Ruswa Na Karo,

Bojh Suraj Ka Padega To Lachak Jayegi,
Raat Ki Surmayi Shaahon Pe Bharosa Na Karo,

Khwaab, Ummid, Nasha, Saans, Tabassum, Aansu,
Tootne Wali Kisi Shay Par Bharosa Na Karo,

Humne Aankhon Ko Jalaya Tha Ke Kuch Dhundh Chhate,
Tum Nayi Nasl Ke Sooraj Ho Tum Aisa Na Karo,

AshQ Peene Ka Hunar Seekh Lo Humse Aakar,
Jazba-E-Dil Ko Nigaahon Se Havedaa Na Karo,

Mausami Barf Hai Kuch Der Mein Pighal Jayenge,
In Badalte Hue Rishton Par Bharosa Na Karo,

Ye Fazaa Raas Na Aayegi Tumhe Aye SANAM,
Yaad Guzre Hue Lamhaat Ki Taaza Na Karo...

Kya Bhala Mujhko Parakhne Ka Nateeja Nikla

Kya Bhala Mujhko Parakhne Ka Nateeja Nikla,
Zahm-E-Dil Aap Ki Nazron Se Bhi Gehra Nikla,

Tod Kar Dekh Liya Aayina-E-Dil Tune,
Teri Soorat Ke Siwa Aur Bata Kya Nikla,

Tishnagi Jam Gayi Patthar Ki Tarah Hothon Par,
Doob Kar Tere Dariya Mein Main Pyaasa Nikla...

Dil Mein Na Ho Jurrat To Mohabbat Nahi Milti

Dil Mein Na Ho Jurrat To Mohabbat Nahi Milti,
Khairaat Mein Itni Badi Daulat Nahi Milti,

Kuch Log Yun Hi Shaher Mein Humse Bhi Khafa Hai,
Har Ek Se Apni Bhi Tabiyat Nahi Milti,

Dekha Tha Jise Maine Koi Aur Tha Shayad,
Wo Kaun Hai Jisse Teri Surat Nahi Milti,

Hanste Hue Chehronse Hai Bazaar Ki Zeenat,
Rone Ko Yahan Waise Bhi Fursat Nahi Milti...

Jahan Mein Jaaun Hawa Ka Yehi Ishara Hai

Jahan Mein Jaaun Hawa Ka Yehi Ishara Hai,
Koi Nahi Jo Yahan Muntazir Tumhara Hai,

Meri Bujhti Hui Aankhon Ko Roshni Bakshe,
Wo Phool Jo Tere Chehre Ka Ista'aara Ho,

Chala Hoon Apni Hi Baaz Awaz-E-Baazgasht Pe Yun,
Kisine Door Se Jasie Mujhe Pukara Ho,

Ganwa Chuke Kayi Umrein Ummidwaar Tere,
Kahan Tak Aur Teri Berukhi Ganwara Ho,

Tu Paas Aate Hue Mujhse Door Ho Jaye,
Ajab Nahi Ke Yehi Haadsa Dobara Ho,

Nazar Farebi-E-Rang-Chaman Se Bach FAYSAL,
Jise Tu Phool Samajh Ke Kahin Sharara Na Ho...

Tu Paas Bhi Ho To Dil Bekarar Apna Hai

Tu Paas Bhi Ho To Dil Bekarar Apna Hai,
Ke Humko Tera Nahi Intezaar Apna Hai,

Mile Koi Bhi Tera Zikr Chhed Dete Hai,
Ke Jaise Sara Jahan Raazdaar Apna Hai,

Wo Door Ho To Baja Tark-E-Dosti Ka Khayal,
Wo Samne Ho To Kab Ikhtiyaar Apna Hai,

Zamane Bhar Ke Dhukhon Ko Laga Liya Dilse,
Aasre Pe Ke Ek Gam Gusaar Apna Hai,

FAYSAL Rahat-E-Jaan Bhi Wahi Hai Kya Kijiye,
Wo Jiske Haath Se Seena Figaar Apna Hai...

Sab Se Chhupa Ke Gum Jo Wo Muskura Diya

Sab Se Chhupa Ke Gum Jo Wo Muskura Diya,
Uski Hansi Ne To Aaj Mujhko Rula Diya,

Lehje Se Uth Rahi Thi Har Ke Dard Ki Daastan,
Chehra Bata Raha Tha Ke Sab Kuch Ganwa Diya,

Awaz Mein Thehrav Tha, Aankhon Mein Nami Thi,
Aur Keh Raha Tha Ke Maine Sab Kuch Bhula Diya,

Jaane Kya Usko Logonse Thi Shikayatein,
Tanhaiyon Ke Des Mein Khudko Basa Diya,

Khud Bhi Wo Humse Bichhad Ke Adhoora Sa Ho Gaya,
Mujhko Bhi Itne Logon Mein Tanha Bana Gaya...

WO Bazaahir Jo Zamane Se Khafa Lagta Hai

WO Bazaahir Jo Zamane Se Khafa Lagta Hai,
Hans Ke Bole Bhi To Duniya Se Juda Lagta Hai,

Aur Kuch Der Na Bujhne De Isse Rab-E-Sahar,
Doobta Chand, Mera Dast-E-Dua Lagta Hai,

Jisse Munh Fer Ke Raste Ki Hawa Guzri Hai,
Kisi Ujde Hue Aangan Ka Diya Lagta Hai,

Ab Ke Saawan Mein Bhi Zardee Na Gayi Chehron Ki,
Aise Mausam Mein To Jungle Bhi Hara Lagta Hai,

Sheher Ki Bhid Mein Kholte Hai Kahan Uske Nakoosh,
Aao Tanhayi Mein Sochein Ke Wo Kya Lagta Hai,

Munh Chhupaye Hue Guzra Hai Jo Ehbaabse Aaj,
Uski Aankhon Mein Koi Zakhm Naya Lagta Hai,

Ab To Mohsin Ke Tasavvur Mein Utar Rab-E-Jaleel,
Is Udaasi Mein To Pathar Bhi Khuda Lagta Hai...

Badi Baaton Ko Khayal Mein Na Lana Uski Aadat Hai

Badi Baaton Ko Khayal Mein Na Lana Uski Aadat Hai,
Zara Si Baat Par Toofan Uthana Uski Aadat Hai,

Mohabbat Mein Bhi Wo Taza Ba-Taza Ka Hi Qail Hai,
Poori Chahaton Ko Bhool Jana Uski Aadat Hai,

Zyada Garoor Bhi Achha Nahi Hai Aisi Baaton Par,
Kisika Naam Likh Likh Kar Mitana Uski Aadat Hai,

Lagta Rehta Hai Koi Dilon Mein Aag Si Goya,
Hamesha Lakdiyan Geeli Jalana Uski Aadat Hai,

Mohabbat Mein Wo Sanjeeda Hai Kitna Dekhte Rehna,
Mohabbat Har Kisise Yun Jatana Uski Aadat Hai,

Shikayat Karne Aaye Ho To Itna Zehen Mein Rakhna,
Sabhi Baaton Ko Baaton Mein Udana Uski Aadat Hai...

Chand Phir Udaas Hai...

Ajnabi Si Raahon Mein,
Door Tak Nigahon Mein,
Teergi Ka Mausam Hai,
Berukhi Ka Mausam Hai,
Aaj Phir Nigahon Ko
Beete Kal Ki Pyaas Hai,
Aisa Lagta Hai Jaise,
Chand Phir Udaas Hai,

Rang Phike Phike Hai,
Taare Roothe Roothe Hai,
Badalon Ka Shor Hai,
Khizaan Khizaan Ye Daur Hai,
Is Kadar Akele Mein
Pyar Ki Talash Hai,
Aisa Lagta Hai Jaise,
Chand Phir Udaas Hai,

Ajab Hai Dil Ki Wehshatein,
Aur Aas Paas Aahatein,
Jisko Dhundna Chaho,
Usko Dhund Kab Paao,
Phir Raha Hoon Darbadar,
Maujazey Ki Aas Hai,
Aisa Lagta Hai Jaise,
Chand Phir Udaas Hai,

Baat To Kare Koi,
Saath To Chale Koi,
Khamoshi Ke Pehre Hai,
Zakham Dilke Gehre Hai,
Aaj Wo Mile Mujhko Dard Jisko Raas Hai,
Aisa Lagta Hai Jaise,
Chand Phir Udaas Hai...

Utri Ajeeb Roshniyaan Raat Khwaab Mein

Utri Ajeeb Roshniyaan Raat Khwaab Mein,
Kay Kya Na Aks Tair Rahe The Sharab Mein,

Kab Se Hai Ek Harf Pe Nazrein Jami Hui,
Wo Padh Raha Hon Jo Nahi Likha Kitaab Mein,

Phir Tareeki Ki Khwaab Se Chaunka Hai Rasta,
Phir Roshni Se Door Gayi Hai Shabab Mein,

Paani Nahi Ke Apne Hi Chehre Ko Dekh L'un,
Manzar Zameen Ke Dhundta Hoon Mehtaab Mein,

Kab Tak Rahega Rooh Pe Pairhaan-E-Badan,
Kab Tak Hawa Aeer Rahegi Hubaab Mein,

Jeene Ke Sath Maut Ka Dar Hai Laga Hua,
Khooshki Dikhayi Di Hai Samundar Ko Khwab Mein,

Ek Yaad Hai Ke Chheen Rahi Hai Labon Se Jaam,
Ek Aks Hai Ke Kaanp Raha Hai Sharab Mein...

Dhuwan Banake Fiza Mein Uda Diya Mujhko

Dhuwan Banake Fiza Mein Uda Diya Mujhko,
Main Jal Raha Tha Kisine Bujha Diya Mujhko,

TariQeeyon Ka Fasana Suna Diya Mujhko,
Abhi Hansa Bhi Tha Aur Rula Diya Mujhko,

Main Ek Zara Bulandi Ko Chhune Nikla Tha,
Hawa Ne Thaam Ke Zameen Par Gira Diya Mujhko,

Safed Saang Ki Chaadar Lapet Kar Mujhpar,
Faseel-E-Sheher Pe Kisne Saja Diya Mujhko,

Khada Hoon Aaj Bhi Roti Ke Chaar Harf Liye,
Sawal Ye Hai Kitabnon Ne Kya Diya Mujhko,

Na Jaane Kaunsa Jazba Tha Jisne Khud Hi,
Meri Hi Zaat Ka Dushman Bana Diya Mujhko...

Mere Naseeb Ne Jab Mujhse InteQaam Liya

Mere Naseeb Ne Jab Mujhse InteQaam Liya,
Kahan Kahan Teri Yaadon Ne Hath Thaam Liya,

Faza Ki Aankh Bhar Aayi Hawa Ka Rang Uda,
Sukoot-E-Shaam Ne Chupke Se Tera Naam Liya,

Wo Main Nahi Tha Ek Harf Bhi Na Keh Paya,
Wo Bebasi Thi Ke Jisne Tera Salaam Liya,

Har Ek Khushi Mein Tere Gam Ki Aabroo Rakh Li,
Har Khushi Se Tere Gam Ne InteQaam Liya...

Dukh Fasan Nahi Ke Tujhse Kahein,

Dukh Fasan Nahi Ke Tujhse Kahein,
Dil Bhi Mana Nahi Ke Tujhse Kahein,

Aaj Tak Apni Behaali Ka Sabab,
Khud Bhi Jaana Nahi Ke Tujhse Kahein,

Ek Tu Harf-Aashna Tha Magar,
Ab Zamana Nahi Ke Tujhse Kahein,

Betarah Dil Hai Aur Tujhse,
Dostana Nahi Ke Tujhse Kahe,

Aye Khuda Dard-E-Dil Hai Bakhashish-E-Dost,
Aab-O-Dana Nahi Ke Tujhse Kahein...

Silsila tod gaya wo sabhi jaate jaate,

Silsila tod gaya wo sabhi jaate jaate,
warna itne to marasim the ke aate jaate,

Shikwa-e-zulmat-e-shab se to kahin behtar tha,
apne hisse ki koi shamma jalate jalate,

Kitna aasan tha tere hijr mein marna jaana,
phir bhi ek umr lagi jaan se jaate jaate,

jashn-e-maqtal hi na barpa hua warna hum bhi,
paa-bajolaan hi sahi naachte gaate,

uski wo jaane usse paas-e-wafa tha ke na tha,
tum "faraz" apni taraf se to nibhate jaate...

Ek Hunar Hai Jo Kar Gaya Hoon Main

Ek Hunar Hai Jo Kar Gaya Hoon Main,
Sab Ke Dilse Utar Gaya Hoon Main,

Kaise Apni Hansi Ko Zabt Karun,
Sun Raha Hoon Ke Ghar Gaya Hoon Main,

Kya Bataun Ke Mar Nahi Paata,
Jeete Jee Jab Se Mar Gaya Hoon Main,

Ab Hai Bas Apna Saamna Darpesh,
Har Kisi Se Guzar Gaya Hoon Main,

Wohi Naaz-O-Ada, Wohi Gamze,
Sar-Ba-Sar Aap Par Gaya Hoon Main,

Ajab Ilzaam Hoon Zamane Ka,
Ke Yahan Sabke Sar Gaya Hoon Main,

Kabhi Kud Tak Pahuch Nahi Paaya,
Jab Keh Vaan Umr Bhar Gaya Hoon Main,

Tumse Jaanaan Mila Hoon Jis Dinse,
Be-Tarah,Khud Se Dar Gaya Hoon Main,

Kooche-E-Janaan Mila Hoon Jis Din Se,
Ke Achanak Sudhar Gaya Hoon Main...

akser sawan rut main badil ghir ghir ker to aye bahut

akser sawan rut main badil ghir ghir ker to aye bahut
lakin bund na bersa pay masti main itray bahut

kaisy maan ki baat kahun main kaisy uss ko smjhaun
mery jazboo ko na smjhy muj ko he smjhay bahut

kheal tamasha smjhy thy wo mery sary jazboo ko
dekhi ishq ki jeb ghrai, aakhir main ghbray bahut

shehr-e-dil ko sehraa keh ker guzry thy wo beperwa
pelat k dekha veerany main tenha to pechtay bahut

aata hai jo garj garj ker badil keb wo bersy hai
kaisy piyaas bhuji gi meri khud he jo tersaay bahut

iss ne bedli reet wafa ki tum bhi badlo ab
kuch na badla itny baras tek aanso to bersaay bahut....

KhushiyaaN hamaari aaj sar-e-daar tak gayin

KhushiyaaN hamaari aaj sar-e-daar tak gayin
RuswaiyaaN bhii kuuchaa-o-baazaar tak gayin

Tanhaaiyoon ne faasale saare miTaa diye
parchaiyaaN merii terii diwaar tak gayin

Wo ehataraam-e-Gham thaa ke lab tak naa hil sake
Nazren uThiin to sar-e-hadd-e-guftaar tak gayin

Tum ne jalaayaa meraa nasheman to Gham nahin
ChingaariyaaN urin gul-o-gulazaar tak gayin

Garqaab hone waalon ko kuchh to milii madad
Sahil se kuch sadaayen majhadhaar tak gayin

kabhi teri rafaqat sey nikalna hi nai mumkin

kabhi teri rafaqat sey nikalna hi nai mumkin
kabhi daaman chura lena bohjat asaan lagta hai
kabhi tum roothtey ho tau ajab mushkil c perti hai
kabhi tumko mana lena bohat asaan lagta hai
kabhi samjha karo kuch faisle halaat kartey hen
kabhi wadey nibha lena bohat asaan lagta hai
kabhi kuch din tumharey bin guzartey hi nahin lakin
kabhi mudat bita dena bohat asaan lagta hai

Bohat Khamosh Reh Ker Wo Saddai'n Mujh Ko Deta Tha

Bohat Khamosh Reh Ker Wo Saddai'n Mujh Ko Deta Tha
Baray Bherpoor Jazboo'n Ki Qabbai'n Mujh Ko Deta Tha

Kabhi Jo Dard Ki Aatish Mujhay Sulganay Lagti Thi
Wo Apnay Saans Ki Mehki Hawaai'n Mujh Ko Deta Tha

Wo Us Ki chahattai'n Bhi Sari Dunya Se Anokhi Theen
Riazut Khud Wo Karta Tha Jazzai'n Mujh Ko Deta Tha

Meray Ehsaas Kay Sehraoo'n Mai Jo Dhoop Barhti Thi
Wo Mousam Ka Khuda Ban Kar Ghattai'n Mujh Ko Deta Tha

Usay Mai Ajnabi Samjha Mager Her More Par faysal
Wo Apnay Naam Ki Saari Duaai'n Mujh Ko Deta Tha

Ik Sira Tu Hai Salamat, Dosra Totta Howa

Ik Sira Tu Hai Salamat, Dosra Totta Howa
Aao Phir Se Jore Dain, Yeh Silsila Totta Howa

Us Ko Dekha Ek Nazer Tu Dekhtay He Reh Gaye
Us Kay Baad Ab Khud Se Bhi Hai Rabta Totta Howa

Tum Humaray Dil Kay Talib Orr Hum Ehraan Hain
Kia Karo Gay Le Kay Ab Yeh Aiena Totta Howa

Ik Tamanna Thi Meri So Wo Shikusta Ho Chuki
Ik Sapna Tha Mera Jo Reh Gaya Totta Howa

Mai Ne Jis Ko Jornay Mai Umer Apni Kaat Di
Ajj Wo Paiker Mujhay Kehnay Laga Totta Howa

Mai Hoon Darya Mai Ghotazun Guher Kay Wastay
Orr Wo Laya Hai Bhi Tu Kia, Kacha Garha Toota Howa

Muddatoo'n Kay Baad faysal Wo Mila Tu Yeh Khula
Hum Tu Bikheray He Thay Lakin Wo Bhi Tha Totta howa

Aankhein bhi wohi hein tu darecha bhi wohi hai

Aankhein bhi wohi hein tu darecha bhi wohi hai
aur soch keh aangan mein utarta bhi wohi hai

Jis ne meri jazbon ki sadaqat ko na samjha
ub meri rafaqat ko tarasta bhi wohi hai

Iss dil ke kharabey se guzar kiska hua hai
Aankhein bhi wohi, hont bhi, lehja bhi wohi hai

Jo kuch bhi kaha tha meri tanhai ne tujh se
Iss sheher ki dewaar pe likha bhi wohi hai

Woh jis ne diey mujhko mohabbat ke khazaaney
Badal ki tarhan aankh se barsa bhi wohi ha

haiN ghar kii muhaafiz merii dahakii huii aaNkheiN

haiN ghar kii muhaafiz merii dahakii huii aaNkheiN
maiN taaq meN rakh aayaa hooN jalatii huii aaNkheiN

ik pal bhii kisii moRh pe rukane nahiiN detiiN
kaaNToN kii tarah jism meN chubhatii huii aaNkheiN

raste meN qadam phooNk ke rakhanaa mere pyaaro
haiN chaaroN taraf shahar meN bikharii huii aaNkheiN

yooN us ke bichhaRh jaane pe aaNsoo na bahaao
manzar ko taras jaayeNgii bhiigii huii aaNkheiN

qaatil ke sivaa koii samajh hii nahiiN sakataa
kyaa dekhatii haiN tasht meN rakkhii huii aaNkheiN

kyaa jaaniye kis Khvaab kii taabiir meN ghum haiN
zulfoN kii ghanii chaaNv meN ulajhii huii aaNkheiN

'faysal' shab-e-tiiraa meN ujaaloN kii amiiN haiN
nafrat ke samundar meN ye bahatii huii aaNkheiN

kiyon churaatay ho dekh kar aankhain

kiyon churaatay ho dekh kar aankhain
kar chuki meray dil mein ghar aankhain

chasham-e-nargis ko dekh lain phir hum
tum dikhaa do jo ik nazar aankhain

hai dawaa unki aatish-e-rukhsaar
senktay hain iss aag par aankhain

koi aasaan hai tera deedaar
pahlay banwaaye tow bashar aankhain

jalwaah-e-yaar ki na taab huwee
Toot aayi hain kis qadar aankhain

dil ko to ghoont-ghoont kar rakhhaa
maanti hi nahi magar aankhain

na gayi taank jhaank ki aadat
liye phirtii hain dar ba dar aankhain

kyaa yeh jaadoo_bhara na thha kaajal?
surKh kar li jo paunch kar aankhain

naavak-o-neeshtar teri palkain
sihr-pardaaz-o-fitnaagar aankhain

yeh niraala hai sharm ka andaaz
baat kartay ho dhaank kar aankhain

Khaak par kiyun ho naqsh-e-paa tera
hum bichhayen zameen par aankhain

nohaagar kaun hai muqaddar par
ronay waalon mein hain magar aankhain

yehi rona hai gar shab-e-Ghum ka
phooT jaayengi taa seher aankhain

Haal-e-dil dekhna nahi aata
dil ki banwaayen chaaragar aankhain

''DaaGh'' aankhain nikaaltay hain woh
unnko de do nikaal kar aankhain

kahan kahan se sameitoon shikasta khwaabon ko

kahan kahan se sameitoon shikasta khwaabon ko
ke zabt e gham ka saleeqa nahin hai aankhon ko

ajab bahaar -e- khizaan hai chaman main ab ki bahaar
hawa urraati phiri mere khushk pat'ton ko

safer abhi to zara sa kia hai tere baghair
abhi to rona buhat hai udaas aankhon ko

abhi to umer ka ye dasht paar kerna hai
charaagh kerna hai kuch be charaagh raaton ko

wo raasta bhi ajab tha wo humsafer bhi kamaal
jo mujh ko sounp gaya serphiri hawaaon ko

ke jin ko kaat dain khud mouja -e- bahaar ke haath
sajaye kon phir aisi bureedah shaakhon ko

chamakti jati hain or bheegti bhi jaati hain
huner ye kis ne sikhaya hai meri palkon ko

main bhool jati hoon her subah tera naam mager
main yaad kerti hoon her raat teri baaton ko